പള്ളിക്കൽ ഗ്രാമ പഞ്ചായത്ത്‌ കേരളോത്സവം ഗ്രാമപഞ്ചായത്ത് പ്രസിഡന്റ് എം. ഹസീന ഉദ്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് എം. മാധവൻകുട്ടി അധ്യക്ഷത വഹിച്ചു. വാർഡ് മെമ്പർ പി. രഘുത്തമൻ സ്വാഗതവും കുഴിയൂർ വേണു നന്ദിയും രേഖപ്പെടുത്തി. അനിൽ പി, സതീഷ് ആർ. എസ്, തൻസീർ, ശരത് തുടങ്ങിയവർ പങ്കെടുത്തു.
ദേശീയ വിദ്യാഭ്യാസ നയത്തിന്റെ ഭാഗമായി നടക്കുന്ന കേരള സ്കൂൾ പാഠ്യപദ്ധതി പരിഷ്കരണം ജനകീയ ചർച്ചയുടെ പള്ളിക്കൽ ഗ്രാമപഞ്ചായത്ത് തല ഉത്ഘാടനം ഗ്രാമപഞ്ചായത്ത് പ്രസിഡന്റ് എം ഹസീന നിർവഹിച്ചു. ഗ്രാമപഞ്ചായത്ത് വൈസ് പ്രസിഡന്റ് എം. മാധവൻ കുട്ടി അധ്യക്ഷത വഹിച്ചു.
സ്കൂൾ തല ജനകീയചർച്ചയുടെ റിപ്പോർട്ട്‌ പള്ളിക്കൽ ഗവ: ഹയർ സെക്കന്ററി സ്കൂൾ പ്രിൻസിപ്പൽ ഉഷ എസിൽ നിന്നും ഗ്രാമപഞ്ചായത്ത് വൈസ് പ്രസിഡന്റ് എം. മാധവൻകുട്ടി ഏറ്റുവാങ്ങി. വികസനകാര്യ സ്റ്റാൻഡിങ് കമ്മിറ്റി ചെയർമാൻ ഷീബ. എസ്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ രമ്യ ആർ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ എസ് എസ് ബിജു, ഗ്രാമപഞ്ചായത്ത് അംഗങ്ങളായ റീനാകുമാരി, രഘുത്തമൻ, മുബാറക്, നിസ, ഷിബിലി, നൂർജഹാൻ, പഞ്ചായത്ത്‌ ഇമ്പ്ലിമെന്റ് ഓഫീസർ പദ്മകുമാരി, ബി ആർ സി പ്രതിനിധികളായ ബിജു, ദീപ ചടങ്ങിൽ എന്നിവർ പങ്കെടുത്തു.
കിളിമാനൂർ ഉപജില്ലാ സ്കൂൾ കലോത്സവത്തിന് നാവായിക്കുളം ഗവണ്മെന്റ് ഹയർ സെക്കന്ററി സ്കൂളിന് കിട്ടിയ ട്രോഫി നാവായിക്കുളം ഹൈസ്കൂൾ അദ്ധ്യാപിക ചിത്ര സി. എസ്, പള്ളിക്കൽ ഗ്രാമ പഞ്ചായത്ത്‌ വൈസ് പ്രസിഡന്റും പ്രോഗ്രാം കമ്മിറ്റി ചെയർമാനുമായ എം. മാധവൻകുട്ടി യിൽ നിന്നും ഏറ്റുവാങ്ങുന്നു.
തിരുവനന്തപുരം റവന്യൂജില്ലാ കലോത്സവത്തിൽ യു പി വിഭാഗം സംസ്കൃതം പ്രശ്നോത്തരി മത്സരത്തിൽ ഒന്നാം സ്ഥാനം നേടി ആറ്റിങ്ങൽ ഉപജില്ലയിൽ വൈ – എൽ എം യുപി സ്കൂളിലെ അശ്വിൻ. എ.എസ്.
