by Midhun HP News | Sep 27, 2023 | Latest News, ദേശീയ വാർത്ത
ദുബായ് നഗരവീഥികളില് അടുത്ത മാസം മുതല് ഡ്രൈവറില്ലാത്ത ടാക്സികള് ഓടുമെന്ന് റോഡ്സ് ആന്ഡ് ട്രാന്സ്പോര്ട്ട് അതോറിറ്റി (ആര്ടിഎ). ജുമൈറ-1 ഏരിയയുടെ വിജയകരമായ ഡിജിറ്റല് മാപ്പിങ് പൂര്ത്തിയായതായും പൂര്ണ ഓട്ടോമേറ്റഡ് സെല്ഫ് ഡ്രൈവിങ് ടാക്സികള് ഒക്ടോബറില് ആരംഭിക്കുമെന്നും ആര്ടിഎയിലെ ട്രാന്സ്പോര്ട്ടേഷന് സിസ്റ്റംസ് ഡയറക്ടര് ഖാലിദ് അല് അവാദി സ്ഥിരീകരിച്ചു.ഇത്തിഹാദ് മ്യൂസിയത്തിനും ദുബായ് വാട്ടര് കനാലിനും ഇടയിലുള്ള ജുമൈറ റോഡിലെ എട്ട് കിലോമീറ്റര് നീളത്തില് മൊത്തം അഞ്ച് ഡ്രൈവറില്ലാ ടാക്സികള് അടുത്ത മാസം മുതല് സര്വീസ് നടത്തും.
എന്നാല്, പൊതുജനങ്ങള്ക്കെല്ലാം ഉപയോഗിക്കാന് കഴിയുന്ന വിധം പൂര്ണതോതിലുള്ള വാണിജ്യ പ്രവര്ത്തനങ്ങള് ആരംഭിക്കുക അടുത്തവര്ഷം പകുതിക്ക് ശേഷമായിരിക്കും. തിരഞ്ഞെടുത്ത വ്യക്തികള്ക്ക് ഈ വര്ഷം അവസാനത്തോടെ സെല്ഫ് ടാക്സികള് ഉപയോഗിക്കാന് കഴിയും. ജനറല് മോട്ടോഴ്സിന്റെ (ജിഎം) ഉപസ്ഥാപനമായ യുഎസ് ആസ്ഥാനമായുള്ള സെല്ഫ് ഡ്രൈവിങ് ടെക്നോളജി കമ്പനിയായ ക്രൂയിസ് ആണ് സര്വീസ് നടത്തുന്നത്.
ഓട്ടോമാറ്റിക് വാഹനങ്ങള്ക്കായുള്ള റോഡ് നിയമങ്ങളും പൊതുനിയമങ്ങളും ഈ വര്ഷം ആദ്യം പാസാക്കി. പ്രാരംഭഘട്ടത്തില് എന്തെങ്കിലും മനുഷ്യ ഇടപെടല് ആവശ്യമായി വന്നാല് ദുബായ് പോലീസുമായി ചേര്ന്ന് പ്രവര്ത്തിക്കുന്നതിനും നടപടികള് സ്വീകരിച്ചുകഴിഞ്ഞു. 2030 ഓടെ ദുബായിലുടനീളം 4,000 ഡ്രൈവറില്ലാ കാറുകള് നിരത്തിലിറങ്ങും. ജുമൈറ ഏരിയയില് മണിക്കൂറില് 70 കിലോമീറ്ററായിരിക്കും വേഗപരിധി.
ക്രൂയിസ് ബോള്ട്ട് ടാക്സികളില് മൂന്ന് പേര്ക്ക് സഞ്ചരിക്കാം. ടാക്സികളുടെ നിരക്ക് ആര്ടിഎ നിശ്ചയിച്ചിട്ടില്ല. ദുബായിലെ സാധാരണ ക്യാബുകളേക്കാള് 30 ശതമാനം കൂടുതലുള്ള ലിമോ ടാക്സികളുടെ നിരക്കിനോട് തുല്യമായിരിക്കുമെന്നാണ് സൂചന. ഷെവര്ലെ ബോള്ട്ട് കാറുകളാണ് സെല്ഫ്ഡ്രൈവിങ് ടാക്സിയായി വരുന്നത്. പൂര്ണമായും ഇലക്ട്രികും എമിഷന്ഫ്രീയുമാണ്.ജുമൈറ-1 ഏരിയയുടെ ഡിജിറ്റല് മാപ്പിങ് ആര്ടിഎയും ക്രൂയിസും ചേര്ന്ന പൂര്ത്തിയാക്കിയിട്ടുണ്ട്.
