ആറ്റിങ്ങൽ ഡയറ്റ് പ്രീ പ്രൈമറി കുട്ടികൾക്ക് വേണ്ടി പൂർവവിദ്യാർഥി കൂട്ടായ്മയായ ബി ടി എസ് കിഡ്സ് 1982, അൻപതു കസേരകൾ സ്കൂൾ കലോത്സവ സമാപന വേദിയിൽ വെച്ചു കൈമാറി. ഈ വർഷം ജൂൺ മാസത്തിൽ ഒന്നാം ക്ലാസ്സിനു വേണ്ടി 100 കസേരകൾ നൽകിയിരുന്നു.
തൃശൂർ: മുളങ്കുന്നത്തുകാവ് തൃശൂർ ഗവൺമെന്റ് മെഡിക്കൽ കോളജ് ആശുപത്രിയിൽ ഉണ്ടായ വൻ വൈദ്യുതി തടസ്സത്തെത്തുടർന്ന് മുൻകൂട്ടി നിശ്ചയിച്ച ശസ്ത്രക്രിയകളും ഒപി സേവനങ്ങളും നിർത്തിവെച്ചു. വ്യാഴാഴ്ച രാത്രി പത്ത് മണിയോടെ തുടങ്ങിയ നേരിയ തടസ്സങ്ങൾ വെള്ളിയാഴ്ച രാവിലെ ഏഴരയോടെ സമ്പൂർണ്ണ വൈദ്യുത മുടക്കത്തിലേക്ക് വഴിമാറുകയായിരുന്നു. ഇതോടെ ആശുപത്രിയുടെ ദൈനംദിന പ്രവർത്തനങ്ങൾ താറുമാറാവുകയും ശസ്ത്രക്രിയകൾക്കായി എത്തിച്ചേർന്നവരുൾപ്പെടെ നൂറുകണക്കിന് രോഗികൾ ദുരിതത്തിലാവുകയും ചെയ്തു.
ആശുപത്രിയിലേക്ക് കെഎസ്ഇബിയിൽനിന്നുള്ള വൈദ്യുതി വിതരണം തടസ്സമില്ലാതെ എത്തുന്നുണ്ടെങ്കിലും മെഡിക്കൽ കോളജിന് അകത്തെ വയറിങ്ങിലും മെയിൻ സ്വിച്ച് പാനലിലുമുണ്ടായ തകരാറാണ് പ്രതിസന്ധിക്ക് സൂപ്രണ്ട് ഡോ. ജെ. ലിജോ അറിയിച്ചു. വൈദ്യുതി ബന്ധം വിച്ഛേദിക്കപ്പെട്ടതോടെ ആശുപത്രിയിലെ കാത്ത് ലാബ്, ശീതീകരണ സംവിധാനമായ ചില്ലർ പ്ലാന്റ്, ഓഡിയോളജി വിഭാഗത്തിലെ കേൾവി പരിശോധനകൾ, വിവിധ ഒപി വിഭാഗങ്ങൾ എന്നിവയുടെ പ്രവർത്തനം പൂർണ്ണമായും തടസ്സപ്പെട്ടു. അത്യാഹിത വിഭാഗത്തിൽ എത്തുന്ന അടിയന്തര സ്വഭാവമുള്ള ശസ്ത്രക്രിയകൾ മാത്രമാണ് നിലവിൽ നടത്തുന്നത്.
ദിവസേന ശരാശരി 24-ലധികം ശസ്ത്രക്രിയകൾ വിജയകരമായി നടക്കുന്ന വലിയ ആശുപത്രിയാണിത്. സാഹചര്യം രൂക്ഷമായതോടെ വിവിധ വിഭാഗം മേധാവിമാരുമായി ചർച്ച നടത്തിയാണ് മുൻകൂട്ടി നിശ്ചയിച്ചിരുന്ന ശസ്ത്രക്രിയകൾ താൽക്കാലികമായി മാറ്റിവെക്കാൻ തീരുമാനിച്ചതെന്ന് അധികൃതർ വ്യക്തമാക്കി. നിലവിൽ ജീവൻരക്ഷാ ഉപകരണങ്ങളും അത്യാഹിത വിഭാഗങ്ങളും ജനറേറ്റർ സഹായത്തോടെയാണ് ഭാഗികമായി പ്രവർത്തിപ്പിക്കുന്നത്.