വർക്കല: വെട്ടൂരിൽ 13 കാരനെ പീഡിപ്പിക്കാൻ ശ്രമിച്ച കേസിൽ ഒളിവിൽ പോയ പ്രതി താഴെവെട്ടൂർ മുഴങ്ങിൽ വീട്ടിൽ സോമന്റെ മകൻ അഭിലാഷിനെ (43) വർക്കല പോലീസ് അറസ്റ്റ് ചെയ്തു. കടയിൽ സാധനം വാങ്ങാൻ പോയ കുട്ടിയെ ആളില്ലാത്ത സമയം നോക്കി ഇടവഴിയിൽ തടഞ്ഞുനിർത്തി ലൈംഗികമായി പീഡിപ്പിച്ചതിനാണ് പ്രതിക്കെതിരെ പോക്സോ നിയമപ്രകാരം കേസെടുത്തത്.
പീഡനത്തിന് വിധേയനായി ഭയപ്പെട്ട കുട്ടിയുടെ സ്വഭാവത്തിൽ ഉണ്ടായ വ്യത്യാസം മനസ്സിലാക്കി വിവരം ചോദിച്ചറിഞ്ഞ രക്ഷകർത്താക്കളാണ് പോലീസിൽ പരാതി നൽകിയത്. സമാനമായ കുറ്റകൃത്യങ്ങൾ പ്രതി മുമ്പും ചെയ്തിട്ടുണ്ടോ എന്ന കാര്യം അന്വേഷിച്ചു വരുന്നതായി വർക്കല എസ്എച്ച് ഒ എസ്. സനോജ് അറിയിച്ചു. വർക്കല ഡിവൈഎസ്പി
പി. നിയാസിന്റെ നിർദ്ദേശാനുസരണം വർക്കല എസ് എച്ച് ഒ സനോജ് എസ്, സബ് ഇൻസ്പെക്ടർമാരായ രാഹുൽ പി ആർ, അബ്ദുൽ ഹക്കീം, പ്രൊബേഷൻ എസ് ഐ മനോജ്, ഗ്രേഡ് എസ് ഐ ജയരാജ്, എ. എസ്. ഐ ഫ്രാങ്ക്ലിൻ, എസ് സിപിഒ മാരായ സുധീർ, ഷിജു, ഷൈജു എന്നിവർ അടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്.
സ്റ്റേഷൻ വാഹനങ്ങൾ പണിമുടക്കുന്നത് തുടർക്കഥയാകുന്നത് പതിവായതോടെ അഞ്ചുതെങ്ങ് പോലീസ് ദുരിതത്തിലായി. കാലപ്പഴക്കത്താലും അറ്റക്കുറ്റപ്പണികൾ നടത്താത്തതിനാലുമാണ് അഞ്ചുതെങ്ങ് പോലീസ് സ്റ്റേഷൻ വാഹനങ്ങളുടെ പണിമുടക്ക് സ്ഥിരം സംഭവമായ് മാറിയിരിക്കുന്നത്. രണ്ട് ബൊലേറോ വാഹനങ്ങളാണ് നിലവിൽ അഞ്ചുതെങ്ങ് പോലീസ് സ്റ്റേഷനായി അനുവദിച്ചു കിട്ടിയിട്ടുള്ളത്. അതിൽ 2014 രജിസ്ട്രെഷൻ ചെയ്തിട്ടുള്ള KL01BN8433 എന്ന വാഹനം മൂന്ന് ലക്ഷത്തിൽ അധികം കിലോമീറ്ററുകളും 2016 രജിസ്ട്രെഷൻ ചെയ്തിട്ടുള്ള KL01BW7958 എന്ന വാഹനം രണ്ട് ലക്ഷത്തിലധികം കിലോമീറ്ററുകളുമാണ് ഇതിനോടകം ഓടിയിട്ടുള്ളത്.
