ഒരു കോടിയുടെ ഭാഗ്യശാലി ആര്?; കാരുണ്യ പ്ലസ് ലോട്ടറി ഫലം പ്രഖ്യാപിച്ചു

by Midhun HP News | Oct 1, 2026 | Latest News, കേരളം

തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ കാരുണ്യ പ്ലസ് ലോട്ടറി ഫലം പ്രഖ്യാപിച്ചു. തിരുവനന്തപുരത്ത് വിറ്റ PH 901174 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ കട്ടപ്പനയില്‍ വിറ്റ PH 328002 എന്ന നമ്പറിലുള്ള ടിക്കറ്റിനാണ്. പയ്യന്നൂരില്‍ വിറ്റ PF 845885 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചുലക്ഷം രൂപ.

ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല്‍ ഫലം ലഭ്യമാകും.

Consolation Prize ₹5,000/-

PA 901174

PB 901174

PC 901174

PD 901174

PE 901174

PF 901174

PG 901174

PJ 901174

PK 901174

PL 901174

PM 901174

4th Prize ₹5,000/-

0080 0556 1346 1420 1489 1642 2944 3373 5360 5573 5981 6097 7018 7717 8058 8562 8717 8790 9138

5th Prize ₹2,000/-

0453 3297 5547 7006 9398 9935

6th Prize ₹1,000/-

0320 0504 0906 1043 1343 1410 2382 2504 2708 2967 3790 4172 4574 5479 6084 6258 6918 7710 7715 7823 8128 8140 8302 9295 9472

7th Prize ₹500/-

0018 0034 0253 0313 1050 1118 1153 1233 1279 1323 1457 1467 1513 1738 1787 1872 1914 2143 2355 2691 3317 3477 3516 3708 3763 3781 3808 4049 4441 4837 4952 5042 5048 5065 5072 5147 5184 5231 5307 5362 5535 5575 5608 5634 5677 5705 5708 5752 5784 5794 5985 6663 6696 6794 7285 7390 7431 8034 8211 8367 8502 8592 8597 8695 8731 8846 8849 8873 9070 9093 9298 9565 9618 9674 9784 9980

ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.

സംസ്ഥാനത്ത് ഇന്ന് തീവ്രമഴ; മൂന്ന് ജില്ലകളില്‍ ഓറഞ്ച് അലര്‍ട്ട്, 50 കിലോമീറ്റര്‍ വേഗത്തില്‍ ശക്തമായ കാറ്റ്

by Midhun HP News | Oct 1, 2026 | Latest News, കേരളം

തിരുവനന്തപുരം: സംസ്ഥാനത്ത് തിങ്കളാഴ്ച വരെ അതിശക്തവും ശക്തമായതുമായ മഴയ്ക്ക് സാധ്യത. ഇന്ന് പത്തനംതിട്ട, കോട്ടയം, ഇടുക്കി ജില്ലകളിലാണ് ഒറ്റപ്പെട്ട സ്ഥലങ്ങളില്‍ അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ജാഗ്രതയുടെ ഭാഗമായി ഈ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു.

ഇന്ന് തിരുവനന്തപുരം, കൊല്ലം, എറണാകുളം, പാലക്കാട്, മലപ്പുറം, വയനാട് ജില്ലകളില്‍ ശക്തമായ മഴയും പ്രവചിക്കുന്നു. ജാഗ്രതയുടെ ഭാഗമായി ഈ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. തുടര്‍ന്ന് ഒരിടവേളയ്ക്ക് ശേഷം ഞായറാഴ്ച മുതലാണ് മഴ ശക്തമാകുക. ഞായറാഴ്ച പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലും തിങ്കളാഴ്ച പത്തനംതിട്ട, ഇടുക്കി, മലപ്പുറം ജില്ലകളിലും യെല്ലോ അലര്‍ട്ട് പ്രഖ്യാപിച്ചു.

24 മണിക്കൂറില്‍ 115.6 mm മുതല്‍ 204.4 mm വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കേന്ദ്ര കാലാവസ്ഥ വകുപ്പ് അര്‍ത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്. കേരളത്തില്‍ ഒറ്റപ്പെട്ടയിടങ്ങളില്‍ ഇന്നും നാളെയുമാണ് ഇടിമിന്നലോട് കൂടിയ മഴ ലഭിക്കുമെന്ന് കാലാവസ്ഥ വകുപ്പ് കണക്കുകൂട്ടുന്നത്. മണിക്കൂറില്‍ 40 – 50 കിലോമീറ്റര്‍ വരെ വേഗത്തില്‍ ശക്തമായ കാറ്റിനും സാധ്യതയുള്ളതിനാല്‍ ജാഗ്രത പാലിക്കണമെന്നും കേന്ദ്ര കാലാവസ്ഥ വകുപ്പ് അറിയിച്ചു.

