by Midhun HP News | Jul 15, 2023 | Latest News, ദേശീയ വാർത്ത
തിരുവനന്തപുരം: ചന്ദ്രയാൻ മൂന്ന് പേടകത്തിന്റെ ഭ്രമണപഥം ഉയർത്തുന്ന ജോലികൾക്ക് ഇന്ന് തുടക്കമാകും. ആദ്യ ഘട്ട ഭ്രമണപഥമാറ്റം ഉച്ചയോടെ ഉണ്ടാകുമെന്നാണ് സൂചന. ബെംഗളൂരുവിലെ ഇസ്രൊ ടെലിമെട്രി, ട്രാക്കിംഗ് ആൻഡ് കമാൻഡ് നെറ്റ്വർക്ക് വഴിയാണ് ഇനി പേടകവുമായുള്ള ആശയവിനിമയം നടക്കുക. ഇത്തരത്തിൽ നാല് ഭ്രമണപഥ മാറ്റങ്ങളാണ് ആകെ നടക്കാനുള്ളത്.
അടുത്ത മാസം ഒന്നോടെ പേടകം ഭൂമിയുടെ ഭ്രമണപഥം വിട്ട് ചന്ദ്രനിലേക്കുള്ള യാത്ര തുടങ്ങും. ആഗസ്റ്റ് 23ന് വൈകിട്ട് 5.47നാണ് രാജ്യം കാത്തിരിക്കുന്ന സോഫ്റ്റ് ലാൻഡിങ്ങ്. ചന്ദ്രയാൻ മൂന്ന് പേടകത്തിന്റെ ഭ്രമണപഥം ഉയർത്തുന്ന ജോലികൾക്ക് ഇന്ന് തുടക്കമാകും. ആദ്യ ഘട്ട ഭ്രമണപഥമാറ്റം ഇന്ന് ഉച്ചയോടെ ഉണ്ടാകുമെന്നാണ് സൂചന. ബെംഗളൂരുവിലെ ഇസ്രൊ ടെലിമെട്രി , ട്രാക്കിംഗ് ആൻഡ് കമാൻഡ് നെറ്റ്വർക്ക് വഴിയാണ് ഇനി പേടകവുമായുള്ള ആശയവിനിമയം നടക്കുക.
ചാന്ദ്ര ഭ്രമണപഥത്തിൽ പ്രവേശിച്ച ശേഷം ഘട്ടം ഘട്ടമായി പേടകവും ചന്ദ്രനും തമ്മിലുള്ള അകലം കുറച്ചുകൊണ്ടുവരും. ചന്ദ്രനിൽ നിന്ന് നൂറ് കിലോമീറ്റർ അകലത്തിലുള്ള വൃത്താകൃതിയിലുള്ള ഭ്രമണപഥത്തിലെത്തിക്കഴിഞ്ഞാൽ പ്രൊപ്പൽഷൻ മൊഡ്യൂളും ലാൻഡറും തമ്മിൽ വേർപ്പെടും. ആഗസ്റ്റ് 17നായിരിക്കും ഇത് നടക്കുക. പിന്നെ മുന്നിലുള്ളത് സോഫ്റ്റ് ലാൻഡിങ്ങ്. ആഗസ്റ്റ് 23ന് വൈകിട്ട് അഞ്ച് നാൽപ്പത്തിയേഴിന് പേടകം ചന്ദ്രനിൽ കാൽ തൊടുമെന്നാണ് ഇപ്പോഴത്തെ അറിയിപ്പ്.
ചന്ദ്രന്റെ ദക്ഷിണധ്രുവത്തിൽ മാൻസിനസ് യു ഗർത്തത്തിന് അടുത്താണ് ചന്ദ്രയാൻ ലാൻഡർ ഇറങ്ങാൻ പോകുന്നത്. ലാൻഡിങ്ങ് കഴിഞ്ഞാൽ റോവർ പുറത്തേക്ക് വരും. ലാൻഡറിലെ ശാസ്ത്ര ഉപകരണങ്ങൾ പ്രവർത്തിച്ച് തുടങ്ങും. 14 ദിവസം നീളുന്ന ചന്ദ്രനിലെ പകൽ നേരമാണ് ലാൻഡറിന്റെയും റോവറിന്റെയും ദൗത്യ കാലാവധി. ആ പതിനാല് ദിവസം കൊണ്ട് പരമാവധി വിവരങ്ങൾ ശേഖരിക്കുകയാണ് ലക്ഷ്യം.
