by Midhun HP News | Apr 15, 2026 | Latest News, ദേശീയ വാർത്ത
വാഷിങ്ടണ്: പശ്ചിമേഷ്യന് സംഘര്ഷങ്ങള്ക്കിടെ, ഇറാന്-അമേരിക്ക ചര്ച്ച വീണ്ടും നടന്നേക്കുമെന്ന് യുഎസ് പ്രസിഡന്റ് ഡോണള്ഡ് ട്രംപ്. രണ്ടാംഘട്ട ചര്ച്ച വ്യാഴാഴ്ച നടന്നേക്കുമാണ് സൂചന. ചര്ച്ചകള്ക്ക് പാകിസ്ഥാന് തലസ്ഥാനമായ ഇസ്ലാമാബാദ് വേദിയാകുമെന്നാണ് റിപ്പോര്ട്ട്.
അടുത്ത രണ്ട് ദിവസത്തിനുള്ളില് പാകിസ്ഥാനില് ചര്ച്ചകള്ക്ക് പോകാന് താത്പര്യമുണ്ടെന്ന് ട്രംപ് ഫോക്സ് ന്യൂസിനോട് പറഞ്ഞു. ഇറാനുമായുള്ള യുദ്ധം അവസാനത്തോട് അടുക്കുകയാണെന്നും ഇരുപക്ഷവും തമ്മിലുള്ള പുതിയ സമാധാന ചര്ച്ചകള് ഉടന് ആരംഭിക്കുമെന്നും ട്രംപ് കൂട്ടിച്ചേര്ത്തു.
അമേരിക്ക ഒരു സാധ്യതയും അവസാനിപ്പിച്ചിട്ടില്ലെന്നും ട്രംപ് സൂചിപ്പിച്ചു. പാകിസ്ഥാൻ സേനാ മേധാവി അസിം മുനീർ മികച്ച പ്രവർത്തനം നടത്തുന്നുണ്ടെന്നും ട്രംപ് പറഞ്ഞു. ഇസ്ലാബാദിൽ നടന്ന ആദ്യ ചർച്ചയിൽ ഇറാനും യുഎസും തമ്മിലുള്ള തർക്കം പരിഹരിക്കുന്നതിൽ പുരോഗതിയുണ്ടായിട്ടുണ്ടെന്ന് ഇരുപക്ഷവും പറഞ്ഞിരുന്നു. ചർച്ച പുനരാരംഭിക്കുന്നത് സംബന്ധിച്ച് ഇറാന്റെ ഭാഗത്ത് നിന്നും ഔദ്യോഗിക പ്രതികരണം വന്നിട്ടില്ല. യുറേനിയം സമ്പുഷ്ടീകരണം മരവിപ്പിക്കേണ്ട കാലാവധിയെ ചൊല്ലി ഇരുരാജ്യങ്ങള്ക്കും ഇടയിലുണ്ടായ അഭിപ്രായഭിന്നതയെത്തുടര്ന്നാണ് ആദ്യഘട്ട ചര്ച്ച പരാജയപ്പെട്ടത്. തുടര്ന്ന് ഇറാന് തുറമുഖങ്ങള്ക്ക് യുഎസ് ഉപരോധം പ്രഖ്യാപിച്ചിരുന്നു.
by Midhun HP News | Apr 14, 2026 | Latest News, ദേശീയ വാർത്ത
ഡല്ഹി: ആഗോള വിപണിയില് എണ്ണ വില വര്ധിച്ചിട്ടും പൊതുമേഖലാ എണ്ണക്കമ്പനികള് വില വര്ധിപ്പിക്കാതെ മാറ്റമില്ലാതെ തുടരുന്നതിനാല് പെട്രോള് ലിറ്ററിന് 18 രൂപയായും ഡീസലിന് 35 രൂപയായും നഷ്ടം ഉയര്ന്നതായി റിപ്പോര്ട്ടുകള്. പശ്ചിമേഷ്യന് സംഘര്ഷത്തെ തുടര്ന്ന് ദിവസങ്ങള്ക്ക് മുന്പ് എണ്ണവില ബാരലിന് 120 ഡോളറിലേക്കാണ് കുതിച്ചത്. നിലവില് 100 ഡോളറിനും 95 ഡോളറിനും ഇടയിലാണ് എണ്ണവില.
