by Midhun HP News | Dec 24, 2021 | Informations & Vaccancy, Latest News, ജില്ലാ വാർത്ത
തിരുവനന്തപുരം: സംസ്ഥാന സർക്കാർ ജീവനക്കാർക്ക് പുതുവൽസര സമ്മാനമായി ‘മെഡിസെപ്’ മെഡിക്കൽ ഇൻഷുറൻസ് പദ്ധതിയ്ക്ക് അംഗീകാരം നൽകി. 2022 ജനുവരി 1 മുതല് പദ്ധതി തത്വത്തില് ആരംഭിക്കും. നിലവിലുള്ള രോഗങ്ങൾക്കുള്ളതുൾപ്പെടെ പദ്ധതിയുടെ ഭാഗമായ ചികിത്സകൾക്ക് ഇൻഷുറൻസ് ലഭ്യമാകും.
സംസ്ഥാന സര്ക്കാര് ജീവനക്കാര്, പാര്ട് ടൈം കണ്ടിജൻ്റ് ജീവനക്കാര്, പാര്ട് ടൈം അധ്യാപകര്, എയ്ഡഡ് സ്കൂളുകളില് ഉള്പ്പെടെയുള്ള അധ്യാപക – അനധ്യാപക ജീവനക്കാര്, പെന്ഷന്കാര്, കുടുംബ പെന്ഷന്കാര് എന്നിവരും അവരുടെ ആശ്രിതരും നിര്ബന്ധിതാടിസ്ഥാനത്തിലും സംസ്ഥാന സര്ക്കാരിനു കീഴില് സേവനമനുഷ്ഠിക്കുന്ന അഖിലേന്ത്യാ സര്വീസ് ഉദ്യോഗസ്ഥരും അവരുടെ ആശ്രിതരും ഐശ്ചികാടിസ്ഥാനത്തിലും പദ്ധതിയുടെ ഗുണഭോക്താക്കളായിരിക്കുന്നതാണ്. വിരമിച്ച എം.എല്.എ.മാരെക്കൂടി പദ്ധതിയുടെ ഭാഗമാക്കാന് അംഗീകാരം നല്കിയിട്ടുണ്ട്.
സംസ്ഥാന സര്ക്കാരിൻ്റെ ധനസഹായം സ്വീകരിക്കുന്ന സര്വകലാശാലകളിലെയും തദ്ദേശസ്വയംഭരണ സ്ഥാപനങ്ങളിലെയും ജീവനക്കാര് / പെന്ഷന്കാര് / കുടുംബ പെന്ഷന്കാര് എന്നിവരും, മുഖ്യമന്ത്രി / മറ്റു മന്ത്രിമാര്, പ്രതിപക്ഷ നേതാവ്, ചീഫ് വിപ്പ്, സ്പീക്കര്, ഡെപ്യൂട്ടി സ്പീക്കര്, ധനകാര്യ കമ്മിറ്റികളിലെ ചെയര്മാന്മാര് എന്നിവരുടെ നേരിട്ട് നിയമിതരായ പേഴ്സണല് സ്റ്റാഫ്, പേഴ്സണല് സ്റ്റാഫ് പെന്ഷന്കാര്, കുടുംബ പെന്ഷന്കാര് എന്നിവരും ഇവരുടെ ആശ്രിതരും പദ്ധതിയുടെ ഗുണഭോക്താക്കളായിരിക്കും. ജീവനക്കാരുടെയും പെന്ഷന്കാരുടെയും പ്രതിമാസ ഇന്ഷുറന്സ് പ്രീമിയം 500 രൂപയായിരിക്കും.
