by Midhun HP News | Oct 10, 2026 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ കാരുണ്യ ലോട്ടറി ഫലം പ്രഖ്യാപിച്ചു. KY 383414 (KOTTAYAM) എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 25 ലക്ഷം രൂപ KW 848084 (KATTAPPANA) എന്ന നമ്പറിലുള്ള ടിക്കറ്റിനാണ്. KV 573582 (ERNAKULAM) എന്ന നമ്പറിലുള്ള ടിക്കറ്റിനാണ് പത്തുലക്ഷം രൂപയുടെ മൂന്നാം സമ്മാനം.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല്‍ ഫലം ലഭ്യമാകും.
Consolation Prize ₹5,000/- (Remaining all series)
KN 383414
KO 383414
KP 383414
KR 383414
KS 383414
KT 383414
KU 383414
KV 383414
KW 383414
KX 383414
KZ 383414
4th Prize: ₹5,000/-Enter Contests(Last four digits to be drawn 19 times)
0114 2334 2521 2882 3311 4591 4894 5874 6426 6502 6558 7743 8092 8374 8512 8604 8997 9356 9578
5th Prize: ₹2,000/-(Last four digits to be drawn 6 times)
0410 0516 1879 3029 6122 6306
6th Prize ₹1,000/-(Last four digits to be drawn 25 times)
0309 0381 0548 0559 0916 1137 1183 1715 2420 2820 2990 4756 4805 5168 5231 5316 5477 5990 7085 7217 7759 7946 7977 8014 9013
7th Prize ₹500/- (Last four digits to be drawn 76 times)Lottery Draw Schedule
1664 7078 1614 7150 8664 6119 6547 2141 5794 6902 5407 1233 7396 0794 5438 8971 0060 6509 3100 8342 7790 4622 7097 5709 8987 2172 2917 5530 1658 2227 8099 1775 3535 6754 1094 8569 9083 7251 2067 0690 7015 1342 8527 9781 7037 5056 6153 5699 9616 4828 8804 2040 4590 6190 8608 8193 2650 5424 5778 3878 8707 0927 1112 6512 5204 5836 5612 4206 2443 6854 4461 9662 8224 3138 5129..
8th Prize ₹200/- (Last four digits to be drawn 92 times)
9th Prize ₹100/- (Last four digits to be drawn 144 times)…
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Oct 10, 2026 | Latest News, കേരളം
തിരുവനന്തപുരം: ബംഗാള്‍ ഉള്‍ക്കടലില്‍ ചൊവ്വാഴ്ചയോടെ ന്യൂനമര്‍ദ്ദ സാധ്യത. ഇതിന്റെ സ്വാധീനഫലമായി ബുധനാഴ്ച വരെ നേരിയതോ മിതമായതോ ആയ മഴയ്ക്കും ഒറ്റപ്പെട്ട സ്ഥലങ്ങളില്‍ ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇന്ന് (ശനിയാഴ്ച) പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലാണ് ശക്തമായ മഴയ്ക്കുള്ള സാധ്യത നിലനില്‍ക്കുന്നത്. ജാഗ്രതയുടെ ഭാഗമായി ഈ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. മലാക്ക കടലിടുക്കിന് മുകളില്‍ ചക്രവാതച്ചുഴി സ്ഥിതി ചെയ്യുന്നുണ്ട്. ഈ ചക്രവാതച്ചുഴി ഞായറാഴ്ചയോടെ ആന്‍ഡമാന്‍ കടലില്‍ പ്രവേശിക്കുകയും തുടര്‍ന്ന് ചൊവ്വാഴ്ചയോടെ ന്യൂനമര്‍ദ്ദമായി ശക്തിപ്രാപിക്കുമെന്നാണ് കാലാവസ്ഥ വകുപ്പിന്റെ പ്രവചനം.
