by Midhun HP News | Dec 4, 2023 | Latest News, ദേശീയ വാർത്ത
മിഗ്ജൗമ് ചുഴലിക്കാറ്റിനെ തുടർന്ന് ചെന്നൈ വിമാനത്താവളം അടച്ചു. 20 വിമാനങ്ങൾ റദ്ദാക്കുകയും എട്ടു വിമാനങ്ങൾ ബെംഗളൂരു വഴി തിരിച്ചുവിടുകയും ചെയ്യും. ചുഴലിക്കാറ്റിനെ തുടർന്ന് 118 ട്രെയിനുകൾ ഇന്ത്യൻ റെയിൽവേ റദ്ദാക്കിയിരുന്നു. വന്ദേഭാരത് ഉൾപ്പെടെ ചെന്നൈയിലേക്കുള്ള ആറു ട്രെയിനുകളും റദ്ദാക്കിയിരുന്നു.
ചുഴലിക്കാറ്റ് മുന്നറിയിപ്പിനെ തുടർന്ന് കേരളത്തിലേക്കുള്ള 30 ട്രെയിനുകളും റദ്ദാക്കിട്ടുണ്ട്. ഇന്നലെ രാത്രി പെയ്ത കനത്തമഴയിൽ ചെന്നൈ നഗരത്തിൽ പലയിടത്തും വെള്ളം കയറി. ചെന്നൈ അടക്കം നാല് ജില്ലകളിൽ റെഡ് അലേർട്ട് നിലനിൽക്കുകയാണ്. തമിഴ്നാട് തീരത്ത് മത്സ്യബന്ധനം പൂർണമായി വിലക്കി. ചെന്നൈ, തിരുവള്ളൂർ, ചെങ്കൽപ്പെട്ട്, കാഞ്ചീപുരം, റാണിപ്പെട്ട്, വിഴുപ്പുറം ജില്ലകളിൽ പൊതു അവധി ആണ്.
ഭൂരിഭാഗം റോഡുകളും വെള്ളത്തിനടിയിലായി. നഗരത്തിലെ അണ്ടർ ബൈപാസുകൾ അടച്ചു. ആളുകളെ സുരക്ഷിത സ്ഥാനത്തേക്ക് മാറ്റി. വൈകിട്ട് വരെ മഴ തുടരുമെന്ന് മുന്നറിയിപ്പിൽ പറയുന്നത്. അത്യാവശ്യ കാര്യങ്ങൾക്ക് മാത്രമേ പുറത്തിറങ്ങാവൂ എന്ന് മുന്നറിയിപ്പ് പുറപ്പെടുവിച്ചിട്ടുണ്ട്.സ്വകാര്യ സ്ഥാപനങ്ങളിൽ വർക്ക് ഫ്രേം ഹോം സംവിധാനം ഏർപ്പെടുത്തി. ദുരിദാശ്വാസ ക്യാമ്പുകളും തുറന്നു.
by Midhun HP News | Dec 4, 2023 | Latest News, ദേശീയ വാർത്ത
ലണ്ടന്: ഓക്സ്ഫോര്ഡ് യൂണിവേഴ്സിറ്റി പ്രസിന്റെ 2023 ലെ വാക്ക് ആയി ‘ റിസ് ‘ നെ തെരഞ്ഞടുത്തു. 32,000ലധികം വോട്ടുകള് നേടിയാണ് റിസ് ഒന്നാമതെത്തിയത്. ശൈലി, ആകര്ഷണം എന്നിങ്ങനെയാണ് ഈ വാക്കിന്റെ അര്ഥം.
റിസ് എന്ന വാക്ക് കൂടുതലും കാണാറുള്ളത് സോഷ്യല് മീഡിയ പ്ലാറ്റ്ഫോമുകളിലാണ്. ഹാഷ്ടാഗായാണ് ഈ വാക്കുകള് കൂടുതലും കാണുന്നത്. ഇന്റര്നെറ്റ് ഭാഷയായി യുവത്വം ആണ് കൂടുതലായി ഈ വാക്കുപയോഗിക്കുന്നതെന്നാണ് കണ്ടെത്തല്.
