by Midhun HP News | Mar 24, 2026 | Latest News, കേരളം
കൊച്ചി: പ്രതിപക്ഷ നേതാവ് വിഡി സതീശന്റെയും ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിന്റെ നാമനിര്ദേശ പത്രിക സ്വീകരിച്ചു. നാമനിര്ദേശ പത്രികയ്ക്കെതിരായ പരാതി തെരഞ്ഞെടുപ്പ് കമ്മീഷന് തള്ളി. വിഡി സതീശന് യഥാര്ഥ വരുമാനം കാണിച്ചില്ലെന്ന് ആരോപിച്ച് എല്ഡിഎഫും എന്ഡിഎയുമാണ് കമ്മീഷന് പരാതി നല്കിയത്. നേമത്തെ എന്ഡിഎ സ്ഥാനാര്ഥി രാജീവ് ചന്ദ്രശേഖര് ബെംഗളൂരുവിലെ 200 കോടിയുടെ സ്വത്തു വിവരങ്ങള് മറച്ചുവച്ചെന്ന് യുഡിഎഫ് സ്ഥാനാര്ഥി കെഎസ് ശബരീനാഥനാണ് പരാതി നല്കിയത്.
നാമനിര്ദേശ പത്രികയുടെ സൂക്ഷ്മപരിശോധനയ്ക്ക് മുമ്പാണ് പറവൂരിലെ എല്ഡിഎഫ് സ്ഥാനാര്ഥിയായ ടൈസണ് മാസ്റ്ററും എന്ഡിഎയും പരാതി നല്കിയത്. സൂക്ഷ്മ പരിശോധനയ്ക്കൊടുവിലാണ് വിഡി സതീശന്റെ പത്രിക അംഗീകരിച്ചത്, അഭിഭാഷകനായ വിഡി സതീശന്റെ വരുമാനത്തിന്റെ യഥാര്ഥ സ്രോതസ് കാണിച്ചില്ല, ഉപയോഗിക്കുന്ന ഔദ്യോഗിക വാഹനത്തിന്റെ പിഴ അടച്ചതിന്റെ കുടിശികയുടെയും വിവരങ്ങള് കാണിച്ചില്ല, കൈവശമുള്ള സ്വര്ണത്തിന്റെ മൂല്യം പത്രികയില് കാണിച്ചില്ല എന്നീ കാര്യങ്ങള് ചൂണ്ടിക്കാണിച്ചു കൊണ്ടായിരുന്നു പരാതി.
അതേസമയം, വിഡി സതീശന്റെ അപരസ്ഥാനാര്ഥി കെബി സതീശന്റെ പത്രിക സ്വീകരിച്ചു. കെബി സതീശന്റെ പത്രികയ്ക്കെതിരെ കോണ്ഗ്രസ് രംഗത്തുവന്നിരുന്നു. പോക്സോ കേസ് പ്രതിയായതിനാല് കെസി സതീശന്റെ പത്രിക തള്ളണമെന്നായിരുന്നു കോണ്ഗ്രസ് വാദം.
രാജീവ് ചന്ദ്രശേഖറിനെതിരെ കോണ്ഗ്രസ്മുതിര്ന്ന നേതാക്കളുമായി ആലോചിച്ച് നിയമനടപടിയുമായി മുന്നോട്ടുപോകുമെന്ന് കെഎസ് ശബരീനാഥന് പറഞ്ഞു. ക്രിമിനല് കുറ്റമാണ് നടന്നിരിക്കുന്നത്. കോടികളുടെ സ്വത്ത് ഉണ്ടാകുന്നതില് തെറ്റില്ല. പക്ഷേ എന്തിനാണു അത് രാജീവ് ചന്ദ്രശേഖര് മറച്ചുവയ്ക്കുന്നുതെന്നും ശബരീനാഥന് ചോദിച്ചു. എന്ഡിഎ അക്കൗണ്ടു പൂട്ടിക്കാന് സുവര്ണാവസരം ലഭിച്ചിട്ടും സിപിഎം ഉപയോഗിക്കാത്തതു ഡീലാണെന്നും ശബരി പറഞ്ഞു.