പത്തു വര്ഷങ്ങള്ക്ക് മുമ്പ് തന്നെ ഇന്ധനവില നിയന്ത്രണാധികാരം കമ്പനികള്ക്ക് വിട്ടുനല്കിയിരുന്നെങ്കിലും ഇന്ത്യന് ഓയില് കോര്പ്പറേഷന് ,ഭാരത് പെട്രോളിയം, ഹിന്ദുസ്ഥാന് പെട്രോളിയം എന്നി കമ്പനികള് 2022 ഏപ്രില് മുതല് വിലയില് മാറ്റം വരുത്തിയിട്ടില്ല. റഷ്യ-യുക്രൈന് യുദ്ധത്തെത്തുടര്ന്ന് ബാരലിന് 100 ഡോളറിന് മുകളിലെത്തിയ ആഗോള എണ്ണ വില, ഈ വര്ഷം ആദ്യം 70 ഡോളറിലേക്ക് താഴ്ന്നിരുന്നു. എന്നാല് പശ്ചിമേഷ്യന് സംഘര്ഷത്തെത്തുടര്ന്ന് കഴിഞ്ഞ മാസം ഇത് വീണ്ടും 120 ഡോളറിലേക്ക് കുതിക്കുന്നതിനാണ് ലോകം സാക്ഷ്യം വഹിച്ചത്.
കഴിഞ്ഞ മാസം എണ്ണ വില ഏറ്റവും പീക്കിലേക്ക് ഉയര്ന്ന സമയത്ത് മൂന്ന് കമ്പനികളും പ്രതിദിനം ഏകദേശം 2,400 കോടി രൂപയുടെ നഷ്ടം നേരിട്ടിരുന്നു. അതിനുശേഷം സര്ക്കാര് പെട്രോളിന്റെയും ഡീസലിന്റെയും എക്സൈസ് തീരുവ ലിറ്ററിന് 10 രൂപ വീതം കുറച്ചതിനുശേഷം ഇത് പ്രതിദിനം ഏകദേശം 1,600 കോടി രൂപയായി ചുരുങ്ങി. ഈ കുറവ് ഉപഭോക്താക്കള്ക്ക് കൈമാറിയിട്ടില്ല. പക്ഷേ നഷ്ടം ഭാഗികമായി നികത്താന് ഇത് സഹായിച്ചുവെന്ന് ബന്ധപ്പെട്ടവര് പറയുന്നു. ബാരലിന് ഓരോ യുഎസ് ഡോളറും വര്ദ്ധിക്കുമ്പോള് ലിറ്ററിന് ഏകദേശം 6 രൂപ എണ്ണ കമ്പനികള്ക്ക് നഷ്ടം ഉണ്ടാകുമെന്നാണ് റിപ്പോര്ട്ട് വ്യക്തമാക്കുന്നത്.
പശ്ചിമ ബംഗാള്, തമിഴ്നാട് തുടങ്ങിയ പ്രധാന സംസ്ഥാനങ്ങളിലെ തെരഞ്ഞെടുപ്പുകള്ക്ക് ശേഷം ഈ മാസം അവസാനം ഇന്ധന വില വര്ധന ഉണ്ടാകാനുള്ള സാധ്യത കൂടുതലാണെന്ന് റിപ്പോര്ട്ടുകള് ചൂണ്ടിക്കാണിക്കുന്നു. ഇന്ത്യയുടെ ക്രൂഡ് ഓയില് ആവശ്യകതയുടെ 88 ശതമാനവും ഇറക്കുമതി ചെയ്യുകയാണ്.
