by Midhun HP News | Sep 23, 2025 | Latest News, ജില്ലാ വാർത്ത
തിരുവന്തപുരം: റോഡപകടങ്ങളില് കേരളം രാജ്യത്ത് മൂന്നാം സ്ഥാനത്താണെങ്കിലും അപകട മരണനിരക്കില് ദേശീയ ശരാശരിയെക്കാള് താഴെ. രാജ്യത്ത് നൂറ് അപകടങ്ങള് സംഭവിക്കുമ്പോള് മുപ്പത്തിയാറ് പേര് മരിക്കുന്നുവെന്നാണ് ദേശീയ ശരാശരിയെങ്കില് കേരളത്തില് ഇത് 8.5 ആണെന്ന് കേന്ദ്ര ഉപരിതല ഗതാഗതമന്ത്രാലയത്തിന്റെ കണക്കുകള് വ്യക്തമാക്കുന്നു.
കേരളത്തിലെ ഉയര്ന്ന ആരോഗ്യസംരക്ഷണ സംവിധാനമാണ് മരണനിരക്ക് കുറയുന്നതിന് പ്രധാന കാരണമായി പറയുന്നത്. 2023ല് 48,091 അപകടങ്ങളാണ് ഉണ്ടായത്.അതില് 4,080 പേരാണ് മരിച്ചതെന്ന് കണക്കുകളില് പറയുന്നു. രാജ്യത്തെ മറ്റ് സംസ്ഥാനങ്ങളുമായി താരതമ്യം ചെയ്യുമ്പോള് അപകട മരണനിരക്ക് ഏറ്റവും കുറവ് കേരളത്തിലാണ്. അപകട മരണനിരക്കില് മിസോറാം ആണ് മുന്നില്. 90.6 ആണ് മരണനിരക്ക്. രണ്ടാം സ്ഥാനത്ത് ബിഹാര് ആണ്. മരണനിരക്ക് 80.6. മൂന്നാം സ്ഥാനത്തുള്ള ഝാര്ഖണ്ഡില് അപകടമരണനിരക്ക് 78.5 ആണ്.
2023-ല് ഏറ്റവും കൂടുതല് അപകടങ്ങള് റിപ്പോര്ട്ട് ചെയ്തത് തമിഴ്നാട്ടില് ആണ്. 67,123 അപകടങ്ങളില് 18,347 പേര് മരിച്ചു. മരണനിരക്ക് 27.3. അപകടങ്ങളുടെ എണ്ണത്തില് നാലാം സ്ഥാനത്തുള്ള ഉത്തര്പ്രദേശില് 44,534 അപകടങ്ങളില് 23,652 പേര് മരിച്ചു.
സംസ്ഥാനത്ത്, മലപ്പുറവും കൊച്ചിയുമാണ് അപകടങ്ങളുടെ എണ്ണത്തില് മുന്നില്. യഥാക്രമം 3,253, 2,803 എന്നിങ്ങനെയാണ് അപകടങ്ങള്. എന്നാല് അപകട മരണങ്ങളില് കൊല്ലമാണ് മുന്നില്. പത്ത് ശതമാനം പേര് മരിച്ചതായാണ് കണക്കുകള്. രണ്ടാമത് മലപ്പുറമാണ്. കേരളത്തിലെ ഏത് റോഡുകളില് അപകടം ഉണ്ടായാലും മണിക്കൂറിനുള്ളില് തന്നെ മള്ട്ടി സ്പെഷ്യാലിറ്റി ആശുപത്രികളില് ഏത്തിക്കാന് കഴിയുന്നതാണ് മരണനിരക്ക് കുറയാനുള്ള കാരണം.
by Midhun HP News | Sep 23, 2025 | Latest News, ജില്ലാ വാർത്ത
തിരുവനന്തപുരം: സെപ്തംബറിലെ സാമൂഹ്യസുരക്ഷ, ക്ഷേമനിധി പെന്ഷന് വിതരണം 25 മുതല് ആരംഭിക്കും. ഇതിനായി 841 കോടി അനുവദിച്ചതായി ധനമന്ത്രി കെ എന് ബാലഗോപാല് അറിയിച്ചു. 62 ലക്ഷത്തോളം പേര്ക്കാണ് 1600 രൂപ വീതം ലഭിക്കുന്നത്.