ആരോപണം അടിസ്ഥാനരഹിതമാണെന്നും കോണ്ഗ്രസ് കോടതിയെ സമീപിക്കട്ടെയെന്നും രാജീവ് ചന്ദ്രശേഖര് പറഞ്ഞു. എല്ലാ തെരഞ്ഞെടുപ്പിനു മുന്പും വ്യക്തിപരമായി ആക്രമിക്കുന്നത് കോണ്ഗ്രസിന്റെ പതിവാണ്. സിപിഎമ്മും ബിജെപിയും ഡീലാണെന്ന് ആദ്യം അവര് പറഞ്ഞു. അതു ഫലിക്കുന്നില്ലെന്ന് കണ്ടപ്പോള് തന്നെ ആക്രമിക്കുകയാണ്. ജനങ്ങള് ആഗ്രഹിക്കുന്നത് വിവാദങ്ങളല്ല. വികസനം കൊണ്ടുവരാനുള്ള കരുത്താണ്. അതു കോണ്ഗ്രസിനില്ല. ഇപ്പോള് ഉന്നയിക്കുന്നതു പൂര്ണമായും കള്ളത്തരമാണെന്നും രാജീവ് ചന്ദ്രശേഖര് പറഞ്ഞു.
by Midhun HP News | Mar 24, 2026 | Latest News, കേരളം
കോഴിക്കോട്: എലത്തൂര് മണ്ഡലത്തില് നാമനിര്ദേശ പത്രികാസമര്പ്പണത്തില് സര്വത്ര നാടകീയത. എന്സിപി അജിത് പവാര് വിഭാഗം പ്രതിനിധി പികെ ശശീന്ദ്രന്റെ പത്രികയാണ് വരാണാധികാരി ആദ്യം സ്വീകരിച്ചത്. എന്നാല് എകെ ശശീന്ദ്രന് വിഭാഗം ഇതിനെ എതിര്ത്തതോടെ വീണ്ടും വിളിച്ചുവരുത്തി. തുടര്ന്ന് ഈ പത്രികയുടെ രസീത് അജ്ഞാതനായ ഒരാള് കൈപ്പറ്റി ഓടിപ്പോയി. തങ്ങളുമായി ബന്ധമില്ലാത്തയാളാണ് രസീത് കൈപ്പറ്റി ഓടിപ്പോയതെന്ന് പികെ ശശീന്ദ്രന് വിഭാഗം പറയുന്നു.
പതിനൊന്ന് മണിയോടെ നോമിനേഷന് സ്ക്രൂട്ടിനി ആരംഭിച്ചതെന്ന് പികെ ശശീന്ദ്രന് അഭിഭാഷകന് മാധ്യമങ്ങളോട് പറഞ്ഞു. സൂക്ഷ്മപരിശോധനയില് തങ്ങളുടെ നാമനിര്ദേശ പത്രിക അംഗീകരിച്ചു. അതിന്റെ രസീത് തങ്ങള്ക്ക് തരുന്നതിന് പകരം മൂന്നാമതൊരാള്ക്ക് വരാണാധികാരി നല്കുകയായിരുന്നു, രസീത് കിട്ടിയ ഉടനെ അയാള് സ്ഥലത്തുനിന്ന് കടന്നുകളഞ്ഞതായും അഭിഷാകന് പറയുന്നു. ക്ലോക്ക് ചിഹ്നത്തില് മത്സരിക്കുന്നത് തടയാനുള്ള നീക്കമായാണ് ഇതിനെ കാണുന്നതെന്നും കാത്തിരിക്കണമെന്നാണ് വരാണിധാകാരി അറിയിച്ചതെന്നും അഭിഭാഷകന് മാധ്യമങ്ങളോട് പറഞ്ഞു.
മണ്ഡലത്തിലെ സിറ്റിങ് എംഎല്എയാണ് എന്സിപി ശരത്പവാര് വിഭാഗം നേതാവ് എകെ ശശീന്ദ്രന്. മൂന്ന് തവണ ക്ലോക്ക് ചിഹ്നത്തിലാണ് ശശീന്ദ്രന് വിജയിച്ചത്. പാര്ട്ടി പിളര്ന്നതോടെ എകെ ശശീന്ദ്രനെതിരെ പികെ ശശീന്ദ്രന് എന്ന അപരനെ എന്സിപി അജിത് പവാര് വിഭാഗം സ്ഥാനാര്ഥിയാക്കിയിരുന്നു. അദ്ദേഹത്തിനാണ് ക്ലോക്ക് ചിഹ്നം തെരഞ്ഞെടുപ്പ് കമ്മീഷന് അനുവദിച്ചത്. സംഭവത്തിന് പിന്നാലെ എസിപി ഉള്പ്പടെയുള്ളവര് സംഭവസ്ഥലത്തെത്തി. രസീതുമായി കടന്ന കളഞ്ഞ ആളെ കണ്ടെത്താനുള്ള ശ്രമത്തിലാണ് പൊലീസ്. സിസിടിവി ഉള്പ്പടെ പൊലീസ് പരിശോധിച്ചു.
