by Midhun HP News | Sep 25, 2022 | Latest News, കേരളം, ജില്ലാ വാർത്ത
തിരുവനന്തപുരം: ദീര്‍ഘദൂര യാത്രക്കാര്‍ക്കായി പുത്തൻ പദ്ധതിയുമായി കെഎസ്ആര്‍ടിസി. തിരുവനന്തപുരത്ത് നിന്ന് എറണാകുളത്ത് എത്തുന്നതിനും തിരികെ വരുന്നതിനും ജനശതാബ്ദി മോഡലില്‍ പ്രത്യേക എന്റ്-ടു-എന്റ് സര്‍വീസാണ് കെഎസ്ആര്‍ടിസി പുതുതായി ഒരുക്കുന്നത്. അവധി ദിവസങ്ങള്‍ ഒഴികെ മറ്റെല്ലാ ദിവസവും സര്‍വീസ് നടത്തുന്ന എസി ലോ ഫ്‌ലോര്‍ ബസുകളാണ് ആരംഭിച്ചിരിക്കുന്നത്.
രാവിലെ 5.10 ന് തിരുവനന്തപുരത്ത് ആരംഭിച്ച് 9.40 ന് എറണാകുളത്ത് എത്തുകയും തിരികെ വൈകിട്ട് 5.20 ന് എറണാകുളത്ത് നിന്ന് തിരിച്ച് 9.50 എത്തുന്ന വിധമാണ് ഷെഡ്യൂള്‍ ക്രമീകരിച്ചിട്ടുള്ളത്. ഈ സര്‍വിസിനു വേണ്ടി പുഷ് ബാക്ക് സീറ്റുള്ള രണ്ട് ബസുകള്‍ അനുവദിച്ചിട്ടുണ്ട്. ഈ ബസുകള്‍ യാത്രക്കാരെ കയറ്റുന്നതിനായി കൊല്ലം അയത്തില്‍ ഫീഡര്‍ സ്റ്റേഷനിലും ആലപ്പുഴ കൊമ്മാടി ഫീഡര്‍ സ്റ്റേഷനിലും 1 മിനിറ്റ് മാത്രം നിര്‍ത്തുന്നതാണ്. മറ്റൊരു സ്ഥലത്തും സ്റ്റോപ്പുണ്ടാവുകയില്ല.
ഓണ്‍ലൈന്‍ വഴി യാത്രക്കാര്‍ക്ക് ടിക്കറ്റ് ബുക്ക് ചെയ്യാവുന്നതാണ്. യാത്രക്കാര്‍ക്ക് അര മണിക്കൂര്‍ മുന്‍പ് ടിക്കറ്റുകള്‍ തിരുവനന്തപുരം സെന്‍ട്രല്‍ ബസ് സ്റ്റേഷനില്‍ നിന്നും, കൊല്ലം അയത്തില്‍, ആലപ്പുഴ കൊമ്മാടി ഫീഡര്‍ സ്റ്റേഷനില്‍ നിന്നും വാങ്ങാനുള്ള സൗകര്യം എര്‍പ്പെടുത്തിയിട്ടുണ്ട്. ഈ ബസില്‍ കണ്ടക്ടര്‍ ഉണ്ടാവുകയില്ല എന്നതും പ്രത്യേകതയാണ്. കെഎസ്ആര്‍ടിസിയുടെ ചരിത്രത്തില്‍ ആദ്യമായാണ് കണ്ടക്ടര്‍ ഇല്ലാതെ സര്‍വീസ് നടത്തുന്നത്. വിജയകരമായാല്‍ കുടുതല്‍ സര്‍വീസുകള്‍ ആരംഭിക്കാനാണ് കെഎസ്ആര്‍ടിസിയുടെ പദ്ധതി.
by Midhun HP News | Sep 25, 2022 | Latest News, കേരളം, ജില്ലാ വാർത്ത
കോഴിക്കോട്: പോക്സോ കേസിൽ യുവാവ് അറസ്റ്റിൽ. വടകരയിൽ നാദാപുരം റോഡിലെ പുളിയേരിയന്റവിടെ ജിത്തുവിനെയാണ് (27) ചോമ്പാല എസ് ഐ വി കെ മനീഷ് അറസ്റ്റ് ചെയ്തത്. പത്തു വയസുകാരിയെ ശാരീരികമായി പീഡിപ്പിച്ചെന്ന പരാതിയിലാണ് അറസ്റ്റ്. പ്രതിയെ പോക്സോ കോടതി 14 ദിവസത്തേക്ക് റിമാൻഡ് ചെയ്തു.
by Midhun HP News | Sep 25, 2022 | Latest News, കേരളം, ജില്ലാ വാർത്ത
വർക്കല: ശിവഗിരിയിൽ നവരാത്രി ആഘോഷങ്ങളുടെ ഭാഗമായി സെപ്റ്റംബർ 26 മുതല്‍ ഒക്ടോബര്‍ 3 വരെ ശിവഗിരിയില്‍ നടക്കുന്ന ആഘോഷങ്ങളില്‍ കലാപരിപാടികള്‍ അവതരിപ്പിക്കുന്നവരുടെ രജിസ്ട്രഷന്‍ തുടരുന്നു. കലാരംഗത്തേയ്ക്ക് പ്രവേശിക്കുന്നവര്‍ക്ക് അരങ്ങേറ്റത്തിനും മറ്റുള്ളവര്‍ക്ക് പരിപാടികള്‍ അവതരിപ്പിക്കുന്നതിനും അവസരമുണ്ടായിരിക്കും. പങ്കെടുക്കുന്നവര്‍ താല്‍പ്പര്യമുള്ള ദിവസം മുന്‍കൂട്ടി അറിയിക്കേണ്ടതാണെന്ന് ശിവഗിരി മഠത്തില്‍ നിന്നും അറിയിക്കുന്നു.