കഴിഞ്ഞ ജൂലൈ മുതല് മനുഷ്യര് ഓടിക്കുന്ന രണ്ട് ഷെവര്ലെ ബോള്ട്ട് ഇലക്ട്രിക് വാഹനങ്ങള് ജുമൈറ ഏരിയയിലെ തെരുവുകള്, കാല്നട ക്രോസിങുകള്, അടയാളങ്ങള്, മറ്റ് റോഡ് സവിശേഷതകള് എന്നിവ റെക്കോഡ് ചെയ്ത് ഡ്രൈവറില്ലാ വാഹനങ്ങള്ക്ക് സഞ്ചരിക്കുന്നതിനായി ഡിജിറ്റല് മാപ്പ് സൃഷ്ടിച്ചു. ഡിജിറ്റല് മാപ്പിങില് തകരാറുകളൊന്നും രേഖപ്പെടുത്തിയിട്ടില്ല. തെരുവിലെ കാല്നടയാത്രക്കാരായ അബായയും ഹിജാബും ധരിച്ചവരെ പോലും വേര്തിരിച്ചറിയാന് കഴിയുന്ന സംവിധാനം റെക്കോഡ് ചെയ്തിട്ടുണ്ട്.
ലിഡാര് (വസ്തുക്കളുടെ ആകൃതി കണ്ടെത്തുന്നതിന് സമീപമുള്ള ഇന്ഫ്രാറെഡ് പ്രകാശം ഉപയോഗിക്കുന്ന ലേസര് സെന്സര്), ക്യാമറകള്, തെരുവുകളിലെ വസ്തുക്കളുടെയും ആളുകളുടെയും ദൂരം നിര്ണയിക്കുന്ന റഡാറുകള് എന്നിവയുള്പ്പെടെയുള്ള ഒരു കൂട്ടം സെന്സറുകള് ഇതില് സജ്ജീകരിച്ചിരിക്കുന്നു.
by Midhun HP News | Sep 27, 2023 | Latest News, ദേശീയ വാർത്ത
ദില്ലി: ദില്ലിയെ ഞെട്ടിച്ച് വൻ കവർച്ച. ജംങ്പുരയിലെ ജൂവലറിയിൽ നിന്ന് 20 കോടിയുടെ സ്വർണം കവർന്നു. പ്രതികൾ എന്ന് സംശയിക്കുന്ന രണ്ട് പേരുടെ ദൃശ്യങ്ങൾ കേന്ദ്രീകരിച്ച് പൊലീസ് അന്വേഷണം തുടങ്ങി. ദില്ലിയിലെ ജംഗ്പുരയിലുള്ള ഉംറാവോ സിംഗ് ജൂവലറിയിലാണ് സിനിമ സ്റ്റൈൽ കവർച്ച നടന്നത്.
സ്ട്രോങ്ങ് റൂമിന്റെ ഭിത്തിയിൽ ദ്വാരമുണ്ടാക്കിയാണ് മോഷ്ടാക്കൾ 20 കോടിയുടെ സ്വർണം കവർന്നത്. തിങ്കളാഴ്ച കട അവധിയായതിനാൽ ഞായറാഴ്ച വൈകുന്നേരം ആഭരണങ്ങളും പണവും സ്ട്രോങ്ങ് റൂമിൽ വച്ച് പൂട്ടിയിരുന്നു. ഇന്ന് രാവിലെ ജ്വല്ലറി തുറന്നപ്പോഴാണ് മോഷണ വിവരം പുറത്തു അറിയുന്നത്. തുടർന്ന് പോലീസിനെ അറിയിച്ചു.
ടെറസിലൂടെ അകത്തു പ്രവേശിക്കുന്നതിന് മുൻപായി മോഷ്ടാക്കൾ കെട്ടിടത്തിലെ വൈദ്യുതി ബന്ധം വിച്ഛേദിച്ചിരുന്നു. അതിനാൽ കടയിലെ സിസിടിവി പ്രവർത്തനരഹിതമായി. തുടർന്നു ഗ്യാസ് കട്ടർ ഉപയോഗിച്ചു സ്ട്രോങ് റൂമിന്റെ ഭിത്തിയിൽ ദ്വാരം ഉണ്ടാക്കിയാണ് കവർച്ച നടത്തിയത്. സമീപത്തെ കടകളിൽ നിന്നുള്ള സിസി ടി വി ദൃശ്യങ്ങൾ കേന്ദ്രീകരിച്ചു പോലീസ് അന്വേഷണം പുരോഗമിക്കുകയാണ്.
