by Midhun HP News | Sep 27, 2026 | Latest News, കേരളം
തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത. എന്നാല്‍ ഒരു ജില്ലകളിലും പ്രത്യേക മഴ മുന്നറിയിപ്പില്ല. വടക്കുകിഴക്കന്‍ മധ്യപ്രദേശിനും സമീപ വടക്കന്‍ ഛത്തീസ്ഗഢിനും മുകളിലായി തീവ്ര ന്യൂനമര്‍ദം തുടരുന്നു. ഇത് വടക്കുകിഴക്കന്‍ മധ്യപ്രദേശിലൂടെ തെക്കുകിഴക്കന്‍ ഉത്തര്‍പ്രദേശിലേക്ക് വടക്ക്-വടക്കുപടിഞ്ഞാറ് ദിശയില്‍ നീങ്ങി തീവ്ര ന്യൂമര്‍ദമായി തുടരാന്‍ സാധ്യത. ഇത് ക്രമേണ ദുര്‍ബലമായി ശക്തി കൂടിയ ന്യൂനമര്‍ദ മേഖലയായി മാറാന്‍ സാധ്യതയെന്ന് കാലാവസ്ഥ വകുപ്പ് അറിയിച്ചു.
തെക്കന്‍ തായ്ലന്‍ഡിനും സമീപ മ്യാന്‍മറിനും മുകളില്‍ ചക്രവാതച്ചുഴി സ്ഥിതിചെയ്യുന്നു. ഈ ചക്രവാതച്ചുഴി സെപ്റ്റംബര്‍ 28ന് വടക്കന്‍ ആന്‍ഡമാന്‍ കടലിന് മുകളിലേക്ക് എത്താന്‍ സാധ്യത. തുടര്‍ന്നുള്ള 2 ദിവസങ്ങളില്‍, മ്യാന്‍മര്‍ ബംഗ്ലാദേശ് തീരങ്ങള്‍ക്ക് സമാന്തരമായും വടക്ക്-പടിഞ്ഞാറ് ദിശയില്‍ നീങ്ങി വടക്കുകിഴക്കന്‍ ബംഗാള്‍ ഉള്‍ക്കടലിലേക്ക് എത്താന്‍ സാധ്യത. ഇതിന്റെ സ്വാധീനഫലമായി ഈ മാസം 30 വരെ നേരിയതോ മിതമായതോ ആയ മഴയ്ക്ക് സാധ്യത.
സെപ്റ്റംബര്‍ 28 മുതല്‍ 30 വരെയുള്ള തീയതികളില്‍ കേരളത്തില്‍ ഒറ്റപ്പെട്ട സ്ഥലങ്ങളില്‍ ഇടിമിന്നലിനും മണിക്കൂറില്‍ 30-40 കിലോമീറ്റര്‍ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇടിമിന്നല്‍ അപകടകാരികളായതിനാല്‍ ജനങ്ങള്‍ അതീവ ജാഗ്രത പുലര്‍ത്തണമെന്ന് അധികൃതര്‍ നിര്‍ദേശിച്ചു.
മത്സ്യത്തൊഴിലാളി ജാഗ്രത നിര്‍ദേശം
കേരളം -മാഹി – ലക്ഷദ്വീപ് – തെക്കന്‍ തമിഴ്‌നാട് തീരങ്ങളില്‍ നാളെ (28-09-2026 ) വരെ കള്ളക്കടല്‍ ജാഗ്രത നിര്‍ദേശം (റെഡ് അലര്‍ട്ട്) നിലനില്‍ക്കുന്നതിനാല്‍ മത്സ്യത്തൊഴിലാളികള്‍ മത്സ്യബന്ധനത്തിന് പോകാന്‍ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കള്ളക്കടല്‍ – റെഡ് അലര്‍ട്ട്
കേരളത്തിലെ എല്ലാ തീരദേശ ജില്ലകളിലും ദേശീയ സമുദ്ര വിവര വിശകലന കേന്ദ്രം പ്രഖ്യാപിച്ച റെഡ് അലര്‍ട്ട് നിലനില്‍ക്കുന്നു. കേരളത്തിലെ തീരപ്രദേശങ്ങളില്‍ ശക്തമായ തിരമാലയ്ക്കും കള്ളക്കടല്‍ പ്രതിഭാസത്തിനും സാധ്യത. കേരള തീരത്ത് നാളെ രാവിലെ 10.30 വരെ 1.0 മുതല്‍ 1.5 മീറ്റര്‍ വരെ ഉയര്‍ന്ന തിരമാലയ്ക്കും കള്ളക്കടല്‍ പ്രതിഭാസത്തിനും സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം മുന്നറിയിപ്പ് നല്‍കി. തീരദേശ മേഖലകളില്‍, പ്രത്യേകിച്ച് താഴ്ന്ന പ്രദേശങ്ങളില്‍, വെള്ളം കയറാനും കടലാക്രമണത്തിനും സാധ്യതയുണ്ട്.