by Midhun HP News | Jul 15, 2023 | Latest News, ദേശീയ വാർത്ത
ഡൽഹി: ഫ്രാൻസ് സന്ദർശനം പൂർത്തിയാക്കിയ പ്രധാനമന്ത്രി നരേന്ദ്ര മോദി ഇന്ന് യുഎഇയില് എത്തും. അബുദാബിയിലെ പ്രസിഡന്ഷ്യല് വിമാനത്താവളത്തില് രാവിലെ 9.15ന് പ്രധാനമന്ത്രി വിമാനമിറങ്ങും. പ്രധാനമന്ത്രിയായി തെരഞ്ഞെടുക്കപ്പെട്ട ശേഷം ഇത് അഞ്ചാം തവണയാണ് മോദി യുഎഇയിലെത്തുന്നത്.
ആഗോള വിഷയങ്ങളിലെ സഹകരണം ഉള്പ്പെടെയുള്ള വിഷയങ്ങളില് ചർച്ച നടത്തുന്ന മോദി യുഎഇ പ്രസിഡന്റുമായുള്ള കൂടിക്കാഴ്ചയില് വിവിധ ധാരണാപത്രങ്ങളില് ഒപ്പുവയ്ക്കും. ഇന്ത്യ അധ്യക്ഷസ്ഥാന വഹിക്കുന്ന ജി20യില് യുഎഇ പ്രത്യേക ക്ഷണിതാവാണ്. കോപ്-28ന് ആതിഥ്യമരുളുന്നത് യുഎഇയും. ഈ രണ്ട് വിഷയങ്ങളുമായിരിക്കും കൂടിക്കാഴ്ചയിലെ പ്രധാന ചര്ച്ചാവിഷയം.
യുഎഇ പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാനുമായും, കോപ്പ് 28 പ്രസിഡന്റ് ഡോക്ടര് സുല്ത്താന് ബിന് മുഹമ്മദ് അല് ജാബറുമായും കൂടിക്കാഴ്ച നടത്തും. ഊര്ജ്ജം, വിദ്യാഭ്യാസം, ആരോഗ്യം എന്നീ മേഖലകളില് പരസ്പരസഹകരണം മെച്ചപ്പെടുത്തുന്നതും ചര്ച്ചയാകും. പ്രധാനമന്ത്രിയുടെ സന്ദര്ശനം ഇന്ത്യ- യുഎഇ സൗഹൃദത്തിന് കൂടുതല് ശക്തി പകരുമെന്നും ഇരു രാജ്യങ്ങളും തമ്മിലുളള തന്ത്രപരമായ പങ്കാളിത്തം ക്രമാനുഗതമായി വര്ദ്ധിച്ച് കൊണ്ടിരിക്കുകയാണെന്നും ഇന്ത്യന് വിദേശ കാര്യ മന്ത്രാലയം പ്രസ്താവനയില് പറഞ്ഞു. ഉച്ചകഴിഞ്ഞ് 3.15 ന് പ്രധാനമന്ത്രി ഇന്ത്യയിലേക്ക് തിരിക്കും.
രണ്ട് ദിവസത്തെ ഫ്രാന്സ് സന്ദര്ശനത്തിന് ശേഷമാണ് പ്രധാനമന്ത്രി യുഎഇയില് എത്തുന്നത്. ഫ്രഞ്ച് പ്രസിഡന്റ് ഇമ്മാനുവല് മാക്രോണിന്റെ ക്ഷണപ്രകാരമാണ് മോദി പാരീസിലെത്തിയത്. ഫ്രാന്സിലെ സിവിലിയന്-സൈനിക ബഹുമതികളില് ഏറ്റവും ഉന്നതമായ ഗ്രാന്ഡ് ക്രോസ് ഓഫ് ദി ലെജിയന് ഓഫ് ഓണർ മോദിക്ക് സമ്മാനിച്ചു. ഈ പുരസ്കാരം നേടുന്ന ആദ്യ ഇന്ത്യന് പ്രധാനമന്ത്രിയാണ് മോദി.