by Midhun HP News | Sep 26, 2023 | Latest News, ദേശീയ വാർത്ത
ഡല്ഹി: ഒരുരാജ്യം ഒറ്റ തെരഞ്ഞെടുപ്പ് 2029 ല് നടന്നേക്കും. ലോക്സഭയിലേക്കും സംസ്ഥാന നിയമസഭകളിലേക്കും ഒരേസമയം തെരഞ്ഞെടുപ്പ് നടത്തുന്നതിനുള്ള സാധ്യതയെക്കുറിച്ചുള്ള നിയമ കമ്മീഷന് അന്തിമ റിപ്പോര്ട്ട് ഉടന് സമര്പ്പിക്കുമെന്ന് നിയമ മന്ത്രാലയത്തിലെ ഉന്നത വൃത്തങ്ങള് അറിയിച്ചു. ദി ന്യൂ ഇന്ഡ്യന് എക്സ്പ്രസാണ് ഇക്കാര്യം റിപ്പോര്ട്ട് ചെയ്തത്.
ജസ്റ്റിസ് ഋതുരാജ് അവസ്തിയുടെ നേതൃത്വത്തിലുള്ള കമ്മീഷനാണ് റിപ്പോര്ട്ട് തയ്യാറാക്കുന്നത്. കമ്മീഷന് ഒറ്റ തെരഞ്ഞെടുപ്പിന് അനുകൂലമാണെന്നാണ് സൂചന. വിഷയത്തില് ജസ്റ്റിസ് അവസ്തി കമ്മീഷന് രാഷ്ട്രീയ പാര്ട്ടികള്, ഉദ്യോഗസ്ഥര്, അക്കാദമിക് പണ്ഡിതന്മാര്, തെരഞ്ഞെടുപ്പ് വിദഗ്ധര് തുടങ്ങിയവരുമായി നിരവധി ചര്ച്ചകള് നടത്തിയിരുന്നു. എന്നാല് രാഷ്ട്രീയ പാര്ട്ടികള്ക്കിടയില് ഒറ്റ രാജ്യം ഒറ്റ തെരഞ്ഞെടുപ്പ് എന്ന ആശയത്തില് സമവായമില്ലെന്നാണ് ഉദ്യോഗസ്ഥരെ ഉദ്ധരിച്ച് ദി ന്യൂ ഇന്ഡ്യന് എക്സ്പ്രസ് റിപ്പോര്ട്ട് ചെയ്യുന്നത്. അടുത്ത അഞ്ച് വര്ഷത്തിനുള്ളില് തെരഞ്ഞെടുപ്പുകള് സമന്വയിപ്പിച്ച് വോട്ടെടുപ്പ് നടത്താന് നിയമ കമ്മീഷന് ശുപാര്ശ നല്കും. 2029 ല് ഇതനുസരിച്ച് വോട്ടെടുപ്പ് നടക്കുമെന്നും നിയമ മന്ത്രാലയ ഉദ്യോഗസ്ഥര് സൂചിപ്പിക്കുന്നു.
തെരഞ്ഞെടുപ്പ് സമന്വയിപ്പിക്കുന്നതിന്, ഈ വര്ഷം മുതല് നടപടിക്രമങ്ങള് ആരംഭിക്കേണ്ടതുണ്ട്. അതിനാല് 2024ല് ലോക്സഭയിലേക്കും സംസ്ഥാന നിയമസഭകളിലേക്കും ഒരേസമയം തെരഞ്ഞെടുപ്പ് നടത്താനുള്ള സാധ്യതയില്ലെന്നും ഉദ്യോഗസ്ഥരെ ഉദ്ധരിച്ച് പത്രം റിപ്പോര്ട്ട് ചെയ്തു. 2018ല് സമര്പ്പിച്ച ജസ്റ്റിസ് ബി എസ് ചൗഹാന്റെ നേതൃത്വത്തിലുള്ള മുന് നിയമ കമ്മീഷന്റെ കരട് റിപ്പോര്ട്ടില് നിന്നാണ് നിലവിലെ കമ്മീഷന് മിക്ക ശുപാര്ശകളും തയ്യാറാക്കിയത്. എല്ലാ സംസ്ഥാന നിയമസഭകളിലേക്കും ലോക്സഭയിലേക്കുമുള്ള തെരഞ്ഞെടുപ്പുകള് ഒരുമിച്ച് നടത്താവുന്ന തരത്തില് ചില സംസ്ഥാനങ്ങളിലെ തെരഞ്ഞെടുപ്പ് സമയം നീട്ടിവെക്കുകയോ മാറ്റിവയ്ക്കുകയോ ചെയ്യണമെന്നായിരുന്നു മുന് നിയമ കമ്മീഷന്റെ നിര്ദ്ദേശങ്ങള്.
