by Midhun HP News | Apr 7, 2026 | Latest News, കേരളം
കൊച്ചി: നിയമസഭാ തെരഞ്ഞെടുപ്പില് യുഡിഎഫ് നൂറു സീറ്റിലധികം നേടുമെന്ന് പ്രതിപക്ഷ നേതാവ് വി ഡി സതീശന്. അക്കാര്യത്തില് ഒരു സംശയവുമില്ലെന്നും തെരഞ്ഞെടുപ്പ് ഫലങ്ങളെ കുറിച്ച് പറഞ്ഞതൊന്നും തനിക്ക് മാറ്റിപ്പറയേണ്ടി വന്നിട്ടില്ലെന്നും സതീശന് പറഞ്ഞു. ഒരു സ്ഥാനാര്ഥിയെയും നിസാരക്കാരനായി കാണുന്ന ആളല്ല താനെന്നും സതീശന് പറഞ്ഞു. യുഡിഎഫ് അധികാരത്തില് വന്നാല് ലീഗ് ഭരിക്കുമെന്ന് സിപിഎം പറയുന്നതാണ് വര്ഗീയത. ലീഗ് അഞ്ചും പത്തും സീറ്റ് കൂടുതല് ചോദിക്കുമെന്ന് പറഞ്ഞു, സീറ്റ് വിഭജനം കഴിഞ്ഞപ്പോള് ആര്ക്കാണ് കൂടുതല് സീറ്റ് കിട്ടിയതെന്ന് കേരളം കണ്ടതാണ്.
വയനാട്ടിലെ വീട് നിര്മാണത്തില് സിപിഎമ്മാണ് നിലവില് പ്രതിരോധത്തിലെന്നും അവരുടെ കളവ് മറച്ചുവയ്ക്കാന് ചെയ്തതാണ് അതെന്നും സതീശന് ആരോപിച്ചു. ആപ്പ് വഴിയാണ് കോണ്ഗ്രസ് പണം ശേഖരിച്ചത്. അതിന്റെ കണക്കുകള് ഹാജരാക്കി. ഞങ്ങള് ഒന്നിലും പിന്നോട്ട് പോയിട്ടില്ല. പയ്യന്നൂരിലും അഭിമന്യുവിന്റേതും വിഷ്ണുവിന്റേതും ഉള്പ്പടെ മൂന്ന് രക്തസാക്ഷികളുടെ ഫണ്ട് സിപിഎം അടിച്ചുമാറ്റി. ശവംതീനികളാണ്. അയ്യപ്പന്റെ സ്വര്ണവും അടിച്ചുമാറ്റി. ദ്വാരപാലക ശില്പം കൊണ്ടുപോയി കോടീശ്വരന് വിറ്റു. കമിഴ്ന്ന് വീണാല് കാല്പ്പണവുമായി പൊങ്ങുന്ന കൊള്ളക്കാരുടെ സര്ക്കാരാണിതെന്നും സതീശന് ആരോപിച്ചു. കോവിഡ് കാലത്ത് ജനങ്ങള് കഷ്ടപ്പെട്ട് ഓടി നടക്കുമ്പോള് സര്ക്കാര് കാലാവധി കഴിഞ്ഞ മരുന്ന് വിറ്റ് 80 ശതമാനം കമ്മീഷന് നേടിയെന്ന ഗുരുതര ആരോപണവും പ്രതിപക്ഷ നേതാവ് ഉയര്ത്തുന്നു.
