by Midhun HP News | Aug 11, 2022 | Latest News, കേരളം, ജില്ലാ വാർത്ത
അവനവഞ്ചേരി ഗവ. ഹൈസ്കൂളിലെ സ്റ്റുഡന്റ് പോലീസ് കേഡറ്റുകളുടെ നേതൃത്വത്തിൽ ഏഴാം വർഷവും നെൽകൃഷിയിൽ വിജയഗാഥ തുടരാൻ വയലൊരുക്കി ഞാറുനട്ടു. ഇടയ്ക്കോട് കട്ടയിൽകോണം ഏലായിലാണ് കേഡറ്റുകൾ നെൽകൃഷി നടത്തുന്നത്. ഉമ ഇനത്തിൽപ്പെട്ട നെൽ വിത്താണ് കൃഷിക്കുപയോഗിച്ചത്. തരിശ് കിടന്ന 60 സെന്റ് പാടം ഏഴു വർഷം മുൻപ് സ്കൂളിന്റെ നേതൃത്വത്തിൽ ഏറ്റെടുക്കുകയായിരുന്നു. ഈ വർഷത്തെ ഞാറുനടീലിന്റെ ഉദ്ഘാടനം സ്കൂൾ പി.റ്റി.എ. പ്രസിഡന്റ് റ്റി.എൽ. പ്രഭൻ നിർവ്വഹിച്ചു. കമ്യൂണിറ്റി പോലീസ് ഓഫീസർ എൻ. സാബു, കേഡറ്റുകൾ എന്നിവർ സംബന്ധിച്ചു.
by Midhun HP News | Aug 11, 2022 | Latest News, കേരളം, ജില്ലാ വാർത്ത
കഴിഞ്ഞ വർഷങ്ങളിൽ കിഫ്ബി ഫണ്ടൂപയോഗിച്ച് നിർമ്മിച്ച സ്കൂൾ കെട്ടിടങ്ങൾക്ക് സർക്കാർ ഫിറ്റ്നെസ് സർട്ടിഫിക്കറ്റ് ലഭിക്കാത്ത സാഹചര്യത്തിൽ സ്കൂകളുടെ തസ്തികാ നിർണയത്തിൽ അധ്യാപകർ പുറത്താകുന്ന അവസ്ഥയുണ്ടെന്ന് കെപിഎസ്ടിഎ ആരോപിച്ചു. ആറ്റിങ്ങൽ വിദ്യാഭ്യാസ ജില്ലയിലെ അവനവഞ്ചേരി ഗവ. ഹൈസ്കൂൾ, നെടുമങ്ങാട് ഗേൾസ് ഹയർ സെക്കന്ററി സ്കൂൾ, ഭരതന്നൂർ ഗവ. ഹയർസെക്കന്ററി സ്കൂൾ, അഴൂർ ഗവ.ഹയർ സെക്കന്ററി സ്കൂൾ, ഡയറ്റ് സ്കൂൾ എന്നീ സ്കൂളുകളിലാണ് ഈ അവസ്ഥ നിലനിൽക്കുന്നത്. സംസ്ഥാനത്ത് കിഫ്ബി ഫണ്ടുപയോഗിച്ച് നിർമ്മിച്ച സ്ക്കൂൾ കെട്ടിടങ്ങൾക്ക് എല്ലാം ഫിറ്റ്നസ് കിട്ടുന്നതിന് പ്രശ്നങ്ങൾ ഉണ്ട്. മികച്ച അക്കാദമിക നിലവാരം പുലർത്തുന്ന അവനവഞ്ചേരി ഗവ.