ലോക്സഭാ തെരഞ്ഞെടുപ്പിന് മുമ്പ് നിയമസഭാ തെരഞ്ഞെടുപ്പ് നടക്കുകയാണെങ്കില്, ലോക്സഭാ തെരഞ്ഞെടുപ്പുമായി സമന്വയിപ്പിക്കാന് ഈ നിയമസഭകളുടെ കാലാവധി നീട്ടാന് ഭരണഘടന ഭേദഗതി ചെയ്യണമെന്നും നിര്ദേശത്തില് ആവശ്യപ്പെട്ടിരുന്നു. സമാന തലത്തില്, അടുത്ത അഞ്ച് വര്ഷത്തിനുള്ളില് തെരഞ്ഞെടുപ്പ് സമന്വയിപ്പിക്കാനാണ് ജസ്റ്റിസ് അവസ്തി കമ്മീഷന്റെ റിപ്പോര്ട്ടിലുമുള്ളതെന്നാണ് സൂചന.
റിപ്പോര്ട്ടില് അന്തിമ തീരുമാനമെടുക്കേണ്ടത് കേന്ദ്രസര്ക്കാരാണ്. ഒരേസമയം തെരഞ്ഞെടുപ്പ് നടത്താന് കഴിയുന്നില്ലെങ്കില്, ഒരു കലണ്ടര് വര്ഷത്തില് വരുന്ന എല്ലാ തെരഞ്ഞെടുപ്പുകളും ഒരുമിച്ച് നടത്തണമെന്നും ജസ്റ്റിസ് അവസ്തി കമ്മീഷന് റിപ്പോര്ട്ടിലുണ്ട്. അതിന് കുറഞ്ഞത് അഞ്ച് ഭരണഘടനാ ഭേദഗതികളെങ്കിലും വേണ്ടിവരും. നിയമ കമ്മീഷന് റിപ്പോര്ട്ട് മുന്രാഷ്ട്രപതി രാം നാഥ് കോവിന്ദിന്റെ നേതൃത്വത്തിലുള്ള പ്രത്യേക സമിതിയുടെ പരിഗണനക്ക് കേന്ദ്രസര്ക്കാര് അയച്ചേക്കും.
by Midhun HP News | Sep 26, 2023 | Latest News, ദേശീയ വാർത്ത
ഇംഫാല്: മണിപ്പൂരില് കാണാതായ രണ്ടു വിദ്യാര്ത്ഥികള് കൊല്ലപ്പെട്ടു. മെയ്തി വിഭാഗത്തില്പ്പെട്ട 17 ഉം 20 ഉം വയസ്സുള്ള വിദ്യാര്ത്ഥികളാണ് കൊല്ലപ്പെട്ടത്. ജൂലൈയിലാണ് ഇവരെ കാണാതായത്. വിദ്യാര്ത്ഥികളുടെ മൃതദേഹങ്ങളുടെ ചിത്രം സമൂഹമാധ്യമങ്ങളിലൂടെ പുറത്തു വന്നിട്ടുണ്ട്. 17 കാരനായ ഹിജാം ലിന്തോയിംഗമ്പി, 20 കാരന് ഫിജാം ഹേംജിത്ത് എന്നിവരാണ് കൊല്ലപ്പെട്ടതെന്ന് സ്ഥിരീകരിച്ചിട്ടുണ്ട്. ഇവര് കാട്ടില് സായുധസംഘത്തിന്റെ താവളത്തില് ഇരിക്കുന്നതിന്റെ ചിത്രങ്ങളും പ്രചരിക്കുന്നുണ്ട്. ഇവര്ക്ക് സമീപം തോക്കുമേന്തി രണ്ടുപേര് നില്ക്കുന്നതും ചിത്രങ്ങളിലുണ്ട്. സംഭവത്തില് കര്ശന നടപടി സ്വീകരിക്കുമെന്ന് മണിപ്പൂര് സര്ക്കാര് പറഞ്ഞു.
by Midhun HP News | Sep 23, 2023 | Latest News, ദേശീയ വാർത്ത
ഡൽഹി: ഇന്ത്യയില് വെച്ച് നടക്കുന്ന 2023 ക്രിക്കറ്റ് ലോകകപ്പ് സമ്മാനത്തുക പ്രഖ്യാപിച്ച് ഐസിസി. 10 ടീമുകൾ ലോകകപ്പിനായി കൊമ്പുകോർക്കുമ്പോൾ ജേതാക്കള്ക്ക് നാല് മില്യണ് യു.എസ്. ഡോളര് (ഏകദേശം 33 കോടി രൂപ) സമ്മാനമായി ലഭിക്കും. ആകെ 10 മില്യണ് ഡോളറാണ് (ഏകദേശം 84 കോടി രൂപ) സമ്മാനത്തുകയായി നൽകുന്നത്. റണ്ണേഴ്സ് അപ്പാകുന്ന ടീമിന് 2 മില്യണ് യു.എസ്. ഡോളര് (ഏകദേശം 16 കോടി രൂപ) സമ്മാനമായി ലഭിക്കും.