by Midhun HP News | Sep 27, 2026 | Latest News, കേരളം
കൊച്ചി: കേരളത്തിലെ സാമൂഹിക, രാഷ്ട്രീയ വിഷയങ്ങളില്‍ സജീവമായി ഇടപെടാന്‍ കോക്രോച്ച് ജനതാ പാര്‍ട്ടി (സിജെപി). ഇന്നു 4.30ന് എറണാകുളം മറൈന്‍ ഡ്രൈവില്‍ സിജെപിയുടെ പൊതുസമ്മേളനം കേരളത്തിലേക്കുള്ള സിജെപിയുടെ വരവില്‍ നിര്‍ണായകമാകും.
എല്ലാ ജില്ലകളിലും സിജെപി ഘടകങ്ങള്‍ വൈകാതെ നിലവില്‍ വരും. അതതു ജില്ലകളിലെ സാമൂഹിക വിഷയങ്ങളില്‍ ഗൗരവപൂര്‍ണവും ഫലപ്രദവുമായ ഇടപെടലാണു ലക്ഷ്യം.
ദക്ഷിണ മേഖലാ ഇന്‍ ചാര്‍ജ് വിജയ് റെഡ്ഡി മല്ലങ്കി, അഖിലേന്ത്യാ ജോയിന്റ് സെക്രട്ടറി ബാലകൃഷ്ണ ശുക്ല തുടങ്ങിയവര്‍ പങ്കെടുക്കുമെന്നു കേരളത്തിലെ കോഓര്‍ഡിനേറ്റര്‍മാരിലൊരാളായ സനൂപ് ദേവ് അറിയിച്ചു. ഫിറോസ് ഖാന്‍, ഇഷ മറിയം ഹാരിസ്, സനൂപ് ദേവ്, നിധിന്‍ നോബിള്‍ എന്നിവരാണു പ്രവര്‍ത്തനം ഏകോപിപ്പിക്കുന്നത്.
അതേസമയം മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് രാജ്യവ്യാപക പ്രതിഷേധം നടത്തുമെന്നാണ് കോക്രോച്ച് ജനതാ പാര്‍ട്ടിയുടെ പ്രഖ്യാപനം.ഒക്ടോബര്‍ രണ്ട് ഗാന്ധി ജയന്തി ദിനത്തില്‍ പ്രതിഷേധവുമായി രംഗത്തെത്തുമെന്നാണ് ആഹ്വനം.മുംബൈയില്‍ ആരംഭിക്കുന്ന പ്രതിഷേധം മറ്റിടങ്ങളിലേക്കും വ്യാപിപ്പിക്കുമെന്നാണ് സിജെപിയുടെ അറിയിപ്പ്. സിജെപി സ്ഥാപകന്‍ അഭിജിത്ത് ദീപ്കെയാണ് സമരത്തിന് ആഹ്വനം നല്‍കിയത്.
by Midhun HP News | Sep 26, 2026 | Latest News, കേരളം
സംഗീത സംവിധായകൻ ശരത്തിനെ വിമർശിച്ച് നിരൂപക കൂടിയായ എസ്. ശാരദക്കുട്ടി പങ്കുവെച്ച കുറിപ്പ് ശ്രദ്ധ നേടുന്നു. റിയാലിറ്റി ഷോയിൽ വിധികർത്താവായിരുന്ന് പാട്ടിലെ വരികളുടെ അർത്ഥം കൃത്യമായി അറിയാതെ ശരത്ത് വ്യാഖ്യാനിക്കുന്നത് കണ്ടപ്പോൾ അക്ഷരാർത്ഥത്തിൽ ഞെട്ടിയെന്ന് ശാരദക്കുട്ടി കുറിച്ചു. സുദീപിനെയോ ബിജിബാലിനെയോ പോലെ ഉള്ളവരെ കൂടെ ഇരുത്തി കുട്ടികൾക്ക് അറിവുകൊടുക്കുന്നതാണ് ഉചിതമെന്നും ചിന്തയിൽ ഭാവദീപ്തി ഉള്ളവർക്കെ പാട്ടോ അതിൻ്റെ അർത്ഥാന്തര വ്യാപ്തിയോ പിടികിട്ടൂവെന്നും അവർ കുറിച്ചു.