ഈ ദിവസങ്ങളില്‍ ഒറ്റപ്പെട്ട സ്ഥലങ്ങളില്‍ ഇടിമിന്നലോടുകൂടിയ മഴയ്ക്കും മണിക്കൂറില്‍ 40-50 കിലോമീറ്റര്‍ വേഗത്തില്‍ ശക്തമായ കാറ്റിനും സാധ്യതയുള്ളതിനാല്‍ ജാഗ്രത പാലിക്കണമെന്നും മുന്നറിയിപ്പില്‍ പറയുന്നു. മന്നാര്‍ ഉള്‍ക്കടലിനും അതിനോട് ചേര്‍ന്ന തെക്കന്‍ തമിഴ്നാട് തീരപ്രദേശത്തിനും മുകളിലായി സമുദ്രനിരപ്പില്‍ നിന്ന് 0.9 കിലോമീറ്റര്‍ ഉയരത്തില്‍ മറ്റൊരു ചക്രവാതച്ചുഴി സ്ഥിതി ചെയ്യുന്നുണ്ട്. ഈ ചക്രവാതച്ചുഴിയില്‍ നിന്ന് മധ്യവടക്കന്‍ മഹാരാഷ്ട്രയിലേക്ക് നീളുന്ന ന്യൂനമര്‍ദ്ദ പാത്തി ഉള്‍നാടന്‍ തമിഴ്നാട്, ഉള്‍നാടന്‍ കര്‍ണാടക എന്നിവിടങ്ങളിലൂടെ കടന്നുപോകുന്നതായും കാലാവസ്ഥ വകുപ്പിന്റെ മുന്നറിയിപ്പില്‍ പറയുന്നു.
ഇന്ന് (ശനിയാഴ്ച) പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലാണ് ശക്തമായ മഴയ്ക്കുള്ള സാധ്യത നിലനില്‍ക്കുന്നത്. ജാഗ്രതയുടെ ഭാഗമായി ഈ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. മലാക്ക കടലിടുക്കിന് മുകളില്‍ ചക്രവാതച്ചുഴി സ്ഥിതി ചെയ്യുന്നുണ്ട്. ഈ ചക്രവാതച്ചുഴി ഞായറാഴ്ചയോടെ ആന്‍ഡമാന്‍ കടലില്‍ പ്രവേശിക്കുകയും തുടര്‍ന്ന് ചൊവ്വാഴ്ചയോടെ ന്യൂനമര്‍ദ്ദമായി ശക്തിപ്രാപിക്കുമെന്നാണ് കാലാവസ്ഥ വകുപ്പിന്റെ പ്രവചനം.
ഈ ദിവസങ്ങളില്‍ ഒറ്റപ്പെട്ട സ്ഥലങ്ങളില്‍ ഇടിമിന്നലോടുകൂടിയ മഴയ്ക്കും മണിക്കൂറില്‍ 40-50 കിലോമീറ്റര്‍ വേഗത്തില്‍ ശക്തമായ കാറ്റിനും സാധ്യതയുള്ളതിനാല്‍ ജാഗ്രത പാലിക്കണമെന്നും മുന്നറിയിപ്പില്‍ പറയുന്നു. മന്നാര്‍ ഉള്‍ക്കടലിനും അതിനോട് ചേര്‍ന്ന തെക്കന്‍ തമിഴ്നാട് തീരപ്രദേശത്തിനും മുകളിലായി സമുദ്രനിരപ്പില്‍ നിന്ന് 0.9 കിലോമീറ്റര്‍ ഉയരത്തില്‍ മറ്റൊരു ചക്രവാതച്ചുഴി സ്ഥിതി ചെയ്യുന്നുണ്ട്. ഈ ചക്രവാതച്ചുഴിയില്‍ നിന്ന് മധ്യവടക്കന്‍ മഹാരാഷ്ട്രയിലേക്ക് നീളുന്ന ന്യൂനമര്‍ദ്ദ പാത്തി ഉള്‍നാടന്‍ തമിഴ്നാട്, ഉള്‍നാടന്‍ കര്‍ണാടക എന്നിവിടങ്ങളിലൂടെ കടന്നുപോകുന്നതായും കാലാവസ്ഥ വകുപ്പിന്റെ മുന്നറിയിപ്പില്‍ പറയുന്നു.