തൃശൂരിന് പുറമെ പാലക്കാട്, മലപ്പുറം ജില്ലകളിൽനിന്നുള്ള സാധാരണക്കാരായ ആയിരക്കണക്കിന് രോഗികളാണ് മികച്ച ചികിത്സയ്ക്കായി ദിവസേന ഈ റഫറൽ മെഡിക്കൽ കോളജിനെ ആശ്രയിക്കുന്നത്. ഒപിയും ലാബ് പരിശോധനകളും മുടങ്ങിയതോടെ ദൂരസ്ഥലങ്ങളിൽനിന്നും അതിരാവിലെ എത്തിയ രോഗികളും കൂട്ടിരിപ്പുകാരും ദുരിതത്തിലായി. തകരാർ വേഗത്തിൽ പരിഹരിക്കാനുള്ള യുദ്ധകാലാടിസ്ഥാനത്തിലുള്ള ശ്രമങ്ങൾ ആശുപത്രിയിലെ എൻജിനീയറിങ് വിഭാഗം തുടരുകയാണെന്നും ഉച്ചയോടെ വൈദ്യുതി വിതരണം പൂർവ്വസ്ഥിതിയിലാക്കാൻ കഴിയുമെന്നാണ് പ്രതീക്ഷയെന്നും സൂപ്രണ്ട് അറിയിച്ചു.
കൊച്ചി: അനിശ്ചിതത്വങ്ങള്‍ക്കൊടുവില്‍ മഞ്ഞപ്പടയ്ക്ക് പുതിയ ഉടമകള്‍ വരുന്നു. ദുബായ് ആസ്ഥാനമായി പ്രവര്‍ത്തിക്കുന്ന കണ്‍സോര്‍ഷ്യമാണ് കേരള ബ്ലാസ്റ്റേഴ്സിന്റെ പുതിയ മാനേജ്‌മെന്റ് എന്നാണ് റിപ്പോര്‍ട്ട്. തിങ്കളാഴ്ചയ്ക്കുള്ളില്‍ ഇതു സംബന്ധിച്ച പ്രഖ്യാപനം ഉണ്ടായേക്കും.
കണ്‍സോര്‍ഷ്യത്തില്‍ മലയാളികള്‍ ഭാഗമല്ലെന്നാണ് സൂചന. മാനേജ്‌മെന്റ് കൈമാറ്റത്തിന്റെ പേപ്പര്‍ വര്‍ക്കുകള്‍ അവസാനഘട്ടത്തിലാണെന്നാണ് റിപ്പോര്‍ട്ടുകള്‍. ബ്ലാസ്റ്റേഴ്സ് കൊച്ചി വിടുമെന്നും, കോഴിക്കോടോ, മലപ്പുറമോ ഹോം ഗ്രൗണ്ടായി സ്വീകരിക്കും തുടങ്ങിയ വാര്‍ത്തകളും പ്രചരിച്ചിരുന്നു.
എന്നാല്‍ ഈ സീസണിലും കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ തന്നെ ബ്ലാസ്റ്റേഴ്സ് കളിക്കാനാണ് പുതിയ ഉടമകളും തീരുമാനിച്ചതെന്നാണ് വിവരം. ഒക്ടോബര്‍ പത്താം തീയതിയാണ് ഇക്കൊല്ലത്തെ ഐഎസ്എല്‍ സീസണ്‍ ആരംഭിക്കുന്നത്. മറ്റു ടീമുകളെല്ലാം ഐഎസ്എല്‍ സീസണിനുള്ള മുന്നൊരുക്കങ്ങള്‍ അന്തിമഘട്ടത്തിലാണ്.