by Midhun HP News | Apr 14, 2026 | Latest News, ദേശീയ വാർത്ത
മുംബൈ: പ്രമുഖ പൊതുമേഖല ഇന്ഷുറന്സ് കമ്പനിയായ എല്ഐസി ആദ്യമായി ബോണസ് ഷെയര് ഇഷ്യു പ്രഖ്യാപിച്ചു. 1:1 എന്ന അനുപാതത്തില് ബോണസ് ഓഹരി നല്കാന് എല്ഐസി ബോര്ഡ് അനുമതി നല്കി. അതായത് എല്ഐസിയുടെ ഒരു ഓഹരി കൈവശം ഉള്ള ഓഹരി ഉടമയ്ക്ക് ഒരു ഓഹരി ബോണസ് ഷെയറായി ലഭിക്കും.
2022 മെയ് മാസത്തില് ഓഹരി വിപണിയില് ലിസ്റ്റ് ചെയ്തതിന് ശേഷം ആദ്യമായാണ് എല്ഐസി ഇത്തരമൊരു ബോണസ് ഇഷ്യൂ പ്രഖ്യാപിക്കുന്നത്. അന്ന് എല്ഐസിയില് സര്ക്കാരിനുള്ള ഓഹരി പങ്കാളിത്തത്തില് നിന്ന് 3.5 ശതമാനം ഓഹരികള് വിറ്റഴിച്ചതിലൂടെ 21,003 കോടി രൂപയാണ് സമാഹരിച്ചത്.
ഈ ബോണസ് ഓഹരി പ്രഖ്യാപനം ഒരു ഫോളോ-ഓണ് പബ്ലിക് ഓഫറിന്റെ മുന്നോടിയായാണ് വിപണി നിരീക്ഷകര് കാണുന്നത്. തിങ്കളാഴ്ച വൈകി സ്റ്റോക്ക് എക്സ്ചേഞ്ചിന് നല്കിയ അറിയിപ്പില്, 2025 ഡിസംബര് വരെയുള്ള കോര്പ്പറേഷന്റെ കരുതല് ധനത്തില് നിന്നും 6,325 കോടി രൂപ ഉപയോഗിച്ച് ബോണസ് ഓഹരികള് നല്കുമെന്ന് എല്ഐസി വ്യക്തമാക്കി.
1:1 ബോണസ് ഓഹരി എന്നാല്, റെക്കോര്ഡ് ഡേയ്റ്റില് ഒരു ഓഹരി കൈവശമുള്ള നിക്ഷേപകന് അധികമായി ഒരു ഓഹരി കൂടി സൗജന്യമായി ലഭിക്കും. ഇതോടെ ഓരോ ഓഹരിയുടെയും വിപണി മൂല്യം പകുതിയായി കുറയും.
ബോണസ് ഓഹരി പ്രഖ്യാപനം ഉണ്ടാകുമെന്ന വാര്ത്തയെത്തുടര്ന്ന് കഴിഞ്ഞ അഞ്ച് സെഷനുകളിലായി എല്ഐസി ഓഹരികള് 9.32 ശതമാനം മുന്നേറിയിരുന്നു. തിങ്കളാഴ്ച ഒരു ശതമാനം വര്ധിച്ച് 809 രൂപയിലാണ് വ്യാപാരം അവസാനിപ്പിച്ചത്. ബോണസ് അനുവദിച്ച ശേഷം ഓരോ ഓഹരിയുടെയും വില 404.50 രൂപയാകും. ഓഹരിക്ക് 10 രൂപയാണ് മുഖവില.
by Midhun HP News | Apr 13, 2026 | Latest News, ദേശീയ വാർത്ത
വത്തിക്കാന്: അമേരിക്കന് പ്രസിഡന്റ് ഡോണള്ഡ് ട്രംപിന്റെ വിമര്ശനങ്ങള്ക്ക് മറുപടിയുമായി ലിയോ പതിനാലാമന് മാര്പാപ്പ. ഇറാന് യുദ്ധവുമായി ബന്ധപ്പെട്ട് വത്തിക്കാന് ഉയര്ത്തുന്ന സമാധാന ആഹ്വാനങ്ങള് സുവിശേഷത്തില് അധിഷ്ഠിതമാണെന്നും അത് ഇനിയും തുടരുമെന്നും ട്രംപ് ഭരണകൂടത്തെ ഭയപ്പെടുന്നില്ലെന്നും മാര്പാപ്പ പറഞ്ഞു.