എംപാനല് ചെയ്യപ്പെട്ട പൊതു-സ്വകാര്യ ആശുപത്രികളില് മാത്രമേ പദ്ധതി പ്രകാരമുള്ള പരിരക്ഷ ലഭിക്കുകയുള്ളൂ. എന്നാല്, ജീവനു ഭീഷണിയോ അപകടമോ ഉള്ള അടിയന്തര സാഹചര്യങ്ങളില് എംപാനല് ചെയ്യപ്പെടാത്ത ആശുപത്രികളിലെ ചികിത്സയ്ക്കും പരിരക്ഷ ലഭിക്കും. ഒ.പി. വിഭാഗ ചികിത്സകള് പദ്ധതിയില് ഉള്പ്പെടുന്നില്ല. അതിനാല് കേരള ഗവണ്മെൻ്റ് സെര്വൻ്റ് മെഡിക്കല് അറ്റന്ഡൻ്റ് ചട്ടങ്ങള്ക്കു വിധേയരായ എല്ലാ സര്ക്കാര് ജീവനക്കാര്ക്കും എല്ലാ സര്ക്കാര് ആശുപത്രികളിലെയും, തിരുവനന്തപുരം ആര്.സി.സി., ശ്രീചിത്ര, മലബാര് ക്യാന്സര് സെൻ്റര്, കൊച്ചിന് ക്യാന്സര് സെൻ്റര് ഉള്പ്പെടെയുള്ള എല്ലാ സൂപ്പര് സ്പെഷ്യാലിറ്റി ആശുപത്രികളിലെയും ഒ.പി. ചികിത്സയ്ക്ക് നിലവിലുള്ള മെഡിക്കല് റി-ഇമ്പേഴ്സ്മെൻ്റ് സമ്പ്രദായം തുടരും.
പൊതുമേഖലാ ഇന്ഷുറന്സ് കമ്പനിയായ ഓറിയന്റല് ഇന്ഷുറന്സ് കമ്പനിയെയാണ് പദ്ധതി നടത്തിപ്പിന് ഏല്പ്പിച്ചിരിക്കുന്നത്. പദ്ധതിയുമായി ബന്ധപ്പെട്ട തര്ക്കങ്ങള് പരിഹരിക്കുന്നതിന് ത്രിതല സംവിധാനത്തിന് രൂപം നല്കും. പദ്ധതി നടത്തിപ്പ് ധനകാര്യ വകുപ്പിനു കീഴില് സംസ്ഥാന നോഡല് സെല്ലില് നിക്ഷിപ്തമായിരിക്കും.
by Midhun HP News | Dec 23, 2021 | Informations & Vaccancy, Latest News, ജില്ലാ വാർത്ത
നോര്ക്ക പ്രവാസി സംരംഭകത്വ സഹായ പദ്ധതിയായ നോര്ക്ക പ്രോജക്ട് ഫോര് റിട്ടേണ്ഡ് എമിഗ്രന്റ്സ് (എന്.ഡി.പി.ആര്.എം) വഴി 30 ലക്ഷം രൂപ വരെയുള്ള വായ്പകള്ക്ക് ഇപ്പോള് അപേക്ഷിക്കാം. 15 ശതമാനം മൂലധന സബ്സിഡിയും (പരമാവധി മൂന്നു ലക്ഷം രൂപ) മൂന്നു ശതമാനം പലിശസബ്സിഡിയും നല്കുന്ന ഈ പദ്ധതി വഴി, ഈ സാമ്പത്തിക വര്ഷം ഇതുവരെ 520 പ്രവാസികള് നാട്ടില് വിവിധ സംരംഭങ്ങള്ക്ക് തുടക്കമിട്ടിട്ടുണ്ട്. ആകെ 10 കോടി രൂപ ഈ സംരംഭങ്ങള്ക്ക് സബ്സിഡി ഇനത്തില് അനുവദിച്ചു. രണ്ടു വര്ഷത്തിലധികം വിദേശത്ത് ജോലി ചെയ്ത ശേഷം മടങ്ങിയെത്തി നാട്ടില് സ്ഥിരതാമസമാക്കിയവര്ക്ക് അപേക്ഷിക്കാം. വായ്പയ്ക്കൊപ്പം സംരംഭകത്വ പിന്തുണയും നോര്ക്ക റൂട്ട്സ് നല്കുന്നുണ്ട്.
സംസ്ഥാനത്തെ 16 ധനകാര്യ സ്ഥാപനങ്ങളുടെ ആറായിരത്തോളം ശാഖകള് വഴി വായ്പ ലഭിക്കാന് അവസരമൊരുക്കിയിട്ടുണ്ട്.