ബ്ലാസ്റ്റേഴ്‌സിനായി ഈ സീസണില്‍ കളിക്കേണ്ട താരങ്ങള്‍ സംബന്ധിച്ച് പുതിയ മാനേജ്‌മെന്റിനുള്ളില്‍ ധാരണയായതായി റിപ്പോര്‍ട്ടുണ്ട്. പല താരങ്ങളുമായും മാനേജ്‌മെന്റ് ബന്ധപ്പെട്ടിട്ടുണ്ട്. അഡ്രിയാന്‍ ലൂണയും ടീമില്‍ ഉണ്ടായേക്കുമെന്നാണ് സൂചന. ക്ലബ് ഉടമകള്‍ സംബന്ധിച്ച് ഔദ്യോഗിക പ്രഖ്യാപനം ഉണ്ടാകുന്നതിന് പിന്നാലെ തന്നെ, ടീമിന്റെ പരിശീലനവും ആരംഭിച്ചേക്കും.
കേരള ബ്ലാസ്റ്റേഴ്സിന് പുതിയ നേരത്തെ ഹൈദരാബാദ് അസ്ഥാനമായി പ്രവർത്തിച്ചിരുന്ന നിംഗ്ഗാഡ ഗ്രൂപ്പിൻ്റെ മാഗ്നം സ്പോർട്സായിരുന്നു കേരള ബ്ലാസ്റ്റേഴ്സിൻ്റെ ഉടമസ്ഥവകാശം നേടിയിരുന്നത്. കഴിഞ്ഞ സീസണിൽ സാമ്പത്തികമായി വലിയ പ്രതിസന്ധി നേരിട്ടതോടെയാണ് മാഗ്നം ഗ്രൂപ്പ് കേരള ബ്ലാസ്റ്റേഴ്സിൻ്റെ ഉടമസ്ഥവകാശം കൈമാറാൻ തീരുമാനിച്ചത്. നിഖിൽ ഭരദ്വാജ്, തെലുങ്ക് സിനിമാ താരങ്ങളായ ചിരഞ്ജീവി, അക്കിനേനി നാഗാർജുന അടക്കമുള്ളവരുടെ കൺസോർഷ്യമാണ് ബ്ലാസ്റ്റേഴ്സിന്റെ ഉടമസ്ഥരായി ഉണ്ടായിരുന്നത്.
യുണൈറ്റഡ് ഫോറം ഓഫ് ബാങ്ക് യൂണിയൻസിന്റെ (UFBU) നേതൃത്വത്തിൽ സെപ്റ്റംബർ 28 മുതൽ 30 വരെ മൂന്ന് ദിവസത്തെ രാജ്യവ്യാപക ബാങ്ക് പണിമുടക്ക് പ്രഖ്യാപിച്ചിരിക്കുന്ന സാഹചര്യത്തിൽ, ഉപഭോക്താക്കൾക്കായി സ്റ്റേറ്റ് ബാങ്ക് ഓഫ് ഇന്ത്യ (SBI) നിർണ്ണായക മുന്നറിയിപ്പ് നൽകി.
പണിമുടക്ക് ദിനങ്ങളിൽ അത്യാവശ്യ ബാങ്കിംഗ് സേവനങ്ങൾ ലഭ്യമാക്കാൻ ബാങ്ക് പരമാവധി ശ്രമിക്കുമെങ്കിലും, ശാഖകൾ വഴിയുള്ള സേവനങ്ങളിൽ തടസ്സങ്ങൾ നേരിടാൻ സാധ്യതയുള്ളതിനാൽ ഇടപാടുകാർ മുൻകൂട്ടി തയ്യാറെടുക്കണമെന്ന് എസ്.ബി.ഐ അഭ്യർത്ഥിച്ചു.
ഇടപാടുകാർ ശ്രദ്ധിക്കേണ്ട പ്രധാന കാര്യങ്ങൾ:
മുൻകൂട്ടി പൂർത്തിയാക്കുക: ശാഖകൾ സന്ദർശിച്ച് ചെയ്യേണ്ട പ്രധാനപ്പെട്ട ബാങ്കിംഗ് ഇടപാടുകൾ സെപ്റ്റംബർ 28-ന് മുൻപായി ചെയ്തു തീർക്കുക.
പണ ആവശ്യങ്ങൾക്ക്: പണം പിൻവലിക്കുന്നതിനും നിക്ഷേപിക്കുന്നതിനും എ.ടി.എം (ATM), എ.ഡി.ഡബ്ല്യു.എം (ADWM) മിഷനുകൾ ഉപയോഗിക്കുക.