പാടങ്ങളിൽ താമരപ്പൂക്കൾ പൂത്തുലഞ്ഞു; പക്ഷേ, വാങ്ങാൻ ആളില്ലാതെ കർഷകരുടെ കണ്ണീർക്കടൽ

by Midhun HP News | Oct 1, 2026 | Latest News, കേരളം

മലപ്പുറം: കണ്ണിനും മനസ്സിനും കുളിർമ പകർന്ന് പാടശേഖരങ്ങളിൽ താമരപ്പൂക്കൾ നിറഞ്ഞുവിരിഞ്ഞു നിൽക്കുമ്പോഴും കണ്ണീരൊഴുക്കുകയാണ് മലപ്പുറം തിരുനാവായയിലെ താമരക്കർഷകർ. ദക്ഷിണേന്ത്യയിലെ തന്നെ ഏറ്റവും വലിയ താമരക്കൃഷി കേന്ദ്രങ്ങളിലൊന്നായ തിരുനാവായയിലും പരിസരപ്രദേശങ്ങളിലുമായി രണ്ടായിരത്തോളം ഏക്കറിലെ ജലാശയങ്ങളിൽ ലക്ഷക്കണക്കിന് താമരകളാണ് ഇപ്പോൾ വിളവെടുപ്പില്ലാതെ നശിക്കുന്നത്. ഉത്സവസീസണുകൾ കഴിഞ്ഞതോടെ വിപണിയിലുണ്ടായ ആവശ്യക്കുറവും വിലയിടിവുമാണ് കർഷകരെ പ്രതിസന്ധിയിലാക്കിയത്.

വലിയപറപ്പൂർ കായൽ, കോട്ടക്കൽ, തിരുത്തി, ചാലിയാർപാടം, അജിതപ്പടി, പള്ളാർ തുടങ്ങിയ പ്രദേശങ്ങളിലെ വിശാലമായ കായലുകളിലാണ് വ്യാപകമായി താമരക്കൃഷിയുള്ളത്. ചുവന്ന താമര, ചെന്താമര, ചുവന്ന ചോങ്ങൻ എന്നീ നാടൻ ഇനങ്ങളാണ് പ്രധാനമായും ഇവിടെ കൃഷി ചെയ്യുന്നത്. പൂജകൾക്കും വഴിപാടുകൾക്കുമായി വിപണിയിൽ വലിയ ഡിമാൻഡുള്ള താമരമൊട്ടുകൾക്ക് സാധാരണ സമയങ്ങളിൽ എട്ട് രൂപ വരെ മൊത്തവില ലഭിക്കാറുണ്ട്.

എന്നാൽ ഓണം, അത്തം തുടങ്ങിയ വിശേഷദിവസങ്ങൾ കഴിഞ്ഞതോടെ ക്ഷേത്രങ്ങളിലേക്കുള്ള പൂക്കളുടെ ആവശ്യകത കുത്തനെ കുറഞ്ഞു. കർണ്ണാടക ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിലേക്കും ഉത്തരേന്ത്യൻ ക്ഷേത്രനഗരങ്ങളിലേക്കുമാണ് തിരുനാവായയിൽനിന്ന് പ്രധാനമായും പൂക്കൾ കയറ്റി അയക്കുന്നത്.

ഇത്തവണ ഗണേശോത്സവത്തിന്റെ തീയതികളിൽ വന്ന മാറ്റവും തിരിച്ചടിയായി. വിൽക്കാനാകാതെ തണ്ടുകളിൽ തന്നെ വിരിഞ്ഞുനിൽക്കുന്ന പൂക്കൾ ദിവസങ്ങൾക്കുള്ളിൽ കായലുകളിൽ കൊഴിഞ്ഞുവീഴുകയാണ്. ഈ സീസണിൽ മാത്രം ലക്ഷത്തോളം പൂക്കൾ പാഴായെന്നാണ് കർഷകരുടെ കണക്കുകൂട്ടൽ. വരാനിരിക്കുന്ന നവരാത്രി-പൂജാദിനങ്ങളിൽ വില ഉയർന്നാലും ഇപ്പോൾ പൂക്കൾ നശിക്കുന്നതിനാൽ അന്ന് വിളവെടുക്കാൻ പൂക്കൾ ലഭിക്കുമോയെന്ന ആശങ്കയിലാണ് ഇവർ.