ഹൈസ്കൂളിൽ ഈ വർഷം 3 ഡിവിഷനുകളിലെ കുട്ടികൾ ആണ് അധികമായി വന്നു ചേർന്നത്. നിലവിലുണ്ടായിരുന്ന രണ്ട് കെട്ടിടങ്ങൾ പൊളിച്ചാണ് കിഫ്ബി ഫണ്ട് ഉപയോഗിച്ച് പുതിയ കെട്ടിടം നിർമ്മിച്ചത്. മുഖ്യമന്ത്രി കഴിഞ്ഞ ഫെബ്രുവരി 18 നാണ് ഈ കെട്ടിടം ഉദ്ഘാടനം ചെയ്തത്. അഗ്നി സുരക്ഷാ സംവിധാനവും അധിക കോണിപ്പടിയും ഒരുക്കാത്തതിനാലാണ് ഇവിടെ ഫിറ്റ്നസ് ലഭിക്കാത്തതെന്നാണ് ആറ്റിങ്ങൽ നഗരസഭ പറയുന്നത്. മേൽപറഞ്ഞ സ്കൂളുകളിലൊക്കെ അധ്യാപകർ പുറത്താകുകയും കുട്ടികൾക്ക് അധ്യയനം മുടങ്ങുന്ന സാഹചര്യം ഉണ്ടാകുകയും ചെയ്യും. സ്കൂളുകളിലെ ഗുണനിലവാരം ഉയർത്താൻ കൊണ്ടുവന്ന പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നിർമ്മിച്ച കെട്ടിടങ്ങൾക്ക് സർക്കാറിൻ്റേ പിടിപ്പുകേട് കൊണ്ട് ഫിറ്റ്നസ് ലഭിക്കാത്ത സാഹചര്യം ഒഴിവാക്കണമെന്നും കുട്ടികൾക്ക് അധ്യയനം മുടങ്ങാതിരിക്കാൻ സ്കൂളുകൾക്ക് ഫിറ്റ്നസ് സർട്ടിഫിക്കറ്റ് ലഭ്യമാക്കാൻ സർക്കാർ അടിയന്തിരമായി തദ്ദേശ സ്വയംഭരണ സ്ഥാപനങ്ങളോട് ആവശ്യപ്പെടണമെന്നും കെപിഎസ്ടിഎ ആറ്റിങ്ങൽ വിദ്യാഭ്യാസ ജില്ലാക്കമ്മിറ്റി ആവശ്യപ്പെട്ടു. അധ്യാപക വിദ്യാർഥി അനുപാതം 1:40 എടുത്തു കളഞ്ഞ സർക്കാർ ഉത്തരവ് പിൻവലിക്കണമെന്നും പൊതു വിദ്യാഭ്യാസം സംരക്ഷിക്കണമെന്നും ആവശ്യപ്പെട്ട് കൊണ്ട് ആഗസ്റ്റ് 11 ന് ആറ്റിങ്ങൽ വിദ്യാഭ്യാസ ജില്ലാ ഓഫീസ് പടിക്കൽ കെപിഎസ്ടിഎ സമരം ചെയ്യുമെന്ന് നേതാക്കൾ അറിയിച്ചു. കെപിഎസ്ടിഎ സംസ്ഥാന സെക്രട്ടറി അനിൽ വെഞ്ഞാറമൂട്, സംസ്ഥാന എക്സിക്യൂട്ടീവ് അംഗങ്ങളായ പ്രദീപ് നാരായണൻ, ആർ. ശ്രീകുമാർ, തിരുവന്തപുരം ജില്ലാ സെക്രട്ടറി എൻ. സാബു, വി.പി.സുനിൽകുമാർ, വി.വിനോദ്, റോബർട്ട് വാത്സകം, എസ്. സബീർ, എം.ജെ. അനൂപ്, സി.എസ്. വിനോദ്, റ്റി.യു.സഞ്ജീവ് എന്നിവർ സംസാരിച്ചു.