കുറിപ്പിലൂടെ തുടർന്ന് വായിക്കാം…
ചലച്ചിത്ര സംഗീത സംവിധായകൻ വരികളുടെ അർത്ഥസുഷമ രചയിതാവിൻ്റെ യത്ര കൃത്യതയോടെ അറിയണമെന്ന് നിർബ്ബന്ധമുണ്ടോയെന്ന് ചോദിച്ചാൽ ഇല്ലെന്നും പറയാം. അങ്ങനെയും മലയാള ഗാനങ്ങൾ ഉണ്ടായിട്ടുണ്ട്. ഈ കുറിപ്പിൻ്റെ സന്ദർഭം ഇതാണ്…. ഒരു റിയാലിറ്റി ഷോയിൽ വിധികർത്താവായിരിക്കുന്ന സംഗീത സംവിധായകൻ ശരത് അവതാരകയായ പെൺകുട്ടിയോട് സാമ്യമകന്നോരുദ്യാനമേ കൽപകോദ്യാനമേ എന്ന വരിയുടെ അർത്ഥം ചോദിക്കുന്നു.
കൗമാരക്കാരിയായ അവതാരക അർത്ഥം തെറ്റിച്ച് പറയുമ്പോൾ ശരത് പതിവ് രീതിയിൽ കണക്കിന് പരിഹസിക്കുന്നുണ്ട്. റിയാലിറ്റി ഷോയുടെ വിപണന തന്ത്രം എന്നെ കരുതിയുള്ളു. എന്നിട്ടൊടുവിൽ ശരത് പാട്ടിൻ്റെ അർത്ഥം ആ കുട്ടിക്ക് പറഞ്ഞ് കൊടുക്കുന്നത് കേട്ടപ്പോൾ അക്ഷരാർത്ഥത്തിൽ ഞെട്ടിപ്പോയി. എല്ലാം അറിയാമെന്ന ഭാവത്തിൽ പറയുമ്പോൾ എന്തെങ്കിലുമൊരു തയ്യാറെടുപ്പ് വേണ്ടേ?. സാമ്യമകന്നോരുദ്യാനമേ കൽപകോദ്യാനമേ…. എന്ന പ്രശസ്ത ഗാനത്തിന് ശരത് പറഞ്ഞ് കൊടുത്ത അർത്ഥത്തിലും ഭേദം ആ പെൺകുട്ടി പറഞ്ഞ പൊട്ടത്തരം തന്നെയായിരുന്നു.
അതിലൊരു തമാശയെങ്കിലുമുണ്ടായിരുന്നു. മലയാളത്തിലെ അതിപ്രശസ്തമായ പ്രണയ ഗാനമാണത്. ഉണ്ണായി വാര്യരുടെ നളചരിതം രണ്ടാം ദിവസത്തിലെ ശൃംഗാര പ്രധാനമായ പദത്തിലെ ഭാഗങ്ങൾ ചേർത്ത് വയലാർ എഴുതിയ ആ ക്ലാസിക് ഗാനത്തെ ദേവരാജൻ മാസ്റ്റർ തൊട്ടതെങ്ങനെയെന്നെങ്കിലും അതിനുപയോഗിച്ച രാഗ ഭംഗിയുടെ ഔചിത്യമെങ്കിലും മനസിലാക്കാതെ അതിൽ കയറി മേയാൻ ശരത് കാണിച്ച ആ ധൈര്യം അപാരം തന്നെ.
