by Midhun HP News | Aug 21, 2025 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ കാരുണ്യ പ്ലസ് ലോട്ടറി ഫലം പ്രഖ്യാപിച്ചു.PS 763057 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ PT 354012 എന്ന നമ്പറിലുള്ള ടിക്കറ്റിനാണ്. PU 475795 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. ടിക്കറ്റ് വില 50 രൂപയാണ്. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize ₹5,000/-
(Remaining all series)
PN 763057
PO 763057
PP 763057
PR 763057
PT 763057
PU 763057
PV 763057
PW 763057
PX 763057
PY 763057
PZ 763057
ലോട്ടറിയുടെ സമ്മാനം 5000 രൂപയില് താഴെയാണെങ്കില് കേരളത്തിലുള്ള ഏത് ലോട്ടറിക്കടയില് നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കില് ടിക്കറ്റും ഐഡി പ്രൂഫും സര്ക്കാര് ലോട്ടറി ഓഫീസിലോ ബാങ്കിലോ ഏല്പിക്കണം. വിജയികള് സര്ക്കാര് ഗസറ്റില് പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാര്ഹമായ ലോട്ടറി ടിക്കറ്റ് സമര്പ്പിക്കേണ്ടതുമുണ്ട്.
by Midhun HP News | Aug 21, 2025 | Latest News, കേരളം
തിരുവനന്തപുരം: പത്തുവര്ഷം പൂര്ത്തിയായ എല്ലാ ബാങ്ക് അക്കൗണ്ടുകള്ക്കും നിര്ബന്ധമായും കെവൈസി പുതുക്കണമെന്നും അല്ലാത്തപക്ഷം പണം പിന്വലിക്കലടക്കം ബാങ്കിങ് സേവനങ്ങള് തടസ്സപ്പെടുമെന്നും സംസ്ഥാനതല ബാങ്കേഴ്സ് സമിതി (എസ്എല്ബിസി) കണ്വീനര് കെ.എസ്. പ്രദീപ് പറഞ്ഞു. കേരളത്തില് 57 ലക്ഷം അക്കൗണ്ടുകളാണ് കെവൈസി കാലാവധി കഴിഞ്ഞവയായുള്ളത്.
കെവൈസി പുതുക്കാത്തതിന്റെപേരില് ഇതിനകംതന്നെ ബാങ്കിങ് സേവനങ്ങള് തടസ്സപ്പെട്ടുതുടങ്ങിയിട്ടുണ്ട്. 2014-15 കാലയളവില് വിവിധ സബ്സിഡികള്ക്കും മറ്റ് ആനുകൂല്യങ്ങള്ക്കുമായി സീറോ ബാലന്സ് സ്വഭാവത്തില് എടുത്ത പ്രധാനമന്ത്രി ജന്ധന് യോജന അക്കൗണ്ടുകളാണ് കെവൈസി പുതുക്കലില് പിന്നിലുള്ളത്.
നടപടികള് പൂര്ത്തിയാക്കിയില്ലെങ്കില് സബ്സിഡിത്തുകയടക്കം പിന്വലിക്കാനാകാത്ത സാഹചര്യമുണ്ടാകും. ചെക്കുകളുള്ള അക്കൗണ്ടുകളില് ചെക്ക് മടങ്ങാനും ഇടയാകും. ഫോട്ടോ, ആധാര് കാര്ഡ്, പാന് കാര്ഡ് എന്നിവ നല്കിയാണ് കെവൈസി പുതുക്കേണ്ടത്.
by Midhun HP News | Aug 21, 2025 | Latest News, കേരളം
മനുഷ്യ-വന്യജീവി സംഘർഷം തടയാനുള്ള നയസമീപന രേഖയുടെ കരട് പ്രസിദ്ധീകരിച്ച് വനംവകുപ്പ്. മനുഷ്യ-വന്യജിവി സംഘർഷം ലഘൂകരിക്കാൻ ഒരുവർഷത്തെ തീവ്രയത്ന പരിപാടിയാണ് ലക്ഷ്യമിടുന്നത്.
ഇതിന്റെ ഉദ്ഘാടനം 31-ന് കോഴിക്കോട്ട് മുഖ്യമന്ത്രി പിണറായി വിജയൻ നിർവഹിക്കും. ‘കൃഷി പുനരുജ്ജീവനവും മനുഷ്യ-വന്യജീവി സംഘർഷ ലഘൂകരണവും മിഷൻ’ എന്നാണ് പരിപാടിയുടെ പേര്.