by Midhun HP News | Aug 10, 2022 | Latest News, കേരളം, ജില്ലാ വാർത്ത
അവനവഞ്ചേരിയിൽ പ്രവർത്തിക്കുന്ന ഗവ. സിദ്ധ ഡിസ്പെൻസറിയുടെ ആഭിമുഖ്യത്തിൽ നടക്കുന്ന അഞ്ചാമത് സിദ്ധ ദിനാചരണത്തോടനുബന്ധിച്ചുള്ള പരിപാടികളുടെ ആറ്റിങ്ങൽ നഗരസഭാതല ഉദ്ഘാടനം അവനവഞ്ചേരി ഗവ. ഹൈസ്കൂളിൽ ആറ്റിങ്ങൽ നഗരസഭ ചെയർപെഴ്സൺ അഡ്വ.എസ്.കുമാരി നിർവ്വഹിച്ചു. സ്റ്റുഡൻ്റ് പോലീസ് കേഡറ്റുകൾക്കായി ‘രോഗ പ്രതിരോധത്തിനായി സിദ്ധ ചികിത്സ’ എന്ന വിഷയത്തിൽ സീനിയർ മെഡിക്കൽ ഓഫീസർ ഡോ.വി.ബി.വിജയകുമാർ ബോധവൽക്കരണ ക്ലാസ് നയിച്ചു. നഗരസഭ വിദ്യാഭ്യാസ സ്ഥിരം സമിതി അധ്യക്ഷ എസ്. ഗിരിജ അധ്യക്ഷത വഹിച്ച യോഗത്തിൽ കൗൺസിലർമാരായ രമ്യ സുധീർ, ജി.എസ്. ബിനു, സ്കൂൾ പി.റ്റി.എ. പ്രസിഡൻ്റ് അഡ്വ. എൽ.ആർ.മധുസൂദനൻ നായർ, ഹെഡ്മിസ്ട്രസ് റ്റി.റ്റി.അനിലാറാണി, കമ്മൂണിറ്റി പോലീസ് ഓഫീസർമാരായ എൻ.സാബു, എസ്.ശാരിക എന്നിവർ സംബന്ധിച്ചു. കേഡറ്റുകൾക്കായി യോഗ പരിശീലനവും നടന്നു.
by Midhun HP News | Aug 10, 2022 | Latest News, കേരളം, ജില്ലാ വാർത്ത
നാവായിക്കുളം പഞ്ചായത്തിന് കീഴിൽ ഉള്ള ഫാർമസി ജംഗ്ഷനിൽ പ്രവർത്തിക്കുന്ന മൃഗാശുപത്രിയിലാണ് ഇന്നലെ രാത്രി സമൂഹിക വിരുദ്ധർ പൂട്ട് പൊളിച്ച് അകത്ത് കടന്നത് ഓഫീസിന് അകത്ത് കടന്ന മോഷ്ടാവ് റൂമിന് അകത്ത് ഉണ്ടായിരുന്ന അലമാര കുത്തിതുറന്ന് ഓഫീസ് രേഖകൾ കീറി വലിച്ചെറിയുകയും നശിപ്പിക്കുകയും ചെയ്തു, രാവിലെ ഓഫീസ് തുറക്കാൻ എത്തിയപ്പോഴാണ് മോഷണശ്രമം ശ്രദ്ധയിൽ പെട്ടത് തുടർന്ന് കല്ലമ്പലം പോലീസ് സ്റ്റേഷനിൽ വിവരം അറിയിച്ചു.
പഞ്ചായത്ത് പ്രസിഢൻ്റ് ബേബി രവീന്ദ്രൻ, വൈസ് പ്രസിഢൻ്റ് സാബു.എസ്.