by Midhun HP News | Oct 10, 2026 | Latest News, കേരളം
ഡല്‍ഹി: ഇന്ദിരാഗാന്ധി പോലും ഇങ്ങനെ ചെയ്തിട്ടില്ലെന്ന് സിജെപി നേതാവ് അഭിജിത് ദീപ്‌കെ. വിമാനത്താവളത്തില്‍ വച്ച് ഡല്‍ഹി പൊലീസ് കസ്റ്റഡിയിലെടുത്തതിന് പിന്നാലെയാണ് ദീപ്‌കെയുടെ പ്രതികരണം. മുംബൈയില്‍നിന്ന് വിമാനത്തില്‍ ഡല്‍ഹിയിലെത്തിയ ദിപ്‌കെയെ വിമാനത്തിനുള്ളില്‍ കയറിയാണ് ഡല്‍ഹി പൊലീസ് കസ്റ്റഡിയില്‍ എടുത്തത്. മറ്റ് സിജെപി നേതാക്കളായ സൗരവ് ദാസ്, അശുതോഷ് റാങ്ക എന്നിവരെയും പൊലീസ് കസ്റ്റഡിയില്‍ എടുത്തു.
‘അറസ്റ്റ് വരിക്കാന്‍ തന്നെയാണ് ഞാന്‍ വന്നത്. എനിക്ക് നിങ്ങളെ ഭയമില്ല’ കസ്റ്റഡിയിലെടുക്കുന്നതിന് മുന്‍പായി ദീപ്‌കെ പറയുന്നത് കേള്‍ക്കാം. പൊലീസ് നടപടിയെ ശക്തമായി അപലപിച്ച സിജെപി; പ്രതിഷേധ സ്ഥലത്ത് എത്തുന്നത് തടയുന്നതിനായി മുന്‍കൂട്ടി ആസൂത്രണം ചെയ്തതാണ് അറസ്റ്റെന്നും നേതാക്കള്‍ പറഞ്ഞു. പൊലീസ് നടപടി സഞ്ചാര സ്വാതന്ത്ര്യത്തിന്റെ ലംഘനമാണെന്നും കസ്റ്റഡിയിലെടുത്ത മൂന്ന് നേതാക്കളെയും ഉപാധികളില്ലാതെ ഉടന്‍ മോചിപ്പിക്കണമെന്നും ആവശ്യപ്പെട്ടു.
മുംബൈയില്‍നിന്ന് വിമാനമാര്‍ഗം ഡല്‍ഹി ഇന്ദിരാ ഗാന്ധി അന്താരാഷ്ട്ര വിമാനത്താവളത്തിലെത്തിയതിനു പിന്നാലെയാണ് വിമാനത്തിനുള്ളില്‍വെച്ച് ദീപ്‌കെയെ കസ്റ്റഡിയിലെടുത്തത്. മഹാത്മഗാന്ധിയുടെ ചിത്രമുള്ള ടീ ഷര്‍ട്ട് ധരിച്ചാണ് ദീപ്‌കെ എത്തിയത്. നേരത്തേ പ്രതിഷേധത്തില്‍ പങ്കെടുക്കാനെത്തിയ പ്രമുഖ യൂട്യൂബറും ഇന്‍ഫ്ളുവന്‍സറുമായ ധ്രുവ് റാഠിയെ ഗുരുഗ്രാമിലെ വസതിയില്‍നിന്ന് ഡല്‍ഹി പൊലീസ് കസ്റ്റഡിയിലെടുത്തിരുന്നു. ശനിയാഴ്ച രാവിലെ ഏഴേമുക്കാലോടെ സെക്ടര്‍ 56-ലെ അദ്ദേഹത്തിന്റെ വസതിയില്‍വെച്ചായിരുന്നു സംഭവം. രാവിലെ ധ്രുവ് റാഠിയുടെ അമ്മ വാതില്‍ തുറന്നതോടെ പോലീസ് അകത്തുകയറി റാഠിയെ കസ്റ്റഡിയിലെടുക്കുകയായിരുന്നു. അര്‍ധരാത്രിയില്‍ അന്‍പതോളം വരുന്ന പൊലീസ് സംഘം അദ്ദേഹത്തിന്റെ വീടിനുമുന്നില്‍ നിലയുറപ്പിച്ചിരുന്നു.