ഇതിന്റെ ഭാഗമായി നാട്ടിലെ മുഴുവൻ കാട്ടുപന്നികളെയും പൂർണമായി ഉന്മൂലനംചെയ്യും. ഇതിനായി ഒരുവർഷം നീണ്ടുനില്ക്കുന്ന ജനകീയപരിപാടി നയത്തില് പ്രഖ്യാപിച്ചു. കാട്ടുപന്നികള് താവളമാക്കിയ കാടുകള് തൊഴിലുറപ്പ് പദ്ധതിയില് വെളുപ്പിക്കും. നാട്ടിലിറങ്ങുന്ന കാട്ടുപന്നികളെ കൊല്ലാൻ ചീഫ് വൈല്ഡ് വാർഡനുള്ള അധികാരം വിനിയോഗിച്ചാണ് കൊന്നൊടുക്കല്. യുവജന ക്ലബ്ബുകള്, കർഷകക്കൂട്ടായ്മകള്, കർഷകത്തൊഴിലാളികള്, റബ്ബർ ടാപ്പർമാർ, തൊഴിലുറപ്പ് തൊഴിലാളികള്, ഷൂട്ടർമാർ, വനംവകുപ്പ് ഉദ്യോഗസ്ഥർ, വനസംരക്ഷണ സമിതികള് എന്നിവയുടെ കൂട്ടായ പ്രവർത്തനത്തിലൂടെയാവും ഇത് നടപ്പാക്കുക. തദ്ദേശഭരണ സ്ഥാപനങ്ങള് നേതൃത്വം നല്കും.
തൊഴിലുറപ്പു പദ്ധതിയില് കിടങ്ങുകള് കുഴിച്ചും പന്നികളെ പിടികൂടും. ഇവയെ എങ്ങനെ കൊല്ലാമെന്ന് നിയമസാധുത വിലയിരുത്തി തീരുമാനിക്കും. ഇപ്പോള് വെടിവെച്ചുകൊല്ലാനാണ് അനുമതി. കാട്ടുപന്നികളെ വെടിവെച്ചുകൊല്ലാനുള്ള നടപടിക്രമങ്ങളും പരിഷ്കരിക്കും.
അഭിപ്രായം അറിയിക്കാം
വനംവകുപ്പിന്റെ വെബ്സൈറ്റില് പ്രസിദ്ധീകരിച്ച കരടിനെപ്പറ്റി 27 വരെ അഭിപ്രായങ്ങള് അറിയിക്കാം. അക്രമകാരികളായ വന്യജീവികളെ നേരിടാൻ സംസ്ഥാനങ്ങള്ക്ക് കൂടുതല് അധികാരം നേടിയെടുക്കും. കാനനപാതയോരത്ത് വന്യജീവികളെ ഉപദ്രവിക്കുന്നതും അവയെ ആകർഷിക്കാൻ നടത്തുന്ന ശ്രമങ്ങളും നിരീക്ഷിക്കാൻ സംവിധാനംവരും.
വന്യജീവികള് കാരണമുള്ള മനുഷ്യമരണങ്ങള് കുറഞ്ഞുവരുന്നതായും നയരേഖ വ്യക്തമാക്കുന്നു.
പാമ്ബുകടിയേറ്റുള്ള മരണങ്ങള് ഇല്ലാതാക്കുക, നഷ്ടപരിഹാരത്തിന് ഗ്രൂപ്പ് ഇൻഷുറൻസ്, സൗരവേലികള് സ്മാർട്ട് ആക്കുക തുടങ്ങിയവയാണ് നയരേഖ മുന്നോട്ടുവെക്കുന്ന മറ്റ് പരിപാടികള്.
by Midhun HP News | Aug 21, 2025 | Latest News, കേരളം
കണ്ണൂര്: ഭര്ത്യമതിയായ യുവതിയെ വീട്ടില് കയറി പെട്രോള് ഒഴിച്ചു തീ കൊളുത്തി കൊന്ന ഇരിക്കൂര് പെരുവളത്ത്പറമ്പ് കുട്ടാവ് സ്വദേശി ജിജേഷിനെ (35) തിരെ പൊലീസ് കൊലക്കുറ്റത്തിന് കേസെടുത്തു. കുറ്റിയാട്ടൂര് ഉരുവച്ചാല് കാരപ്പുറത്തെ വീട്ടില് ഒ വി അജീഷിന്റെ ഭാര്യ പ്രവീണയുടെ മരണത്തിലാണ് നടപടി. പ്രവീണയെ ആക്രമിക്കുന്നതിനിടെ ഗുരുതരമായി പരിക്കേറ്റ ജിജേഷ് നിലവില് കണ്ണൂര് മെഡിക്കല് കോളേജാശുപത്രിയില് ചികിത്സയിലാണ്.