പ്രതിസന്ധിക്ക് പരിഹാരമായി താമരയിൽനിന്ന് മൂല്യവർദ്ധിത ഉൽപ്പന്നങ്ങൾ വികസിപ്പിക്കാനുള്ള സമഗ്ര പദ്ധതികൾ സർക്കാർ ആവിഷ്കരിക്കണമെന്ന് ആവശ്യമുയരുന്നുണ്ട്. താമരത്തണ്ടിൽനിന്നുള്ള കറ ഉപയോഗിച്ച് ഉയർന്ന ഗുണനിലവാരമുള്ള പട്ടുനൂൽ നിർമ്മിക്കാനും ഔഷധ-ഭക്ഷ്യ ഉൽപ്പന്നങ്ങൾ ഉണ്ടാക്കാനുമുള്ള സാധ്യതകൾ പ്രയോജനപ്പെടുത്തിയാൽ കർഷകർക്ക് ഓഫ് സീസണിലും മികച്ച വരുമാനം ഉറപ്പാക്കാനാകും. കൃഷിവകുപ്പ് 2020 ജനുവരിയിൽ തിരുനാവായയെ ‘പുഷ്പഗ്രാമം’ ആയി പ്രഖ്യാപിച്ചെങ്കിലും തുടർനടപടികൾ യാഥാർത്ഥ്യമായില്ലെന്ന് കർഷകർ പരാതിപ്പെടുന്നു.

അപൂർവ്വയിനം ദേശാടനപ്പക്ഷികൾക്കും ഏഷ്യൻ ഓപ്പൺബിൽ കൊക്കുകൾക്കും സ്വാഭാവിക ആവാസവ്യവസ്ഥയൊരുക്കുന്ന തിരുനാവായയിലെ താമരപ്പാടങ്ങളെ സംരക്ഷിക്കാൻ പ്രത്യേക വിപണന പാക്കേജും അടിയന്തര സാമ്പത്തിക സഹായവും നൽകണമെന്നാണ് കർഷകരുടെ പ്രധാന ആവശ്യം.

കണ്ണൂരിൽ മന്ത്രി ജെ ജനീഷിന്റെ വാഹനത്തിന് നേരെ ആക്രമണം

by Midhun HP News | Oct 1, 2026 | Latest News, കേരളം

കണ്ണൂർ: മന്ത്രിയും യൂത്ത് കോൺഗ്രസ് നേതാവുമായ ഒജെ ജനീഷിനെതിരെ കണ്ണൂരിൽ ഡിവൈഎഫ്ഐ പ്രവർത്തകരുടെ വ്യാപക പ്രതിഷേധം. ജില്ലയിലെ വിവിധ കേന്ദ്രങ്ങളിൽ വെച്ച് മന്ത്രിയുടെ വാഹനത്തിന് നേരെ കല്ലേറും കയ്യേറ്റവുമുണ്ടായി. തളിപ്പറമ്പ്, പയ്യന്നൂർ എന്നിവിടങ്ങളിൽ വെച്ചാണ് വാഹനവ്യൂഹത്തിന് നേരെ ആക്രമണമുണ്ടായത്. ആക്രമണത്തിൽ മന്ത്രി സഞ്ചരിച്ച ഔദ്യോഗിക വാഹനത്തിന് സാരമായ കേടുപാടുകൾ സംഭവിച്ചു. കാസർകോട് നീലേശ്വരത്തും മന്ത്രിക്കെതിരെ കരിങ്കൊടി പ്രതിഷേധം നടന്നു. അഞ്ചിടങ്ങളിൽ വെച്ച് തനിക്കെതിരെ ആക്രമണമുണ്ടായതായി മന്ത്രി ഒ.ജെ. ജനീഷ് പ്രതികരിച്ചു.

തളിപ്പറമ്പിൽ തടിച്ചുകൂടിയ പ്രതിഷേധക്കാർ മുദ്രാവാക്യം വിളികളോടെ മന്ത്രിയുടെ വാഹനം തടയുകയായിരുന്നു. കല്ലുകൊണ്ടും കൈകൾകൊണ്ടും വാഹനത്തിന് നേരെ ആക്രമണം നടത്തുന്നതിന്റെ ദൃശ്യങ്ങൾ പുറത്തുവന്നിട്ടുണ്ട്. സംഭവസ്ഥലത്ത് പൊലീസുകാർ നോക്കിനിൽക്കെയാണ് അക്രമികൾ വാഹനത്തിന് നേരെ പാഞ്ഞടുത്തത്. ആക്രമണത്തിന് ശേഷവും കേടുപാടുകൾ സംഭവിച്ച അതേ വാഹനത്തിൽത്തന്നെ മന്ത്രി യാത്ര തുടർന്നു.