. ഒരപസ്വരവും കോണ്ഗ്രസില് ഉണ്ടായിട്ടില്ല. വോട്ടിനായി രാഷ്ട്രീയ ചെറ്റത്തരം കാണിക്കില്ലെന്ന് പറഞ്ഞവര് അതാണ് ചെയ്തുകൊണ്ടിരിക്കുന്നതെന്നും വി ഡി സതീശന് കൂട്ടിച്ചേര്ത്തു. പിഡിപി, ആര്എസ്എസ്,എസ്ഡിപിഐ തുടങ്ങി എല്ലാ കുന്തവും സിപിഎമ്മിനൊപ്പമുണ്ടെന്നും അദ്ദേഹം പറഞ്ഞു. താന് ഒരു സര്വേയും നടത്തിയിട്ടില്ല. മാധ്യമങ്ങളാണ് സര്വേ നടത്തുന്നത്. ഷാഫി പറമ്പില് ലോക്സഭാ തെരഞ്ഞെടുപ്പില് തോല്ക്കുമെന്നായിരുന്നല്ലോ മാധ്യമങ്ങളുടെ സര്വേയില്. എന്നിട്ടെന്തായി? ആരാണ് നുണ പറയുന്നതെന്ന് തെളിഞ്ഞു. മുഖ്യമന്ത്രി ഇരട്ടത്താപ്പാണെന്ന് തെളിഞ്ഞു. എന്റെ വിശ്വാസ്യത തകര്ക്കാന് ഇറങ്ങിത്തിരിച്ചിട്ട് എന്തായി. ഈ പിണറായി സര്ക്കാരിന് പാസ് മാര്ക്ക് പോലും കൊടുക്കില്ല. എല്ഡിഎഫ് നുണകളുടെ കൊട്ടാരം പണിയുന്നു. കേരളം കണ്ട ഏറ്റവും മോശം സര്ക്കാരാണിത്. എട്ട് ജില്ലകള് വടക്കു നിന്ന് എണ്ണിക്കഴിയുമ്പോള് യുഡിഎഫ് കേവല ഭൂരിപക്ഷം കടക്കുമെന്നും നൂറ് സീറ്റ് കടക്കുമെന്നും വി ഡി സതീശന് പറഞ്ഞു. മന്ത്രിസഭയില് ഒരു ഡസന് മന്ത്രിമാര് വീഴുമെന്നും വന്മരങ്ങള് കടപുഴകുമെന്നും പ്രതിപക്ഷ നേതാവ് പറയുന്നു. ഒരു മന്ത്രി മൂന്നാം സ്ഥാനത്തേക്ക് പിന്തള്ളപ്പെടുമെന്നും അദ്ദേഹം കൂട്ടിച്ചേര്ത്തു.
by Midhun HP News | Apr 7, 2026 | Latest News, കേരളം
കണ്ണൂരില് ബിജെപി വാര്ഡ് മെംമ്പറുടെ വീടിന് നേരെ ബോംബെറിഞ്ഞ സംഭവത്തില് 4 സിപിഎം പ്രവര്ത്തകര് അറസ്റ്റില്.ആദര്ശ്, ജീനീഷ്, അജേഷ്, അക്ഷയ് എന്നിവരാണ് അറസ്റ്റിലായത്. സിസിടിവി ദൃശ്യങ്ങളടക്കം പരിശോധിച്ചാണ് 4 പ്രതികളിലേക്ക് പൊലീസ് എത്തിയത്.
ഇന്നലെ രാത്രി 10 മണിയോടെയാണ് പാട്യം പഞ്ചായത്തിലെ പത്തായക്കുന്നില് ബിജെപി പഞ്ചായത്ത് അംഗത്തിന്റെ വീടിന് നേരെ ബോംബേറുണ്ടായത്. പാട്യം പതിനാറാം വാര്ഡ് പഞ്ചായത്ത് അംഗവും കൂത്തുപറമ്പ് മണ്ഡലം വൈസ് പ്രസിഡന്റുമായ പി മജിഷയുടെ വീടിന് നേരെയാണ് ബോംബേറ് ഉണ്ടായത്. ആക്രമണത്തില് ആര്ക്കും പരിക്കില്ല.
മുഖം മൂടി ധരിച്ച് ബൈക്കിലെത്തിയ മൂന്നംഗ സംഘമാണ് ബോംബെറിഞ്ഞത്. സിപിഎം പ്രവര്ത്തകരാണ് ബോംബേറിന് പിന്നിലെന്ന് ബിജെപി കൂത്തുപറമ്പ് മണ്ഡലം കമ്മിറ്റി ഭാരവാഹികള് ആരോപിച്ചിരുന്നു. സംഭവത്തില് കൃത്യം നടത്തിയ 3 പേരെ കൂടാതെ പിന്നില് പ്രവര്ത്തിച്ച ഓരാളെ കൂടിയാണ് അറസ്റ്റ് ചെയ്തിരിക്കുന്നത്.
by Midhun HP News | Apr 7, 2026 | Latest News, കേരളം
തിരുവനന്തപുരം: സംസ്ഥാനത്ത് ഏപ്രില് 9ന് നടക്കുന്ന വോട്ടെടുപ്പുമായി ബന്ധപ്പെട്ട് ഇന്ന് വൈകിട്ട് 6 മുതല് 9ന് വൈകിട്ട് ആറുവരെ മദ്യ ശാലകള് തുറക്കില്ല. വിദേശമദ്യ ചില്ലറ വില്പ്പനശാലകളും ബാറുകളും കള്ളുഷാപ്പുകളും പ്രവര്ത്തിക്കില്ല. 48 മണിക്കൂര് ഡ്രൈഡേയാണ് പ്രഖ്യാപിച്ചിട്ടുള്ളത്.