മിതമായ ഭാഷയിൽ അതിനെ അഹങ്കാരമെന്നെ പറയാനാകൂ. മഞ്ജുതരയുടെ മഞ്ഞിൽ മുങ്ങും കുഞ്ജകുടീരങ്ങളിൽ ലാവണ്യവതികൾ ലാളിച്ച് വളർത്തും ദേവഹംസങ്ങളേ നിങ്ങൾ ദൂതുപോയൊരു മനോരഥത്തിലെൻ ദേവിയുണ്ടോ ദേവീ കച്ചമണികൾ നൃത്തം വെക്കുന്ന വൃശ്ചികരാവുകൾ, കഥകളി മുദ്രയാം കമലദളം, മഞ്ജുതരയുടെ മഞ്ഞ്, ദേവഹംസങ്ങൾ ദൂതു പോകുന്ന മനോരഥം ഇതൊക്കെ എന്തെന്നറിയാതെ ആ കൽപകോദ്യാനത്തെ അദ്ദേഹം വ്യാഖ്യാനിച്ചു കളഞ്ഞു കുളിച്ചു. ക്ലാസെടുക്കാൻ ഒരുമ്പെടുമ്പോൾ പരിഹസിക്കാൻ വെമ്പൽ വരുമ്പോൾ മിനിമം തയ്യാറെടുപ്പെങ്കിലും വേണം.
ഇവിടെ വിധികർത്താവിൻ്റെ അജ്ഞത, അരസികത ഒക്കെയാണ് അങ്ങ് മുഴച്ച് വരുന്നത്. നളദമയന്തിമാരുടെ മധുവിധു രാത്രിയിലെ ഉദ്യാനവർണ്ണനയിലൂടെ ശൃംഗാരകേളിക്കുള്ള ക്ഷണവും അതിൻ്റെ സൂക്ഷ്മ സൂചനകളുമാണ് ഉണ്ണായിവാര്യരുടെ ഈ പദത്തിന്റെ ഉള്ളടക്കം. ഇന്ദ്രന്റെ നന്ദനവനത്തിനുപോലും ഉപമിക്കാൻ കഴിയാത്തത്ര മനോഹരവും കാമോദ്ദീപകവും സമാനതകളില്ലാത്തതുമാണ് ആ ഉദ്യാനം. അതാണ് കൽപകോദ്യാനമെന്നതിൻ്റെ അർത്ഥ ദീപ്തി.
ഗാനരചയിതാക്കൾ എത്രയോ കാലമായി താലോലിക്കുന്നതും കല്പാന്തകാലത്തോളം നിലനിൽക്കുന്നതുമായ ഒരു പ്രമദവനം തന്നെയാണത്. ഉണ്ണായിവാര്യരെ ഇത്രയ്ക്ക് ലളിത സുന്ദരമായി മലയാള ഗാനശാഖക്ക് സമ്മാനിച്ച മഹാപ്രതിഭകളാണ് വയലാറും ദേവരാജനും. ശരത് പഠിപ്പിക്കുന്നതുപോലെ തെങ്ങിൻ തോപ്പുകൾ നിറഞ്ഞ കേരളമല്ല അത്. അതിതീവ്രമായ പ്രണയമുഹൂർത്തത്തിൽ ചരാചരങ്ങളിലെല്ലാം തുടിക്കുന്ന കാമമാണ് കവി വരികളിൽ അടക്കി വെക്കുന്നത്. അടക്കിപ്പിടിച്ച ശൃംഗാരമാണീ വരികളിൽ തുളുമ്പാതെ തുളുമ്പുന്നത്.
തെങ്ങിൻ തോപ്പും കാട്ടുതാറാവുകൾ ഇണകളെ തിരയുന്ന കായൽ തീരങ്ങളും പ്രണയികൾക്ക് കൽപകോദ്യാനങ്ങൾ തന്നെ. വയലാർ അതും എഴുതിയിട്ടുണ്ട്. പക്ഷെ ഇവിടെ അർത്ഥം അതൊന്നുമല്ല. അതിൽ കേരളത്തിലെ അതിവിശിഷ്ടമായ ഒരു സാഹിത്യസൃഷ്ടി നൽകിയ തിളക്കമുണ്ട്. അതിൻ്റെ മുഴുവൻ സത്തയും ഉൾക്കൊള്ളിച്ച് അതിൽ വീണ്ടും പ്രണയത്തിൻ്റെ മാധുരി കോരിനിറച്ച് വയലാറെഴുതിയതാണ് കൽപകോദ്യാനം എന്ന വാക്ക്. ഗായകൻ സുദീപ് കുമാറും സംഗീത സംവിധായകൻ ബിജിബാലും ചേർന്ന് നടത്തുന്ന ഗാനചർച്ചകൾ ശരത് ഒന്ന് ശ്രദ്ധിക്കണം.