പിന്നാലെ പയ്യന്നൂരിൽ എത്തിയപ്പോഴും മന്ത്രിയുടെ വാഹനത്തിന് നേരെ ഡിവൈഎഫ്ഐ പ്രവർത്തകർ അക്രമം അഴിച്ചുവിട്ടു. ഇതോടെ മന്ത്രിക്കൊപ്പമുണ്ടായിരുന്ന കോൺഗ്രസ് പ്രവർത്തകരും ഡിവൈഎഫ്ഐക്കാരും തമ്മിൽ നടുറോഡിൽ രൂക്ഷമായ കയ്യാങ്കളിയുണ്ടായി. സന്ദീപ് വാര്യർ എംഎൽഎ ഉൾപ്പെടെയുള്ള ജനപ്രതിനിധികളും നേതാക്കളും ഡിവൈഎഫ്ഐ പ്രവർത്തകരും തമ്മിൽ നേരിട്ട് ഏറ്റുമുട്ടുന്ന സാഹചര്യമുണ്ടായി.

മന്ത്രിക്കെതിരെ ആസൂത്രിതമായ വധശ്രമമാണ് അരങ്ങേറിയതെന്ന് അദ്ദേഹത്തോടൊപ്പം വാഹനത്തിൽ സഞ്ചരിച്ചിരുന്ന കോൺഗ്രസ് നേതാവ് വി.പി. അബ്ദുൾ റഷീദ് പ്രതികരിച്ചു. ഇരുപതോളം പേരടങ്ങുന്ന ക്രിമിനൽ സംഘമാണ് അക്രമത്തിന് പിന്നിൽ പ്രവർത്തിച്ചത്. ഒളിപ്പോരാളികളെപ്പോലെ പതിയിരുന്ന് ആക്രമണം നടത്തുകയായിരുന്നു. ‘കൊല്ലെടാ ജനീഷിനെ’ എന്ന് അക്രമികൾ പരസ്യമായി ആക്രോശിച്ചെന്നും മന്ത്രിയുടെ ജീവന് തന്നെ ഭീഷണിയുയർത്തുന്ന തരത്തിലാണ് ഡിവൈഎഫ്ഐ പെരുമാറിയതെന്നും അബ്ദുൾ റഷീദ് വ്യക്തമാക്കി.

കായിക വകുപ്പ് മന്ത്രിയും യൂത്ത് കോണ്‍ഗ്രസ് സംസ്ഥാന അധ്യക്ഷനുമായ ഒ.ജെ ജനീഷിനെതിരെ കണ്ണൂരില്‍ ഡി.വൈ.എഫ്.ഐ-സി.പി.എം പ്രവർത്തകർ നടത്തിയ ആക്രമണം അംഗീകരിക്കാനാകില്ലെന്ന് മുഖ്യമന്ത്രി വിഡി സതീശൻ. സി.പി.എം നേതൃത്വത്തിന്റെ അറിവോടെയാണ് മന്ത്രിക്കെതിരെ ആക്രമണമുണ്ടായത്. ആക്രമണത്തിന് പിന്നിലെ ഗൂഡാലോചന വ്യക്തം. മന്ത്രിയെ ആക്രമിച്ച ക്രിമിനലുകളെയും ഗൂഡാലോചന നടത്തിയ സി.പി.എം- ഡി.വൈ.എഫ്.ഐ നേതാക്കളെയും നിയമത്തിന് മുന്നില്‍ കൊണ്ടു വരിക തന്നെ ചെയ്യുമെന്നും മുഖ്യമന്ത്രി വ്യക്തമാക്കി.

മന്ത്രിയെ ലക്ഷ്യമിട്ട് നിരവധി തവണയാണ് വാഹനത്തിനു നേരെ ആക്രമണമുണ്ടായത്. മുഖ്യമന്ത്രിയായിരിക്കെ ഉമ്മന്‍ ചാണ്ടിക്കെതിരെ നടത്തിയ ആക്രമണത്തിന്റെ തുടര്‍ച്ചയാണ്.

പയ്യന്നൂരിലും തളിപ്പറമ്പിലും സി.പി.എം കാട്ടിയത്. തിരഞ്ഞെടുപ്പിലെ ദയനീയ തോല്‍വിക്ക് പിന്നാലെ സിപിഎം നേരിടുന്ന പ്രതിസന്ധിയില്‍ നിന്നും രക്ഷപ്പെടാനാണ് നാട്ടില്‍ കലാപമുണ്ടാക്കുന്നത്. ക്രിമിനല്‍ മാഫിയ സംഘത്തെ പോലെയാണ് സിപിഎം ഇപ്പോഴും പ്രവര്‍ത്തിക്കുന്നത്. ക്രിമിനലുകളെയും കൊട്ടേഷന്‍ സംഘങ്ങളെയും ഇറക്കിയുള്ള അക്രമ സമരത്തിനാണ് സിപിഎം ശ്രമിക്കുന്നതെങ്കില്‍ അത് അവസാനിപ്പിക്കേണ്ട ഉത്തരവാദിത്തം സര്‍ക്കാരിനുണ്ടെന്നും മുഖ്യമന്ത്രി പറഞ്ഞു.

