by Midhun HP News | Sep 1, 2025 | Latest News, കേരളം
തൊടുപുഴ: തനിക്കെതിരെ നടന്നത് കൃത്യമായി ആസൂത്രണം ചെയ്ത കൊലപാതക ശ്രമമാണെന്ന് വ്യക്തമാക്കി മറുനാടന് മലയാളി ചീഫ് എഡിറ്റര് ഷാജന് സ്കറിയ. താന് നല്കുന്ന വാര്ത്തകള് നിയമപരിരക്ഷയ്ക്ക് ഉള്ളില് നിന്നുമാണ്. തന്നെ നിയമപരമായി നേരിടാന് സാധിക്കാത്തവര് കായികമായി നേരിടാന് ശ്രമിക്കുകയാണ് ഉണ്ടായത്. തൊടുപുഴയില് അക്രമികള് എത്തിയത് തന്നെ കൊല്ലണം എന്ന നിര്ബന്ധ ബുദ്ധിയോടെ ആയിരുന്നു. -ഷാജൻ പറഞ്ഞു.
കേസിലെ നാല് പ്രതികള് പിടിയിലായിട്ടുണ്ട്. ബംഗളുരുവിൽ നിന്നുമാണ് പ്രതികളെ പോലീസ് പിടികൂടിയത്. ഒരാളെ കൂടി ഇനിയും പിടികൂടാനുണ്ട്. വധശ്രമത്തിന്റെ മുഖ്യ ആസൂത്രകനായ മാത്യൂസ് കൊല്ലപ്പുള്ളിയും കസ്റ്റഡിയിലുണ്ടെന്നാണ് പോലീസ് നല്കുന്ന വിവരം. പ്രതികളിലേക്ക് പോലീസ് എത്തിയത് സോഷ്യല് മീഡിയ പോസ്റ്റുകള് അടക്കം ട്രാക്ക്ചെയ്താണ്.
നിരവധി ക്രിമിനല് കേസുകളില് പ്രതിയായിരുന്ന വ്യക്തിയാണ് മാത്യുസ് കൊല്ലപ്പള്ളി. കഴിഞ്ഞ ദിവസം തൊടുപുഴയില് വച്ചാണ് ഷാജന് സ്കറിയയ്ക്ക് മര്ദമേറ്റത്. ഇതിന്റെ ദൃശ്യങ്ങള് പുറത്തുവന്നതോടെ പ്രതികളെ കുറിച്ചുള്ള പൂര്ണവിവരവും പുറത്തുവന്നു. ഷാജന് നല്കിയ വിവരങ്ങളുടെ അടിസ്ഥാനത്തില് അഞ്ചുപേരെ പൊലീസ് തിരിച്ചറിഞ്ഞു. ഇവര്ക്കെതിരെ വധശ്രമത്തിന് കേസ്സെടുത്തെന്നും ഒളിവിലുളള പ്രതികള്ക്കായി തെരച്ചില് തുടരുകയാണെന്നും പൊലീസ് അറിയിച്ചു. പ്രതികളെ ഉടന് പിടികൂടണമെന്ന ആവശ്യം മാധ്യമ സമൂഹത്തില് നിന്നും ശക്തമായി ഉയര്ന്നിട്ടുണ്ട്.
ശനിയാഴ്ച രാത്രി തൊടുപുഴ മങ്ങാട്ടുകവലയില് വെച്ചാണ് ഒരു വിവാഹച്ചടങ്ങില് പങ്കെടുത്തു മടങ്ങുകയായിരുന്ന ഷാജന് സ്കറിയയെ അഞ്ചംഗ സംഘം ആക്രമിച്ചത്. ഷാജന് സ്കറിയ സഞ്ചരിച്ച വാഹനത്തിന് പിന്നില് മറ്റൊരു വാഹനം ഇടിച്ച ശേഷമായിരുന്നു അതിക്രമം. വാഹനത്തിന് അകത്തിരിക്കുന്ന ഷാജന് സ്കറിയയെ ആക്രമിക്കുന്നതിന്റെ ദൃശ്യങ്ങള് പുറത്തുവന്നിട്ടുണ്ട്. അക്രമം തടയാന് ശ്രമിക്കുന്നതായും ഇതില് കാണാം. ഷാജന് സ്കറിയ നല്കിയ വിവരങ്ങളുടെയും ഇടത് സൈബര് ഗ്രൂപ്പുകളില് വന്ന പ്രതികരണങ്ങളുടെയും അടിസ്ഥാനത്തിലാണ് പോലീസ് പ്രതികളിലേക്ക് എത്തിയത്.