അമേരിക്ക-ഇസ്രയേല് സഖ്യം ഇറാനില് നടത്തുന്ന യുദ്ധത്തെ വത്തിക്കാന് എതിര്ത്തതിനെതിരെ ട്രംപ് രംഗത്തുവന്നിരുന്നു. എന്നാല് തന്റെ സന്ദേശത്തെ പ്രസിഡന്റ് തെറ്റായി വ്യാഖ്യാനിക്കുകയാണെന്ന് മാര്പാപ്പ പറഞ്ഞു. താന് മുന്നോട്ട് വെക്കുന്ന സമാധാന സന്ദേശം സഭയുടെ ദൗത്യമാണെന്നും അതില് ഉറച്ചുനില്ക്കുമെന്നും അദ്ദേഹം പറഞ്ഞു. ട്രംപ് ഭരണകൂടത്തിന്റെ നിലപാടുകളില് തനിക്ക് ഭയമില്ലെന്നും അദ്ദേഹം കൂട്ടിച്ചേര്ത്തു.
മാര്പാപ്പ തീവ്ര ഇടതുപക്ഷത്തെ തൃപ്തിപ്പെടുത്താന് ആണ് ശ്രമിക്കുന്നത് നിര്ത്തണം എന്ന് ട്രംപ് ആവശ്യപ്പെട്ടിരുന്നു. കുറ്റകൃത്യങ്ങള് സംബന്ധിച്ച് മാര്പാപ്പ സ്വീകരിക്കുന്ന നിലപാട് ദുര്ബലമാണ്. അദ്ദേഹത്തിന്റെ വിദേശ നയങ്ങള് വളരെ മോശമാണെന്നും ട്രംപ് പരിഹസിച്ചു. അമേരിക്കക്കാരനായ ലിയോയെ സഭ മാര്പ്പാപ്പയായി തെരഞ്ഞെടുത്തതെന്ന് തന്നെ നേരിടാന് വേണ്ടിയാണ് എന്നുംട്രംപ് ആരോപിച്ചു. താന് വൈറ്റ് ഹൗസില് ഇല്ലായിരുന്നുവെങ്കില് ലിയോ വത്തിക്കാനില് ഉണ്ടാകില്ലായിരുന്നു.
ഇറാന് ഒരു ആണവായുധം ഉണ്ടായിരിക്കുന്നത് ശരിയാണെന്ന് കരുതുന്ന ഒരു പോപ്പിനെ എനിക്ക് വേണ്ട. അമേരിക്കയിലേക്ക് വന്തോതില് മയക്കുമരുന്ന് അയയ്ക്കുകയും, മയക്കുമരുന്ന് വ്യാപാരികള്, കൊലയാളികള് എന്നിവരുള്പ്പെടെയുള്ള അമേരിക്കയിലേക്ക് അയക്കുകയും ചെയ്ത വെനിസ്വേലയെ അമേരിക്ക ആക്രമിച്ചത് ഭയാനകമാണെന്ന് കരുതുന്ന ഒരു പോപ്പിനെ എനിക്ക് വേണ്ട. പോപ്പ് ആകാനുള്ള ഒരു പട്ടികയിലും അദ്ദേഹം ഉണ്ടായിരുന്നില്ല, ഒരു അമേരിക്കക്കാരനായതിനാല് മാത്രമാണ് സഭ അദ്ദേഹത്തെ അവിടെ ഉള്പ്പെടുത്തിയതെന്നും ട്രംപ് പറഞ്ഞു.