26.62 ലക്ഷം പേരുടെ ബാങ്ക് അക്കൗണ്ടില് തുക എത്തും. മറ്റുള്ളവര്ക്ക് സഹകരണ ബാങ്കുകള് വഴി വീട്ടിലെത്തി പെന്ഷന് കൈമാറും. 8.46 ലക്ഷം പേര്ക്ക് ദേശീയ പെന്ഷന് പദ്ധതിയിലെ കേന്ദ്ര വിഹിതം കേന്ദ്ര സര്ക്കാരാണ് നല്കേണ്ടത്. ഇതിനാവശ്യമായ 24. 21 കോടി രൂപയും സംസ്ഥാനം മുന്കൂര് അടിസ്ഥാനത്തില് അനുവദിച്ചിട്ടുണ്ട്. ഈ വിഹിതം കേന്ദ്ര സര്ക്കാരിന്റെ പിഎഫ്എംഎസ് സംവിധാനം വഴിയാണ് ഗുണഭോക്താക്കളുടെ ബാങ്ക് അക്കൗണ്ടിലേക്ക് ക്രെഡിറ്റ് ചെയ്യേണ്ടത്. ഈ സര്ക്കാര് ഇതുവരെ 42,841 കോടി രൂപയാണ് ക്ഷേമ പെന്ഷന് വിതരണത്തിനായി ചെലവിട്ടതെന്നും മന്ത്രി പറഞ്ഞു.
by Midhun HP News | Sep 23, 2025 | Latest News, കേരളം
കൊല്ക്കത്ത: പശ്ചിമ ബംഗാളിലെ കൊല്ക്കത്തയില് കനത്ത മഴയിലും പ്രളയക്കെടുതിയിലും അഞ്ചു മരണം. കഴിഞ്ഞ രാത്രി മുതല് തുടരുന്ന കനത്തമഴയെത്തുടര്ന്ന് നഗരത്തിന്റെ വിവിധ പ്രദേശങ്ങള് വെള്ളത്തിലായി. ബെനിയാപുകൂര്, കലികാപൂര്, നേതാജി നഗര്, ഗരിയാഹട്ട്, ഏക്ബാല്പൂര് എന്നിവിടങ്ങളിലായിട്ടാണ് മഴക്കെടുതികളില് മരണം സംഭവിച്ചത്.
കൊല്ക്കത്തയുടെ മധ്യ, ദക്ഷിണ മേഖലകളെല്ലാം പ്രളയക്കെടുതി രൂക്ഷമാണ്. വെള്ളക്കെട്ടിനെത്തുടര്ന്ന് ഗതാഗതവും താറുമാറായി. സബര്ബന് റെയില്, മെട്രോ സര്വീസുകള് തടസ്സപ്പെട്ടു. നഗരത്തിലെ താഴ്ന്ന പ്രദേശങ്ങളിലെ വീടുകളിലും വീടുകളിലും വ്യാപാര സ്ഥാപനങ്ങളിലും വെള്ളം കയറിയതിനെത്തുടര്ന്ന് വന് നാശനഷ്ടമുണ്ടായി.
കനത്ത മഴയും പ്രളയക്കെടുതിയും മൂലം നിരവധി സ്കൂളുകള്ക്ക് അവധി പ്രഖ്യാപിച്ചിരിക്കുകയാണ്. നഗരത്തിന്റെ തെക്ക്, കിഴക്കന് മേഖലകളിലാണ് അതിശക്ത മഴയുണ്ടായത്. ഗാരിയ കാംദഹാരിയില് ഏതാനും മണിക്കൂറുകള്ക്കിടെ 332 മില്ലിമീറ്റര് മഴയാണ് പെയ്തത്. ജോധ്പൂര് പാര്ക്കില് 285 മില്ലിമീറ്റര്, കാളിഘട്ടില് 280 മില്ലിമീറ്റര്, ടോപ്സിയയില് 275 മില്ലിമീറ്റര്, ബാലിഗഞ്ചില് 264 മില്ലിമീറ്റര് എന്നിങ്ങനെ മഴ പെയ്തു.
ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദത്തിന്റെ ഫലമായാണ് മഴ ശക്തമായതെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കൂടുതല് മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. വെള്ളക്കെട്ട് കാരണം വിമാനങ്ങള് വൈകിയേക്കാമെന്ന് എയര് ഇന്ത്യയും ഇന്ഡിഗോയും അറിയിപ്പ് നല്കിയിട്ടുണ്ട്. നവരാത്രി, ദുര്ഗാ പൂജ ആഘോഷ ഒരുക്കങ്ങള്ക്കിടെയാണ് നഗരത്തെ വെള്ളത്തില് മുക്കി കനത്ത മഴ തുടരുന്നത്.
by Midhun HP News | Sep 23, 2025 | Latest News, ജില്ലാ വാർത്ത
തിരുവനന്തപുരം: തദ്ദേശ തെരഞ്ഞെടുപ്പ് ഒക്ടോബര് നവംബര് മാസങ്ങളില് നടക്കുമെന്ന് സംസ്ഥാന തെരഞ്ഞെടുപ്പ് കമ്മീഷന്. ഇതിനുള്ള ഒരുക്കങ്ങള് പുര്ത്തിയായെന്നും ഡിസംബര് 20 ന് മുന്പ് പുതിയ ഭരണസമിതി ചുമതല ഏല്ക്കണമെന്നും സംസ്ഥാന തെരഞ്ഞെടുപ്പ് കമ്മീഷണര് എ ഷാജഹാന് പറഞ്ഞു.
തെരഞ്ഞെടുപ്പിന് മുന്പായി ഒരിക്കല് കൂടി വോട്ടര് പട്ടിക ഒരിക്കല് കൂടി പുതുക്കും. തദ്ദേശ തെരഞ്ഞെടുപ്പ് തീയതികല് കേന്ദ്ര തെരഞ്ഞെടുപ്പ് കമ്മീഷന് അറിയിക്കുമെന്ന് എ ഷാജഹാന് പറഞ്ഞു. അതേ സമയം തീവ്ര വോട്ടര് പട്ടിക പരിഷ്ക്കരണം നീട്ടിവെക്കണമെന്ന് സംസ്ഥാന തെരഞ്ഞെടുപ്പ് കമ്മീഷന് തെരഞ്ഞെടുപ്പ് കമ്മീഷനോട് ആവശ്യപ്പെട്ടു. തദ്ദേശ തെരഞ്ഞെടുപ്പ് പ്രഖ്യാപിക്കാനിരിക്കുന്നതിന്റെ പശ്ചാത്തലത്തിലാണ് ഈ ആവശ്യം. മുഖ്യതെരഞ്ഞെടുപ്പ് കമ്മീഷണര്ക്ക് സംസ്ഥാന തെരഞ്ഞെടുപ്പ് കമ്മീഷന് കത്ത് നല്കി.
by Midhun HP News | Sep 23, 2025 | Latest News, കേരളം
കൊച്ചി: ജിഎസ്ടി വർധനമൂലം ലോട്ടറി മേഖലയിലുണ്ടായ പ്രതിസന്ധി പരിഹരിക്കണമെന്ന് ആവശ്യപ്പെട്ട് ലോട്ടറി ബന്ദ് പ്രഖ്യാപിച്ച് കേരള ലോട്ടറി ഏജന്റ് ആൻഡ് സെല്ലേഴ്സ് അസോസിയേഷൻ. പുതിയ നിരക്കിലുള്ള നറുക്കെടുപ്പ് ആരംഭിക്കുന്ന സെപ്റ്റംബർ 26നാണ് ബന്ദിന് ആഹ്വാനം ചെയ്തത്.
ജിഎസ്ടി വർധിച്ചതിന്റെ പേരിൽ സമ്മാനങ്ങളിലും വിൽപ്പന കമ്മീഷനിലും പ്രൈസ് കമ്മീഷനിലും വലിയ കുറവാണ് വരുത്തിയിട്ടുള്ളത്. അത് വഞ്ചനയാണ്. പേപ്പർ ലോട്ടറിയെ ജിഎസ്ടിയുടെ പരിധിക്കു വെളിയിൽ നിർത്തണമെന്നും അസോസിയേഷൻ വ്യക്തമാക്കി.