by Midhun HP News | Mar 24, 2026 | Latest News, കേരളം
കൊച്ചി: പ്രതിപക്ഷ നേതാവ് വിഡി സതീശന്റെ നാമനിര്ദേശ പത്രികയ്ക്കെതിരായ പരാതി തെരഞ്ഞെടുപ്പ് കമ്മീഷന് തള്ളി. യഥാര്ഥ വരുമാനം കാണിച്ചില്ലെന്ന് ആരോപിച്ച് എല്ഡിഎഫും എന്ഡിഎയുമാണ് പരാതി നല്കിയത്. നാമനിര്ദേശ പത്രികയുടെ സൂക്ഷ്മപരിശോധനയ്ക്ക് മുമ്പാണ് പറവൂരിലെ എല്ഡിഎഫ് സ്ഥാനാര്ഥിയായ ടൈസണ് മാസ്റ്ററും എന്ഡിഎയും പരാതി നല്കിയത്. സൂക്ഷ്മ പരിശോധനയ്ക്കൊടുവിലാണ് വിഡി സതീശന്റെ പത്രിക അംഗീകരിച്ചത്.
അഭിഭാഷകനായ വിഡി സതീശന്റെ വരുമാനത്തിന്റെ യഥാര്ഥ സ്രോതസ് കാണിച്ചില്ല, ഉപയോഗിക്കുന്ന ഔദ്യോഗിക വാഹനത്തിന്റെ പിഴ അടച്ചതിന്റെ കുടിശികയുടെയും വിവരങ്ങള് കാണിച്ചില്ല, കൈവശമുള്ള സ്വര്ണത്തിന്റെ മൂല്യം പത്രികയില് കാണിച്ചില്ല എന്നീ കാര്യങ്ങള് ചൂണ്ടിക്കാണിച്ചു കൊണ്ടായിരുന്നു പരാതി.
അതേസമയം, വിഡി സതീശന്റെ അപരസ്ഥാനാര്ഥി കെബി സതീശന്റെ പത്രിക സ്വീകരിച്ചു. കെബി സതീശന്റെ പത്രികയ്ക്കെതിരെ കോണ്ഗ്രസ് രംഗത്തുവന്നിരുന്നു. പോക്സോ കേസ് പ്രതിയായതിനാല് കെസി സതീശന്റെ പത്രിക തള്ളണമെന്നായിരുന്നു കോണ്ഗ്രസ് വാദം.
by Midhun HP News | Mar 24, 2026 | Latest News, കേരളം
തൃശൂര്: ഗുരുവായൂര് ക്ഷേത്രത്തില് ഏപ്രില് രണ്ടിനും മൂന്നിനും നാലമ്പല പ്രവേശനത്തിന് നിയന്ത്രണം. ഗുരുവായൂരപ്പന് ശുദ്ധി, ശ്രീഭൂതബലി ചടങ്ങുകള് നടക്കുന്നതിനാലാണ് നിയന്ത്രണം ഏര്പ്പെടുത്തിയിരിക്കുന്നത്.