എത്ര സുന്ദരമായാണ് ഗായകൻ വരികളെ മനസിലാക്കി പാടുന്നത്. എത്ര ആദരവോടെയാണ് സംഗീതസംവിധായകൻ അവയെ തൊട്ട് കൂടുതൽ ദീപ്തമാക്കുന്നത്. ശരത് ഈണം കൊടുക്കൂ. പക്ഷെ അർത്ഥമറിയാതെ വ്യാഖ്യാനിക്കരുത്. അതും പോരാതെ മുന്നിൽ നിൽക്കുന്ന കൊച്ചുകുട്ടികളെ പരിഹസിക്കരുത്. സുദീപിനെയോ ബിജിബാലിനെയോ പോലെ ഉള്ളവരെ കൂടെ ഇരുത്തി കുട്ടികൾക്ക് അറിവുകൊടുക്കുന്നതാണ് ഉചിതം.
ചിന്തയിൽ ഭാവദീപ്തി ഉള്ളവർക്കെ പാട്ടോ അതിൻ്റെ അർത്ഥാന്തര വ്യാപ്തിയോ പിടികിട്ടൂ. ദേവരാജൻ മാസ്റ്റർ പറഞ്ഞതായി രവി മേനോൻ ഉദ്ധരിച്ച ഒരു കാര്യം ഇവിടെ ഓർമ്മയിൽ നിന്ന് കുറിക്കട്ടെ. അക്ഷരസ്ഫുടതയില്ലായ്മ ക്ഷമിക്കാം. റേഞ്ച് കുറവായാൽ അതും ക്ഷമിക്കാം. പക്ഷെ ഭാവദീപ്തിയില്ലാത്തവരോട് ആ സംഗീത സംവിധായകന് ക്ഷമിക്കാനാവില്ല. നമുക്കും.. എന്നുമായിരുന്നു ശാരദക്കുട്ടിയുടെ കുറിപ്പ്.
by Midhun HP News | Sep 26, 2026 | Latest News, കേരളം
കൊച്ചി: സ്വകാര്യ ബസുകളുടെ മരണപ്പാച്ചിലില്‍ രൂക്ഷവിമര്‍ശനം തുടര്‍ന്ന് ഹൈക്കോടതി. റോഡുകള്‍ മരണക്കെണി ആയിരിക്കുകയാണെന്നും നിയമവാഴ്ച് ഇല്ലാതായെന്നും ജസ്റ്റിസ് ദേവന്‍ രാമചന്ദ്രന്‍ വിമര്‍ശിച്ചു. കൊച്ചി നഗരത്തിലും കണ്ണൂരിലും സ്വകാര്യ ബസുകള്‍ നടത്തിയ മരണപ്പാച്ചിലിന്റെയും അപകടത്തിന്റെയും വീഡിയോ ദൃശ്യങ്ങള്‍ കണ്ട കോടതിയുടെ ഭാഗത്ത് നിന്ന് അതി രൂക്ഷമായ പരാമര്‍ശങ്ങള്‍ ആണ് ഉണ്ടായത്.
സ്വകാര്യ ബസുകാര്‍ക്ക് റോഡില്‍ എന്തും ചെയ്യാമെന്നുള്ള മനോഭാവം ഉണ്ട്. കോടതിയെയും പൊലീസിനെയും നിയമവ്യവസ്ഥയെയും പേടിയില്ലാതെ മദയാനയെപോലെ റോഡില്‍ ജീവനെടുക്കുകയാണെന്നും കോടതി ചൂണ്ടിക്കാണിച്ചു. റോഡുകളുമായി ബന്ധപ്പെട്ട ഹര്‍ജി പരിഗണിക്കവേ, ഇതൊന്നും കാണാതെ അധികൃതര്‍ ഉറങ്ങുകയാണോ എന്നും വിമര്‍ശിച്ചു.
സമയക്രമം പാലിക്കണം എന്ന ന്യായമാണ് സ്വകാര്യ ബസ്സിലുള്ളവര്‍ എപ്പോഴും പറയുന്നത്. മുന്‍പില്‍ പോയ ബസിനെ നടപ്പാതയിലേക്ക് കയറി അതിവേഗത്തില്‍ മറ്റൊരു ബസ് ഓവര്‍ടേക്ക് ചെയ്യുന്ന ദൃശ്യം ചൂണ്ടിക്കാട്ടിയ ഹൈക്കോടതി, ഇനി ഇവരെ വാഹനം ഓടിക്കാന്‍ അനുവദിക്കരുതെന്നും അഭിപ്രായപ്പെട്ടു.