വാർഡ് മെമ്പർ പൈ വേലിക്കോണം ബിജു, മെമ്പർമാരായ മണി ലാൽ അരുൺകുമാർ, സലൂജ.നഹാസ്,റീന. സീമ. റഫീക്ക.ജയശ്രീ എന്നിവർ സ്ഥലo സന്ദർശിച്ചു
by Midhun HP News | Aug 10, 2022 | Latest News, കേരളം, ജില്ലാ വാർത്ത
കേരള പ്രദേശ് ഗാന്ധി ദർശൻ വേദി ചിറയിൻകീഴ് നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ ക്വിറ്റ് ഇന്ത്യാ ദിന അനുസ്മരണം സംഘടിപ്പിച്ചു. ചടങ്ങിനോടനുബന്ധിച്ച് ഗാന്ധിജിയുടെ ചിത്രത്തിൽ പുഷ്പങ്ങൾ അർപ്പിച്ചു. നിയോജക മണ്ഡലം പ്രസിഡന്റ് ജി.സന്തോഷ് കുമാറിന്റെ അദ്ധ്യക്ഷതയിൽ കോൺഗ്രസ് ചിറയിൽകീഴ് മണ്ഡലം പ്രസിഡന്റ് രാജേഷ് ബി.നായർ, ഡി.സി.സി അംഗം പുതുക്കരി പ്രസന്നൻ, പഞ്ചായത്ത് അംഗങ്ങളായ മോനി ശാർക്കര, ബേബി, ബ്ലോക്ക് കോൺഗ്രസ്റ്റ് കമ്മിറ്റി ജനറൽ സെക്രട്ടറി പനയത്തറ ഷെരീഫ്, കേരള പ്രദേശ് വിചാർ വിഭാഗം ബ്ലോക്ക് പ്രസിഡന്റ് ഭാഗി അശോകൻ, രമേശ് കുമാർ, ഐ.എൻ.റ്റി.യു.സി മണ്ഡലം പ്രസിഡന്റ് സുനിൽ, ഗാന്ധി ദർശൻ വേദി നിയോജക മണ്ഡലം സെക്രട്ടറി ശ്രീജിത്ത്, ഗാന്ധി ദർശൻ വേദി ചിറയിൻകീഴ് പഞ്ചായത്ത് മണ്ഡലം പ്രസിഡന്റ് മനു മോൻ തുടങ്ങിയവർ അനുസ്മരണ പങ്കെടുത്തു.
by Midhun HP News | Aug 10, 2022 | Latest News, കേരളം, ജില്ലാ വാർത്ത
ചിറയിൻകീഴ്: ശാർക്കര -പണ്ടകശാല റോഡിന്റെ ശോചനീയാവസ്ഥ പരിഹരിക്കണം എന്നാവശ്യപെട്ടുകൊണ്ട് ചിറയിൻകീഴ് പഞ്ചായത്ത് അംഗങ്ങളായ മോനി ശാർക്കര, വി.ബേബി,മനുമോൻ എന്നിവർ ശാർക്കര ജംഗ്ഷനിൽ ഉപവാസം നടത്തുന്നു. പഞ്ചായത്ത് പ്രതിപക്ഷ നേതാവ് ബി.എസ്.അനൂപിന്റെ അധ്യക്ഷതയിൽ ചേർന്ന യോഗത്തിൽ കോൺഗ്രസ് ബ്ലോക്ക് പ്രസിഡന്റ് വിശ്വനാഥൻ നായർ ഉത്ഘാടനം നിർവഹിച്ചു.
എം.ജെ.ആനന്ദ്,കെ.പി രാജാശേഖരൻ, അഡ്വ.രാജേഷ്.ബി.നായർ, ജോഷി ബായ്,സുനിൽ പെരുമാതുറാ, പുതുക്കരി പ്രസന്നൻ എന്നിവർ പ്രസംഗിച്ചു. രാധാകൃഷ്ണൻ നായർ, സുനിൽകുമാർ,ഭദ്രൻ, വത്സല,ജസ്റ്റിൻ,മനുശങ്കർ, സഹീർ പെരുമാതുറാ സന്തോഷ്, അനിൽകുമാർ സുരേഷ്‌കുമാർ എന്നിവർ പങ്കെടുത്തു
Recent Comments