അപേക്ഷ സമര്പ്പിക്കാന് www.norkaroots.org എന്ന വെബ്സൈറ്റ് സന്ദര്ശിക്കാവുന്നതാണ്. കുടുതല് വിവരങ്ങള്ക്ക് 1800 425 3939 എന്ന ടോള് ഫ്രീ നമ്പരിലും ബന്ധപ്പെടാം.
by liji HP News | Dec 11, 2021 | Informations & Vaccancy, Latest News, ജില്ലാ വാർത്ത
ഇന്സ്റ്റിറ്റ്യൂട്ട് ഓഫ് ഹ്യൂമന് റിസോഴ്സസ് ഡെവലപ്പ്മെന്റിന്റെ (ഐ.എച്ച്.ആര്.ഡി) ആഭിമുഖ്യത്തില് ജനുവരിയില് ആരംഭിക്കുന്ന വിവിധ കോഴ്സുകളില് അപേക്ഷ ക്ഷണിച്ചു. അപേക്ഷാഫാമും വിശദവിവരവും www.ihrd.ac.in ല് നിന്നും ഡൗണ്ലോഡ് ചെയ്യാം. പൂരിപ്പിച്ച അപേക്ഷാ ഫോമുകള് രജിസ്ട്രേഷന് ഫീസായ 150 രൂപ (എസ്.സി/ എസ്.ടി വിഭാഗങ്ങള്ക്ക് 100 രൂപ) ഡി.ഡി സഹിതം 31ന് വൈകുന്നേരം നാല് മണിക്കു മുന്പ് അതത് സ്ഥാപനമേധാവിക്ക് സമര്പ്പിക്കണം.
by liji HP News | Dec 10, 2021 | Informations & Vaccancy, Latest News, ജില്ലാ വാർത്ത
ആറ്റിങ്ങൽ: ആറ്റിങ്ങൽ മൂന്നുമുക്കിൽ പ്രവർത്തിക്കുന്ന കേന്ദ്രസർക്കാർ സ്ഥാപനമായ എം.എസ്.എം.ഇ ടെക്നോളജി ഇന്സ്ടിട്യൂട്ടിൽ 18 ,19 തീയതികളിൽ ആയി 2 ദിവസത്തെ SOLAR PV INSTALLER വർക് ഷോപ് ക്ലാസ് നടത്തുന്നു. കൂടുതൽ വിവരങ്ങൾക്ക് :9746870544
by liji HP News | Dec 10, 2021 | Informations & Vaccancy, Latest News, ജില്ലാ വാർത്ത
തിരുവനന്തപുരം: ജര്മനിയിലേക്ക് മലയാളി നഴ്സുമാരെ റിക്രൂട്ടു ചെയ്യുന്നതിന് നോര്ക്ക റൂട്ട്സും ജര്മന് ഫെഡറല് എംപ്ലോയ്മെന്റ് ഏജന്സിയുമായി (ബി. എ) ഒപ്പു വച്ച ‘ട്രിപ്പിള് വിന്’ പദ്ധതിയുടെ ആദ്യഘട്ട റിക്രൂട്ടുമെന്റിന് അപേക്ഷ ക്ഷണിച്ചു. നിലവില് ജര്മന് ഭാഷയില് ബി1 ലവല് യോഗ്യതയും നഴ്സിംഗില് ബിരുദമോ ഡിപ്ലോമയോ ഉള്ളവരുമായ ഉദ്യോഗാര്ഥികള്ക്കായുള്ള ഫാസ്റ്റ് ട്രാക്ക് റിക്രൂട്ടുമെന്റ് പദ്ധതിയിലേക്കാണ് ഇപ്പോള് അപേക്ഷിക്കാവുന്നത്.
