കിഴുവിലം ഗ്രാമ പഞ്ചായത്തിൽ കണ്ട്രോൾ റൂം പ്രവർത്തനം ആരംഭിച്ചു .

by Midhun HP News | Aug 3, 2022 | Latest News, കേരളം, ജില്ലാ വാർത്ത

ചിറയിൻകീഴ്: കനത്ത മഴയെ തുടർന്ന് കിഴുവിലം ഗ്രാമ പഞ്ചായത്തിൽ ദുരന്ത നിവാരണത്തിന്റെ ഭാഗമായി 24 മണിക്കൂറും പ്രവർത്തിക്കുന്ന കണ്ട്രോൾ റൂമും ഹെല്പ് ഡെസ്കും പ്രവർത്തനം ആരംഭിക്കാൻ തീരുമാനിച്ചു. കിഴുവിലം ഗ്രാമപഞ്ചായത്തിൽ വെള്ളം കയറാൻ
സാദ്ധ്യതയുള്ള പ്രദേശങ്ങൾ തിരിച്ചറിയുകയും ആ പ്രദേശത്തെ കുടുംബങ്ങളുടെ ടെലിഫോൺ നമ്പരുകൾ ശേഖരിക്കുന്നതിനും തീരുമാനിച്ചു.

അടിയന്തിരഘട്ടത്തിൽ ക്യാമ്പുകൾ ആരംഭിക്കേണ്ടി വരുന്ന പക്ഷം പുരവൂർ ഗവണ്മെന്റ് യു.പി.എസ്, പടനിലം യു.പി.എസ് എന്നിവിടങ്ങൾ സജ്ജമാക്കുന്നതിനു കിഴുവിലം വില്ലേജ് ഓഫീസർ ഷിബു ചുമതല വഹിക്കുന്നതാണ്. കൃഷി നാശം സമയ ബന്ധിതമായി പരിശോധിച്ച് നഷ്ട പരിഹാരം ലഭിക്കുന്നതിന് ആവശ്യമായ നടപടികൾ സ്വീകരിക്കുന്നതിന് കൃഷി ഓഫീസർ ഹാറൂണിനെ ചുമതലപ്പെടുത്തി. പകർച്ച വ്യാധികൾ, മറ്റു രോഗങ്ങൾ എന്നിവ പടരാതിരിക്കുന്നതിനു ആവശ്യമായ നടപടികൾ സ്വീകരിക്കുന്നതിന് മെഡിക്കൽ ഓഫീസർ ഡോ.ദീപാ രവി, ഹെൽത്ത് ഇൻസ്‌പെക്ടർ പ്രമോദ്, എന്നിവർക്ക് നിർദ്ദേശം നൽകിയിട്ടുണ്ട്. വൈദ്യുതി സംബന്ധമായ തടസ്സങ്ങളും പ്രശ്നങ്ങളും ഉണ്ടാകാതിരിക്കുന്നതിനും ഉണ്ടാകുന്ന പക്ഷം സമയ ബന്ധിതമായി പരിഹരിക്കുന്നതിനും ആവശ്യമായ മുൻകരുതൽ നടപടികൾ സ്വീകരിക്കുന്നതിന് ചിറയിൻകീഴ്, ആറ്റിങ്ങൽ, അവനവഞ്ചേരി ഇലക്ട്രിക്കൽ സെക്ഷൻ അസിസ്റ്റന്റ് എൻജിനീയർമാരോട് അഭ്യർത്ഥിച്ചിട്ടുണ്ട്. പോലീസ് സഹായം ആവശ്യമുള്ള പക്ഷം ആയതു തേടുന്നതിനും പൊതു ജനങ്ങളുടെയും സന്നദ്ധ സംഘടനാ പ്രവർത്തകരുടെയും സഹായത്തോടെ ആവശ്യമായ നടപടികൾ സ്വീകരിക്കുന്നതിനും തീരുമാനിച്ചു .

പ്രധാന മൊബൈൽ നമ്പരുകൾ

കണ്ട്രോൾ റൂം ചുമതല
വിനോദ്, ജൂനിയർ സൂപ്രണ്ട് 9496260941
ഹെല്പ് ഡെസ്ക്
ശ്യാം മോഹൻ 9846075008
അഡ്വ.ആർ.ശ്രീകണ്ഠൻ നായർ, വൈസ് പ്രസിഡന്റ് 9447583993
ജി.ഗോപ കുമാർ, ചെയർമാൻ, ക്ഷേമ കാര്യം
9447252762
അനീഷ് മെമ്പർ 9526241260
ഷിബു വില്ലേജ് ഓഫീസർ
8547610404
ഒ.എസ്.സ്റ്റാർലി സെക്രട്ടറി
9446183148
ഹാറൂൺകൃഷി ഓഫീസർ 9656157470
ഡോ.ദീപാ രവി, മെഡിക്കൽ ഓഫീസർ
9495963699
പ്രമോദ് ഹെൽത്ത് ഇൻസ്‌പെക്ടർ
9961115549
അസിസ്റ്റന്റ്എൻജിനീയർ, കെ.എസ്.ഇ.ബി ചിറയിൻകീഴ് 9446008608
അസിസ്റ്റന്റ്എൻജിനീയർ
കെ.എസ്.ഇ.ബി,ആറ്റിങ്ങൽ 9446008606
അസിസ്റ്റന്റ്എൻജിനീയർ
കെ.എസ്.ഇ.ബി, അവനവഞ്ചേരി 9446008597