by Midhun HP News | Jul 14, 2023 | Latest News, ദേശീയ വാർത്ത
ചെന്നൈ: രാജ്യത്തിന് അഭിമാനമേറ്റി ഇന്ത്യയുടെ ചാന്ദ്ര പര്യവേക്ഷണ പദ്ധതിയായ ചന്ദ്രയാന് മൂന്നിന് തികവാര്ന്ന കുതിപ്പ്. പേടകവും വഹിച്ച് ലോഞ്ച് വെഹിക്കിള് മാര്ക്ക് 3 നേരത്ത നിശ്ചയിച്ചപോലെ ഉച്ചയ്ക്ക് 2.35ന് വിക്ഷേപണത്തറയില് നിന്നു കുതിച്ചുയര്ന്നു. ചന്ദ്രയാന് 3നെ വിജയകരമായി ഭ്രമണപഥത്തില് എത്തിച്ചതായി 2.54ന് ഐഎസ്ആര്ഒ ട്വിറ്ററിലൂടെ അറിയിച്ചു. ഇന്നലെ ഉച്ചയ്ക്കാണ് ചന്ദ്രയാന് 3ന്റെ കൗണ്ട്ഡൗണ് തുടങ്ങിയത്. 25 മണിക്കൂറും 30 മിനിറ്റും കൗണ്ട് ഡൗണ് പൂര്ത്തിയാക്കി വിക്ഷേപവാഹനം ചന്ദ്രനെ ലക്ഷ്യമാക്കി കുതിച്ചു.
2019ല് തലനാരിഴയ്ക്ക് നഷ്ടപ്പെട്ട ദൗത്യം മറന്നു, പഴുതുകളെല്ലാം അടച്ചാണ് ഇക്കുറി ഐഎസ്ആര്ഒ ചന്ദ്രയാന് 3നെ ഭ്രമണ പഥത്തിലേക്ക് അയക്കുന്നത്. യുഎസും റഷ്യയും ചൈനയും മാത്രം കൈവരിച്ച നേട്ടം ഓഗസ്റ്റില് സ്വന്തമാക്കുകയാണ് ഇന്ത്യ ലക്ഷ്യമിടുന്നത്.
ലോഞ്ച് വെഹിക്കിള് മാര്ക്ക്3 എന്ന് പേരുമാറ്റിയ ഐ.എസ്.ആര്.ഒ.യുടെ കരുത്തുറ്റ വിക്ഷേപണവാഹനമായ ജിഎസ്എസ്എല്വി മാര്ക്ക്3 റോക്കറ്റിന്റെ ഏഴാമത്തെ ദൗത്യമാണ് ഇത്. 43.5 മീറ്റര് ഉയരവും 642 ടണ് ഭാരവുമുള്ള ഇതിന് ആദ്യ ഘട്ടത്തില് ഖര ഇന്ധനവും രണ്ടാം ഘട്ടത്തില് ദ്രവ ഇന്ധനവും മൂന്നാം ഘട്ടത്തില് ക്രയോജനിക് ഇന്ധനവും കുതിപ്പേകും.
ചന്ദ്രനില് ഇറങ്ങാനുള്ള ലാന്ഡറും ചന്ദ്രനില് സഞ്ചരിക്കാനുള്ള റോവറും ഇവയെ ചന്ദ്രന്റെ ഭ്രമണ പഥത്തിലെത്തിക്കാനുള്ള പ്രൊപ്പല്ഷന് മൊഡ്യൂളുമാണ് ചന്ദ്രയാന് പേടകത്തിന്റെ പ്രധാന ഭാഗങ്ങള്. റോക്കറ്റില് നിന്ന് വേര്പെട്ടു കഴിഞ്ഞാല് റോവറിനെയും ലാന്ഡറിനെയും ചന്ദ്രന്റെ ഭ്രമണ പഥത്തിലെത്തിക്കാനുള്ള ചുമതല പ്രൊപ്പല്ഷന് മോഡ്യൂളിന്റേതാണ്. ഭൂമിയെ ചുറ്റുന്നതിനിടെ ഭ്രമണ പഥത്തിന്റെ വ്യാസം വര്ധിപ്പിച്ചു കൊണ്ടുവന്നാണ് ചന്ദ്രന്റെ ഭ്രമണ പഥത്തിലേക്ക് കടക്കുക. അതിനുശേഷം ചന്ദ്രന്റെ ഭ്രമണ പഥത്തിന്റെ വ്യാസം കുറച്ചു കൊണ്ടുവരും. ഓഗസ്റ്റ് 23, 24 തീയതികളില് ലാന്ഡറിനെ ചന്ദ്രനില് ഇറക്കാനാണ് പദ്ധതി.
by Midhun HP News | Jul 14, 2023 | Latest News, ദേശീയ വാർത്ത
ചെന്നൈ: ഇന്ത്യയുടെ ചാന്ദ്ര പര്യവേക്ഷണ പദ്ധതിയായ ചന്ദ്രയാൻ ഇന്ന് അതിന്റെ മൂന്നാം ദൗത്യവുമായി കുതിക്കും. ചന്ദ്രയാൻ 3ന്റെ കൗണ്ട്- ഡൗൺ ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ ആരംഭിച്ചു. പേടകവും വഹിച്ച് ലോഞ്ച് വെഹിക്കിൾ മാർക്ക് 3 റോക്കറ്റ് ഇന്ന് ഉച്ചയ്ക്ക് 2.35ന് വിക്ഷേപണത്തറയിൽ നിന്നു ബഹിരാകാശത്തേക്ക് കുതിച്ചുയരും.