പ്രചാരണം വൈകിട്ട് തീരും
ഇന്ന് വൈകിട്ട് ആറിന് തെരഞ്ഞെടുപ്പ് പ്രചാരണം അവസാനിക്കും. മണ്ഡലത്തിലെ വോട്ടര്മാരല്ലാത്ത പുറത്തു നിന്നുള്ള രാഷ്ട്രീയ പ്രവര്ത്തകരും പാര്ട്ടി ഭാരവാഹികളും പ്രചാരണ സമയം അവസാനിച്ചാലുടന് മണ്ഡലം വിട്ടു പോകണമെന്ന് മുഖ്യ തെരഞ്ഞെടുപ്പ് ഓഫീസര് ഡോ. രത്തന് യു ഖേല്ക്കര് അറിയിച്ചു.
വോട്ടെടുപ്പ് അവസാനിക്കുന്നതിന് നിശ്ചയിച്ചിട്ടുള്ള സമയത്തിന് 48 മണിക്കൂര് മുമ്പ് പൊതുയോഗങ്ങള് സംഘടിപ്പിക്കാനോ പങ്കെടുക്കാനോ പാടില്ല. ജാഥകള്, ഘോഷയാത്രകള്, സംഗീത പരിപാടികള്, നാടകങ്ങള് , വോട്ടര്മാരെ ആകര്ഷിക്കുന്ന തരത്തിലുള്ള മറ്റ് വിനോദ പരിപാടികള് എന്നിവയ്ക്കും നിരോധനമുണ്ട്. ടെലിവിഷന്, സിനിമ , റേഡിയോ , സമാന മാദ്ധ്യമങ്ങള് വഴി തെരഞ്ഞെടുപ്പ് സംബന്ധമായ കാര്യങ്ങള് പ്രദര്ശിപ്പിക്കുന്നത് നിരോധിച്ചു. വോട്ടെടുപ്പ് ദിവസവും അതിന്റെ തലേ ദിവസവും പത്രങ്ങളില് രാഷ്ട്രീയ പരസ്യങ്ങള് പ്രസിദ്ധീകരിക്കുന്നതിന് മീഡിയ സര്ട്ടിഫിക്കേഷന് ആന്ഡ് മോണിറ്ററിങ് കമ്മിറ്റിയുടെ മുന്കൂര് അനുമതി ആവശ്യമാണ്.
by Midhun HP News | Apr 6, 2026 | Latest News, കേരളം
നീണ്ടൊരു ഇടവേളക്കുശേഷം സുഹാസിനി മണിരത്നം കേന്ദ്ര കഥാപാത്രത്തെ അവതരിപ്പിക്കുന്ന മലയാള ചിത്രമാണ് അഞ്ചാം പ്രമാണം. ചിത്രത്തിന്റെ ചിത്രീകരണം ഏപ്രില് ആറ് തിങ്കളാഴ്ച്ച കൊടുങ്ങല്ലൂരിനടുത്ത് പൊയ്യയില് ആരംഭിച്ചു. സുഹാസിനി മണിരത്നം ആദ്യ ഭദ്രദീപം തെളിയിച്ചു കൊണ്ടാണ്ആരംഭം കുറിച്ചത്. ജയ് ദേവ് ം സംവിധാനം ചെയ്യുന്ന ഇ ചിത്രം റൂബി എന് ഡവര്നിര്മ്മിക്കുന്നു. ഫാദര് സജി ജോര്ജ് വട്ടക്കുഴിയാണ് സ്വിച്ചോണ് കര്മ്മം നിര്വ്വഹിച്ചു. സുഹാസിനി മണിരത്നം ഫസ്റ്റ് ക്ലാപ്പും നല്കി.