‘കറിസ്മ’ എന്ന വാക്കിന്റെ മധ്യഭാഗത്തു നിന്നാണ് റിസ് എന്ന വാക്കുണ്ടായതെന്നും ഓക്സ്ഫോര്ഡ് യൂണിവേഴ്സിറ്റി പ്രസ് പറയുന്നു.
ഓക്സ്ഫോര്ഡിന്റെ കണക്കനുസരിച്ച് 2022ലാണ് റിസ് എന്ന വാക്ക് ആദ്യമായി രേഖപ്പെടുത്തിയത്. പുതുതലമുറയുടെ റിസ് ഉണ്ടോ ഇംഗ്ലണ്ടിലെ നടന് ടോം ഹോളണ്ടിനോട് ചോദിച്ചപ്പോള് തനിക്ക് റിസ് ഇല്ലെന്നും എന്നാല് പരിമിതമായി റിസ് ഉണ്ടെന്നുമുള്ള നടന്റെ മറുപടി വ്യാപകമായി ചര്ച്ച ആയിരുന്നു. എട്ട് വാക്കുകളാണ് അവസാന പട്ടികയില് ഉണ്ടായിരുന്നത്. അതില് നിന്നാണ് 2023ലെ ധാര്മികത, മാനസികാവസ്ഥ എന്നിവ പ്രകടിപ്പിക്കുന്ന വാക്കായി റിസ് തെരഞ്ഞെടുക്കുന്നത്.
കഴിഞ്ഞ വര്ഷത്തെ ഓക്സ്ഫോര്ഡ് വേര്ഡ് ഓഫ് ദി ഇയര് ‘ഗോബ്ലിന് മോഡ്’ ആയിരുന്നു. നിഷേധാത്മകമായി സ്വയം ആഹ്ലാദിക്കുന്ന, അലസമായ, അല്ലെങ്കില് അത്യാഗ്രഹമുള്ള പെരുമാറ്റം എന്നിങ്ങനെയായിരുന്നു ആ വാക്കിന്റെ അര്ഥം.
നവംബറില്, കോളിന്സ് നിഘണ്ടു നിര്മ്മാതാക്കള് 2023ലെ വാക്ക് ആര്ട്ടിഫിഷ്യല് ഇന്റലിജന്സ് ആണെന്നായിരുന്നു കണ്ടെത്തിയത്. എഐ ആണ് ഈ വര്ഷത്തെ ഏറ്റവും ശ്രദ്ധേയമായ വാക്കെന്നായിരുന്നു കോളിന്സ് നിഘണ്ടു കണ്ടെത്തിയത്.
by Midhun HP News | Dec 4, 2023 | Latest News, ദേശീയ വാർത്ത
ചെന്നൈ: മിഷോങ് ചുഴലിക്കാറ്റ് ചൊവ്വാഴ്ച പുലര്ച്ചെ കരതൊടുന്ന സാഹചര്യത്തില് തമിഴ്നാട്ടില് തീവ്ര മഴ തുടരുന്നു. കനത്ത മഴയില് ഈസ്റ്റ് കോസ്റ്റ് റോഡില് മതിലിടിഞ്ഞ് രണ്ട് പേര് മരിച്ചു. നഗരത്തില് രൂക്ഷമായ വെള്ളക്കെട്ട് ആയതോടെ ജനജീവിതം പൂര്ണമായി നിശ്ചലമായി. വെള്ളം കയറിയതിനെ തുടര്ന്ന് ചെന്നൈ വിമാനത്താവളവും അടച്ചു.
പുതുച്ചേരിയിലും കനത്ത മഴ തുടരുകയാണ്. ജനങ്ങളോട് അടിയന്തരാവശ്യത്തിനൊഴികെ വീടിന് പുറത്തിറങ്ങരുതെന്ന് അധികൃതര് കര്ശന നിര്ദേശം നല്കി. അതിശക്തമായ മഴയും കാറ്റും തുടരുന്ന സാഹചര്യത്തില് ചെന്നൈ നഗരത്തിലെ പല സ്ഥലങ്ങളും വെള്ളത്തിനടയിലാണ്. പലയിടത്തും വൈദ്യതി ബന്ധം വിഛേദിച്ചു. വൈകിട്ട് വരെ അതിശക്തമായ മഴ തുടരുമെന്നാണ് മുന്നറിയിപ്പ്. വടക്കന് തമിഴ്നാട്ടില് അതിശക്തമായ മഴയാണ് അനുഭവപ്പെടുന്നത്.