കേരള ഹൗസിന് മുന്നില്‍ മാര്‍ച്ചിനൊരുങ്ങുന്നതിനിടെ സിപിഎം ജനറല്‍ സെക്രട്ടറി എംഎ ബേബി, പ്രതിപക്ഷ നേതാവ് പിണറായി വിജയന്‍, എംവി ഗോവിന്ദന്‍, ബൃന്ദ കാരാട്ട്, ജോണ്‍ ബ്രിട്ടാസ് ഉള്‍പ്പെടെയുള്ളവരെയും കസ്റ്റഡിയിലെടുത്തു. ഡല്‍ഹിയില്‍ പലയിടങ്ങളിലായി ആയിരക്കണക്കിന് പേരെ പൊലീസ് ഇതിനകം കസ്റ്റഡിയിലെടുത്തു.
ഇരുപത്തിയ്യായിരം സുരക്ഷാ ഉദ്യോഗസ്ഥരെയാണ് ജന്തര്‍ മന്തറില്‍ വിന്യസിച്ചിട്ടുള്ളത്. മുഖ്യ തെരഞ്ഞെടുപ്പ് കമ്മിഷണര്‍ ഗ്യാനേഷ് കുമാറിന്റെ രാജിയാവശ്യപ്പെട്ട് ‘സിജെപി’ നടത്തുന്ന സമരം രാവിലെ ആരംഭിക്കും. രാവിലെ 10 മണിയോടെ ജന്തര്‍ മന്തറിലെത്തണമെന്നാണു പ്രവര്‍ത്തകര്‍ക്ക് സിജെപി നല്‍കിയിട്ടുള്ള നിര്‍ദേശം. നീറ്റ് ചോദ്യപ്പേപ്പര്‍ ചോര്‍ച്ച വിഷയത്തില്‍ ധര്‍മേന്ദ്ര പ്രധാനെ കേന്ദ്രമന്ത്രി സ്ഥാനത്തുനിന്നു താഴെയിറക്കിയ ആത്മവിശ്വാസത്തിലാണ് സിജെപി രണ്ടാം സമരത്തിനെത്തുന്നത്.
അതേസമയം, പ്രതിഷേധത്തിന് അനുമതി നല്‍കിയിട്ടില്ലെന്ന് ഡല്‍ഹി പൊലീസ് വ്യക്തമാക്കി. മുന്‍കരുതലിന്റെ ഭാഗമായി ഡല്‍ഹിയിലെ രാജീവ് ചൗക്ക്, ന്യൂഡല്‍ഹി, സെന്‍ട്രല്‍ സെക്രട്ടേറിയറ്റ്, പട്ടേല്‍ ചൗക്ക്, കശ്മീരി ഗേറ്റ് ഉള്‍പ്പെടെയുള്ള 45 മെട്രോ സ്റ്റേഷനുകള്‍ അടച്ചു. ലോക്കല്‍ ട്രെയിനുകളും മറ്റ് സംസ്ഥാനങ്ങളിലേക്കുള്ള 250 ട്രെയിനുകളും റദ്ദാക്കിയിട്ടുണ്ട്. ജന്‍പഥ്കര്‍ത്തവ്യ പഥിന് 4 കിലോമീറ്റര്‍ ചുറ്റളവില്‍ ഇന്റര്‍നെറ്റ് നിരോധിച്ചിട്ടുണ്ട്.