കുറ്റിയാട്ടൂര് ഉരുവച്ചാല് കാരപ്പുറത്തെ വീട്ടില് ഒ.വി അജീഷിന്റെ ഭാര്യ പ്രവീണയും (39) ജിജേഷും തമ്മില് നേരത്തെ പരിചയമുണ്ടായിരുന്നു. ഇവര് ഫോണ് മുഖെനെയും സോഷ്യല് മീഡിയ വഴിയും അടുത്ത സൗഹൃദമുണ്ടെന്നുമാണ് പൊലിസ് അന്വേഷണത്തില് ലഭിച്ച പ്രാഥമിക വിവരം. ഇതേതുടര്ന്നുള്ള പ്രശ്നങ്ങളാണ് ആക്രമണത്തില് കലാശിച്ചത് എന്നാണ് നിഗമനം.
ബുധനാഴ്ച ഉച്ചയ്ക്ക് രണ്ടു മണിയോടെ അജീഷിന്റെ വാടക വീട്ടിലേക്ക് കയറി വന്ന ജിജേഷ് വെള്ളം ചോദിച്ചു വീട്ടില് കയറിയ ഉടനെ പ്രവീണയുടെ ദേഹത്ത് പെട്രോള് ഒഴിച്ചു തീ കൊളുത്തുകയായിരുന്നു. 50 ശതമാനം പൊള്ളലേറ്റ ജിജേഷ് കമിഴ്ന്ന് കിടന്നും അതിലേറെ പൊള്ളലേറ്റ പ്രവീണ ഇരിക്കുന്ന നിലയിലുമായിരുന്നു. സംഭവ സമയത്ത് അജീഷിന്റെ പിതാവും സഹോദരിയുടെ മകളും വീട്ടിലുണ്ടായിരുന്നു. ഇവര് ബഹളം വെച്ചതോടെ നാട്ടുകാരും പിന്നാലെ പൊലിസുമെത്തിയാണ് ഇരുവരെയും പരിയാരത്തെ കണ്ണൂര് മെഡിക്കല് കോളേജ് ആശുപത്രിയിലെ അതി തീവ്ര പരിചരണ വിഭാഗത്തില് പ്രവേശിപ്പിച്ചത്.
അതിതീവ്ര പരിചരണ വിഭാഗത്തില് ചികിത്സയിലായിരുന്ന പ്രവീണ വ്യാഴാഴ്ച്ച പുലര്ച്ചെയാണ് മരണമടയുന്നത്. സംഭവത്തില് ജിജേഷിനെതിരെ കൊലക്കുറ്റത്തിന് കേസെടുത്തിട്ടുണ്ട്. കണ്ണൂര് എ സി പി പ്രദീപന് കണ്ണി പൊയിലിന്റെ നേതൃത്വത്തിലാണ് കേസ് അന്വേഷണം നടത്തുന്നത്.
by Midhun HP News | Aug 21, 2025 | Latest News, കേരളം
മലപ്പുറം:യുവതിയെ വിവാഹ വാഗ്ദാനം നല്കി പീഡിപ്പിച്ചെന്ന കേസില് കോണ്ഗ്രസ് നേതാവ് അറസ്റ്റില്. പള്ളിക്കല് മണ്ഡലം കോണ്ഗ്രസ് കമ്മിറ്റി പ്രസിഡന്റും പഞ്ചായത്ത് ഭരണസമിതി അംഗവുമായ കരിപ്പൂര് വളപ്പില് വീട്ടില് മുഹമ്മദ് അബ്ദുല് ജമാലിനെയാണ് (35) തേഞ്ഞിപ്പാലം പൊലീസ് അറസ്റ്റ് ചെയ്തത്. യുവതിയെ വിവാഹ വാഗ്ദാനം നല്കി കാക്കഞ്ചേരിയിലെത്തിച്ച് പീഡിപ്പിച്ചെന്നാണ് കേസ്.