ജര്മനിയില് രജിസ്റ്റേര്ഡ് നഴ്സ് ആയി ജോലി ചെയ്യണമെങ്കില് ജര്മന് ഭാഷയില് ബി2 ലവല് യോഗ്യത നേടേണ്ടതുണ്ട്. കൂടാതെ ലൈസന്സിംഗ് പരീക്ഷയും പാസ്സാകണം. നിലവില് ബി1 യോഗ്യത നേടിയ നഴ്സുമാര്ക്ക് ബി2 ലവല് യോഗ്യത നേടുന്നതിനും ലൈസന്സിംഗ് പരീക്ഷ പാസ്സാകുന്നതിനും ട്രിപ്പിള് വിന് പദ്ധതി പ്രകാരം സൗജന്യ പരിശീലനം ലഭിക്കും. ഇക്കാലയളവില് ആശുപത്രികളിലോ കെയര് ഹോമുകളിലോ കെയര്ഗിവറായി ജോലി ചെയ്യുന്നതിനും പ്രതിമാസം കുറഞ്ഞത് 2300 യൂറോ ശമ്പളം ലഭിക്കുന്നതിനും അര്ഹതയുണ്ട്.
മേല്പ്പറഞ്ഞ യോഗ്യതയും കുറഞ്ഞത് ഒരു വര്ഷത്തെ പ്രവര്ത്തി പരിചയമുള്ള നഴ്സുമാര്ക്ക് ഫാസ്റ്റ് ട്രാക്ക് റിക്രൂട്ട്മെന്റ് പദ്ധതിയിലേക്ക് അപേക്ഷിക്കാം. പ്രായപരിധി 45 വയസ്സ്. ജര്മനിയിലെ തൊഴില് ദാതാവ് നേരിട്ടോ ഓണ്ലൈനായോ ഇന്റര്വ്യു നടത്തിയായിരിക്കും യോഗ്യരായവരെ തെരഞ്ഞെടുക്കുന്നത്. തെരഞ്ഞെടുപ്പ് പൂര്ണമായും ജര്മന് തൊഴില്ദാതാവിന്റെ തീരൂമാനത്തിന് വിധേയമായിരിക്കും.
അപേക്ഷ സ്വീകരിക്കുന്ന അവസാന തീയതി: 2021 ഡിസംബര് 24. അപേക്ഷകള് അയക്കേണ്ട ഇ-മെയില് വിലാസം: rcrtment.norka@kerala.gov.in. വിശദാശംങ്ങള്ക്ക് www.norkaroots.org എന്ന വെബ്സൈറ്റ് സന്ദര്ശിക്കുകയോ 1800 452 3939 എന്ന ടോള് ഫ്രീ നമ്പരില് ബന്ധപ്പെടുകയോ ചെയ്യാവുന്നതാണ്.
ബി1 ലവല് മുതല് ജര്മന് ഭാഷ പരിശീലീപ്പിച്ചു കൊണ്ടുള്ള രണ്ടാം ഘട്ട റിക്രൂട്ട്മെന്റിന് വൈകാതെ അപേക്ഷ ക്ഷണിക്കുമെന്ന് നോര്ക്ക റൂട്ട്സ് സി.ഇ.ഒ അറിയിച്ചു.
by liji HP News | Dec 2, 2021 | Informations & Vaccancy, Latest News, ജില്ലാ വാർത്ത
ആറ്റിങ്ങൽ: ആറ്റിങ്ങലിലെ പ്രമുഖ ഓൺലൈൻ മാധ്യമ സ്ഥാപനത്തിലേക്ക് ജേർണലിസ്റ്റ് ട്രെയിനികളെ തേടുന്നു. ജേർണലിസത്തിൽ ബിരുദമോ ബിരുദാനന്തര ഡിപ്ലോമയോ ഉള്ളവർക്ക് മുൻഗണന. വാർത്താ അഭിരുചിയുള്ള ബിരുദധാരികൾക്കും അപേക്ഷിക്കാം. പ്രായം:20-30 നും മദ്ധ്യേ.
അവസാന തീയതി: ഡിസംബർ 15
അപേക്ഷകർ ബയോഡാറ്റ അയക്കേണ്ട ഇമെയിൽ വിലാസം: hridayapoorvamnews@gmail.com
കൂടുതൽ വിവരങ്ങൾക്ക് ബന്ധപ്പെടേണ്ട നമ്പർ: 9446378910
Recent Comments