by liji HP News | Feb 29, 2024 | Latest News, കേരളം
കല്പ്പറ്റ: വയനാട് പൂക്കോട് വെറ്ററിനറി കോളജ് വിദ്യാര്ത്ഥി സിദ്ധാര്ത്ഥന്റെ മരണവുമായി ബന്ധപ്പെട്ട് പ്രധാന പ്രതി പിടിയില്. അക്രമം ആസൂത്രണം ചെയ്ത അഖില് ആണ് കസ്റ്റഡിയിലായത്. പാലക്കാടു നിന്നാണ് ഇയാളെ പൊലീസ് പിടികൂടിയത്.
സിദ്ധാര്ത്ഥന്റെ മരണത്തില് കുറ്റക്കാരെ ആരെയും സംരക്ഷിക്കില്ലെന്ന് എസ്എഫ്ഐ സംസ്ഥാന സെക്രട്ടറി പി എം ആര്ഷോ പറഞ്ഞു. കേസുമായി ബന്ധപ്പെട്ട് എസ്എഫ്ഐ കോളജ് യൂണിയന് ഭാരവാഹികളായ നാലു പേരെ സംഘടനയില് നിന്നും പുറത്താക്കിയിട്ടുണ്ട്. ആന്റി റാഗിങ് സെല്ലിന്റെ പ്രാഥമിക റിപ്പോര്ട്ട് പുറത്തു വന്നതിനു പിന്നാലെ നടപടി സ്വീകരിച്ചിരുന്നു.
by liji HP News | Feb 29, 2024 | Latest News, കേരളം
തിരുവനന്തപുരം: ലോക്സഭ തെരഞ്ഞെടുപ്പില് മത്സരിക്കാനില്ലെന്ന് കെപിസിസി പ്രസിഡന്റ് കെ സുധാകരന്. കോണ്ഗ്രസ് സ്ക്രീനിങ് കമ്മിറ്റിയെയാണ് സുധാകരന് അഭിപ്രായം അറിയിച്ചത്. പകരം കണ്ണൂരില് കോണ്ഗ്രസ് സ്ഥാനാര്ത്ഥിയായി കെപിസിസി ജനറല് സെക്രട്ടറി കെ ജയന്തിന്റെ പേര് സുധാകരന് നിര്ദേശിച്ചു.
കെപിസിസി പ്രസിഡന്റ് പദവി വഹിക്കുന്നതിനാല് സംസ്ഥാനത്തെ മുഴുവന് പ്രചാരണ ചുമതലയും വഹിക്കേണ്ടതുണ്ട്. മത്സരിച്ചാല് ഒരു മണ്ഡലത്തില് മാത്രം കേന്ദ്രീകരിക്കേണ്ടിവരുമെന്നും സുധാകരന് സൂചിപ്പിച്ചു. രാവിലെ നടക്കുന്ന സ്ക്രീനിങ് കമ്മിറ്റി യോഗത്തില് കെ സുധാകരന്റെ അഭിപ്രായം ചര്ച്ചയാകും.
കെപിസിസി പ്രസിഡന്റ് കെ സുധാകരന്, പ്രതിപക്ഷ നേതാവ് വി ഡി സതീശന്, കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപദാസ് മുന്ഷി തുടങ്ങിയവര് സ്ക്രീനിങ് കമ്മിറ്റി യോഗത്തില് സംബന്ധിക്കും. നേരത്തെ കെ സുധാകരന് മത്സരിച്ചേക്കില്ലെന്ന് റിപ്പോര്ട്ടുകളുണ്ടായിരുന്നു.
by liji HP News | Feb 29, 2024 | Latest News, കേരളം
കൊച്ചി: ആര്പിഎഫ് റിക്രൂട്ട്മെന്റ് സന്ദേശം വ്യാജമെന്ന് റെയില്വേ. റെയില്വേ പ്രൊട്ടക്ഷന് ഫോഴ്സില് (RPF) എസ്ഐ, കോണ്സ്റ്റബിള് തസ്തികയിലേക്ക് റിക്രൂട്ട്മെന്റ് നടക്കുന്നെന്ന സന്ദേശം വ്യാജമെന്നാണ് റെയില്വേ അറിയിച്ചത്.
ആര്പിഎഫില് 4,208 കോണ്സ്റ്റബിള്, 452 സബ് ഇന്സ്പെക്ടര്മാരുടെ ഒഴിവുകളിലേയ്ക്ക് റിക്രൂട്ട്മെന്റ് നടക്കുന്നെന്ന വ്യാജസന്ദേശം ‘RTUEXAM.NET’ എന്ന വെബ്സൈറ്റ് വഴിയാണ് പ്രചരിക്കുന്നത്. ആര്പിഎഫോ റെയില്വേ മന്ത്രാലയമോ ഇത്തരമൊരു അറിയിപ്പ് നല്കിയിട്ടില്ലെന്ന് കേരള പൊലീസ് ഫെയ്സ്ബുക്ക് കുറിപ്പിലൂടെ മുന്നറിയിപ്പ് നല്കി.