ട്രെയിന് ഗതാഗതവും നിലച്ചു. 118 ട്രെയിനുകള് സര്വീസുകള് റദ്ദാക്കി. കേരളത്തില് കൂടി കടന്നുപോകുന്ന 35 സര്വീസുകളും റദ്ദാക്കിയതില് ഉള്പ്പെടുന്നു. കനത്ത മഴയില് സ്ബ് വേകളും അടിപ്പാലങ്ങളും മുങ്ങി. നിരവധി ഇടങ്ങളില് മരങ്ങള് കടപുഴകി. വഴിയോരങ്ങളില് നിര്ത്തിയിട്ടിരുന്ന നിരവധി വാഹനങ്ങള് ഒഴുകിപ്പോയി.
by Midhun HP News | Dec 4, 2023 | Latest News, ദേശീയ വാർത്ത
തെലങ്കാനയിലെ ദിണ്ടിഗലിൽ ഇന്ത്യൻ വ്യോമസേനയുടെ പരിശീലന വിമാനം തകർന്നുവീണു. അപകടത്തിൽ രണ്ട് പൈലറ്റുമാർ മരിച്ചു. ഒരു പരിശീലകനും ഒരു കേഡറ്റുമാണ് മരിച്ചത്. അപകട കാരണം കണ്ടെത്താൻ അന്വേഷണത്തിന് ഉത്തരവിട്ടിട്ടുണ്ട്.
രാവിലെ 8.55നായിരുന്നു അപകടം. ഹൈദരാബാദിലെ എയർഫോഴ്സ് അക്കാദമിയിൽ നിന്ന് (എഎഫ്എ) പതിവ് പരിശീലനത്തിനായി പറന്നുയർന്ന വിമാനമാണ് അപകടത്തിൽപ്പെട്ടത്. പാറക്കല്ലുകൾക്കിടയിൽ പതിച്ച് വിമാനം തീപിടിക്കുകയായിരുന്നുവെന്നാണ് റിപ്പോർട്ടുകൾ.
ഒരു പരിശീലകനും ട്രെയിനി പൈലറ്റുമാണ് വിമാനത്തിൽ ഉണ്ടായിരുന്നത്. ഇരുവരും സംഭവസ്ഥലത്ത് തന്നെ മരിച്ചു. അപകട കാരണം കണ്ടെത്താൻ എയർഫോഴ്സ് കോടതി അന്വേഷണത്തിന് ഉത്തരവിട്ടിട്ടുണ്ട്.
by Midhun HP News | Dec 4, 2023 | Latest News, ദേശീയ വാർത്ത
ജക്കാര്ത്ത: പടിഞ്ഞാറന് ഇന്തോനേഷ്യയില് അഗ്നിപര്വ്വതം പൊട്ടിത്തെറിച്ചതിനെ തുടര്ന്ന് 11 പേര് മരിച്ചു. 2,891 മീറ്റര് (9,484 അടി) ഉയരമുള്ള സുമാത്ര ദ്വീപിലെ മരാപ്പി പര്വ്വതം ഞായറാഴ്ചയാണ് പൊട്ടിത്തെറിച്ചത്. സ്ഫോടനത്തെ തുടര്ന്ന് 3000 മീറ്റര് ഉയരത്തില് ചാരം കൊണ്ടുള്ള ടവര് പ്രത്യക്ഷപ്പെട്ടു. സ്ഫോടനം നടക്കുമ്പോള് 75 പേര് പ്രദേശത്തുണ്ടായിരുന്നുവെന്നാണ് ബന്ധപ്പെട്ട അധികൃതര് നല്കുന്ന കണക്ക്. 11 പേരെ മരിച്ച നിലയിലും മൂന്നു പേരെ ജീവനോടെയും കണ്ടെത്തിയതായി പഡാങ് സെര്ച്ച് ആന്ഡ് റെസ്ക്യൂ ഏജന്സി മേധാവി അബ്ദുള് മാലിക് പറഞ്ഞു. 26 പേരെ പ്രദേശത്ത് നിന്ന് ഒഴിപ്പിക്കാന് കഴിഞ്ഞിട്ടില്ലെന്നും ഇതില് 14 പേരെ കണ്ടെത്തിയയതായും അദ്ദേഹം കൂട്ടിച്ചേര്ത്തു. 12 പേരെയാണ് ലഭിച്ച കണക്കുകള് പ്രകാരം കാണാതായിരിക്കുന്നത്. ശനിയാഴ്ച മുതല് മലയില് 75 ഓളം സഞ്ചാരികള് ഉണ്ടായിരുന്നുവെന്നും അദ്ദേഹം കൂട്ടിച്ചേര്ത്തു. 1 പരിക്കേറ്റ ചിലരെ ആശുപത്രിയില് പ്രവേശിപ്പിച്ചിട്ടുണ്ട്.