സെന്റ് പീറ്റേഴ്സ് ബസിലിക്കയില് ശനിയാഴ്ച നടന്ന പ്രാര്ത്ഥനാ ശുശ്രൂഷയ്ക്കിടെയാണ് അമേരിക്കയും ഇറാനും തമ്മിലുള്ള യുദ്ധം അവസാനിപ്പിക്കാന് മാര്പാപ്പ ആഹ്വാനം ചെയ്തത്. യുഎസും ഇറാനും വെടിനിര്ത്തല് ചര്ച്ചകള് ആരംഭിച്ച അതേ ദിവസം തന്നെയാണ് മാര്പാപ്പ സമാധാനത്തിനായി ആഹ്വാനം ചെയ്തത്. ചരിത്രത്തിലെ ആദ്യത്തെ അമേരിക്കക്കാരനായ മാര്പാപ്പയാണ് ലിയോ പതിനാലാമന്. സ്വന്തം രാജ്യത്തെ പ്രസിഡന്റുമായി അദ്ദേഹം നടത്തുന്ന ഈ വാക്പോര് ആഗോളതലത്തില് ശ്രദ്ധിക്കപ്പെടുകയാണ്.
by Midhun HP News | Apr 13, 2026 | Latest News, ദേശീയ വാർത്ത
വാഷിങ്ടണ്: ഇറാനെതിരായ സൈനിക നീക്കത്തില് വിമര്ശനവുമായി രംഗത്തെത്തിയ ലിയോ പതിനാലാമന് മാര്പ്പാപ്പയെ വീണ്ടും കടന്നാക്രമിച്ച് അമേരിക്കന് പ്രസിഡന്റ് ഡോണള്ഡ് ട്രംപ്. മാര്പാപ്പ തീവ്ര ഇടതുപക്ഷത്തെ തൃപ്തിപ്പെടുത്താന് ആണ് ശ്രമിക്കുന്നത് നിര്ത്തണം എന്നാണ് ട്രംപിന്റെ ഉപദേശം. കുറ്റകൃത്യങ്ങള് സംബന്ധിച്ച് മാര്പാപ്പ സ്വീകരിക്കുന്ന നിലപാട് ദുര്ബലമാണ്. അദ്ദേഹത്തിന്റെ വിദേശ നയങ്ങള് വളരെ മോശമാണെന്നും ട്രംപ് പരിഹസിച്ചു. അമേരിക്കക്കാരനായ ലിയോയെ സഭ മാര്പ്പാപ്പയായി തെരഞ്ഞെടുത്തതെന്ന് തന്നെ നേരിടാന് വേണ്ടിയാണ് എന്നുംട്രംപ് ആരോപിച്ചു. താന് വൈറ്റ് ഹൗസില് ഇല്ലായിരുന്നുവെങ്കില് ലിയോ വത്തിക്കാനില് ഉണ്ടാകില്ലായിരുന്നു എന്നാണ് ട്രംപിന്റെ പരാമര്ശം.
സോഷ്യല് മീഡിയ പോസ്റ്റിലും വാര്ത്താ ഏജന്സിയായ ടാര്മാക്കിന് നല്കിയ അഭിമുഖത്തിലും ട്രംപ് നിലപാട് ആവര്ത്തിച്ചു. ‘ഞാന് പോപ്പ് ലിയോയുടെ ആരാധകനല്ല,’ എന്നാണ് ട്രംപിന്റെ നിലപാട്. ‘ഇറാന് ആണവായുധം കൈവശം വയ്ക്കുന്നത് ശരിയാണെന്ന് കരുതുന്ന ഒരു പോപ്പിനെ എനിക്ക് അംഗീകരിക്കാന് ആകില്ല. വെനസ്വേലയില് നിന്നുള്ള മയക്കുമരുന്ന് കടത്തും കുറ്റവാളികളുടെ കടന്നുകയറ്റവും തടയാന് താന് ശ്രമിക്കുമ്പോള് അതിനെ മാര്പ്പാപ്പ വിമര്ശിക്കുന്നത് ശരിയല്ലെന്നും ട്രംപ് പറഞ്ഞു.