കുറിപ്പ്:
റെയില്വേ പ്രൊട്ടക്ഷന് ഫോഴ്സില് (RPF) എസ്ഐ, കോണ്സ്റ്റബിള് തസ്തികയിലേക്ക് റിക്രൂട്ട്മെന്റ് നടക്കുന്നെന്ന സന്ദേശം വ്യാജമെന്ന് റെയില്വേ.
ആര്പിഎഫില് 4,208 കോണ്സ്റ്റബിള്, 452 സബ് ഇന്സ്പെക്ടര്മാരുടെ ഒഴിവുകളിലേയ്ക്ക്
റിക്രൂട്ട്മെന്റ് നടക്കുന്നെന്ന വ്യാജസന്ദേശം ‘RTUEXAM.NET’ എന്ന വെബ്സൈറ്റ് വഴിയാണ് പ്രചരിക്കുന്നത്.
ആര്പിഎഫോ റെയില്വേ മന്ത്രാലയമോ ഇത്തരമൊരു അറിയിപ്പ് നല്കിയിട്ടില്ല.
by liji HP News | Feb 29, 2024 | Latest News, Uncategorized, കേരളം
സംസ്ഥാനത്ത് അടുത്ത രണ്ട് ദിവസം പന്ത്രണ്ട് ജില്ലകളിൽ ചൂട് കനക്കാൻ സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കൊല്ലം, ആലപ്പുഴ, കോട്ടയം, തിരുവനന്തപുരം, പത്തനംതിട്ട, എറണാകുളം, കണ്ണൂർ, കാസർഗോഡ്, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ താപനില സാധാരണയെക്കാൾ 2 മുതൽ 4 °C വരെ വർധിക്കാൻ സാധ്യതയുണ്ട്.
കൊല്ലം, ആലപ്പുഴ, കോട്ടയം ജില്ലകളിൽ ഉയർന്ന താപനില 38 °C വരെയും, തിരുവനന്തപുരം, പത്തനംതിട്ട, എറണാകുളം,കണ്ണൂർ ,കാസർഗോഡ് ജില്ലകളിൽ 37 °c വരെയും, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ 36 °c വരെയും താപനില ഉയരാൻ സാധ്യതയുണ്ട്.
ഉയർന്ന താപനിലയും ഈർപ്പമുള്ള വായുവും കാരണം മലയോര മേഖലകളിലൊഴികെ, ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്. ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങൾക്ക് കാരണമാകുമെന്നതിനാൽ
പൊതുജനങ്ങൾ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി വ്യക്തമാക്കി. ചൂട് അധികരിക്കുന്ന സാഹചര്യത്തിൽ കാട്ടുതീ വ്യാപിക്കാനുള്ള സാധ്യതയുള്ളതിനാൽ വനമേഖലയോട് ചേർന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം.
by liji HP News | Feb 29, 2024 | Latest News, കേരളം
ആലപ്പുഴ: മുന് മുഖ്യമന്ത്രി വി എസ് അച്യുതാനന്ദന്റെ അഡീഷണല് പ്രൈവറ്റ് സെക്രട്ടറിയായിരുന്ന കെ എം ഷാജഹാന് ആലപ്പുഴയില് സ്ഥാനാര്ത്ഥിയാകും. അദ്ദേഹം സമൂഹമാധ്യമങ്ങളിലൂടെയാണ് മത്സരിക്കുന്ന കാര്യം പ്രഖ്യാപിച്ചത്.
വി എസ് നിര്ത്തിയിടത്തു നിന്നും ഞാന് തുടങ്ങുകയാണ് എന്ന തലക്കെട്ടില്, വിഎസ് അച്യുതാനന്ദന്റെ ഫോട്ടോയിലേക്ക് നോക്കി നില്ക്കുന്ന ചിത്രം സഹിതമാണ് പോസ്റ്റ്. ആലപ്പുഴയില് സിറ്റിങ് എംപി എഎം ആരിഫിനെയാണ് സിപിഎം സ്ഥാനാര്ത്ഥിയാക്കിയിട്ടുള്ളത്.
by liji HP News | Feb 29, 2024 | Latest News, കേരളം
കൊച്ചി: സംസ്ഥാനത്ത് തുടര്ച്ചയായ നാലാം ദിവസവും സ്വര്ണവിലയില് മാറ്റമില്ല. 46,080 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 5760 രൂപ നല്കണം.
ഈ മാസത്തിന്റെ തുടക്കത്തില് 46,520 രൂപയായിരുന്നു സ്വര്ണവില. രണ്ടിന് 46,640 രൂപയായി ഉയര്ന്ന് ഈ മാസത്തെ ഏറ്റവും ഉയര്ന്ന നിലവാരത്തില് എത്തി. പിന്നീട് സ്വര്ണവില കുറയുന്ന കാഴ്ചയാണ് ദൃശ്യമായത്.
Recent Comments