by liji HP News | Mar 15, 2024 | Latest News, കേരളം
കോട്ടയം: റബ്ബര് കര്ഷകര്ക്ക് ആശ്വാസമായി കേന്ദ്ര സര്ക്കാര് പ്രഖ്യാപനം. ഒരു കിലോ റബ്ബര് കയറ്റുമതി ചെയ്യുമ്പോള് കയറ്റുമതിക്കാര്ക്ക് 5 രൂപ ഇന്സെന്റീവ് ലഭിക്കുമെന്നാണ് കേന്ദ്ര പ്രഖ്യാപനം. കേന്ദ്ര നീക്കം രാജ്യത്ത് റബ്ബര് വിലവര്ധനവിന് വഴിയൊരുക്കിയേക്കും. കോട്ടയത്ത് ചേര്ന്ന റബ്ബര് ബോര്ഡ് മീറ്റിങ്ങിലാണ് തീരുമാനം അറിയിച്ചത്.
ഷീറ്റ് റബ്ബറിനാണ് കിലോയ്ക്ക് 5 രൂപ ഇന്സന്റ്റീവ് പ്രഖ്യാപിച്ചിരിക്കുന്നത്. 40 ടണ് വരെ കയറ്റുമതി ചെയ്യുന്നവര്ക്ക് 2 ലക്ഷം രൂപാ ഇന്സന്റീവ് ലഭിക്കും. ജൂണ് മാസം വരെയാണ് ഷീറ്റ് റബ്ബറിന് കിലോയ്ക്ക് 5 രൂപ ഇന്സന്റീവ് പ്രഖ്യാപിച്ചത്. ആര്എസ്എസ് 1 മുതല് ആര്എസ്എസ് 4 വരെ ഉല്പ്പന്നങ്ങള്ക്ക് ഇന്സെന്റീവ് ലഭിക്കും. അന്താരാഷ്ട്ര വിപണിയില് വില വര്ദ്ധിച്ച സാഹചര്യത്തിലാണ് നടപടി.
തീരുമാനം കയറ്റുമതിക്കാരെ റബ്ബര് ബോര്ഡ് അറിയിച്ചു. കോട്ടയത്ത് ചേര്ന്ന ബോര്ഡ് യോഗത്തില് കയറ്റുമതിക്കാരുമായും ഡീലേഴ്സുമായും റബ്ബര്ബോര്ഡ് ചര്ച്ച നടത്തി. ഉല്പ്പാദനം കുറയുന്നത് ആശങ്കയുണ്ടാക്കുന്നതാണെന്ന് കയറ്റുമതിക്കാര് പറഞ്ഞു.
റബ്ബറിനെ കാര്ഷിക ഉല്പ്പന്നമാക്കാനുള്ള ശ്രമങ്ങള് നടക്കുന്നുവെന്നും സര്ക്കാര് ആവശ്യപ്പെട്ടാല് വിവരങ്ങള് കൈമാറുമെന്നും റബ്ബര് ബോര്ഡ് അധികൃതര് വ്യക്തമാക്കി.
by liji HP News | Mar 15, 2024 | Latest News, കേരളം
കോഴിക്കോട്: മേപ്പയൂരില് യുവതി മണ്ണെണ്ണ ഒഴിച്ച് തീ കൊളുത്തി മരിച്ചു. കീഴ്പ്പയ്യൂര് നന്താനത്ത്മുക്ക് പടിഞ്ഞാറയില് സത്യന്റെ മകള് അഞ്ജന (24) ആണ് മരിച്ചത്. അടുത്തമാസം വിവാഹം നടക്കാനിരിക്കേയായിരുന്നു ദാരുണ സംഭവം. ഇന്നലെ ഉച്ചയോടെയാണ് സംഭവം. യുവതി കോഴിക്കോട് മിംസ് ഹോസ്പിറ്റലില് നഴ്സായി ജോലി ചെയ്യുകയായിരുന്നു. മൃതദേഹം കോഴിക്കോട് മെഡിക്കല് കോളേജ് ആശുപത്രി മോര്ച്ചറിയില്. പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും.
by liji HP News | Mar 15, 2024 | Latest News, കേരളം
പത്തനംതിട്ട: ഇത്തവണ സംസ്ഥാനത്ത് താമര വിരിയുമെന്ന് പ്രധാനമന്ത്രി നരേന്ദ്രമോദി. രണ്ടക്ക സീറ്റുകള് കേരളത്തില് നിന്ന് എന്ഡിഎയ്ക്ക് ലഭിക്കുമെന്നും പത്തനംതിട്ടയിലെ പ്രചാരണ പരിപാടിയില് മോദി പറഞ്ഞു. ഇത്തവണ നാന്നൂറിലധികം സീറ്റുകള് നേടി എന്ഡിഎ അധികാരത്തിലെത്തും. യുവത്വത്തിന്റെ പ്രതീകമാണ് അനില് അന്റണി. കേരളത്തിന്റെ നവീകരണത്തിന് അനില് ആന്റണിയുടെ വിജയം ആവശ്യമാണെന്ന് മോദി പറഞ്ഞു.