അക്രമണത്തില് പങ്കെടുത്ത മാത്യൂസ് കൊല്ലപ്പള്ളി സംഭവശേഷം ഫേസ്ബുക്കില് പോസ്റ്റ് ഇട്ടതായും ഷാജനെതിരെ ഇനിയും ആക്രമണം നടത്തുമെന്ന ഭീഷണി മുഴക്കിയതായും പോലീസ് കണ്ടെത്തി. മണിക്കൂറുകള്ക്കകം ഈ പോസ്റ്റ് പിന്വലിച്ചെങ്കിലും ഇത് പ്രതികളെ തിരിച്ചറിയാന് നിര്ണായകമായെന്ന് പോലീസ് പറയുന്നു. തിരുവനന്തപുരത്ത് നിന്ന് തൊടുപുഴയിലെത്തിയതും വിവാഹത്തില് പങ്കെടുത്തതും കൃത്യമായി മനസ്സിലാക്കി പിന്തുടര്ന്നാണ് ആക്രമണം നടത്തിയത്. അക്രമണത്തിന് പിന്നില് ആസൂത്രിത ഗൂഢാലോചനയുണ്ടെന്നാണ് പോലീസും വ്യക്തമാക്കുന്ന കാര്യം.
by Midhun HP News | Sep 1, 2025 | Latest News, കേരളം
തിരുവനന്തപുരം: ചൊവ്വാഴ്ചയോടെ ബംഗാള് ഉള്ക്കടലില് വീണ്ടും പുതിയ ഒരു ന്യൂനമര്ദ്ദം രൂപപ്പെടാന് സാധ്യത. ഇതിന്റെ സ്വാധീനഫലമായി ഓണം ദിവസങ്ങളില് മഴ പെയ്തേക്കുമെന്ന് കാലാവസ്ഥ വകുപ്പ് പ്രവചിക്കുന്നു. എന്നാല് ചൊവ്വാഴ്ച വരെ ഒരു ജില്ലയിലും മഴ മുന്നറിയിപ്പ് ഇല്ല.
ദിവസങ്ങള്ക്ക് മുന്പ് ബംഗാള് ഉള്ക്കടലില് രൂപപ്പെട്ട മറ്റൊരു ന്യൂനമര്ദ്ദം ദുര്ബലമായതിനെ തുടര്ന്നാണ് സംസ്ഥാനത്ത് മഴ കുറഞ്ഞത്. ന്യൂനമര്ദ്ദത്തെ തുടര്ന്ന് കഴിഞ്ഞ ദിവസങ്ങളില് സംസ്ഥാനത്ത് ശക്തമായ മഴയാണ് ലഭിച്ചത്. ചൊവ്വാഴ്ചയോടെ ബംഗാള് ഉള്ക്കടലില് വീണ്ടും പുതിയ ഒരു ന്യൂനമര്ദ്ദം രൂപപ്പെടുന്നതോടെ ബുധനാഴ്ച മുതല് സംസ്ഥാനത്ത് മഴ ശക്തമാകുമെന്നാണ് കാലാവസ്ഥ വകുപ്പിന്റെ പ്രവചനം.
ബുധനാഴ്ചയും വ്യാഴാഴ്ചയും ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് നിലനില്ക്കുന്നത്. ജാഗ്രതയുടെ ഭാഗമായി ബുധനാഴ്ച തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലും വ്യാഴാഴ്ച തൃശൂര്, കണ്ണൂര്, കാസര്കോട് ജില്ലകളിലും കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു. വടക്കന് കേരള – ലക്ഷദ്വീപ് തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗത്തില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് വ്യാഴാഴ്ച വടക്കന് കേരള- ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്നും കാലാവസ്ഥ വകുപ്പ് അറിയിച്ചു.