ബസ്സുകള്‍ തമ്മിലുള്ള മത്സരയോട്ടമാണ് പ്രധാന പ്രശ്‌നം. യുദ്ധസമാനമായ രീതിയിലാണ് ഓട്ടം. കാല്‍നടയാത്രക്കാരന്‍ തലനാരിഴയ്ക്കു രക്ഷപ്പെട്ടത് ഈശ്വരാനുഗ്രഹം കൊണ്ടുമാത്രമാണ്. സംസ്ഥാനത്ത് ട്രാഫിക് പൊലീസ് നിഷ്‌ക്രിയമാണ്. കോടതിയില്‍ നിന്ന് ശക്തമായ നിര്‍ദേശങ്ങള്‍ മുന്‍പും ഉണ്ടായിട്ടുണ്ട്. എന്നിട്ടും ഇത്തരം സംഭവങ്ങള്‍ ആവര്‍ത്തിക്കപ്പെടുകയാണ്.
സ്വകാര്യ ബസുകള്‍ എല്ലാം മോശമാണെന്ന അഭിപ്രായം കോടതിക്ക് ഇല്ല. കണ്ണൂരില്‍ സ്‌കൂള്‍ വിദ്യാര്‍ത്ഥികളുടെ ദേഹത്തുകൂടെ വാഹനം ഓടിക്കാന്‍ ശ്രമിച്ചപ്പോള്‍ പിറകെ വന്ന ബസിലുള്ളവര്‍ കുട്ടികളുടെ സഹായത്തിന് ഓടി വന്നതും നാം കണ്ടതാണ്. വളരെ നല്ലവരും ഇക്കൂട്ടത്തില്‍ ഉണ്ട്. അനാവശ്യമായി ഓവര്‍ടേക്ക് ചെയ്യരുതെന്നും ഇടതുവശത്ത് വേഗത കുറഞ്ഞ ലൈനിലൂടെ പോകണമെന്നും നിര്‍ദേശം ഉണ്ട്. ഇതൊന്നും പലരും പാലിക്കുന്നില്ല.
പ്ലസ്ടൂ ക്ലാസുകളില്‍ ട്രാഫിക് നിയമങ്ങള്‍ പാഠ്യപദ്ധതിയുടെ ഭാഗമാക്കണം. ട്രാഫിക് നിയമങ്ങള്‍ പാലിക്കാത്ത ബസ്സുകള്‍ക്കെതിരെ ശക്തമായ നടപടി ഉണ്ടാകും. നടപടി എടുക്കുമ്പോള്‍ പണി മുടക്കും എന്ന നിലപാടാണെങ്കില്‍ അത് അനുവദിക്കാന്‍ കഴിയില്ല. പള്ളിമുക്കില്‍ സഹോദരന്‍ അയ്യപ്പന്‍ റോഡിന് സമീപത്തെ ട്രാഫിക് ലൈറ്റ് മരക്കൊമ്പുകൊണ്ട് മറഞ്ഞിരിക്കുകയാണ്. എത്രയും പെട്ടെന്ന് വെട്ടിമാറ്റി യാത്രസുഖമമാക്കണമെന്നും കോടതി നിര്‍ദേശിച്ചു.
by Midhun HP News | Sep 26, 2026 | Latest News, കേരളം
തിരുവനന്തപുരം: ഒന്നാം സമ്മാനമായി 30 കോടി രൂപ നല്‍കുന്ന തിരുവോണം ബംപര്‍ ലോട്ടറി ഫലം പ്രഖ്യാപിച്ചു. TL 360615 എന്ന നമ്പറിലുള്ള ടിക്കറ്റിന്റെ ഉടമയാണ് 30 കോടിയുടെ ഭാഗ്യശാലി. കണ്ണൂരിലെ ചക്കരക്കല്ലിലെ മുത്തു ലോട്ടറി ഏജന്‍സിയില്‍ വിറ്റ ടിക്കറ്റിനാണ് ഒന്നാം സമ്മാനം. സമ്മാനം ലഭിച്ചത് ആര്‍ക്കാണെന്ന് പരിശോധിക്കുകയാണെന്ന് ഹോള്‍ സെയില്‍ ഏജന്റ് ആയ മുത്തു ഏജന്‍സി പറഞ്ഞു. മുന്‍പും ഈ ഏജന്‍സി വിറ്റ ടിക്കറ്റിന് നിരവധി സമ്മാനങ്ങള്‍ അടിച്ചിട്ടുണ്ട്. മുന്‍പ് ക്രിസ്മസ് ബംപറടിച്ചതും മുത്തു ഏജന്‍സിയിലാണ്.