കേരളത്തിലേത് അഴിമതി നിറഞ്ഞ സര്ക്കാരുകളാണ് മാറി മാറിവരുന്നത്. അതുമൂലം ജനങ്ങള്ക്കുണ്ടാകുന്ന നഷ്ടം വലുതാണെന്നും മോദി പറഞ്ഞു. സംസ്ഥാനത്ത് ക്രിസ്ത്യന് പുരോഹിതന്മാര് പോലും മര്ദനത്തിന് ഇരയാകുന്നു. മഹിളകളും യുവാക്കളും എല്ലാവരും ഭയപ്പെട്ടാണ് ജീവിക്കുന്നത്. സര്ക്കാര് ആലസ്യത്തില് ഉറങ്ങുകയാണ്. ഇതിന് മാറ്റം അനിവാര്യമാണ്. എല്ഡിഎഫ്- യുഡിഎഫ് എന്നത് മാറിയാല് മാത്രമേ കേരളത്തിന് മോചനം ഉണ്ടാകുകയുള്ളവെന്ന് മോദി പറഞ്ഞു.
സംസ്ഥാനത്ത് നിയമവ്യവസ്ഥ തകര്ന്നതായും മോദി പറഞ്ഞു. അധികാരത്തില് വരാന് വേണ്ടി മാത്രം പ്രവര്ത്തിക്കുന്ന പാര്ട്ടികളാണ് ഇവിടുത്തേത്. ഇവിടെ പരസ്പരം പോരടിക്കും. ഡല്ഹിയിലെത്തിയാല് അവര് ഒന്നാണ്. ഇവര് എന്തുമാത്രം നഷ്്ടമാണ് സംസ്ഥാനത്ത് ഉണ്ടാക്കിയത്.
ഇവരെ ഒരു തവണ അധികാരത്തില് നിന്ന് പുറത്താക്കിയാല് ഒരിക്കല് പോലും ഇവര് തിരിച്ചെത്തില്ല. തമിഴ്നാട്ടില് കോണ്ഗ്രസിന് അധികാരം നഷ്ടപ്പട്ടപ്പോള് അവര്ക്ക് തിരിച്ചുവരാന് കഴിഞ്ഞിട്ടില്ല. ഉത്തര്പ്രദേശിലും ബംഗാളിലും ഗുജറാത്തിലും ഒഡീഷയിലും അധികാരം നഷ്ടമായ ശേഷം അവര് തിരിച്ചെത്തിയിട്ടില്ല. കമ്യൂണിസ്റ്റുപാര്ട്ടിയെ ബംഗാളും ത്രിപുരയും തൂത്തെറിഞ്ഞു. ഇനി ഒരിക്കലും അവിടെ അധികാരത്തിലെത്താന് അവര്ക്ക് കഴിയില്ലെന്നും മോദി പറഞ്ഞു.കാലഹരണപ്പെട്ട ആശയം വച്ച് മുന്നോട്ടുനയിക്കുന്ന പാര്ട്ടികളാണ് കോണ്ഗ്രസും കമ്യൂണിസ്റ്റ് പാര്ട്ടികളും. പാര്ലമെന്റില് പുരോഗമനാശയങ്ങളെ ഇരുവരും എതിര്ക്കുകയായിരുന്നു. മുത്തലാഖിനെ അവര് എതിര്ത്തതായും മോദി പറഞ്ഞു.
സ്വാമിയേ ശരണം അയ്യപ്പാ എന്ന് പറഞ്ഞാണ് മോദി പ്രസംഗം തുടങ്ങിയത്. പത്തനംതിട്ടയിലെ എന്റെ സഹോദരി സഹോദരന്മാര്ക്കും നമസ്കാരം എന്നു മലയാളത്തില് പറഞ്ഞതോടെ സദസ് നിറഞ്ഞ കൈയടിയോടെയാണ് മോദിയെ വരവേറ്റത്. രണ്ടുമാസത്തിനിടെ ഇത് മൂന്നാം തവണയാണ് പ്രധാനമന്ത്രി സംസ്ഥാനത്ത് എത്തുന്നത്.