ഭാര്യ നൽകിയ കൊട്ടേഷൻ: തൃശ്ശൂരിലെ ലോഡ്ജിൽ കയറി യുവാവിന്റെ കയ്യും കാലും തല്ലിയൊടിച്ചു

by Midhun HP News | Oct 1, 2026 | Latest News, കേരളം

തൃശ്ശൂർ: ഭാര്യ നൽകിയ കൊട്ടേഷനെത്തുടർന്ന് യുവാവിനെ ക്രൂരമായി മർദ്ദിച്ച് അവശനാക്കുകയും ഒപ്പമുണ്ടായിരുന്ന യുവതിയെ തട്ടിക്കൊണ്ടുപോയി കൂട്ടബലാത്സംഗം ചെയ്യുകയും ചെയ്ത കേസിൽ അഞ്ച് പ്രതികൾ അറസ്റ്റിലായി. തമിഴ്‌നാട്ടിലെ തിരുപ്പൂർ സ്വദേശികളായ യുവാവും യുവതിയും തൃശ്ശൂർ കെഎസ്ആർടിസി ബസ് സ്റ്റാൻഡിന് സമീപത്തെ ലോഡ്ജിൽ മുറിയെടുത്ത് താമസിക്കുന്നതിനിടെ സെപ്റ്റംബർ 22-നായിരുന്നു ക്രൂരമായ ആക്രമണം അരങ്ങേറിയത്. ഭർത്താവിനെ ആക്രമിക്കാനായി ഭാര്യ ഏർപ്പാടാക്കിയ ആറംഗ ക്വട്ടേഷൻ സംഘമാണ് കൃത്യം നടത്തിയത്.

ഭർത്താവിന്റെ നീക്കങ്ങൾ നിരീക്ഷിച്ച ഭാര്യ ഇയാളുടെ ഫോൺ ലൊക്കേഷൻ തിരിച്ചറിഞ്ഞ് ക്വട്ടേഷൻ സംഘത്തിന് കൈമാറുകയായിരുന്നു. ഇതനുസരിച്ച് പൊലീസ് ഉദ്യോഗസ്ഥരെന്ന വ്യാജേന ലോഡ്ജ് മുറിയിലേക്ക് ഇരച്ചുകയറിയ സംഘം മുറിക്കുള്ളിലുണ്ടായിരുന്ന യുവാവിന്റെയും യുവതിയുടെയും കൈകാലുകൾ കൂട്ടിക്കെട്ടുകയും വായിൽ തുണി തിരുകി ശബ്ദമുയർത്താനാകാത്ത വിധം നിയന്ത്രിക്കുകയും ചെയ്തു.

തുടർന്ന് ഇരുവരെയും ബലമായി കാറിൽ കയറ്റി തമിഴ്നാട് ഭാഗത്തേക്ക് തട്ടിക്കൊണ്ടുപോവുകയായിരുന്നു. യാത്രയ്ക്കിടയിൽ യുവാവിനെ ക്രൂരമായി മർദ്ദിച്ച സംഘം ഇയാളുടെ ഇരു കൈകളും കാലുകളും തല്ലിയൊടിച്ചു. തുടർന്ന് തിരുപ്പൂരിനടുത്തുള്ള ഒരു ആശുപത്രിക്ക് മുന്നിൽ റോഡിൽ ഇയാളെ ഉപേക്ഷിച്ചു. ഇതിനുശേഷം യുവതിയെ മറ്റൊരു കാറിലേക്ക് മാറ്റിക്കയറ്റിയ സംഘത്തിലെ പ്രതികൾ ആളൊഴിഞ്ഞ സ്ഥലത്തുവെച്ച് ക്രൂരമായി കൂട്ടബലാത്സംഗം ചെയ്യുകയായിരുന്നു.

പീഡനത്തിനിരയായ യുവതി തമിഴ്‌നാട് പൊലീസിൽ നൽകിയ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്യുകയും പിന്നീട് സംഭവം നടന്നത് തൃശ്ശൂരിലായതിനാൽ അന്വേഷണം തൃശ്ശൂർ സിറ്റി പൊലീസിന് കൈമാറുകയുമായിരുന്നു. തൃശ്ശൂർ അസിസ്റ്റന്റ് കമ്മീഷണറുടെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസന്വേഷണം നടത്തിയത്.