സൈക്കോളജി ത്രില്ലര് ജോണറില് ഒരുക്കുന്ന ഈ ചിത്രം എണ്പതു കാലഘട്ടങ്ങളിലെ പുരാതനവും, സമ്പത്തും .,പ്രതാപം നിറഞ്ഞ തുമായ ഒരു സുറിയാനി ക്രിസ്റ്റ്യന് കുടുംബത്തിന്റെ കഥ പറയുന്നു. കുടുംബ ബന്ധങ്ങളുടെ കെട്ടുറപ്പും, മൂല്യങ്ങളുടെ വിശ്വാസ്യതയും മുറുകെ പിടിക്കുന്ന ഒരു കുടുംബത്തില് പലപ്പോഴും സ്ത്രീ കഥാപാത്രങ്ങള് അപ്രസക്തരാണ്. ഇവിടെ അത്തരമൊരു സാഹചര്യവും അതിനിടയിലൂടെ അരങ്ങേറുന്ന ചില അപ്രതീക്ഷിത വഴിത്തിരിവുകളുമാണ് അഞ്ചാം പ്രമാണമെന്ന ഈ ചിത്രത്തെ വ്യത്യസ്ഥമാക്കുന്നത്.
തികച്ചും റിയലിസ്റ്റിക്കായ മുഹൂര്ത്തങ്ങള് കോര്ത്തിണക്കിയാണ് ഈ ചിത്രത്തിന്റെ അവതരണം .ഈ തറവാട്ടിലെ കേന്ദ്ര കഥാപാത്രമായ ഗ്രേസിയെയാണ് സുഹാസിനി അവതരിപ്പിക്കുന്നത്. മറ്റൊരു പ്രധാന കഥാപാത്രമായ ആനിയെ കനി കുസൃതിയും അവതരിപ്പിക്കുന്നു. രണ്ജി പണിക്കര്, നിമിഷ എലിസബത്ത് ഡീന്, ഷെബിന് ബെന്സണ്, വിനയ് മേനോന്, അഖില നാഥ് എന്നിവരും പ്രധാന വേഷങ്ങളിലെത്തുന്നു. ഷൈനി ആന്റണിയാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത് .
അഞ്ചാം പ്രമാണത്തില് സ്ത്രീ പ്രാധാന്യം ഏറെ കൂടുതലാണ് .സുഹാസിനി, കനി കുസൃതി തുടങ്ങിയ പ്രഗത്ഭ താരങ്ങള്. ഇവര്ക്കൊപ്പം ബോളിവുഡ്ഡില് നിന്നും നിമിഷ എലിസബത്ത്ഡീന് എന്ന നടിയും ഈ ചിത്രത്തില്, ഏറെ പ്രാധാന്യമുള്ള ഒരു കഥാപാത്രത്തെ അവതരിപ്പിക്കുന്നു . ആദ്യമായി മലയാളത്തിലേക്കുള്ള കടന്നുവരവു കൂടിയാണ് നിമിഷയുടേത്.
ന്യൂയോര്ക്ക് ഫിലിം അക്കാദമിയില് നിന്നും ആക്റ്റിംഗില് ഡിപ്ലോമ കരസ്ഥമാക്കിയിട്ടുള്ള നിമിഷ അഭിനയ രംഗത്ത് നാന്ദികുറിക്കുന്നത് ബോളിവുഡ്ഡിലാണ്. ബോളിവുഡ്ഡിലെ പ്രശസ്ത നടനായിരുന്ന സുഷാന്ത് സിംഗ് രാജ്പുത് നായകനായി അഭിനയിച്ച ദില്ബോച്ചാരാ… എന്ന ചിത്രത്തിലെ പ്രധാന കഥാപാത്രത്തെ അവതരിപ്പിച്ചു. അതിനു ശേഷം ആദ്യമായി മയോളത്തില് എത്തുന്ന ചിത്രം കൂടിയാണ് അഞ്ചാം പ്രമാണം. തിരക്കഥാകൃത്ത് ഷൈനി ആന്റെണി മികച്ചമാധ്യമ പ്രവൃര്ത്തകയും, നോവലിസ്റ്റുമാണ് . കഥക്ക് കോമണ്വെല്ത്ത് പുരസ്ക്കാരത്തിന് അര്ഹയാകുകയും ചെയ്തിട്ടുണ്ട് . കോ-ഡയാക്ടര് – മിരിയം ചാണ്ടി രണ്ടായിരുപത്തിനാലിലെ ദേശിയ പുരസ്ക്കാര മത്സരത്തില് നോണ് ഫീച്ചര് ഫിലിം രംഗത്ത് മികച്ച സംവിധായികക്കുള്ള പുരസ്ക്കാരത്തിന് അര്ഹയായതാണ്. എഡിറ്റര് ബീനാപോളും നിരവധി പുരസ്ക്കാര ങ്ങള് നേടിയതാണ്. കൊടുങ്ങല്ലൂരും തൊടുപുഴയിലുമായി ഈ ചിത്രിത്തിന്റെ ചിത്രീകരണം പൂര്ത്തിയാകും.