by liji HP News | Mar 15, 2024 | Latest News, കേരളം
ഇടുക്കി: വിവിധ ക്രൈസ്തവ സഭകളുടെ കുരിശുപള്ളികള് കല്ലെറിഞ്ഞു തകര്ത്ത സംഭവത്തില് പ്രതി അറസ്റ്റിലായി. പുളിയന്മല പിറ്റിആര് ചെറുകുന്നേല് ജോബിനാണ് (35) പിടിയിലായത്. വിവാഹം നിരന്തരമായി മുടക്കുന്ന സഭാ അധികൃതരോടുള്ള വൈരാഗ്യമാണ് കുരിശുപള്ളികള് തകര്ക്കാന് കാരണം എന്നാണ് ഇയാള് പൊലീസിന് നല്കിയ മൊഴി. കട്ടപ്പന, കമ്പംമേട്ട്, ചേറ്റുകുഴി തുടങ്ങിയ സ്ഥലങ്ങളിലുള്ള കുരിശുപള്ളികളിലാണ് അക്രമം നടത്തിയത്.
പ്രതിയെ വീട്ടില് നിന്നാണ് കസ്റ്റഡിയിലെടുത്തത്. മാര്ച്ച് 12 ന് പുലര്ച്ചെയാണ് ജോബിന് ഓര്ത്തഡോക്സ്, കത്തോലിക്കാ സഭകളുടെ കീഴിലെ എട്ടോളം കുരിശുപള്ളികളുടെ ചില്ലുകള് തകര്ത്തത്. പുളിയന്മല അമലമനോഹരി കപ്പേളയുടെ ചില്ല് ബൈക്കില് എത്തി എറിഞ്ഞു തകര്ക്കുന്ന സി സി ടി വി ദൃശ്യം പൊലീസിന് ലഭിച്ചിരുന്നു.
by liji HP News | Mar 15, 2024 | Latest News, Uncategorized, കേരളം
കൊച്ചി: തിരുവനന്തപുരം റെയില്വേ ഡിവിഷനില് വിവിധ ജോലികളുടെ ഭാഗമായി ട്രെയിന് സര്വീസില് നിയന്ത്രണം. 12 ട്രെയിനുകള് പുറപ്പെടുന്ന സമയം രണ്ടരമണിക്കൂര് വരെ വൈകും. ചിലത് ഭാഗികമായി റദ്ദാക്കുകയും റൂട്ട് മാറ്റി വിടുകയും ചെയ്യുന്നുണ്ട്.
ഭാഗികമായി റദ്ദാക്കിയവ: ഇന്ന്, 16,18, 19 തീയതികളില് തിരുവനന്തപുരം- ഗുരുവായൂര് ഇന്റര്സിറ്റി എക്സ്പ്രസ് (16342) എറണാകുളത്ത് സര്വീസ് അവസാനിപ്പിക്കും. 16,17,19,20 തീയതികളില് ഗുരുവായൂര്- തിരുവനന്തപുരം ഇന്റര്സിറ്റി എക്സ്പ്രസ് (16341) രാവിലെ 5.20ന് എറണാകുളത്ത് നിന്നാകും സര്വീസ് തുടങ്ങുക. 17നും 18നും കൊല്ലം- എറണാകുളം മെമു കോട്ടയത്ത് യാത്ര അവസാനിപ്പിക്കും.
by liji HP News | Mar 15, 2024 | Latest News, കേരളം
തിരുവനന്തപുരം: സംസ്ഥാനത്തെ 48.16 ലക്ഷം സാമൂഹിക സുരക്ഷാ പെന്ഷന്കാര്ക്കും 5.78 ലക്ഷം ക്ഷേമനിധി പെന്ഷന്കാര്ക്കും ഒരുമാസത്തെ പെന്ഷന് ഇന്നുമുതല് വിതരണം ചെയ്യും. സെപ്റ്റംബറിലെ പെന്ഷനായി 1600 രൂപയാണ് ലഭിക്കുക.
ഒരാഴ്ചയ്ക്കുള്ളില് വിതരണം പൂര്ത്തിയാക്കാനാണ് ശ്രമം. സാമൂഹിക സുരക്ഷാ പെന്ഷനായി 715. 35 കോടി രൂപയും ക്ഷേമനിധി പെന്ഷനായി 91.25 കോടി രൂപയുമാണ് സര്ക്കാര് അനുവദിച്ചത്. ഫെബ്രുവരി വരെ അഞ്ചുമാസത്തെ പെന്ഷന് ഇനി നല്കാന് ബാക്കിയുണ്ട്.
Recent Comments