കള്ളക്കടല് പ്രതിഭാസത്തിന്റെ ഭാഗമായി തിരുവനന്തപുരം (കാപ്പില് മുതല് പൊഴിയൂര് വരെ), കൊല്ലം, ആലപ്പുഴ ജില്ലകളുടെ കടല് തീരങ്ങളില് ഇന്ന് വൈകീട്ട് 5.30 മുതല് നാളെ ( ചൊവ്വാഴ്ച) ഉച്ചയ്ക്ക് 02.30 വരെ 1.4 മുതല് 1.6 മീറ്റര് വരെ ഉയര്ന്ന തിരമാലയ്ക്ക് സാധ്യതയെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. ഇതിനെ തുടര്ന്ന് കടലാക്രമണത്തിനും സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രത്തിന്റെ മുന്നറിയിപ്പില് പറയുന്നു. കടലാക്രമണത്തിന് സാധ്യതയുള്ളതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
ജാഗ്രതാനിര്ദേശം:
1. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
2. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഈ സമയത്ത് ഒഴിവാക്കേണ്ടതാണ്.
3. കള്ളക്കടല് പ്രതിഭാസത്തിനും ഉയര്ന്ന തിരമാലക്കും സാധ്യതയുള്ള ഘട്ടത്തില് കടലിലേക്ക് മത്സ്യബന്ധന യാനങ്ങള് ഇറക്കുന്നത് പോലെ തന്നെ അപകടകരമാണ് കരയ്ക്കടുപ്പിക്കുന്നതും. ആയതിനാല് തിരമാല ശക്തിപ്പെടുന്ന ഘട്ടത്തില് കടലിലേക്ക് ഇറക്കുന്നതും കരയ്ക്കടുപ്പിക്കുന്നതും ഒഴിവാക്കേണ്ടതാണ്.
4. INCOIS മുന്നറിയിപ്പ് പിന്വലിക്കുന്നത് വരെ ബീച്ചുകള് കേന്ദ്രീകരിച്ചുള്ള വിനോദസഞ്ചാരമുള്പ്പെടെയുള്ള എല്ലാ പ്രവര്ത്തനങ്ങളും പൂര്ണമായി ഒഴിവാക്കേണ്ടതാണ്
5. മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മത്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
6. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കുക.
7. തീരശോഷണത്തിനു സാധ്യതയുള്ളതിനാല് പ്രത്യേകം ജാഗ്രത പുലര്ത്തുക.
by Midhun HP News | Sep 1, 2025 | Latest News, കേരളം
കോഴിക്കോട്: സംസ്ഥാനത്ത് അമീബിക് മസ്തിഷ്ക ജ്വരം ബാധിച്ച് 24 മണിക്കൂറിനിടെ രണ്ടു മരണം. മൂന്ന് മാസം പ്രായമായ കുഞ്ഞും വീട്ടമ്മയുമാണ് മരിച്ചത്. ഓമശ്ശേരി സ്വദേശി അബൂബക്കര് സിദ്ദിഖിന്റെ കുഞ്ഞാണ് ഇന്ന് രാവിലെ മരിച്ചത്. മലപ്പുറം കണ്ണമംഗലം കാപ്പില് റംല (52) ആണ് മരിച്ച വീട്ടമ്മ. ഇരുവരും കോഴിക്കോട് മെഡിക്കല് കോളജില് ചികിത്സയിലായിരുന്നു.
മലബാറില് ആശങ്ക വര്ധിപ്പിച്ച് ഒരു മാസത്തിനിടെ മൂന്ന് പേരാണ് അമീബിക് മസ്തിഷ്ക ജ്വരം ബാധിച്ച് മരിച്ചത്. ജൂലൈ എട്ടിനാണ് രോഗലക്ഷണങ്ങള് കണ്ടതിനെ തുടര്ന്ന് റംല ചികിത്സ ആരംഭിച്ചത്. ആദ്യം സ്വകാര്യ ആശുപത്രിയിലാണ് ചികിത്സ തേടിയത്. തുടര്ന്ന് രോഗം ഗുരുതരമായതിനെ തുടര്ന്ന് കോഴിക്കോട് മെഡിക്കല് കോളജിലേക്ക് മാറ്റുകയായിരുന്നു.
