by Midhun HP News | Apr 25, 2026 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ കാരുണ്യ ലോട്ടറി ഫലം പ്രഖ്യാപിച്ചു. KY 794625 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 25 ലക്ഷം രൂപ KN 555454 എന്ന നമ്പറിലുള്ള ടിക്കറ്റിനാണ്. പത്തുലക്ഷം രൂപയുടെ മൂന്നാം സമ്മാനം KP 875040 എന്ന നമ്പറിലുള്ള ടിക്കറ്റിനാണ്.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില.ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
(Remaining all series)
KN 794625
KO 794625
KP 794625
KR 794625
KS 794625
KT 794625
KU 794625
KV 794625
KW 794625
KX 794625
KZ 794625
4th Prize: ₹5,000/-(Last four digits to be drawn 19 times)
0506 0709 1372 1952 2478 3596 4007 4338 4639 4910 5119 5391 5550 5669 6716 7245 7529 8693 9446
5th Prize: ₹2,000/-(Last four digits to be drawn 6 times)
2416 4409 4835 7113 7869 8112
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Apr 25, 2026 | Latest News, കേരളം
തിരുവനന്തപുരം: സംസ്ഥാനം കടുത്ത ചൂടില് വെന്തുരുകുമ്പോള് ആശ്വാസമായി മഴ എത്തുന്നു. ബുധനാഴ്ച നാലു ജില്ലകളില് ഒറ്റപ്പെട്ടയിടങ്ങളില് ശക്തമായ മഴ കേന്ദ്ര കാലാവസ്ഥ വകുപ്പ് പ്രവചിക്കുന്നു. ജാഗ്രതയുടെ ഭാഗമായി പത്തനംതിട്ട, ഇടുക്കി, കണ്ണൂര്, കാസര്കോട് ജില്ലകളില് കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു.
24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്. അതേസമയം സംസ്ഥാനത്ത് കടുത്ത ചൂട് തുടരുകയാണ്. എന്നാല് ഇന്നും നാളെയും (ശനി, ഞായര്) എവിടെയും ഉഷ്ണതരംഗ മുന്നറിയിപ്പ് ഇല്ല. ഈ ദിവസങ്ങളില് പാലക്കാട് താപനില 40 ഡിഗ്രി വരെ ഉയരാമെന്നും കാലാവസ്ഥ വകുപ്പ് കണക്കുകൂട്ടുന്നു. കൊല്ലം ജില്ലയില് ഉയര്ന്ന താപനില 30 ഡിഗ്രി സെല്ഷ്യസ് വരെയും പത്തനംതിട്ട, തൃശ്ശൂര്, കോഴിക്കോട്, കാസര്കോട് ജില്ലകളില് 38 ഡിഗ്രി സെല്ഷ്യസ് വരെയും കോട്ടയം, എറണാകുളം, മലപ്പുറം,കണ്ണൂര് ജില്ലകളില് 37 ഡിഗ്രി സെല്ഷ്യസ് വരെയും തിരുവനന്തപുരം,ആലപ്പുഴ ജില്ലകളില് 36 ഡിഗ്രി സെല്ഷ്യസ് വരെയും രേഖപ്പെടുത്താന് സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു. ജാഗ്രതയുടെ ഭാഗമായി ഈ ജില്ലകളില് ചൂടുമായി ബന്ധപ്പെട്ട് യെല്ലോ അലര്ട്ട് പ്രഖ്യാപിച്ചു.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ, ഈ ദിവസങ്ങളിലും ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയെന്നും മുന്നറിയിപ്പില് പറയുന്നു.
by Midhun HP News | Apr 25, 2026 | Latest News, കേരളം
തൃശൂര്: ഗുരുവായൂര് ക്ഷേത്രത്തില് മെയ് 1, 2 തീയതികളില് ശുദ്ധി ചടങ്ങുകള് നടക്കും. ഗുരുവായൂരപ്പന് മെയ് ഒന്ന് വെള്ളിയാഴ്ച വൈകുന്നേരവും മെയ് 2 ശനിയാഴ്ച രാവിലെയുമാണ് ശുദ്ധി ചടങ്ങുകള്.
മെയ് 3 ഞായറാഴ്ച അയ്യപ്പസ്വാമിക്കും മെയ്് 4 തിങ്കളാഴ്ച ഗണപതിക്കും മെയ്് 5 ചൊവ്വാഴ്ച ഭഗവതിക്കും ശുദ്ധി ചടങ്ങുകള് ഉണ്ടാകും. ശുദ്ധി, ശ്രീഭൂതബലി ചടങ്ങുകള് നടക്കുന്നതിനാല് മെയ് 1, മെയ് 2 ദിവസങ്ങളില് വൈകീട്ട് ദീപാരാധനയ്ക്ക് ശേഷം അത്താഴപൂജ കഴിയുന്നത് വരെ നാലമ്പലത്തിലേക്ക് ഭക്തര്ക്ക് പ്രവേശനം ഉണ്ടാകില്ലെന്ന് ഗുരുവായൂര് ദേവസ്വം അറിയിച്ചു.
by Midhun HP News | Apr 25, 2026 | Latest News, കേരളം
തൃശൂര്: പാറമേക്കാവിലമ്മയെ ശിരസ്സിലേറ്റാന് കൊമ്പന് തൃക്കടവൂര് ശിവരാജുവെത്തി. ശിവരാജുവിന് വടക്കുന്നാഥന്റെ മണ്ണില് തട്ടകക്കാര് ഊഷ്മള സ്വീകരണമാണ് ഒരുക്കിയത്. പാണ്ടിയുടെ അകമ്പടിയോടെയാണ് രാജുവിനെ വടക്കുന്നാഥന്റെ മണ്ണിലേക്ക് സ്വാഗതം ചെയ്തത്. ഇതാദ്യമായാണ് തൃക്കടവൂര് ശിവരാജു തൃശൂര് പൂരത്തിന് തിടമ്പേറ്റുന്നത്.