കൃത്യമായ ഇടവേളകളിലെ അറ്റകുറ്റപ്പണികളും കൃത്യമായ പരിപാലനവും ഇല്ലാത്തതാണ് വാഹനങ്ങൾ വളരെവേഗം നശിക്കുവാനുള്ള പ്രധാന കാരണം കൂടാതെ, തീരദേശമായതിനാൽ പ്രദേശത്തെ ഉപ്പുരസം കലർന്ന കാറ്റിന്റെ സാമീപ്യം വാഹനങ്ങൾക്ക് പെട്ടെന്ന് കേടുപാട് ഉണ്ടാക്കുവാൻ കാരണമായിട്ടുണ്ട്. നിലവിൽ രണ്ടു വാഹനങ്ങളുടെയും പല പ്രധാന ഭാഗങ്ങളും തുരുമ്പ് പിടിച്ച് ദ്രവിച്ചുകഴിഞ്ഞു. റൂഫ് അടക്കമുള്ള പ്രധാന ഭാഗങ്ങളിലെല്ലാം ദ്രവിച്ച് ചെറുതും വലുതുമായ തുളകൾ വീണ അവസ്ഥയിലുമാണ്. ഇതിനാൽ തന്നെ മഴക്കാലങ്ങളിൽ വാഹനങ്ങൾ ചോർന്നൊലിക്കുന്ന അവസ്ഥയാണ്. കൂടാതെ വാഹനം തുരുമ്പുപിടിച്ച് ദ്രവിച്ചതോടെ വാഹനത്തിന്റെ പല ഉപകരണങ്ങളും ഉറപ്പിച്ചിട്ടുള്ള ഫ്രെയിമുകളിൽ നിന്ന് ഇളകിവീഴുന്ന അവസ്ഥയിലായി. ഇവയിൽ പലതും നിലവിൽ മറ്റു ഗദ്യന്തരങ്ങൾ ഇല്ലാതെ കയറുകൊണ്ടും റോപ്പ് കൊണ്ടും വലിച്ചു കെട്ടിനിർത്തിയിരിക്കുന്ന ശോചനീയ അവസ്ഥയാണ്.
വാഹനത്തിന്റെ ഗിയർ ബോക്സ്, ക്ലച്ച് തുടങ്ങി ഇലക്ട്രിക്കൽ വയറിങ്ങ് കിറ്റ് എന്നിവയും തകരാറിലാണ്.
രാത്രികാലങ്ങളിൽ ഉൾപ്പെടെയുള്ള അടിയന്തര സാഹചര്യങ്ങളിൽ അഞ്ചുതെങ്ങ് പോലീസിന്റെ അടിയന്തര സേവനം ലഭ്യമാകുവാൻ നിലവിൽ പരാതിക്കാർ മണിക്കൂറുകളോളം കാത്തിരിക്കേണ്ട അവസ്ഥയാണ്. പലപ്പോഴും വാഹനം സ്റ്റാർട്ട് ആകുവാൻ തന്നെ മണിക്കൂറുകൾ വേണ്ടിവരുന്നുണ്ട്, ചില ഘട്ടങ്ങളിൽ പോലീസ്ഉദ്യോഗസ്ഥർ പ്രതികളുടെയും പരാതി നൽകുവാൻ സ്റ്റേഷനിൽ എത്തിയവരുടെയും സഹായത്തോടെ വാഹനം മീറ്ററുകളോളം തള്ളി സ്റ്റാർട്ട് ആക്കിയാണ് അന്വേഷണങ്ങൾക്കും മാറ്റുമായി പോകുന്നത്.സ്റ്റാർട്ട് ആയ വാഹനം ഓഫ് ആയി കഴിഞ്ഞാൽ വീണ്ടും സ്റ്റാർട്ട് ആയില്ലെങ്കിലോ എന്ന ഭയത്താൽ പലപ്പോഴും വാഹനത്തിന്റെ എഞ്ചിൻ ഓഫ് ആക്കാറില്ല. തന്മൂലം ഇന്ധന ചിലവും വർദ്ധിയ്ക്കുന്നുണ്ട്.
എത്രയും പെട്ടെന്ന് തന്നെ അഞ്ചുതെങ്ങ് പോലീസ് സ്റ്റേഷന് പുതിയ വാഹനങ്ങൾ അനുവദിക്കുകയും അവയുടെ അറ്റകുറ്റപ്പണികൾ കൃത്യമായ ഇടവേളകളിലും ശ്രദ്ധയോടുംകൂടി കൈകാര്യം ചെയ്തില്ലെങ്കിൽ അഞ്ചുതെങ്ങ് പോലീസ് സ്റ്റേഷൻ പ്രവർത്തനം കൂടുതൽ ശോചനീയമാകും.
Recent Comments