സംഗീതം സൂരജ് എസ് കുറുപ്പ് .
ഛായാഗ്രഹണം – സിന്റോ പൊടുത്താസ്.
എഡിറ്റിംഗ് -ബീന പോള്.
കലാസംവിധാനം അപ്പുണ്ണി സാജന് .
മേക്കപ്പ് _വിന്സി
കോസ്റ്റ്യും ഡിസൈന്- മഞ്ജുഷ രാധാകൃഷ്ണന്.
സ്റ്റില്സ്- അജി മസ്ക്കറ്റ്.
ഫിനാന്സ് കണ്ട്രോളര് + അനില് ആമ്പല്ലൂര് .
ചീഫ്അസ്സോസ്സിയേറ്റ് ഡയറക്ടര്- ആദര്ശ് ജി. നായര്.
കോ – ഡയറക്ടര് – മിരിയം ചാണ്ടി.
പ്രൊഡക്ഷന് മാനേജര് – ജെറി വിന്സന്റ്.
പ്രൊഡക്ഷന് എക്സിക്യൂട്ടീവ് – അസ്മീര് നേമം.
പ്രൊഡക്ഷന് കണ്ട്രോളര് – രാജേഷ് മേനോന്.
പിആര്ഓ-വാഴൂര് ജോസ്
by Midhun HP News | Apr 6, 2026 | Latest News, കേരളം
കൊല്ലം: കൊല്ലത്ത് ഹോട്ടലുടമയെ തൊഴിലാളി കുത്തിക്കൊന്നു. സ്പൈസി ഹോട്ടലുടമ സക്കീറാണ് കൊല്ലപ്പെട്ടതെന്ന് പൊലിസ് അറിയിച്ചു. സംഭവത്തിന് പിന്നാലെ ഒളിവില് പോയ കാസര്കോട് സ്വദേശിയായ പ്രതി ഇര്ഷാദിനായി തിരച്ചില് ആരംഭിച്ചു.
കൊലപാതകത്തിലേക്ക് നയിച്ച കാരണമെന്തെന്ന് വ്യക്തമല്ല. സംഭവത്തില് പോലീസ് അന്വേഷണം നടന്നുവരികയാണ്.
by Midhun HP News | Apr 6, 2026 | Latest News, കേരളം
കൊച്ചി: സംസ്ഥാനത്ത് സ്വര്ണവിലയില് ചാഞ്ചാട്ടം. രാവിലെ 1320 രൂപ കുറഞ്ഞ് 1,10,000ല് താഴെയെത്തിയ സ്വര്ണവില ഉച്ചയോടെ തിരിച്ചുകയറി. 1,09,360 രൂപയായിരുന്ന സ്വര്ണവില 1,10,480 രൂപയായാണ് ഉയര്ന്നത്. 1,120 രൂപയാണ് വര്ധിച്ചത്. ഗ്രാമിനും ആനുപാതികമായി വില ഉയര്ന്നു. 140 രൂപ വര്ധിച്ച് ഒരു ഗ്രാം സ്വര്ണത്തിന്റെ വില 13,810 രൂപയായി.
പശ്ചിമേഷ്യന് സംഘര്ഷം അയയാന് സാധ്യത തെളിയിച്ച് 45 ദിവസത്തെ വെടിനിര്ത്തലിനുള്ള വ്യവസ്ഥകള് സംബന്ധിച്ച് ഇറാനും അമേരിക്കയും മധ്യസ്ഥ രാജ്യങ്ങളും ചര്ച്ചകളില് ഏര്പ്പെട്ടു വരികയാണെന്ന റിപ്പോര്ട്ടുകളാണ് സ്വര്ണവില തിരിച്ചുകയറാന് കാരണം. ഇതിനെ തുടര്ന്ന് ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വിലയും താഴ്ന്നിരുന്നു. ബാരലിന് 108 ഡോളറിലേക്കാണ് എണ്ണവില താഴ്ന്നത്. ഇതാണ് സ്വര്ണവിലയില് പ്രതിഫലിച്ചത്.
Recent Comments