ഗ്രൂപ്പ് ഘട്ടത്തില് വിജയിക്കുന്ന ഓരോ ടീമിനും സമ്മാനത്തുക നല്കുന്നുണ്ട്. ഓരോ ടീമിനും 40000 യു.എസ്. ഡോളര് (ഏകദേശം 33 ലക്ഷം രൂപ) സമ്മാനമായി ലഭിക്കും. ഗ്രൂപ്പ് ഘട്ടത്തില് പുറത്താവുന്ന ഓരോ ടീമിനും ഒരു ലക്ഷം യു.എസ്. ഡോളര് (ഏകദേശം 83 ലക്ഷം രൂപ) വീതം ലഭിക്കും. സെമിയില് തോല്ക്കുന്ന ടീമിന് എട്ട് എട്ട് ലക്ഷം യു.എസ്.ഡോളറാണ് സമ്മാനം(ഏകദേശം ആറുകോടി 63 ലക്ഷം രൂപ).
ഒക്ടോബർ അഞ്ചിന് ഏകദിന ലോകകപ്പിന് തുടക്കമാകുമ്പോൾ ആദ്യ മത്സരത്തിൽ നിലവിലെ ജേതാക്കളായ ഇംഗ്ലണ്ട് ന്യൂസിലൻഡിനെ നേരിടും. ഒക്ടോബർ എട്ടിന് ഓസ്ട്രേലിയയ്ക്കെതിരെയാണ് ഇന്ത്യയുടെ ആദ്യ മത്സരം. ഗ്രൂപ്പ് ഘട്ടത്തിൽ പത്തു ടീമുകളും റൗണ്ട്–റോബിൻ ഫോർമാറ്റിൽ പരസ്പരം ഏറ്റുമുട്ടും. ആദ്യ നാലു സ്ഥാനങ്ങളിലെത്തുന്ന ടീമുകൾ സെമിഫൈനലിൽ പ്രവേശിക്കും. നവംബർ 19നു അഹമ്മദാബാദിലെ നരേന്ദ്ര മോദി സ്റ്റേഡിയത്തിലാണ് ഫൈനൽ.
by Midhun HP News | Sep 23, 2023 | Latest News, ദേശീയ വാർത്ത
കാലിക്കറ്റ് സര്വകലാശാല വിദൂരവിദ്യാഭ്യാസവിഭാഗം വഴി ഈ വര്ഷം ഡിഗ്രി, പി.ജി കോഴ്സുകള്ക്ക് 30-09-2023 വരെ അപേക്ഷിക്കാം. ഓണ്ലൈനില് സമര്പ്പിച്ച അപേക്ഷയുടെ പകര്പ്പും ആവശ്യമായ രേഖകളും വിദൂരവിദ്യാഭ്യാസ വിഭാഗം ഓഫീസില് യഥാസമയം എത്തിച്ചാല് മാത്രമേ രജിസ്ട്രേഷന് നടപടികള് പൂര്ത്തീകരിക്കാനാവൂ.
ഓണ്ലൈന് അപേക്ഷ സമര്പ്പിച്ചിട്ടുണ്ടെങ്കിലും പ്രിന്റ്ഔട്ട് സമയബന്ധിതമായി എത്തിക്കാത്ത നിരവധി വിദ്യാര്ത്ഥികളുണ്ട്. ഇത് വൈകുന്നതോടെ രജിസ്ട്രേഷന് റദ്ദാകും. ഇതിനോടകം രജിസ്ട്രേഷന് നടത്തിയവര് രണ്ടു ദിവസത്തിനകം പ്രിന്റൗട്ട് എത്തിക്കണമെന്നും അല്ലാത്ത പക്ഷം രജിസ്ട്രേഷന് നടപടികള് പൂര്ത്തിയാക്കാനാവാതെ ഈ വിദ്യാര്ത്ഥികളുടെ ഈ വര്ഷത്തെ അവസരം നഷ്ടപ്പെടാന് സാധ്യതയുണ്ടെന്നും വിദൂരവിദ്യാഭ്യാസ വിഭാഗം ഡയറക്ടര് അറിയിച്ചു.
Recent Comments