കുറ്റകൃത്യങ്ങളില് പോപ്പ് ലിയോ ദുര്ബലനാണ്, വിദേശനയത്തില് അദ്ദേഹം ഭയങ്കരനാണ്. ട്രംപ് ഭരണകൂടത്തോടുള്ള ‘ഭയ’ത്തെക്കുറിച്ച് അദ്ദേഹം സംസാരിക്കുന്നു. ഇറാന് ഒരു ആണവായുധം ഉണ്ടായിരിക്കുന്നത് ശരിയാണെന്ന് കരുതുന്ന ഒരു പോപ്പിനെ എനിക്ക് വേണ്ട. അമേരിക്കയിലേക്ക് വന്തോതില് മയക്കുമരുന്ന് അയയ്ക്കുകയും, മയക്കുമരുന്ന് വ്യാപാരികള്, കൊലയാളികള് എന്നിവരുള്പ്പെടെയുള്ള അമേരിക്കയിലേക്ക് അയക്കുകയും ചെയ്ത വെനിസ്വേലയെ അമേരിക്ക ആക്രമിച്ചത് ഭയാനകമാണെന്ന് കരുതുന്ന ഒരു പോപ്പിനെ എനിക്ക് വേണ്ട. പോപ്പ് ആകാനുള്ള ഒരു പട്ടികയിലും അദ്ദേഹം ഉണ്ടായിരുന്നില്ല, ഒരു അമേരിക്കക്കാരനായതിനാല് മാത്രമാണ് സഭ അദ്ദേഹത്തെ അവിടെ ഉള്പ്പെടുത്തിയത്, പ്രസിഡന്റ് ട്രംപിനെ നേരിടാനുള്ള ഏറ്റവും നല്ല മാര്ഗമാണിതെന്ന് അവര് കരുതി. ഞാന് വൈറ്റ് ഹൗസില് ഇല്ലായിരുന്നുവെങ്കില്, ലിയോ വത്തിക്കാനില് ഉണ്ടാകുമായിരുന്നില്ല. ഇടതുപക്ഷക്കാരനായ ഡേവിഡ് ആക്സല്റോഡിനെപ്പോലുള്ള ഒബാമ അനുഭാവികളുമായി അദ്ദേഹം കൂടിക്കാഴ്ച നടത്തുന്നു. ലിയോ പോപ്പ് എന്ന നിലയില് തന്റെ കടമകളില് നിര്വഹിക്കണം. സാമാന്യബുദ്ധി ഉപയോഗിക്കണം, ഇടതുപക്ഷത്തെ പിന്തുണയ്ക്കുന്നത് നിര്ത്തണം, രാഷ്ട്രീയക്കാരനല്ല, മഹാനായ പോപ്പാകുന്നതില് ശ്രദ്ധ കേന്ദ്രീകരിക്കണം. എന്നാണ് ട്രംപിന്റെ പോസ്റ്റ്,.
യേശുക്രിസ്തുവിന്റെതിന് സമാനമായ വിശുദ്ധന്മാരെപ്പോലെയുള്ള ശക്തികള് തനിക്കുണ്ടെന്ന് സൂചിപ്പിക്കുന്ന ഒരു ചിത്രം ട്രംപ് സോഷ്യല് മീഡിയയില് പോസ്റ്റ് ചെയ്തു. ക്രൈസ്തവ ശൈലിയിലുള്ള വസ്ത്രം ധരിച്ച ട്രംപ്, കിടപ്പിലായ ഒരു മനുഷ്യനെ മേല് കൈ വയ്ക്കുന്നതാണ് ചിത്രത്തിലുള്ളത്. പട്ടാളക്കാരന്, ഒരു നഴ്സ്, പ്രാര്ത്ഥിക്കുന്ന ഒരു സ്ത്രീ, ബേസ്ബോള് തൊപ്പി ധരിച്ച താടിയുള്ള ഒരു പുരുഷന് തുടങ്ങിയവരും ചിത്രത്തിലുണ്ട്. ചിത്രത്തിലെ ആകാശത്തില് കഴുകന്മാരും അമേരിക്കന് പതാകയും ഉള്പ്പെടുന്നുണ്ട്.