മുത്തു ഏജന്‍സിയില്‍ നിന്ന് തമ്പുരാന്‍ ലോട്ടറി ഏജന്‍സിയിലെ വത്സരാജ് വാങ്ങി തളിപ്പറമ്പ് ബസ് സ്റ്റാന്‍ഡില്‍ വിറ്റ ടിക്കറ്റിനാണ് ഒന്നാം സമ്മാനം. ഇന്ന് ഉച്ചക്കഴിഞ്ഞ് രണ്ടുമണിക്കായിരുന്നു നറുക്കെടുപ്പ്. ആരോഗ്യമന്ത്രി കെ മുരളീധരനാണ് നറുക്കെടുപ്പ് നടത്തിയത്. ഇന്ന് ഉച്ചയ്ക്ക് രണ്ടുമണിക്കാണ് നറുക്കെടുപ്പ് ഫലം പ്രഖ്യാപിച്ചത്.
Consolation Prize Rs.5,00,000/-
TA 360615
TB 360615
TC 360615
TD 360615
TE 360615
TG 360615
TH 360615
TJ 360615
TK 360615
2nd Prize Rs.1,00,00,000/- [Rs.1 Crore]
TA 957486
TB 642974
TC 810428
TD 305900
TE 328611
TG 805847
TH 902375
TJ 150990
TK 375661
TL 888018
TA 300530
TB 439962
TC 952340
TD 279706
TE 970611
TG 355002
TH 192282
TJ 978616
TK 976006
TK 976006
3rd Prize Rs.25,00,000/- [25 Lakh]
TA 190509
TB 342811
TC 790518
TD 391100
TE 574804
TG 132958
TH 190728
TJ 857456
TK 117233
TL 214267
TA 398143
TB 884286
TC 429837
TD 539041
TE 683330
TG 971190
TH 838226
TJ 484920
TK 540538
TL 340163
4th Prize Rs.5,00,000/- [5 Lakhs]
TA 369775
TB 558547
TC 278059
TD 905827
TE 594498
TG 136478
TH 410444
TJ 308307
TK 757590
TL 206074
5th Prize Rs.2,00,000/- [2 Lakhs]
TA 848952
TB 111460
TC 595357
TD 339006
TE 708462
TG 120016
TH 856481
TJ 184151
TK 826615
TL 914962
6th Prize Rs.5,000/-
0178 0239 0306 0422 0785 0870 1511 1546 1553 1697 1715 1855 1887 2078 2229 2611 2702 2808 3009 3018 3367 3452 3596 3671 4151 4272 4340 4354 4417 4432 4441 4801 5229 5307 5365 5375 5486 5592 5633 6012 6236 6294 6577 6673 7209 7223 7343 7400 7413 7547 7975 7977 8093 8313 8397 8519 8582 8611 9405 9419
അച്ചടിച്ച 90 ലക്ഷം ടിക്കറ്റുകളും വിറ്റുതീര്‍ന്നിരുന്നു. 450 കോടിയാണ് ടിക്കറ്റ് വില്‍പന വഴി സര്‍ക്കാരിനു ലഭിച്ചതെങ്കിലും സമ്മാനം, ജിഎസ്ടി, അച്ചടി തുടങ്ങിയവയ്ക്ക് തുക ചെലവാകും. ഒന്നാം സമ്മാനം ലഭിക്കുന്ന വ്യക്തിക്ക് നികുതിയും ഏജന്റ് കമ്മിഷനും എല്ലാം കഴിഞ്ഞ് 16.47 കോടി രൂപയാണ് അക്കൗണ്ടിലെത്തുക.
by Midhun HP News | Sep 26, 2026 | Latest News, കേരളം
കൊച്ചി: കേരള ഹൈക്കോടതി വളപ്പില്‍ ഫോട്ടോ എടുക്കുന്നതിനും, വിഡിയോ റെക്കോര്‍ഡിംഗിനും ലൈവ് സ്ട്രീമിംഗിനും പൂര്‍ണ നിരോധനം ഏര്‍പ്പെടുത്തി ഏര്‍പ്പെടുത്തി മാര്‍ഗനിര്‍ദേശം പുറപ്പെടുവിച്ചു. രജിസ്ട്രാര്‍ ജനറലാണ് ഉത്തരവ് പുറപ്പെടുവിച്ചത്.