പ്രതികളിലൊരാളെ നെടുമ്പാശ്ശേരി വിമാനത്താവള പരിസരത്തുനിന്നാണ് പൊലീസ് സംഘം ആദ്യം പിടികൂടിയത്. ഇയാളെ ചോദ്യം ചെയ്തതിൽനിന്ന് ലഭിച്ച നിർണ്ണായക വിവരങ്ങളുടെ അടിസ്ഥാനത്തിൽ മൂന്ന് പ്രതികളെ തിരുപ്പൂരിൽ നിന്നും നാലാമനെ തമിഴ്നാട്ടിലെ പളനിയിൽ നിന്നും കസ്റ്റഡിയിലെടുത്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. കൃത്യത്തിൽ പങ്കാളിയായ പ്രായപൂർത്തിയാകാത്ത ഒരാൾ കൂടി പിടിയിലാകാനുണ്ടെന്നും ഇയാൾക്കായി തെരച്ചിൽ ഊർജ്ജിതമാക്കിയതായും പൊലീസ് അറിയിച്ചു.

പാചകവാതക വില കൂട്ടി, എൽപിജി സബ്സിഡി, സ്ഥിര നിക്ഷേപം…; ഇന്നുമുതൽ നിരവധി മാറ്റങ്ങൾ

by Midhun HP News | Oct 1, 2026 | Latest News, കേരളം

പതിവ് പോലെ ഒക്ടോബർ മാസത്തിലും സാമ്പത്തിക രംഗത്ത് നിരവധി മാറ്റങ്ങളാണ് വന്നിരിക്കുന്നത്. ഗാർഹിക എൽപിജി സിലിണ്ടർ ലഭിക്കുന്നതിന് ആധാർ അധിഷ്ഠിത ബയോമെട്രിക് ഓതന്റിക്കേഷൻ, സ്ഥിര നിക്ഷേപ വ്യവസ്ഥകളിൽ മാറ്റം, വാണിജ്യ സിലിണ്ടർ വില വർധന തുടങ്ങി നിരവധി കാര്യങ്ങളിലാണ് ഇന്നുമുതൽ ( വ്യാഴാഴ്ച) മാറ്റം വന്നത്. ഇവ ഓരോന്നും ചുവടെ:

ബയോമെട്രിക് ഓതന്റിക്കേഷൻ നിർബന്ധം

ഇന്ത്യയിൽ സബ്സിഡിയോടെ ഗാർഹിക എൽപിജി സിലിണ്ടർ ലഭിക്കുന്നതിന് ആധാർ അധിഷ്ഠിത ബയോമെട്രിക് ഓതന്റിക്കേഷൻ നിർബന്ധമാക്കി കേന്ദ്രസർക്കാർ. ഒക്ടോബർ ഒന്നുമുതലാണ് ഇത് നടപ്പാക്കിയത്.

ഓതന്റിക്കേഷൻ ഇതുവരെ പൂർത്തിയാക്കാത്ത കുടുംബങ്ങൾക്ക് റീഫിൽ ഡെലിവറി സമയത്തോ, എൽപിജി വിതരണക്കാരുടെ ഷോറൂമിലോ, അല്ലെങ്കിൽ എണ്ണ വിതരണ കമ്പനികളുടെ മൊബൈൽ ആപ്പുകൾ വഴിയോ ഇത് ചെയ്യാവുന്നതാണെന്നും സർക്കാർ വ്യക്തമാക്കി. അർഹതപ്പെട്ടവർക്ക് മാത്രമാണ് സബ്സിഡിയോട് കൂടിയ എൽപിജി ലഭ്യമാകുന്നതെന്ന് ഉറപ്പാക്കുന്നതിന്റെ ഭാഗമായാണ് പുതിയ പരിഷ്‌കാരമെന്നും കേന്ദ്രസർക്കാർ അറിയിച്ചു.