by Midhun HP News | Oct 10, 2026 | Latest News, കേരളം
കൊച്ചി: ലയണല്‍ മെസിയെ കേരളത്തിലെത്തിക്കാമെന്ന് വാഗ്ദാനം നല്‍കി നടത്തിയ കൊച്ചി അന്താരാഷ്ട്ര സ്റ്റേഡിയം നവീകരണത്തില്‍ വലിയ സാമ്പത്തിക ക്രമക്കേടുകള്‍ നടന്നതായി കണ്ടെത്തല്‍. ഏകദേശം 60 കോടി രൂപ പെരുപ്പിച്ചു കാണിച്ചതായി ജിസിഡിഎയുടെ ആഭ്യന്തര റിപ്പോര്‍ട്ട്. ദി ന്യൂ ഇന്ത്യന്‍ എക്‌സ്പ്രസിന് ലഭിച്ച ആഭ്യന്തര റിപ്പോര്‍ട്ട് പ്രകാരം നവീകരണത്തിന്റെ പ്രാഥമിക ചെലവ് 8.44 കോടി രൂപ മാത്രമാണ്. എന്നാല്‍ മത്സരത്തിന്റെ സ്‌പോണ്‍സറായ റിപ്പോര്‍ട്ടര്‍ ബ്രോഡ്കാസ്റ്റിംഗ് കോര്‍പ്പറേഷന്‍ 70 കോടി രൂപ ചെലവഴിച്ചതായാണ് അവകാശപ്പെടുന്നത്.
ആഭ്യന്തര റിപ്പോര്‍ട്ട് അനുസരിച്ച്, ജിസിഡിഎ സെക്രട്ടറിയുടെ നേതൃത്വത്തിലുള്ള സമിതി സ്റ്റേഡിയം നവീകരണത്തിന്റെ പ്രാഥമിക വിലയിരുത്തല്‍ നടത്തി. നിര്‍മ്മാണ സാമഗ്രികളുടെയും വിവിധ ജോലികളുടെയും വിപണി നിരക്ക് അടിസ്ഥാനമാക്കി ചെലവ് കണക്കാക്കി. റിപ്പോര്‍ട്ട് പ്രകാരം അതിര്‍ത്തി മതില്‍ നിര്‍മ്മാണത്തിന് 1.19 കോടി രൂപ, പാര്‍ക്കിങ് ഗ്രൗണ്ട് വികസനത്തിന് 1.66 കോടി, ഗാലറിയില്‍ കസേരകള്‍ സ്ഥാപിക്കുന്നതിന് 2.22 കോടി രൂപയുമാണ് ചെലവ് കണക്കാക്കിയത്. പെയിന്റിങ്, പ്രവേശനകവാടം നവീകരിക്കല്‍, ശുചിമുറി നവീകരണം, ഇലക്ട്രിക്കല്‍ ജോലികള്‍ എന്നിവയ്ക്ക് 1.36 കോടി രൂപയും മറ്റ് ആവശ്യങ്ങള്‍ക്കായി ഏകദേശം 2 കോടി രൂപയും ചെലവഴിച്ചു.
പത്ത് ശതമാനം ലാഭം കണക്കാക്കിയാല്‍ പോലും യഥാര്‍ത്ഥ ചെലവ് 10 കോടി രൂപയില്‍ എത്തില്ലെന്ന് ജിസിഡിഎ വൃത്തങ്ങള്‍ അറിയിച്ചു. നവീകരണ വേളയില്‍ 15,000 ഫിക്‌സഡ് സീറ്റുകള്‍ മാറ്റമില്ലാതെ നിലനിര്‍ത്തിയെന്നും സ്റ്റേഡിയം ജിസിഡിഎക്ക് തിരികെ കൈമാറിയപ്പോള്‍ സ്‌പോണ്‍സര്‍ ഇവ മാറ്റേണ്ടതായിരുന്നു എന്ന് പറഞ്ഞതായും റിപ്പോര്‍ട്ടില്‍ പറയുന്നു.