മൂന്ന് മാസം പ്രായമായ കുഞ്ഞ് കഴിഞ്ഞ കഴിഞ്ഞ 28 ദിവസമായി കോഴിക്കോട് മെഡിക്കല് കോളജ് ആശുപത്രിയില് ചികിത്സയില് ആയിരുന്നു. ഗുരുതരാവസ്ഥയില് തീവ്ര പരിചരണ വിഭാഗത്തില് ചികിത്സയില് തുടരുന്നതിനിടെയാണ് കുഞ്ഞ് മരിച്ചത്. നിലവില് കോഴിക്കോട്, മലപ്പുറം, വയനാട് സ്വദേശികള് ചികിത്സയില് തുടരുന്നുണ്ട്. സംസ്ഥാനത്ത് എട്ട് പേരാണ് അമീബിക് മസ്തിഷ്ക ജ്വരം ബാധിച്ച് ചികിത്സയില് കഴിയുന്നത്.
അതേസമയം അമീബിക് മസ്തിഷ്ക ജ്വരത്തിനെതിരെ സംസ്ഥാന വ്യാപകമായി ആരോഗ്യ വകുപ്പിന്റെ നേതൃത്വത്തില് ജനകീയ പ്രതിരോധ ക്യാമ്പയിന് തുടങ്ങി. വെള്ളത്തിലൂടെ പകരുന്ന അമീബിക് മസ്തിഷ്ക ജ്വരം ചെറുക്കുന്നതിന് തദ്ദേശ സ്വയംഭരണ സ്ഥാപനതലത്തില് മുഴുവന് കിണറുകളിലും ശനിയാഴ്ചയും ഞായറാഴ്ചയും ഊര്ജിത ക്ലോറിനേഷന് നടത്തും.
by Midhun HP News | Sep 1, 2025 | Latest News, കേരളം
കൊച്ചി: സംസ്ഥാനത്ത് റെക്കോര്ഡുകള് ഭേദിച്ച് സ്വര്ണവില കുതിക്കുന്നു. ഇന്ന് പവന് ഒറ്റയടിക്ക് 680 രൂപ വര്ധിച്ചതോടെ 77,000 കടന്ന് സ്വര്ണവില പുതിയ ഉയരം കുറിച്ചു. 77,640 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 85 രൂപയാണ് വര്ധിച്ചത്. 9705 രൂപയാണ് ഒരു ഗ്രാം സ്വര്ണത്തിന്റെ വില.
കഴിഞ്ഞ മാസം എട്ടിന് 75,760 രൂപയായിരുന്നു സ്വര്ണവില. പിന്നീട് 20-ാം തീയതി വരെയുള്ള കാലയളവില് 2300 രൂപ താഴ്ന്ന ശേഷം തുടര്ന്നുള്ള ദിവസങ്ങളില് സ്വര്ണവില തിരിച്ചുകയറുന്നതാണ് ദൃശ്യമായത്. ഇന്ത്യയില് നിന്ന് ഇറക്കുമതി ചെയ്യുന്ന ഉല്പ്പന്നങ്ങള്ക്ക് അമേരിക്ക 50 ശതമാനം തീരുവ ചുമത്തിയത് അടക്കമുള്ള ഘടകങ്ങളാണ് സ്വര്ണവിലയെ സ്വാധീനിക്കുന്നത്. ട്രംപ് നയത്തെ തുടര്ന്ന് ഇന്ത്യന് ഓഹരി വിപണി ഇടിവിലാണ്. ഇതോടെ സുരക്ഷിത നിക്ഷേപം എന്ന നിലയില് കൂടുതല് ആളുകള് സ്വര്ണത്തിലേക്ക് തിരിഞ്ഞതാണ് സ്വര്ണവില ഉയരാന് കാരണം.
