by Midhun HP News | Nov 8, 2024 | Latest News, കേരളം
കൊച്ചി: ഇന്നലെ 1300 രൂപയുടെ കനത്ത ഇടിവ് നേരിട്ട സ്വര്ണവിലയില് ഇന്ന് മുന്നേറ്റം. പവന് 680 രൂപ വര്ധിച്ച് സ്വര്ണവില വീണ്ടും 58,000ന് മുകളില് എത്തി. 58,280 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 85 രൂപയാണ് വര്ധിച്ചത്. 7285 രൂപയാണ് ഒരു ഗ്രാം സ്വര്ണത്തിന്റെ വില.
ഓഹരി വിപണിയില് ഉണ്ടായ മുന്നേറ്റം അടക്കമുള്ള ഘടകങ്ങളാണ് ഇന്നലെ സ്വര്ണവിലയില് പ്രതിഫലിച്ചത്. അടുത്തിടെ ആദ്യമായാണ് സ്വര്ണവില ഒറ്റയടിക്ക് ആയിരത്തിലധികം രൂപ കുറഞ്ഞത്. അന്താരാഷ്ട്ര വിപണിയിലെ മാറ്റമാണ് സ്വര്ണവിലയില് പ്രതിഫലിച്ചത്.
ഓരോ ദിവസം കഴിയുന്തോറും റെക്കോര്ഡുകള് ഭേദിച്ച് 60,000 കടന്നും മുന്നേറുമെന്ന് തോന്നിപ്പിച്ച ഘട്ടത്തിലാണ് സ്വര്ണവിലയില് ഇന്നലെ ഒറ്റയടിക്ക് ആയിരത്തിലധികം രൂപ ഇടിഞ്ഞത്. ഓഹരി വിപണി ഇന്നലെ ഇടിഞ്ഞത് അടക്കമുള്ള ഘടകങ്ങളാണ് ഇന്ന് സ്വർണവിലയിൽ പ്രതിഫലിച്ചത്.
by Midhun HP News | Nov 7, 2024 | Latest News, കേരളം
തൃശൂർ: ചേലക്കരയിൽ ഉപതെരഞ്ഞെടുപ്പിനോടനുബന്ധിച്ച് മൂന്ന് ദിവസം ഡ്രൈ ഡേ പ്രഖ്യാപിച്ചു. നവംബർ 11 വൈകിട്ട് ആറ് മണി മുതൽ വോട്ടെടുപ്പ് അവസാനിക്കുന്ന നവംബർ 13 വൈകിട്ട് ആറ് മണി വരെ ചേലക്കര നിയോജക മണ്ഡല പരിധിയിൽ ഡ്രൈ ഡേ ആയിരിക്കുമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥൻ അറിയിച്ചു.വോട്ടെണ്ണൽ ദിവസമായ നവംബർ 23 നും ഡ്രൈ ഡേ ആയിരിക്കും. റീ പോളിങ് ആവശ്യമായി വന്നാൽ അന്നേ ദിവസവും ഡ്രൈ ഡേ ആയിരിക്കും.
പ്രസ്തുത കാലയളവിൽ പൊതുസ്ഥലങ്ങളിലോ ഭക്ഷണശാലകളിലോ ലഹരി വസ്തുക്കൾ വാങ്ങുകയോ ശേഖരിക്കുകയോ വിതരണം ചെയ്യുകയോ ഉപയോഗിക്കുകയോ ചെയ്യാൻ പാടില്ല. മദ്യശാലകൾ ഉൾപ്പെടെയുള്ള ക്ലബുകൾക്കും ഹോട്ടലുകൾക്കും നിരോധനം ബാധകമായിരിക്കുമെന്നും ജില്ലാ തെരഞ്ഞെടുപ്പ് ഉദ്യോഗസ്ഥൻ അറിയിച്ചു.
by Midhun HP News | Nov 7, 2024 | Latest News, കേരളം
ആർ.ശങ്കറിന്റെ 52- ചരമവാർഷികത്തോടനുബന്ധിച്ച് കച്ചേരി ജംഗ്ഷനിൽ ഛായ ചിത്രത്തിന് മുന്നിൽ പുഷപാർച്ചന നടത്തി. ആറ്റിങ്ങൽ കച്ചേരി ജംഗ്ഷനിൽ ബ്ലോക്ക് പ്രസിഡന്റ് എൻ.ബിഷ്ണു, ആറ്റിങൽ വെസ്റ്റ് മണ്ഡലം കോൺഗ്രസ് കമ്മിറ്റി പ്രസിഡന്റ്
ആർ. എസ്.പ്രശാന്ത്, ബ്ലോക്ക് കോൺഗ്രസ്സ് കമ്മിറ്റിയുടെ ജനറൽ സെക്രട്ടറിമാരായ പ്ലാവിള ജോസ്, ഷാജി, മീഡിയ സെൽ നിയോജകമണ്ഡലം കോഡിനേറ്റർ വിഷ്ണു പ്രശീലൻ, ദിവാകരൻ പിള്ള തുടങ്ങിയവർ പങ്കെടുത്തു.