നവീകരണത്തിനായി അതോറിറ്റിക്ക് പണമൊന്നും ചെലവഴിക്കേണ്ടി വന്നിട്ടില്ലെന്ന മുന്‍ ജിസിഡിഎ ചെയര്‍മാന്‍ കെ ചന്ദ്രന്‍പിള്ളയുടെ അവകാശവാദത്തിന് വിരുദ്ധമായി ജിസിഡിഎ ഇലക്ട്രിക്കല്‍, ഫെന്‍സിങ് ജോലികള്‍ ഭാഗികമായി നിര്‍വ്വഹിച്ചതായും ഫ്‌ളഡ്‌ലൈറ്റുകളില്‍ അറ്റകുറ്റപ്പണികള്‍ ചെയ്തതായും രേഖകളില്‍ നിന്ന് വ്യക്തമായിട്ടുണ്ട്. ഇതിനായി 50 ലക്ഷത്തിലധികം രൂപയാണ് ചെലവിട്ടത്. എന്നാല്‍ ചന്ദ്രന്‍ പിള്ള പ്രതികരണത്തിന് തയ്യാറായില്ല.
അതേസമയം, സ്റ്റേഡിയം നവീകരണ ഇടപാടില്‍ സംശയങ്ങളുണ്ടെന്നും അന്വേഷണത്തിലൂടെ ക്രമക്കേടുകള്‍ പുറത്തു വരുമെന്നും എംഎല്‍എ മുഹമ്മദ് ഷിയാസ് പറഞ്ഞു. സ്‌പോണ്‍സര്‍മാര്‍ അവകാശപ്പെടുന്ന ചെലവുകള്‍ അമിതമായി കാണിച്ചതാണെന്ന് സംശയിക്കുന്നു. കള്ളപ്പണം വെളുപ്പിക്കലുമായി ബന്ധപ്പെട്ട ആരോപണങ്ങളും നിലവിലുണ്ട്.
ഈ ഇടപാടില്‍ നടന്നതായി ആരോപിക്കപ്പെടുന്ന നികുതി വെട്ടിപ്പ് അന്വേഷിക്കുന്നതിനായി ജിസിഡിഎയില്‍ നിന്ന് ജിഎസ്ടി വകുപ്പ് രേഖകള്‍ ശേഖരിച്ചിട്ടുണ്ട്. സ്റ്റേഡിയം നവീകരണ ജോലികള്‍ ഉള്‍പ്പടെയുള്ള മുഴുവന്‍ ഇടപാടുകളെ കുറിച്ചും അന്വേഷിക്കാന്‍ സംസ്ഥാന സര്‍ക്കാര്‍ ഒരു പ്രത്യേക അന്വേഷണ സംഘത്തെയും നിയോഗിച്ചിട്ടുണ്ട്.
വിദേശത്തേക്ക് കോടിക്കണക്കിന് രൂപ അയച്ചതില്‍ ഗുരുതര ചട്ടലംഘനം നടന്നതായി കണ്ടെത്തിയതിനെ തുടര്‍ന്ന് എന്‍ഫോഴ്‌സ്‌മെന്റ് ഡയറക്ട്രേറ്റ് കേസ് രജിസ്റ്റര്‍ ചെയ്തിട്ടുണ്ട്. കൂടാതെ സ്‌പോണ്‍സര്‍മാരെ തെരഞ്ഞെടുത്തതിലും സ്റ്റേഡിയം കൈമാറിയതിലും അഴിമതി നടന്നിട്ടുണ്ടെന്ന് ചൂണ്ടിക്കാട്ടി മുന്‍ കായിക മന്ത്രി വി.അബ്ദുറഹിമാന്‍, മുന്‍ സ്‌പോര്‍ട്‌സ് കൗണ്‍സില്‍ പ്രസിഡന്റ് യു ഷറഫലി എന്നിവരുള്‍പ്പടെയുള്ളവര്‍ക്കെതിരെ അഴിമതി നിരോധന നിയമപ്രകാരം കേസെടുക്കാന്‍ പ്രത്യേക അന്വേഷണ സംഘം ശുപാര്‍ശ ചെയ്തിട്ടുണ്ട്.