by Midhun HP News | Aug 31, 2025 | Latest News, കേരളം
കൊച്ചി: ദേശീയപാത 544 ലെ പാലിയേക്കരയിലെ ടോള് നിരക്ക് വര്ധിപ്പിക്കുന്നു. ദേശീയപാത അതോറിറ്റിയാണ് കരാര് കമ്പനിയായ ജിഐപിഎല്ലിന് കൂടിയ നിരക്ക് ഈടാക്കാന് അനുമതി നല്കിയത്. നിലവില് നിര്ത്തിവച്ചിരിക്കുന്ന ടോള് പിരിവ് വീണ്ടും ആരംഭിക്കുമ്പോള് പുതിയ നിരക്കായിരിക്കും ഉണ്ടാവുക. ദേശീയപാതയിലെ ഗതാഗത പ്രശ്നങ്ങളും കരാര് ലംഘനങ്ങളും ചൂണ്ടിക്കാട്ടി ഹൈക്കോടതിയില് നിയമ നടപടി തുടരുന്നതിനിടെയാണ് വീണ്ടും ടോള് വര്ധന.
പുതുക്കിയ നിരക്കനുസരിച്ച് ഒരു ഭാഗത്തേക്കുള്ള യാത്രയ്ക്ക് ഇനിമുതല് അഞ്ചുരൂപ മുതല് 15 രൂപ വരെ അധികം നല്കേണ്ടിവരും. കാറുകള്ക്ക് ഒരു ഭാഗത്തേക്കുള്ള യാത്രയ്ക്ക് ഈടാക്കിയിരുന്ന 90 രൂപ ഇനി 95 രൂപയായി ഉയര്ത്തി. ദിവസം ഒന്നില്കൂടുതല് യാത്രയ്ക്ക് 140 രൂപ എന്നതില് മാറ്റമില്ല. ചെറുകിട വാണിജ്യ വാഹനങ്ങള് – 165, ഒന്നില് കൂടൂതല് യാത്രകള്ക്ക് 245. ബസ്, ട്രക്ക് എന്നിവയ്ക്ക് 330, ഒന്നില് കൂടുതല് യാത്രകള്ക്ക് 495. മള്ട്ടി ആക്സില് വാഹനങ്ങള്ക്ക് ഒരു ഭാഗത്തേക്ക് 530, ഒന്നില് കൂടുതല് യാത്രകള്ക്ക് 795 എന്നിങ്ങനെയാണ് മറ്റ് നിരക്കുകള്.
നിലവില്, സെപ്റ്റംബര് ഒമ്പത് വരെ പാലിയേക്കര ടോള് പിരിവ് നിര്ത്തിവെച്ചിരിക്കുകയാണ്. ഹൈക്കോടതി ഉത്തരവ് പ്രകാരമായിരുന്നു നടപടി.
by Midhun HP News | Aug 31, 2025 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ സമൃദ്ധി ലോട്ടറി ഫലം പ്രഖ്യാപിച്ചു. പട്ടാമ്പിയില് വിറ്റ MV 122462 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 25 ലക്ഷം രൂപ ആലപ്പുഴയില് വിറ്റ MY 416977 എന്ന നമ്പറിലുള്ള ടിക്കറ്റിനാണ്. വയനാട് വിറ്റ MN 778725 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചുലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില.ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize Rs.5,000/-
MN 122462
MO 122462
MP 122462
MR 122462
MS 122462
MT 122462
MU 122462
MW 122462
MX 122462
MY 122462
MZ 122462
4th Prize Rs.5,000/-
0190 0554 1833 2804 3103 3849 5519 5805 6859 7179 7303 7453 7592 7790 8104 8151 8610 8892 8930 9572
5th Prize Rs.2,000/-
0766 2362 2469 3044 4600 7283
6th Prize Rs.1,000/-
0218 0791 0957 1308 1559 1795 2007 2127 2483 2495 2518 3118 3500 3573 3790 3816 4035 4937 4941 5083 5867 5889 6322 6858 6904 7106 7667 8102 9138 9431
7th Prize Rs.500/-
0068 0189 0217 0259 0298 0310 0533 0880 0995 1501 2211 2237 2256 2287 2300 2337 2411 2923 3027 3128 3238 3422 3925 4005 4016 4214 4531 4969 5039 5064 5135 5389 5472 5481 5818 5820 5963 5985 6006 6161 6191 6250 6484 6574 6579 6583 6634 6703 6820 6830 6929 7327 7370 7394 7551 7956 7964 7979 8036 8224 8385 8387 8476 8784 8815 8829 8882 9072 9091 9099 9104 9114 9270 9328 9761 9856
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
Recent Comments