തിങ്കളാഴ്ചയാണ് യുവതി പൊലീസില് പരാതി നല്കിയത്. തുടര്ന്നാണ് അറസ്റ്റ് ചെയ്തത്. ജമാല് പഞ്ചായത്ത് അംഗത്വം സ്വയം രാജിവയ്ക്കണമെന്നും തയ്യാറായില്ലെങ്കില് പഞ്ചായത്ത് പ്രസിഡന്റോ പഞ്ചായത്ത് ഡയറക്ടറോ അദ്ദേഹത്തെ പുറത്താക്കണമെന്നും സിപിഎം ആവശ്യപ്പെട്ടു. എന്നാല്, ലഹരി മാഫിയയ്ക്കെതിരെ നിലപാട് സ്വീകരിച്ചതിന്റെ പേരിലാണ് ജമാലിനെ കേസില് കുരുക്കി വേട്ടയാടുന്നതെന്നും രാഷ്ട്രീയമായും നിയമപരമായും നേരിടുമെന്നും കോണ്ഗ്രസ് ആരോപിക്കുന്നു.
by Midhun HP News | Aug 21, 2025 | Latest News, കേരളം
തിരുവനന്തപുരം: പുത്തന് ബസുകളുമായി നിരത്ത് കീഴടക്കാന് ഒരുങ്ങുന്ന കെഎസ്ആര്ടിസിയുടെ 143 ബസുകളുടെ ഫ്ലാഗ് ഓഫ് മുഖ്യമന്ത്രി പിണറായി വിജയന് ഇന്ന് നിര്വഹിക്കും. വൈകീട്ട് 5.30ന് ആനയറ സ്വിഫ്റ്റ് ആസ്ഥാനത്ത് ആണ് ചടങ്ങ്. കെഎസ്ആര്ടിസിയിലെ സമ്പൂര്ണ ഡിജിറ്റലൈസേഷന്റെ ഉദ്ഘാടനവും നടക്കും. ബിഎസ് 6 വിഭാഗത്തിലുള്ളതാണ് ബസുകള്.
ഫാസ്റ്റ്, സൂപ്പര്ഫാസ്റ്റ്, ലിങ്ക്,വോള്വോ, എസി സീറ്റര് കം സ്ലീപ്പര്, എസി സ്ലീപ്പര്, എസി സീറ്റര്, മിനി ബസ് എന്നീ വിഭാഗത്തിലാണ് പുതിയ ബസുകള്. വോള്വോയില് സഞ്ചരിക്കാന് നടന് മോഹന്ലാലും എത്തും. ജില്ലകളെ തമ്മില് ബന്ധിപ്പിച്ചായിരിക്കും പുതിയ ലിങ്ക് സര്വീസുകള്. ദേശീയപതാകയുടെ കളര് തീമില് ഒരുക്കിയ ബോഡിയില് കഥകളി ചിത്രം ആലേഖനം ചെയ്താണ് സീറ്റര് കം സ്ലീപ്പര്, സ്ലീപ്പര് ബസ്. പുഷ്ബാക്ക് സംവിധാനത്തിനൊപ്പം ഇരുനിറത്തിലുള്ള ലെതര് സീറ്റുകളാണ്. ഓരോ സീറ്റിലും ചാര്ജര്, ഹാന്ഡ് റെസ്റ്റ്, ഫുട്ട് റെസ്റ്റ് എന്നിവയുമുണ്ട്.
സ്ലീപ്പര് ബസിലെ ബെര്ത്തില് എസി വെന്റ്, റീഡിങ് ലൈറ്റ്, മൊബൈല് ഹോള്ഡര്, പ്ലഗ് പോയിന്റ്, ബോട്ടില് ഹോള്ഡര്, ലഗേജ് വയ്ക്കാനുള്ള സ്ഥലം, കര്ട്ടന് എന്നിവയുണ്ട്. ഫാസ്റ്റ് പാസഞ്ചര് ലിങ്ക് ബസിനും വ്യത്യസ്ത നിറമാണ്. എല്ലാബസിലും വൈഫൈ കണക്ഷന് നല്കാവുന്ന ടിവിയും പുറത്തും അകത്തും കാമറകളുമുണ്ടാകും. ഫ്ലാഗ്ഓഫ് ചടങ്ങില് മന്ത്രിമാരും ജനപ്രതിനിധികളും പങ്കെടുക്കും.
Recent Comments