അന്നേ ദിവസങ്ങളില് വൈകീട്ട് ദീപാരാധനയ്ക്ക് ശേഷം അത്താഴപൂജ കഴിയുന്നതുവരെ നാലമ്പലത്തില് ഭക്തര്ക്ക് പ്രവേശനമുണ്ടായിരിക്കുന്നതല്ലെന്ന് ഗുരുവായൂര് ദേവസ്വം അറിയിച്ചു. ഉപദേവശുദ്ധി ചടങ്ങുകള് ഏപ്രില് 4,5,6 തീയതികളില് നടക്കും.
by Midhun HP News | Mar 24, 2026 | Latest News, കേരളം
കൊച്ചി: ആഗോള വിപണിയില് എണ്ണ വില കുറഞ്ഞതിനെ തുടര്ന്ന് സംസ്ഥാനത്ത് തിരിച്ചുകയറി വീണ്ടും ഒരു ലക്ഷത്തിന് മുകളിലെത്തിയ സ്വര്ണവിലയില് ചാഞ്ചാട്ടം. രാവിലെ പവന് ഒറ്റയടിക്ക് 2160 രൂപയാണ് കുറഞ്ഞത്. എന്നാല് ഉച്ചയോടെ തിരിച്ചുകയറുകയായിരുന്നു. 1880 രൂപ വര്ധിച്ചതോടെ ഒരു പവന് സ്വര്ണത്തിന്റെ വില 1,04,800 രൂപയായി ഉയര്ന്നു. ഗ്രാമിന് ആനുപാതികമായി 235 രൂപയാണ് വര്ധിച്ചത്. 13,100 രൂപയാണ് ഒരു ഗ്രാം സ്വര്ണത്തിന്റെ വില.
മാസങ്ങള്ക്ക് ശേഷം ഇന്നലെ ഒരു ലക്ഷത്തിന് താഴെയെത്തിയ സ്വര്ണവില വൈകിട്ടോടെയാണ് തിരിച്ച് ഒരു ലക്ഷത്തിന് മുകളില് എത്തിയത്. തുടര്ന്ന് രാത്രിയോടെ വീണ്ടും ഉയര്ന്ന് 1,05,000ന് മുകളില് എത്തി. ഇന്നലെ വലിയ തോതിലുള്ള ചാഞ്ചാട്ടമാണ് വിപണിയില് ദൃശ്യമായത്. രാവിലെയും ഉച്ചയ്ക്കുമായി ഏഴായിരത്തിലധികം രൂപ ഇടിഞ്ഞ ശേഷമാണ് സ്വര്ണവില തിരിച്ചുകയറിയത്. തുടര്ന്ന് ഇന്ന് രാവിലെ വില കുറയുകയായിരുന്നു.
യുദ്ധം അവസാനിപ്പിക്കുന്നതിന് ഇറാനുമായി ചര്ച്ച നടത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ വാക്കുകളെ തുടര്ന്ന് എണ്ണവില 15 ശതമാനം ഇടിഞ്ഞതിന് പിന്നാലെയാണ് സ്വര്ണവില തിരിച്ചുകയറിയത്. കഴിഞ്ഞ ദിവസങ്ങളില് ഊര്ജ്ജ പ്രതിസന്ധി രൂക്ഷമാക്കി എണ്ണവില ബാരലിന് 110 ഡോളര് കടന്നും കുതിക്കുന്ന കാഴ്ചയാണ് കണ്ടത്. ഇതിന്റെ പ്രതിഫലനമെന്നോണമാണ് കഴിഞ്ഞ ദിവസങ്ങളില് സ്വര്ണവില താഴ്ന്നത്.
പശ്ചിമേഷ്യന് സംഘര്ഷത്തിന്റെ തുടക്കത്തില് വന്കുതിപ്പ് നടത്തിയ സ്വര്ണവില പിന്നീട് ഇടിയുന്നതാണ് കണ്ടത്. സുരക്ഷിത നിക്ഷേപം എന്ന നിലയില് വിവിധ രാജ്യങ്ങളിലെ കേന്ദ്രബാങ്കുകള് സ്വര്ണം വാങ്ങിക്കൂട്ടിയതാണ് സ്വര്ണവില ഒരു ലക്ഷം കടന്നു കുതിക്കാന് കാരണം. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
by Midhun HP News | Mar 24, 2026 | Latest News, കേരളം
തൃശൂര്: ജിംനേഷ്യത്തിന്റെയും ബ്യൂട്ടി സലൂണിന്റെയും മറവില് ലഹരിവില്പ്പന നടത്തിയ യുവതി പിടിയില്. തൃപ്രയാറിലെ ജിംനേഷ്യത്തില് ജോലി ചെയ്ത് വരുന്ന പെരിങ്ങോട്ടുകര താന്ന്യം സ്വദേശി ചിറയത്ത് വീട്ടില് ശ്രീലക്ഷ്മി (30) ആണ് അറസ്റ്റിലായത്. വന്തോതില് ലഹരിമരുന്ന് വില്പന നടത്തിയിരുന്ന യുവതിയെ തൃശ്ശൂര് റൂറല് പൊലീസാണ് അറസ്റ്റ് ചെയ്തത്.