by Midhun HP News | Oct 10, 2026 | Latest News, കേരളം
കോട്ടയം: ജില്ലാ ജനറല്‍ ആശുപത്രിയ്ക്ക് സമീപം ചന്തക്കവലയില്‍ അമിതവേഗത്തിലെത്തിയ സ്വകാര്യ ബസ് നടപ്പാതയിലേക്ക് ഇടിച്ചുകയറിയുണ്ടായ അപകടത്തില്‍ പരിക്കേറ്റ യുവതി മരിച്ചു. നട്ടാശേരി പാറയില്‍ അജയന്റെ മകള്‍ അഞ്ജലിയാണ് മരിച്ചത്. 19വയസ്സായിരുന്നു. അപകടത്തില്‍ അഞ്ജലിയുള്‍പ്പെടെ 5 സ്ത്രീകള്‍ക്ക് ഗുരുതരമായി പരിക്കേറ്റിരുന്നു. കോട്ടയം മെഡിക്കല്‍ കോളജ് സര്‍ജിക്കല്‍ ഐസിയുവില്‍ വെന്റിലേറ്ററിലായിരുന്നു അഞ്ജലി. മാതാവ് മരിച്ചതിനുശേഷം വലിയമ്മയോടൊപ്പമായിരുന്നു അഞ്ജലി താമസിച്ചിരുന്നത്.
ചന്തക്കവലയ്ക്കു സമീപമുള്ള സ്വകാര്യ സ്ഥാപനത്തിലെ ജീവനക്കാരിയായിരുന്നു. ഇന്നലെ രാത്രി ഏഴിനായിരുന്നു അപകടം. നാഗമ്പടം സ്റ്റാന്‍ഡില്‍നിന്നു ചങ്ങനാശേരി ഭാഗത്തേക്കു പോകുകയായിരുന്ന തണ്ടപ്ര എന്ന സ്വകാര്യ ബസാണ് അപകടത്തില്‍പെട്ടത്. ബസിനടിയില്‍ കുടുങ്ങിയവരെ നാട്ടുകാരും അഗ്‌നിരക്ഷാസേനയും പൊലീസും ചേര്‍ന്നു പുറത്തെടുത്ത് ജനറല്‍ ആശുപത്രിയിലേക്കു മാറ്റിയിരുന്നു. ബസ് കാത്തുനിന്നവര്‍ക്കും വഴിയാത്രക്കാര്‍ക്കുമാണു പരിക്കേറ്റത്. ചാറ്റല്‍മഴ ഉണ്ടായിരുന്നതു മൂലം ബസ് സ്റ്റോപ്പിനു സമീപത്തെ കടത്തിണ്ണയിലേക്കു ചിലര്‍ കയറി നിന്നതിനാല്‍ വന്‍ദുരന്തം ഒഴിവായി.
അപകടത്തിന് പിന്നാലെ ബസില്‍നിന്ന് ഇറങ്ങിയോടിയ ഡ്രൈവറെ പൊലീസും നാട്ടുകാരും ചേര്‍ന്ന് പിടികൂടുകയായിരുന്നു.