വിശദ വിവരങ്ങൾക്ക് താഴെ കാണുന്ന നമ്പറിൽ ബന്ധപ്പെടാം
mob: 9447551499
by Midhun HP News | Sep 25, 2022 | Latest News, കേരളം, ജില്ലാ വാർത്ത
കേരള വാട്ടർ അതോറിറ്റിയുടെ ഹെഡ് ഓഫിസിലെ കേന്ദ്രീകൃത പരാതി പരിഹാര സംവിധാനത്തിലേക്ക് ഷിഫ്റ്റ് അടിസ്ഥാനത്തിൽ താൽക്കാലിക നിയമനത്തിന് അപേക്ഷ ക്ഷണിച്ചു. യോഗ്യത- ബിരുദം, കംപ്യൂട്ടർ പരിജ്ഞാനം- എംഎസ് ഓഫീസ്, പ്രവൃത്തി പരിചയം- ഏതെങ്കിലും കോൾ സെന്ററിൽ രണ്ടു വർഷത്തിൽ കുറയാതെയുള്ള പ്രവൃത്തി പരിചയം. ഭാഷാപ്രാവീണ്യം- മലയാളം, ഇംഗ്ലീഷ്, ഹിന്ദി( അഭികാമ്യം)
പ്രായപരിധി- 30 വയസ്സ്. വേതനം- 755/ ഡ്യൂട്ടി. പ്രതിമാസം പരമാവധി 20385 രൂപ.
ഡ്യൂട്ടി സമയം- രാവിലെ ആറു മുതൽ ഉച്ചയ്ക്ക് രണ്ടു വരെ, ഉച്ചയ്ക്ക് രണ്ടു മുതൽ രാത്രി 10 വരെ, രാത്രി 10 മുതൽ രാവിലെ ആറു വരെ (ഷിഫ്റ്റ്)
ഉദ്യോഗാർഥികൾ കേരള വാട്ടർ അതോറിറ്റിയുടെ ഔദ്യോഗിക വെബ്സൈറ്റ്, www.kwa.kerala.gov.in വഴി വിജ്ഞാപന തീയതി മുതൽ 15 ദിവസത്തിനകം അപേക്ഷിക്കേണ്ടതാണ്. തിരഞ്ഞെടുക്കപ്പെടുന്ന അപേക്ഷകരിൽനിന്ന് എഴുത്തുപരീക്ഷ, ഇന്റർവ്യൂ എന്നിവയുടെ അടിസ്ഥാനത്തിൽ താൽക്കാലിക നിയമനത്തിനുള്ള ലിസ്റ്റ് തയാറാക്കുന്നതാണ്.
by Midhun HP News | Sep 25, 2022 | Latest News, കേരളം, ജില്ലാ വാർത്ത
തിരുവനന്തപുരത്ത് ഫേസ് ബുക്കില്‍ ലൈവിട്ട് യുവാവ് ആത്മഹത്യ ചെയ്തു. ശ്രീവരാഹം സ്വദേശി രാജ്‌മോഹന്‍ ആണ് ഫാനില്‍ തൂങ്ങി മരിച്ചത്. പാപ്പനംകോട് ബന്ധുവീട്ടില്‍ വച്ചായിരുന്നു ആത്മഹത്യ. കുടുംബപ്രശ്‌നമാണ് കാരണമെന്ന് പൊലീസ് പറയുന്നു.
by Midhun HP News | Sep 25, 2022 | Latest News, കേരളം, ജില്ലാ വാർത്ത
പേരൂർ എം.എം.യു.പി സ്കൂളിൽ സ്കൂൾതല ശാസ്ത്ര ഗണിത ശാസ്ത്ര, സാമൂഹ്യശാസ്ത്ര, പ്രവൃത്തി പരിചയ, ഐ.റ്റി മേളയ്ക്ക് തിരിതെളിഞ്ഞു. മേളയുടെ ഉദ്ഘാടനം പിടിഎ പ്രസിഡൻ്റ് അഡ്വ.എം.എം.താഹ ഉദ്ഘാടനം ചെയ്തു. 25 ഇന പ്രവൃത്തി പരിചയമേള ഏവരുടെയും ശ്രദ്ധയാകർഷിച്ചു. യു പി വിഭാഗം സയൻസ് മേളയിൽ ഇക്വുബേറ്റർ, അടക്കമുള്ള വർക്കിംഗ് മോഡലുകൾ കാണികളിൽ കൗതുകമുയർത്തി. ചടങ്ങിൽ സ്കൂൾ ഹെഡ്മാസ്റ്റർ എം.ഐ അജികുമാർ, എം.പി.ടിയെ പ്രസിഡൻ്റ് അമ്മുവിനോദ്, സക്കീർ ഹുസൈൻ എന്നിവർ സംസാരിച്ചു.
Recent Comments