ഇന്നലെ ഉച്ചയ്ക്കാണ് കൗണ്ട് ഡൗൺ തുടങ്ങിയത്. 25 മണിക്കൂറും 30 മിനിറ്റുമാണ് കൗണ്ട് ഡൗൺ. ഈ സമയത്തിനിടെ റോക്കറ്റിൽ ഇന്ധനം നിറയ്ക്കുന്നതുൾപ്പെടെയുള്ള പ്രവൃത്തികളും അവസാന ഘട്ടത്തിലെ സുരക്ഷാ പരിശോധനകളും പൂർത്തിയാക്കും.
2019ൽ തലനാരിഴയ്ക്ക് നഷ്ടപ്പെട്ട ദൗത്യം മറന്നു, പഴുതുകളെല്ലാം അടച്ചാണ് ഇക്കുറി ഐഎസ്ആർഒ ചന്ദ്രയാൻ 3നെ ഭ്രമണ പഥത്തിലേക്ക് അയക്കുന്നത്. ചന്ദ്രയാൻ മൂന്നിന്റെ പ്രധാന വെല്ലുവിളിയും ഇതുതന്നെ. യുഎസും റഷ്യയും ചൈനയും മാത്രം കൈവരിച്ച നേട്ടം ഓഗസ്റ്റിൽ സ്വന്തമാക്കുകയാണ് ഇന്ത്യ ലക്ഷ്യമിടുന്നത്.
ലോഞ്ച് വെഹിക്കിൾ മാർക്ക്-3 എന്ന് പേരുമാറ്റിയ ഐ.എസ്.ആർ.ഒ.യുടെ കരുത്തുറ്റ വിക്ഷേപണവാഹനമായ ജിഎസ്എസ്എൽവി മാർക്ക്-3 റോക്കറ്റിന്റെ ഏഴാമത്തെ ദൗത്യമാണ് ഇന്ന് നടക്കുന്നത്. 43.5 മീറ്റർ ഉയരവും 642 ടൺ ഭാരവുമുള്ള ഇതിന് ആദ്യ ഘട്ടത്തിൽ ഖര ഇന്ധനവും രണ്ടാം ഘട്ടത്തിൽ ദ്രവ ഇന്ധനവും മൂന്നാം ഘട്ടത്തിൽ ക്രയോജനിക് ഇന്ധനവും കുതിപ്പേകും. 15 മിനിറ്റ് കഴിയുമ്പോഴേക്കും പേടകം റോക്കറ്റിൽ നിന്ന് വേർപെട്ട് ഭൂമിയിൽ നിന്ന് 179 കിലോമീറ്റർ ഉയരെയുള്ള ഭ്രമണ പഥത്തിലെത്തും.
by Midhun HP News | Jul 13, 2023 | Latest News, ദേശീയ വാർത്ത
കൊച്ചി: ഇന്ത്യയിൽ ചികിത്സിക്കാൻ യോഗ്യത ഇല്ലാതെ പ്രാക്ടീസ് നടത്തിയ ഡോക്ടർ അറസ്റ്റിൽ. തമിഴ്നാട് തിരുനെൽവേലി രാധാപുരം ഗണപതി നഗർ സ്വദേശി മുരുകേശ്വരി (29) യെയാണ് കോതമംഗലം പൊലീസ് അറസ്റ്റ് ചെയ്തത്. മുരുകേശ്വരി യുക്രൈനിൽ നിന്ന് മെഡിക്കൽ ബിരുദം സമ്പാദിച്ചെങ്കിലും ഇന്ത്യയിൽ ഡോക്ടറായി പ്രാക്ടീസ് ചെയ്യുന്നതിനുള്ള യോഗ്യത നേടിയിരുന്നില്ല. ഇവർ കുത്തുവഴി ലൈഫ് കെയർ ആശുപത്രിയിൽ 2021 മുതൽ 2023 വരെ ഡോക്ടറായി പ്രാക്ടീസ് ചെയ്തിരുന്നു എന്നാണ് പൊലീസ് പറയുന്നത്. കോതമംഗലം താലൂക്ക് ആശുപത്രിയിലെ മെഡിക്കൽ സൂപ്രണ്ടിന്റെ പരാതിയിലാണ് കേസെടുത്തത്. കോടതി മുരുകേശ്വരിയെ റിമാൻ്റ് ചെയ്തു.