ഗാർഹിക സിലിണ്ടറുകൾ വാണിജ്യ, വ്യാവസായിക ആവശ്യങ്ങൾക്കായി വഴിതിരിച്ചുവിടുന്നത് ഒഴിവാക്കുക എന്ന ലക്ഷ്യമാണ് ഇതിന് പിന്നിൽ. കൂടാതെ വ്യാജമായ കണക്ഷനുകൾ ഒഴിവാക്കുക എന്നതും പുതിയ പരിഷ്‌കാരത്തിന്റെ ഭാഗമാണെന്നും കേന്ദ്രസർക്കാർ വ്യക്തമാക്കി. ഇൻഡെൻ ഉപയോക്താക്കൾക്ക് ഇന്ത്യൻഓയിൽ വൺ ആപ്ലിക്കേഷനും ഭാരത് ഗ്യാസ് ഉപഭോക്താക്കൾക്ക് ഹലോബിപിസിഎൽ എന്ന ആപ്പും എച്ച്പി ഗ്യാസ് ഉപഭോക്താക്കൾക്ക് എച്ച്പി പേ ആപ്ലിക്കേഷനും ഉപയോഗിച്ച് സെൽഫ് ഇ-കെവൈസി നടത്താൻ സാധിക്കും.

സ്ഥിര നിക്ഷേപ വ്യവസ്ഥയിൽ മാറ്റം

രാജ്യത്ത് ഒക്ടോബർ ഒന്നുമുതൽ ബാങ്കുകളുടെ സ്ഥിര നിക്ഷേപ വ്യവസ്ഥയിൽ മാറ്റം. റിസർവ് ബാങ്ക് ചട്ടം അനുസരിച്ച് ഒക്ടോബർ ഒന്നുമുതൽ ബാങ്കുകളുടെ എല്ലാ ശാഖകളിലും നിശ്ചിത എഫ്ഡിക്ക് ഒരേ പലിശ നിരക്ക് ആയിരിക്കും ബാധകമാകുക. അതായത് ഒരു ബാങ്കിന്റെ വ്യത്യസ്ത ശാഖകളിൽ ഒരേ ദിവസം, ഒരേ തുകയ്ക്കും ഒരേ കാലാവധിക്കും എഫ്ഡി തുടങ്ങിയാൽ ഇനി മുതൽ ഒരേ പലിശ നിരക്കാകും ലഭിക്കുക.

ഒരു മെട്രോ ബ്രാഞ്ചിലോ ഗ്രാമീണ മേഖലയിലോ ടേം ഡെപ്പോസിറ്റ് ആരംഭിച്ചാലും ഒരേ ബാങ്ക് ഒരേ നിരക്കായിരിക്കും നൽകുക. ഇത് നിരക്കുകളിലെ വിവേചനം ഒഴിവാക്കാൻ സഹായിക്കും. ഒരേ തീയതിയിൽ ഒരേ തുക നിക്ഷേപിക്കുന്ന ഓരോ ഉപഭോക്താവിനും ഒരേ പോലെയുള്ള റിട്ടേൺ ലഭിക്കുന്നുണ്ടെന്ന് ഉറപ്പാക്കാൻ വേണ്ടിയാണ് പുതിയ നടപടി.

പുതിയ വ്യവസ്ഥ അനുസരിച്ച് മൂന്ന് കോടി രൂപയ്ക്ക് മുകളിലുള്ള സ്ഥിര നിക്ഷേപങ്ങളെ ബൾക്ക് ഡെപ്പോസിറ്റ് ആയി കണക്കാക്കും. വിപണിയിൽ പൂർണമായി സുതാര്യത ഉറപ്പാക്കാൻ ബാങ്കുകൾ ദിവസേനയുള്ള ബൾക്ക് ഡെപ്പോസിറ്റ് നിരക്കുകൾ എല്ലാ ദിവസവും രാവിലെ പത്തുമണിക്ക് മുൻപായി തങ്ങളുടെ ഔദ്യോഗിക വെബ്സൈറ്റിൽ പ്രസിദ്ധീകരിക്കണം. ഈ നടപടി നിർബന്ധമായും 10.10നകം പൂർത്തിയാക്കിയിരിക്കണം. എന്നാൽ പുതിയ ചട്ടം വരുന്നത് കൊണ്ട് ഒക്ടോബർ ഒന്നുമുതൽ എഫ്ഡി പലിശനിരക്ക് ഒറ്റയടിക്ക് വർധിക്കുകയോ കുറയുകയോ ചെയ്യില്ല. വിപണിയിലെ സാഹചര്യങ്ങൾക്കും ഫണ്ടിന്റെ ചെലവിനും അനുസരിച്ചായിരിക്കും ബാങ്കുകൾ പലിശ നിരക്ക് തീരുമാനിക്കുക.