പര്വതാരോഹകരെ സുരക്ഷിത സ്ഥാനത്തേക്ക് എത്തിക്കാന് രക്ഷാപ്രവര്ത്തകര് രാത്രി മുഴുവന് പ്രവര്ത്തിക്കുന്നുണ്ടെന്ന് വെസ്റ്റ് സുമാത്രയുടെ പ്രകൃതിവിഭവ സംരക്ഷണ ഏജന്സി അറിയിച്ചു. ഇന്തോനേഷ്യയുടെ ഫോര്-സ്റ്റെപ്പ് സിസ്റ്റത്തിന്റെ രണ്ടാമത്തെ അലേര്ട്ട് ലെവലിലാണ് മറാപ്പി അഗ്നി പര്വതം. 1979ലുണ്ടായ സ്ഫോടനത്തില് 60 പേര് കൊല്ലപ്പെട്ടിരുന്നു. ഇന്തോനേഷ്യയില് ഏകദേശം 130 ആക്ടീവ് അഗ്നിപര്വതങ്ങളുണ്ട്.
by Midhun HP News | Dec 4, 2023 | Latest News, ദേശീയ വാർത്ത
ഐസ്വാള്: മിസോറാമിൽ വോട്ടെണ്ണൽ ഒരു മണിക്കൂർ പിന്നിടുമ്പോൾ സോറം പീപ്പിള്സ് മൂവ്മെന്റിന് മുന്നേറ്റം. 21 മണ്ഡലങ്ങളിലാണ് സെഡ്പിഎം ലീഡ് ചെയ്യുന്നത്. ഭരണകക്ഷിയായ എംഎൻഎഫ് 11 ഇടത്തും കോൺഗ്രസ് 06 ഇടത്തും മുന്നേറുന്നു. ബിജെപി ഒരു സീറ്റിലും ലീഡ് ചെയ്യുന്നുണ്ട്. ആകെയുള്ള 40 സീറ്റുകളിലേക്കാണ് വോട്ടെടുപ്പ് നടന്നത്. മിസോറമില് ഭരണകക്ഷിയായ എംഎന്എഫും സോറം പീപ്പിള്സ് മൂവ്മെന്റും (സെഡ്.പി.എം) കോണ്ഗ്രസും തമ്മിലാണ് പ്രധാന മത്സരം.
കഴിഞ്ഞ തവണ എംഎന്എഫ് 26 സീറ്റിലും കോണ്ഗ്രസ് 05, ബിജെപി 01, സ്വതന്ത്രര് 08 എന്നിങ്ങനെയാണ് വിജയിച്ചത്. സ്വതന്ത്രര് എല്ലാം ചേര്ന്ന് 2019 ല് രൂപീകരിച്ച സെഡ്പിഎം കഴിഞ്ഞ തദ്ദേശ തെരഞ്ഞെടുപ്പില് വന് മുന്നേറ്റം ഉണ്ടാക്കിയിരുന്നു.
ക്രിസ്ത്യന് ഭൂരിപക്ഷ സംസ്ഥാനത്ത് സമുദായ സംഘടനകളും രാഷ്ട്രീയപാര്ട്ടികളും ആവശ്യപ്പെട്ടതിനെത്തുടര്ന്നാണ് വോട്ടെണ്ണല് ഞായറാഴ്ചയില് നിന്നും തിങ്കളാഴ്ചയിലേക്ക് മാറ്റിയത്.
Recent Comments