by Midhun HP News | Sep 23, 2025 | Latest News, കേരളം
മലയാളികളുടെ എക്കാലത്തെയും പ്രിയപ്പെട്ട നടനാണ് മധു. മലയാള സിനിമയുടെ കാരണവർക്ക് ഇന്ന് 92-ാം പിറന്നാൾ ആണ്. പ്രിയ നടന് ആശംസകൾ അറിയിക്കുകയാണ് സിനിമാ ലോകവും ആരാധകരും. ക്ഷോഭിക്കുന്ന യുവാവായും കടുപ്പക്കാരനും സ്നേഹ സമ്പന്നനുമായ അച്ഛനും അപ്പൂപ്പനായുമെല്ലാം തിളങ്ങിയ അദ്ദേഹത്തിന് സിനിമയുടെ കാര്യത്തിൽ ഇന്നും ചെറുപ്പമാണ്.
സിനിമയെക്കുറിച്ചും പുതിയ സാങ്കേതിക വിദ്യകളെക്കുറിച്ചുമൊക്കെ കൃത്യമായ അഭിപ്രായങ്ങളുണ്ട് അദ്ദേഹത്തിന്. അതുകൊണ്ടു തന്നെയാണ് പുതിയ തലമുറ പോലും അദ്ദേഹത്തിന്റെ അഭിമുഖങ്ങൾ ഏറ്റെടുക്കുന്നത്. പ്രായാധിക്യത്തെ തുടര്ന്ന് തിരക്കേറിയ ജീവിതത്തില് നിന്ന് മാറി വീട്ടില് വിശ്രമത്തിലാണ് മധു ഇപ്പോള്. ഹിന്ദി അധ്യാപകനായാണ് മധുവിന്റെ കരിയര് തുടങ്ങിയത്. പിന്നീട് നാടക രംഗത്തേക്ക് എത്തി.
രാമു കാര്യാട്ട് ചിത്രത്തിലൂടെയാണ് സിനിമാ രംഗത്തേക്ക് എത്തിയത്. പുറക്കാട്ട് കടപ്പുറത്ത് കറുത്തമ്മയെ തേടിയലഞ്ഞ പരീക്കുട്ടിയെന്ന ദുരന്ത കാമുകനിലൂടെ മലയാള സിനിമാസ്വാദകരുടെ ഹൃദയത്തില് ചിരപ്രതിഷ്ഠ നേടുകയായിരുന്നു മധു എന്ന നടന്. നായകന്, വില്ലന്, സഹനടന് എന്നീ റോളുകളിലെല്ലാം മധു തിളങ്ങി. ചെമ്മീനിലെ പരീക്കുട്ടി, ഭാര്ഗവീ നിലയത്തിലെ സാഹിത്യകാരന്, ഉമ്മാച്ചുവിലെ മായന്, ഓളവും തീരത്തിലെ ബാപ്പുട്ടി, നാടന്പ്രേമത്തിലെ ഇക്കോരന്, വിത്തുകളിലെ ഉണ്ണി, ഏണിപ്പടികളിലെ കേശവപ്പിള്ള, കള്ളിച്ചെല്ലമ്മയിലെ അത്രാം കണ്ണ് … അങ്ങനെ എത്രയെത്ര കഥാപാത്രങ്ങൾ.
ഓളവും തീരവും, ഏണിപ്പടികള്, ഭാര്ഗവീ നിലയം, ഇതാ ഒരു മനുഷ്യന്, ഹൃദയം ഒരു ക്ഷേത്രം, ജീവിതം, പ്രായിക്കര പാപ്പാന്, നരന് എന്നിങ്ങനെ നാനൂറിലേറെ ചിത്രങ്ങളില് മധു അഭിനയിച്ചു. സംവിധായകന്, നിര്മാതാവ് എന്നീ റോളുകളിലും മധു തിളങ്ങി. 12 ചിത്രങ്ങള് സംവിധാനം ചെയ്തു. 15 ചിത്രങ്ങള് നിര്മിച്ചു. 2004 ല് സംസ്ഥാന സര്ക്കാര് ജെസി ഡാനിയേല് പുരസ്കാരം നല്കി ആദരിച്ചു. 2013 ല് പത്മശ്രീ പുരസ്കാരവും ലഭിച്ചു.
Recent Comments