അഭിഭാഷകര്‍, കക്ഷികള്‍, ഇന്റേണ്‍സ്, അഭിഭാഷകരുടെ ക്ലര്‍ക്കുമാര്‍, രജിസ്ട്രി ഉദ്യോഗസ്ഥര്‍, സര്‍ക്കാര്‍ ഉദ്യോഗസ്ഥര്‍, മാധ്യമ പ്രവര്‍ത്തകര്‍, കരാറുകാര്‍, സന്ദര്‍ശകര്‍ തുടങ്ങി ഹൈക്കോടതിവളപ്പില്‍ പ്രവേശിക്കുന്നവര്‍ക്കെല്ലാം നിയന്ത്രണം ബാധകമാണെന്ന് ഉത്തരവില്‍ പറയുന്നു.
കോടതി ഹാളുകള്‍കത്തും ജഡ്ജിമാരുടെ ചേംബറിലും രജിസ്ട്രി ഓഫിസുകള്‍, സെക്ഷനുകള്‍, റെക്കോര്‍ഡ് റൂമുകള്‍, സെക്യൂരിറ്റി കണ്‍ട്രോള്‍ റൂമുകള്‍, സെര്‍വര്‍ റൂമുകള്‍ എന്നിവിടങ്ങളിലും ഔദ്യോഗിക ആവശ്യത്തിനല്ലാതെ ഫോട്ടോയോ, വിഡിയോയോ എടുക്കാന്‍ പാടില്ല. ഔദ്യോഗിക ആവശ്യത്തിനുള്ള ഫോട്ടോയും വിഡിയോയും രജിസ്ട്രി അധികാരപ്പെടുത്തുന്ന വ്യക്തികള്‍ക്കോ ഏജന്‍സികള്‍ക്കോ മാത്രമേ എടുക്കാന്‍ അനുവാദമുണ്ടാവുകയുള്ളൂ.രജിസ്ട്രാര്‍ ജനറലിന്റെ അനുമതിയില്ലാതെ അവ പുറത്തുവിടാനും പാടില്ല.
കോടതി വളപ്പില്‍നിന്നെടുത്ത ഫോട്ടോയോ വിഡിയോയോ ലൈവ് സ്ട്രീമോ രജിസ്ട്രാര്‍ ജനറലിന്റെ അനുമതിയില്ലാതെ സമൂഹമാധ്യമങ്ങളിലോ ഡിജിറ്റല്‍, ഇലക്ട്രോണിക് മീഡിയയിലോ അപ്ലോഡ് ചെയ്യാനോ പ്രസിദ്ധീകരിക്കാനോ പ്രചരിപ്പിക്കാനോ പാടില്ല. രജിസ്ട്രാര്‍ ജനറലിന്റെ പ്രത്യേക അനുമതിയോടെ മാത്രമേ ഔദ്യോഗിക ചടങ്ങുകളടക്കം പരിപാടികള്‍ മാധ്യമങ്ങള്‍ക്ക് കവര്‍ ചെയ്യാനാകൂ.
കോടതിനടപടികളുടെ ഫോട്ടോയെടുക്കാനും വിഡിയോ റിക്കാര്‍ഡ് ചെയ്യാനും ലൈവ് ചെയ്യാനും ചീഫ് ജസ്റ്റീസിന്റെ അനുമതി വേണം. ഓഡിറ്റോറിയം, ബാങ്ക്വറ്റ് ഹാള്‍, ആട്രിയം തുടങ്ങി സ്ഥലങ്ങളില്‍ പരിപാടികള്‍ നടത്തുമ്പോഴാണ് അനുമതിയോടെ ഫോട്ടോയെടുക്കാനും മറ്റും സാധ്യമാകുക. അനധികൃത ഫോട്ടോയെടുപ്പ് തടയാന്‍ രജിസ്ട്രി ഉദ്യോഗസ്ഥര്‍ക്കും സെക്യൂരിറ്റി വിഭാഗത്തിനും അധികാരമുണ്ടായിരിക്കുമെന്നും ഉത്തരവില്‍ പറയുന്നു.
Recent Comments