by Midhun HP News | Nov 7, 2024 | Latest News, കേരളം
വയനാട് തോല്പ്പെട്ടിയില് നിന്ന് ഭക്ഷ്യക്കിറ്റുകള് പിടികൂടി തെരഞ്ഞെടുപ്പ് ഫ്ളയിങ് സ്ക്വാഡ്. രാഹുല് ഗാന്ധിയുടേയും പ്രിയങ്കാ ഗാന്ധിയുടേയും ചിത്രങ്ങള് പതിപ്പിച്ച ഭക്ഷ്യക്കിറ്റുകളാണ് പിടികൂടിയത്. കോണ്ഗ്രസ് മണ്ഡലം പ്രസിഡന്റിന്റെ വീടിനോട് ചേര്ന്ന മില്ലില് സൂക്ഷിച്ച നിലയിലായിരുന്നു കിറ്റുകള്. വയനാട്ടിലെ ഉരുള്പൊട്ടല് ദുരിതബാധിതര്ക്ക് നല്കാനാണ് ഈ വസ്തുക്കള് എന്ന് കിറ്റില് കൃത്യമായി രേഖപ്പെടുത്തിയിട്ടുമുണ്ട്.
by Midhun HP News | Nov 7, 2024 | Latest News, കേരളം
നടൻ സൽമാൻ ഖാന് പിന്നാലെ കിംഗ് ഖാനും വധഭീഷണി. ഫോണിലൂടെയാണ് വധഭീഷണി സന്ദേശം എത്തിയത്. ഫൈസാൻ എന്ന് പരിചയപ്പെടുത്തിയ ആളാണ് ഭീഷണിപ്പെടുത്തിയതെന്ന് അന്വേഷണ ഉദ്യോഗസ്ഥർ പറയുന്നു. ഇയാളെ തിരഞ്ഞു മുംബൈ പൊലീസ് ഛത്തീസ്ഗഡിലേക്ക് പുറപ്പെട്ടിരിക്കുകയാണ്.
എന്നാൽ ഇതാദ്യമായിട്ടല്ല ഷാരൂഖ് ഖാൻ വധഭീഷണി നേരിടുന്നത്. കഴിഞ്ഞവർഷം അദ്ദേഹത്തിന് നേരെ ഭീഷണി സന്ദേശം എത്തിയതിനെത്തുടർന്ന് Y+ കാറ്റഗറിയിലേക്ക് ഷാരൂഖിന്റെ സുരക്ഷ വർധിപ്പിച്ചിരുന്നു. 24 മണിക്കൂറും സായുധരായ ആറ് ഉദ്യോഗസ്ഥർ അദ്ദേഹത്തോടൊപ്പം ഉണ്ടാകും. നേരത്തെ ആയുധധാരികളായ രണ്ട് സുരക്ഷാ ഉദ്യോഗസ്ഥർ മാത്രമായിരുന്നു ഉണ്ടായിരുന്നത്.
സൽമാൻ ഖാനെ ഭീഷണിപ്പെടുത്തിയതിന് കർണാടകയിൽ നിന്ന് ബികാറാം ജലാറാം ബിഷ്ണോയ് എന്നയാളാണ് അറസ്റ്റിലായത്. ലോറൻസ് ബിഷ്ണോയിയുടെ സഹോദരനെന്ന് ഇയാൾ അവകാശപ്പെടുകയും സല്മാന് ഖാന് ജീവിച്ചിരിക്കണമെങ്കില് തങ്ങളുടെ ക്ഷേത്രത്തില് പോയി മാപ്പ് പറയണമെന്നും അല്ലെങ്കില് അഞ്ച് കോടി രൂപ നല്കണമെന്നുമാണ് സന്ദേശത്തില് ഇയാൾ ആവശ്യപ്പെട്ടത്.
by Midhun HP News | Nov 7, 2024 | Latest News, കേരളം
കൊല്ലം: കൊല്ലം കലക്ടറേറ്റ് വളപ്പിലെ ബോംബ് സ്ഫോടനക്കേസില് മൂന്ന് പ്രതികള്ക്ക് ജീവപര്യന്തം. നിരോധിത ഭീകരസംഘടനയായ ബേസ് മൂവ്മെന്റ് പ്രവര്ത്തകരും മധുര സ്വദേശികളുമായ അബ്ബാസ് അലി (31), ഷംസൂണ് കരീംരാജ (33), ദാവൂദ് സുലൈമാന് (27) എന്നിവരെയാണ് കൊല്ലം പ്രിന്സിപ്പല് സെഷന്സ് കോടതി ശിക്ഷിച്ചത്.
കേസില് മൂന്ന് പ്രതികളും കുറ്റക്കാരെന്ന് കോടതി നേരത്തെ കണ്ടെത്തിയിരുന്നു. പ്രതികളില് ഒരാളെ കുറ്റവിമുക്തനാക്കുകയും ചെയ്തു. നാലാം പ്രതി കുല്കുമാര തെരുവില് ഷംസുദ്ദീനെയാണ് വെറുതെ വിട്ടത്. പ്രതികള്ക്കുമേല് ചുമത്തിയ രാജ്യദ്രോഹക്കുറ്റം കോടതി ഒഴിവാക്കിയിട്ടുണ്ട്. 2016 ജൂണ് 15 ന് രാവിലെ 10.50 ന് കൊല്ലം കലക്ടറേറ്റ് വളപ്പിലെ മുന്സിഫ് കോടതിക്ക് മുമ്പില് തൊഴില് വകുപ്പിന്റെ ഉപയോഗിക്കാതെ കിടന്ന ജീപ്പിലായിരുന്നു സ്ഫോടനം. ചോറ്റുപാത്രത്തില് സ്ഥാപിച്ച ബോംബ് പൊട്ടി പേരയം പഞ്ചായത്ത് മുന് വൈസ് പ്രസിഡന്റ് സാബുവിന് പരിക്കേറ്റിരുന്നു.
Recent Comments