ഇവരില് നിന്ന് 2.270 കിലോഗ്രാം ഹാഷിഷ് ഓയില് പിടിച്ചെടുത്തു. കൂടാതെ മയക്ക് മരുന്ന് വില്പ്പന നടത്തി അനധികൃതമായി സമ്പാദിച്ച 90500/ രൂപയും, ഹാഷിഷ് ഓയില് ചില്ലറ വില്പ്പന നടത്താനായി ഉപയോഗിക്കുന്ന് 50 ഒഴിഞ്ഞ ചെറിയ പ്ലാസ്റ്റിക് ബോട്ടിലുകളും പിടിച്ചെടുത്തു.
കരയാമുട്ടം സൊസൈറ്റിക്ക് സമീപമുള്ള വാടകവീട്ടില് വെച്ചാണ് തൃശ്ശൂര് റൂറല് ജില്ലാ പൊലീസ് മേധാവിയുടെ നേതൃത്വത്തിലുള്ള ഡാന്സാഫ് സംഘവും വലപ്പാട് പൊലീസും ചേര്ന്ന് പ്രതിയെ പിടികൂടിയത്.
തീരദേശ മേഖലയിലെ വിദ്യാര്ത്ഥികള്ക്കിടയില് ലഹരി ഉപയോഗം വര്ധിക്കുന്നതായി ജില്ലാ പൊലീസ് മേധാവി ബി. കൃഷ്ണകുമാര് ഐപിഎസിന് ലഭിച്ച രഹസ്യവിവരത്തെത്തുടര്ന്ന് സ്കൂളുകള് കേന്ദ്രീകരിച്ച് ലഹരി ഉപയോഗിക്കുന്ന കുട്ടികളെ നിരീക്ഷിച്ച് നടത്തിയ അന്വേഷണത്തിനൊടുവിലാണ് ലഹരിയുടെ ഉറവിടം കണ്ടെത്തിയത്. പൊലീസ്-എക്സൈസ് പരിശോധനകള് ഒഴിവാക്കാന് അതീവ ജാഗ്രതയോടെയായിരുന്നു ഇവരുടെ ഇടപാടുകള്. ഇവരുടെ വിശ്വസ്തരായ ഉപഭോക്താക്കള്ക്ക് മാത്രമാണ് ഇവര് ലഹരിമരുന്ന് കൈമാറിയിരുന്നത്.
യുവതിക്ക് മയക്ക് മരുന്ന് എത്തിച്ച് നല്കിയയാളെക്കുറിച്ചുള്ള നിര്ണ്ണായകവിവരം ലഭിച്ചിട്ടുണ്ട്. സംഭവത്തില് കൂടുതല് പേര്ക്ക് പങ്കുണ്ടോ എന്നും അന്വേഷിച്ചുവരികയാണ്. തൃശ്ശൂര് റൂറല് ജില്ലാ പൊലീസ് മേധാവി ബി കൃഷ്ണകുമാര് ഐ പി എസ് ന്റെ നേതൃത്വത്തില് നാര്ക്കോട്ടിക് സെല് ഡിവൈഎസ്പി അബ്ദുല് സലാം, വാടാനപ്പള്ളി ഐഎസ്എച്ച്ഒ മാത്യു, വലപ്പാട് എസ്ഐ എബിന്, ഡാന്സാഫ് എസ്ഐമാരായ സി ആര് പ്രദീപ്, ഷൈന്, എഎസ്ഐ ലിജു ഇയ്യാനി, എസസിപിഒ ബിജു, സിപിഒമാരായ നിഷാന്ത്, സുര്ജിത്ത് സാഗര്, വലപ്പാട് സ്റ്റേഷനിലെ എസ്ഐ ഉണ്ണി, സിയാദ്, സൈനുദ്ദീന്, സിപിഒ ശാലീന എന്നിവരടങ്ങുന്ന സംഘമാണ് പ്രതിയെ പിടികൂടിയത്.
Recent Comments