വാർഡ് കമ്മിറ്റി രൂപീകരണം; ഭാരവാഹികളെ തിരഞ്ഞെടുത്തു

by Midhun HP News | Aug 3, 2022 | Latest News, കേരളം, ജില്ലാ വാർത്ത

മണമ്പൂർ പഞ്ചായത്തിൽ കർഷക കോൺഗ്രസിന്റെ വാർഡ് കമ്മിറ്റി രൂപീകരണവുമായി ബന്ധപ്പെട്ട് വാർഡ് 8 പാലാംകോണം കമ്മിറ്റി ഭാരവാഹികളായി പ്രസിഡന്റ്
ജെ ശ്രീ നാഥൻ, വൈസ് പ്രസിഡണ്ട് നാസിമുദ്ധീൻ, സെക്രട്ടറി എം ബാലചന്ദ്രൻ, ജോയിന്റ് സെക്രട്ടറി ഷീജ, ഖജാൻജി ജമീല എന്നിവരെ കർഷക കോൺഗ്രസ് മണ്ഡലം പ്രസിഡന്റ് സതീഷ്കൃഷ്ണന്റെ അദ്ധ്യക്ഷതയിൽ, മണനാക്ക് ഷിഹാബുദ്ദീൻ സ്വാഗതവും പറഞ്ഞ യോഗത്തിൽ നിന്ന് തിരഞ്ഞെടുത്തു.

പെരുമഴയ്‌ക്ക്‌ ശമനം; ഓഗസ്റ്റ് അഞ്ച് വെള്ളിയാഴ്ച സംസ്ഥാനത്ത് എവിടെയും റെഡ് അലര്‍ട്ടില്ല

by Midhun HP News | Aug 3, 2022 | Latest News, കേരളം, ജില്ലാ വാർത്ത

തിരുവനന്തപുരം: സംസ്ഥാനത്ത് അതിതീവ്രമഴയ്ക്കുള്ള സാധ്യത തത്കാലം ഒഴിഞ്ഞതായി കേന്ദ്രകാലാവസ്ഥാ നിരീക്ഷണകേന്ദ്രം. ബുധനാഴ്ച രാവിലെ പത്ത് മണിക്ക് കാലാവസ്ഥാ നിരീക്ഷണകേന്ദ്രം പുറത്തുവിട്ട മഴ മുന്നറിയിപ്പ് പ്രകാരം സംസ്ഥാനത്ത് മൂന്ന് ജില്ലകളിൽ മാത്രമാണ് അതിതീവ്രമഴയ്ക്കുള്ള സാധ്യത. കോട്ടയം, ഇടുക്കി, എറണാകുളം ജില്ലകളിലാണ് റെഡ് അലര്‍ട്ട് പ്രഖ്യാപിച്ചിട്ടുള്ളത്.

പത്തനംതിട്ട, ആലപ്പുഴ, തൃശ്ശൂ‍ര്‍, പാലക്കാട്, മലപ്പുറം, കോഴിക്കോട്,വയനാട്, കണ്ണൂര്‍ എന്നീ എട്ട് ജില്ലകളിൽ ഓറഞ്ച് അലര്‍ട്ടാണ് ഇപ്പോൾ പ്രഖ്യാപിച്ചിട്ടുള്ളത്. തിരുവനന്തപുരം, കൊല്ലം, കാസര്‍കോട് ജില്ലകളിൽ യെല്ലോ അലര്‍ട്ടാണ് നിലവിലുള്ളത്. ഉച്ചയ്ക്ക് ഒരു മണിക്ക് അടുത്ത മഴ മുന്നറിയിപ്പ് വരുമ്പോൾ സ്ഥിതിഗതികൾ കൂടുതൽ മെച്ചപ്പെടും എന്നാണ് പ്രതീക്ഷ.

നാളെ കണ്ണൂര്‍,വയനാട്,ഇടുക്കി, കോട്ടയം ജില്ലകളിൽ റെ‍ഡ് അലര്‍ട്ടാണ്. പത്തനംതിട്ട, ആലപ്പുഴ, എറണാകുളം, തൃശ്ശൂര്‍,പാലക്കാട്,മലപ്പുറം, കോഴിക്കോട് ജില്ലകളിൽ ഓറഞ്ച് അലര്‍ട്ടും കാസര്‍കോട്, തിരുവനന്തപുരം, കൊല്ലം ജില്ലകളിൽ യെല്ലോ അലര്‍ട്ടുമാണ് നിലവിലുള്ളത്.

ഓഗസ്റ്റ് അഞ്ച് വെള്ളിയാഴ്ച സംസ്ഥാനത്ത് എവിടെയും റെഡ് അലര്‍ട്ടില്ല. കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിൽ ഓറഞ്ച് അലര്‍ട്ടും ബാക്കി ജില്ലകളിൽ യെല്ലോ അലര്‍ട്ടുമായിരിക്കും.