by Midhun HP News | Oct 10, 2026 | Latest News, കേരളം
കണ്ണൂർ: വ്യക്തിപരമായ കൊച്ചുകൊച്ചു ആഗ്രഹങ്ങളും സ്വപ്നങ്ങളും സഫലമാക്കാനാണ് പൊതുവെ കുട്ടികൾ ഹുണ്ടികയിൽ ചില്ലിക്കാശുകൾ സ്വരൂപിച്ചുവെക്കാറുള്ളത്. എന്നാൽ മുഴപ്പിലങ്ങാട് സ്വദേശിയായ ഇ. ദേവനന്ദ് ദിനേശൻ എന്ന വിദ്യാർത്ഥിക്ക് ഹുണ്ടിക വെറുമൊരു സമ്പാദ്യപ്പെട്ടി മാത്രമല്ല, വിശപ്പറിയുന്ന സഹപാഠികൾക്ക് സ്നേഹത്തോടെ അന്നമൂട്ടാനുള്ള കരുതലിന്റെ പാത്രമാണ്. കാടാച്ചിറ ഹയർ സെക്കന്ററി സ്കൂളിലെ പ്ലസ് ടു വിദ്യാർത്ഥിയായ ദേവനന്ദ്, തനിക്ക് കിട്ടുന്ന ഓരോ ചില്ലിക്കാശും കാണിക്കപ്പെട്ടിയിൽ നിക്ഷേപിക്കുന്നത് സ്വന്തം സ്കൂളിലെ കുട്ടികളുടെ ഉച്ചഭക്ഷണ ഫണ്ടിലേക്ക് നൽകാനാണ്.
ഓരോ ജന്മദിനം എത്തുമ്പോഴും ഹുണ്ടികയിൽ അതുവരെ സ്വരൂപിച്ചുവെച്ച തുക മുഴുവനായി സ്കൂളിലെ പ്രധാന അധ്യാപകനെ ഏൽപ്പിക്കുകയാണ് ഈ കൊച്ചുമിടുക്കന്റെ രീതി. എട്ടാം ക്ലാസിൽ പഠിക്കുമ്പോൾ തുടങ്ങിയ ഈ വേറിട്ട ശീലം വർഷങ്ങളായി യാതൊരു മുടക്കവുമില്ലാതെ ദേവനന്ദ് തുടർന്നുപോരുന്നു. പ്ലസ് ടുവിൽ എത്തിനിൽക്കുമ്പോഴും സഹജീവികളോടുള്ള ഈ കരുതലിന് തെല്ലും കുറവ് വന്നിട്ടില്ല.
മുഴപ്പിലങ്ങാട്ടെ ദിനേശന്റെയും ഇ. റജിനയുടെയും മകനാണ് ദേവനന്ദ്. സ്കൂളിലെ മദർ പിടിഎ പ്രസിഡന്റ് കൂടിയായ അമ്മ റജിന മുഴപ്പിലങ്ങാട് വലിയ വയൽ പാടശേഖരത്തിൽ നെല്ലും പച്ചക്കറിയും കൃഷി ചെയ്തുവരുന്നുണ്ട്. മകന്റെ ഹൃദയസ്പർശിയായ ഈ പ്രവർത്തനത്തിൽ ആകൃഷ്ടയായ അമ്മയും ഇപ്പോൾ ഈ ജീവകാരുണ്യത്തിൽ പങ്കാളിയാണ്. പാടത്തുനിന്ന് കൃഷിയിലൂടെ ലഭിക്കുന്ന വിളവുകളിൽ നിന്നുള്ള ഒരു വിഹിതം സ്കൂളിലെ ഉച്ചഭക്ഷണ ചെലവുകൾക്കായി അമ്മയും കൃത്യമായി നീക്കിവെക്കുന്നു. സ്വന്തം ആവശ്യങ്ങൾക്ക് മുൻഗണന നൽകാതെ സഹപാഠികളുടെ വിശപ്പകറ്റാൻ കൈകോർക്കുന്ന ദേവനന്ദിന്റെയും കുടുംബത്തിന്റെയും ഈ നല്ല മനസ്സിന് അധ്യാപകരുടെയും നാട്ടുകാരുടെയും വലിയ പ്രശംസയാണ് ലഭിക്കുന്നത്.
Recent Comments