ജനന, മരണ രജിസ്‌ട്രേഷൻ

ജനന, മരണ രജിസ്‌ട്രേഷൻ നടത്താൻ വൈകിയ കുടുംബങ്ങൾ ഒക്ടോബർ ഒന്നുമുതൽ കൂടുതൽ വെരിഫിക്കേഷൻ നടപടികൾ പാലിക്കേണ്ടതുണ്ട്. രജിസ്‌ട്രേഷൻ ഒരു വർഷത്തിലധികം വൈകുകയും എന്നാൽ രണ്ടു വർഷത്തിനകം രജിസ്റ്റർ ചെയ്യാൻ ശ്രമിക്കുകയും ചെയ്യുന്ന സന്ദർഭത്തിൽ നടപടികളുമായി മുന്നോട്ടുപോകുന്നതിന് മുൻപ് നൽകിയ വിവരങ്ങൾ ഉറപ്പുവരുത്തുന്നതിനായി അധിക വെരിഫിക്കേഷൻ ആവശ്യമാണ്. രജിസ്‌ട്രേഷൻ രേഖകളുടെ വിശ്വസനീയത മെച്ചപ്പെടുത്തുന്നതിനാണ് ഈ അധിക വെരിഫിക്കേഷൻ.

രണ്ടുവർഷത്തിലധികം വൈകുന്ന കേസുകളിൽ കൂടുതൽ ഉയർന്ന തലത്തിലുള്ള പരിശോധന ആവശ്യമാണ്. അത്തരം രജിസ്‌ട്രേഷനുകൾ പൂർത്തിയാക്കുന്നതിന് ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് ഉത്തരവ് നിർബന്ധമാണ്.

പാചക വാതക സിലിണ്ടറുകളുടെ വില വർധിപ്പിച്ചു

രാജ്യത്ത് വാണിജ്യ ആവശ്യങ്ങൾക്കുള്ള പാചക വാതക സിലിണ്ടറുകളുടെ വില വർധിപ്പിച്ചു. ഉത്സവ സീസൺ ആരംഭിക്കാനിരിക്കെയാണ് വില വർധന നടപ്പാക്കിയിരിക്കുന്നത്. അതേസമയം, വീടുകളിൽ ഉപയോഗിക്കുന്ന 14.2 കിലോഗ്രാം ഗാർഹിക എൽപിജി സിലിണ്ടറുകളുടെ നിരക്കിൽ മാറ്റമില്ലാതെ തുടരുന്നു. 19 കിലോഗ്രാം വാണിജ്യ സിലിണ്ടറുകൾക്ക് വിവിധ നഗരങ്ങളിൽ 71.50 രൂപ വരെയാണ് വർധന രേഖപ്പെടുത്തിയത്.

ഡൽഹിയിൽ 19 കിലോഗ്രാം സിലിണ്ടറിന് 62.50 രൂപ വർദ്ധിച്ച് 2,810 രൂപയായി. സെപ്റ്റംബറിൽ 2,747.50 രൂപയായിരുന്നു വില. മറ്റുപല നഗരങ്ങളിലും ഇതിലും ഉയർന്നതോതിലാണ് വില കൂടിയത്. മുംബൈയിൽ 63 രൂപ വർധിച്ച് വില 2,764 രൂപയായി. ചെന്നൈയിൽ 66.50 രൂപ വർധിച്ച് 2,983 രൂപയിലെത്തി. ഏറ്റവും ഉയർന്ന വർധന പട്നയിലാണ് രേഖപ്പെടുത്തിയത്. 71.50 രൂപ വർധിച്ച് സിലിണ്ടർ വില 3,100.50 രൂപയായി. അഹമ്മദാബാദിൽ 2,831.50 രൂപയായും കന്യാകുമാരിയിൽ 3,046 രൂപയായും വാണിജ്യ സിലിണ്ടറുകളുടെ നിരക്ക് ഉയർന്നു.

ഗാർഹിക ഉപഭോക്താക്കൾ ഉപയോഗിക്കുന്ന 14.2 കിലോഗ്രാം സിലിണ്ടറുകളുടെ നിരക്കിൽ മാറ്റമില്ല. ഡൽഹിയിൽ 942 രൂപ, മുംബൈയിൽ 941.50 രൂപ, ചെന്നൈയിൽ 957.50 രൂപ, ലഖ്നൗവിൽ 979.50 രൂപ, പട്നയിൽ 1,031.50 രൂപ എന്നിങ്ങനെയാണ് നിലവിലെ ഗാർഹിക നിരക്കുകൾ. അന്താരാഷ്ട്ര വിപണിയിലെ എണ്ണ വില വ്യതിയാനങ്ങളും കറൻസി മൂല്യവുമാണ് എൽപിജി നിരക്കുകളെ പ്രധാനമായും സ്വാധീനിക്കുന്നത്. നിലവിലെ വില വർധന റെസ്റ്റോറന്റുകൾ, ഹോട്ടലുകൾ, മറ്റ് വാണിജ്യ സ്ഥാപനങ്ങൾ എന്നിവയെയാണ് ബാധിക്കുക.