സെന്റ് പീറ്റേഴ്സ് ബസിലിക്കയില് ശനിയാഴ്ച നടന്ന പ്രാര്ത്ഥനാ ശുശ്രൂഷയ്ക്കിടെയാണ് അമേരിക്കയും ഇറാനും തമ്മിലുള്ള യുദ്ധം അവസാനിപ്പിക്കാന് മാര്പാപ്പ ആഹ്വാനം ചെയ്തത്. യുഎസും ഇറാനും വെടിനിര്ത്തല് ചര്ച്ചകള് ആരംഭിച്ച അതേ ദിവസം തന്നെയാണ് മാര്പാപ്പ സമാധാനത്തിനായി ആഹ്വാനം ചെയ്തത്.
by Midhun HP News | Apr 13, 2026 | Latest News, ദേശീയ വാർത്ത
വാഷിങ്ടൺ: ഇറാൻ തുറമുഖങ്ങൾക്ക് മേൽ അമേരിക്ക ഉപരോധം ഏർപ്പെടുത്തി. ഇതിനു പിന്നാലെ ക്രൂഡ് ഓയിൽ വില കുതിച്ചുയർന്നു. ക്രൂഡ് ഓയിൽ വില ബാരലിന് 100 ഡോളർ കടന്നു. ബെന്റ് ക്രൂഡ് വില 7 ശതമാനം ഉയർന്ന് 102.29 ഡോളറായി. സമാധാന ചർച്ച പരാജയമായതാണ് തിരിച്ചടിയായത്. ഹോർമൂസ് കടലിടുക്കിൽ പട്രോളിങ് നടത്താനാണ് ട്രംപിന്റെ നീക്കം.
ഇറാനിലേക്കോ പുറത്തേക്കോ ഉള്ള കപ്പൽ ഗതാഗതത്തിനു തിങ്കളാഴ്ച മുതൽ ഉപരോധം ഏർപ്പെടുത്തുമെന്ന് പശ്ചിമേഷ്യയിലെ അമേരിക്കൻ സേനാ വിഭാഗമായ യുഎസ് സെൻട്രൽ കമാൻഡ് വ്യക്തമാക്കിയിരുന്നു. ഇറാൻ തുറമുഖങ്ങളിൽ പ്രവേശിക്കുന്നതോ അവിടെനിന്ന് പുറപ്പെടുന്നതോ ആയ എല്ലാ രാജ്യങ്ങളുടെയും കപ്പലുകൾക്ക് ഈ ഉപരോധം ബാധകമായിരിക്കും. ഒരു രാജ്യത്തിനും ഇതിൽ ഇളവ് നൽകില്ലെന്നാണ് അറിയിപ്പ്.
എന്നാൽ ഇറാൻ ഇതര രാജ്യങ്ങളിലെ തുറമുഖങ്ങളിലേക്ക് ഹോർമുസ് കടലിടുക്ക് വഴി പോകുന്ന കപ്പലുകളെ തടയില്ല. ഹോർമുസ് കടലിടുക്കിൽ നാവിക ഉപരോധം ഏർപ്പെടുത്തുമെന്ന അമേരിക്കയുടെ ഭീഷണിയെ പരിഹസിച്ച് ഇറാനിയൻ ഉദ്യോഗസ്ഥർ രംഗത്തെത്തി. ട്രംപിന്റെ ഭീഷണികൾ ചിരിക്കാൻ വകയുള്ളതെന്ന് നേവി കമാൻഡർ അഡ്മിറൽ ഷഹറാം ഇറാനി പറഞ്ഞു. മേഖലയിലെ യുഎസ് സൈനിക നീക്കങ്ങൾ ഇറാൻ സേന നിരീക്ഷിച്ചുവരികയാണെന്നും അദ്ദേഹം വ്യക്തമാക്കി.
Recent Comments