by Midhun HP News | Jul 13, 2023 | Latest News, ദേശീയ വാർത്ത
കേരളത്തില് അതിവേഗ റെയില് കൊണ്ടുവരാനുള്ള ഇടതു സര്ക്കാറിന്റെ ശ്രമങ്ങള് വീണ്ടും സജീവമാകുന്നു. മെട്രോമാന് ഇ ശ്രീധരനുമായി മുഖ്യമന്ത്രി പിണറായി വിജയന് ഉടനെ കൂടിക്കാഴ്ച നടത്തുമെന്നാണു വിവരം.
പദ്ധതിക്കു പിന്തുണ നല്കുന്ന വിധം സംസ്ഥാന ബി ജെ പി നിലപാടു മാറ്റുകയാണ്. കെ റെയില് പദ്ധതിക്കു മുന്നോട്ടു പോകാന് കഴിയാത്തത് കേരളത്തിലെ പാര്ട്ടി കേന്ദ്ര സര്ക്കാറില് സമ്മര്ദ്ദം ചെലുത്തുന്നതു കൊണ്ടാണെന്നു നേരത്തെ ബി ജെ പി സംസ്ഥാന പ്രസിഡന്റ് കെ സുരേന്ദ്രന് അവകാശപ്പെട്ടിരുന്നു. കഴിഞ്ഞ ദിവസം മെട്രോമാന് ഈ ശ്രീധരന് നിലപാടു മാറ്റി പദ്ധതിക്കു പിന്തുണ നല്കാന് തയ്യാറായതോടെയാണു ബി ജെ പി സംസ്ഥാന ഘടകവും നിലപാടുമാറ്റാന് തയ്യാറായത്. അതിവേഗപാത കേരളത്തിന് അത്യാവശ്യമാണെന്ന് ഇ ശ്രീധരനുമായുള്ള കൂടിക്കാഴ്ചക്ക് ശേഷം കെ സുരേന്ദ്രന് പറഞ്ഞതോടെ അതിവേഗ പാതക്കായുള്ള അഭിപ്രായ ഐക്യം കേരളത്തില് രൂപപ്പെടുകയാണെന്നാണു സൂചന.
പദ്ധതിക്കു കേന്ദ്ര സര്ക്കാര് അനുമതികളും വൈകാതെ ലഭിക്കുമെന്ന പ്രതീക്ഷയും ഉയരുന്നു. പദ്ധതിക്കെതിരെ സമരം നയിച്ച യു ഡി എഫും നിലപാടു പുനപ്പരിശോധിക്കുമെന്നാണ് ഇപ്പോള് സര്ക്കാര് പ്രതീക്ഷിക്കുന്നത്. കേരള സര്ക്കാറിന്റെ പ്രതിനിധിയായി പ്രഫ. കെ വി തോമസ് ഇ ശ്രീധരനുമായി നടത്തിയ കൂടിക്കാഴ്ചക്കുശേഷമാണ് കാര്യങ്ങള് മാറിമറിയുന്നത്. സംസ്ഥാന സര്ക്കാര് ആവശ്യപ്പെട്ടാല് മാര്ഗനിര്ദേശങ്ങള് നല്കാന് തയ്യാറാണെന്ന് ഇ ശ്രീധരന് പ്രഖ്യാപിച്ചതോടെ പദ്ധതിക്കായി അഭിപ്രായ ഐക്യത്തിന്റെ പുതിയ അന്തരീക്ഷം രൂപപ്പെടുകയാണ്.
ഇ ശ്രീധരന്റെ അഭിപ്രായം കൂടി പരിഗണിച്ചു പദ്ധതി തയ്യാറാക്കുന്നതോടെ കേന്ദ്രാനുമതിയും വേഗത്തില് ലഭിക്കുമെന്നാണു കരുതുന്നത്. കാര്യങ്ങള് മുന്നോട്ടു പോകുന്ന സാഹചര്യമുണ്ടായാല് വികസന വിരുദ്ധര് എന്ന പ്രതിച്ഛായ നഷ്ടം ഭയന്ന് യു ഡി എഫും നിലപാടില് മാറ്റം വരുത്തിയേക്കുമെന്നാണു കരുതുന്നത്.
Recent Comments