കസ്റ്റമർ സർവീസ് പോയിന്റുകൾ: പ്രാദേശിക കസ്റ്റമർ സർവീസ് സെന്ററുകളുടെ (CSP) സേവനങ്ങൾ പ്രയോജനപ്പെടുത്തുക.
ഡിജിറ്റൽ ബാങ്കിംഗ്: സാധാരണ ബാങ്കിംഗ് ആവശ്യങ്ങൾക്ക് ഇൻ്റർനെറ്റ് ബാങ്കിംഗ്, യോനോ (YONO) ആപ്പ്, മൊബൈൽ ബാങ്കിംഗ്, യു.പി.ഐ (UPI) തുടങ്ങിയ ഡിജിറ്റൽ മാധ്യമങ്ങൾ ഉപയോഗിക്കുക.
പണിമുടക്ക് മൂലമുണ്ടാകുന്ന തടസ്സങ്ങളിൽ ഖേദിക്കുന്നതായും ഉപഭോക്താക്കളുടെ പൂർണ്ണ സഹകരണം പ്രതീക്ഷിക്കുന്നതായും എസ്.ബി.ഐ അറിയിച്ചു.
കൊച്ചി: എറണാകുളം ജില്ലയിലെ വിവിധ പ്രദേശങ്ങളില്‍ നിന്നായി വന്‍ മയക്കു മരുന്നുവേട്ട. കൊച്ചിയില്‍ രണ്ടിടങ്ങളില്‍ നിന്നായി 305 ഗ്രാം എംഡിഎംഎ പിടികൂടി. അഫ്‌സല്‍, ജസ്‌ന സൂസന്‍, ജൂബി എന്നിവര്‍ പിടിയിലായി. ഇവരില്‍ നിന്നും 198 ഗ്രാം എംഎഡിഎംഎ കണ്ടെടുത്തു.
റെയില്‍വേ സ്‌റ്റേഷന്‍ പരിസരത്തു നിന്നാണ് 107 ഗ്രാം എംഡിഎംഎയുമായി വിഷ്ണു ബി പൈ എന്നയാള്‍ പിടിയിലായത്. ഇതും വില്‍പ്പനയ്ക്കായി എത്തിച്ചതാണെന്നാണ് പൊലീസിന്റെ നിഗമനം. വീണ്ടും കൊച്ചിയില്‍ വ്യാപകമായി ലഹരിയെത്തുന്നു എന്ന രഹസ്യവിവരത്തിന്റെ അടിസ്ഥാനത്തിലായിരുന്നു പൊലീസിന്റെ പരിശോധന.
ആലുവയില്‍ ഹെറോയിനുമായി രണ്ട് ഇതരസംസ്ഥാനക്കാരും പിടിയിലായിട്ടുണ്ട്. അസം സ്വദേശികളായ ജാബിര്‍ അലി, വഹിദുള്‍ ഇസ്ലാം എന്നിവരാണ് പിടിയിലായത്. ഓപ്പറേഷന്‍ തൂഫാനെത്തുടര്‍ന്ന് ഇടയ്ക്ക് മന്ദീഭവിച്ച, ലഹരി വില്‍പ്പന ആലുവയിലും കൊച്ചി കേന്ദ്രീകരിച്ചും വീണ്ടും സജീവമാകുന്നു എന്ന രഹസ്യറിപ്പോര്‍ട്ടുകളുടെ അടിസ്ഥാനത്തില്‍ പൊലീസ് പരിശോധനകള്‍ ഊര്‍ജ്ജിതമാക്കിയിട്ടുണ്ട്.
കൊല്ലം: കടയ്ക്കൽ നിലമേലിൽ നിർത്തിയിട്ടിരുന്ന ടിപ്പർ ലോറിക്ക് പിന്നിൽ ഓട്ടോറിക്ഷ നിയന്ത്രണം തെറ്റിയിടിച്ച് ഓട്ടോ ഡ്രൈവർക്ക് ദാരുണ അന്ത്യം.
അപകടത്തിൽ ഓട്ടോയിലുണ്ടായിരുന്ന രണ്ട് ഹോട്ടൽ ജീവനക്കാരികൾക്ക് പരിക്കേറ്റു.
Recent Comments