രാവിലെ വടക്കുന്നാഥനെ വണങ്ങിയശേഷം കിഴക്കേഗോപുരത്തിലൂടെ പുറത്തുവന്ന കൊമ്പന് തുമ്പിക്കൈ ഉയര്ത്തി പാറമേക്കാവിലമ്മയേയും വണങ്ങി. കുളിച്ചുകുറിതൊട്ട് തുളസിമാല ചാര്ത്തിയായിരുന്നു രാജുവിന്റെ രാജകീയമായ കടന്നുവരവ്.
പാറമേക്കാവ് ദേവസ്വം സെക്രട്ടറി രാജേഷ് പൊതുവാള്, തട്ടകക്കാര് എന്നിവര്ക്കൊപ്പം പൂരക്കമ്പക്കാരുടെ തിരക്കായിരുന്നു രാജുവിനെ വരവേല്ക്കാന്. ആര്പ്പുവിളികളോടെയാണ് രാജുവിനെ തട്ടകക്കാര് എതിരേറ്റത്.
by Midhun HP News | Apr 25, 2026 | Latest News, കേരളം
കൊച്ചി: സംസ്ഥാനത്ത് സ്വര്ണവിലയില് മാറ്റമില്ല. 1,12,960 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 14,120 രൂപ നല്കണം. പണിക്കൂലിയും നികുതിയും ഉള്പ്പെടെ വില ഇനിയും ഉയരും.
എണ്ണവില കുത്തനെ ഉയര്ന്നതിനെ തുടര്ന്ന് കഴിഞ്ഞ ഏതാനും ദിവസങ്ങളിലായി സ്വര്ണവിലയില് ഇടിവാണ് രേഖപ്പെടുത്തുന്നത്. ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 105 ഡോളറിന് മുകളില് തന്നെയാണ്.
പശ്ചിമേഷ്യയില് സംഘര്ഷം തുടരുന്നത് അടക്കമുള്ള വിഷയങ്ങളാണ് സ്വര്ണവിലയില് പ്രതിഫലിക്കുന്നത്. ഇറാനുമായുള്ള വെടിനിര്ത്തല് അമേരിക്ക നീട്ടിയെങ്കിലും സമാധാന ചര്ച്ചകളിലെ അനിശ്ചിതത്വവും ഹോര്മുസ് കടലിടുക്കിലെ തുടര്ച്ചയായ തടസ്സങ്ങളുമാണ് ആഗോള വിപണിയില് എണ്ണവില ഉയര്ന്ന് നില്ക്കാന് കാരണം. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
by Midhun HP News | Apr 25, 2026 | Latest News, കേരളം
കോഴിക്കോട്: വീട്ടുമുറ്റത്തുവെച്ച് പതിനൊന്നു വയസ്സുകാരനെ പാമ്പ് കൊത്തി. പാന്റ്സില് കൊത്തിയതുകൊണ്ട് വിദ്യാര്ഥി പരിക്കേല്ക്കാതെ രക്ഷപെട്ടു. നാദാപുരത്ത് കല്ലാച്ചി പാലോറോത്ത് മുക്കിലെ പൂലോറോത്ത് ഹാരിസിന്റെ മകന് അബ്ദുല് റാനിഷിനെ(11)യാണ് പാമ്പ് കൊത്തിയത്. വെള്ളിയാഴ്ച വൈകുന്നേരം അഞ്ചുമണിയോടെയാണ് സംഭവം.
വീട്ടുമുറ്റത്ത് നിര്ത്തിയിട്ട സ്കൂട്ടറില് നിന്ന് സാധനമെടുക്കുന്നതിനിടെയാണ് പാമ്പ് കൊത്തിയത്. സിസിടിവി ദൃശ്യങ്ങള് പരിശോധിച്ചപ്പോള് പൂച്ച പാമ്പിനെ ഓടിക്കുന്ന ദൃശ്യങ്ങള് കണ്ടെത്തി.
പൂച്ചയില്നിന്ന് രക്ഷപ്പെടാന് പാമ്പ് കാറിനടിയിലേക്ക് ആദ്യം ഇഴഞ്ഞെത്തി. തുടര്ന്ന് സ്കൂട്ടറിന് പിന്നിലേയ്ക്കും എത്തി. ഇതിനിടയില് സ്കൂട്ടറില്നിന്ന് സാധനങ്ങള് എടുക്കാന്വേണ്ടി പോകുന്നതിനിടയിലാണ് പാമ്പ് കടിയ്ക്കാന് ശ്രമിച്ചത്.
Recent Comments