കൊല്ലം കൊട്ടാരക്കരയിൽ ടോറസ് വാഹനം സ്വകാര്യ ആശുപത്രിയുടെ കോബൗണ്ട് വാളിലേക്ക് ഇടിച്ചു കയറി. ഡ്രൈവർക്ക് ഗുരുതര പരിക്കേറ്റു. ആര്യൻകാവ് സ്വദേശി
സൂര്യയ്ക്കാണ് ആണ് പരിക്കേറ്റത്. വിജയാസ് ആശുപത്രിയുടെ ചുറ്റു മതിലാണ് തകർന്നത്. പുലർച്ചെ 2:45 നായിരുന്നു അപകടം. ഫയർ ഫോഴ്സ് എത്തിയാണ് സൂര്യയെ പുറത്തെടുത്തത്. ഡ്രൈർ ഉറങ്ങിയതാണ് അപകടകാരണം. കൊട്ടാരക്കര പൊലീസ് കേസെടുത്തു.
കിളിമാനൂർ പാപ്പാല വിദ്യാജ്യോതി സ്കൂളിലെ ബസ് നിലമേൽ വേക്കലിൽ മറിഞ്ഞു. അപകടത്തിൽ ഡ്രൈവർ അടക്കം 24 പേർക്ക് പരിക്കേറ്റു. ആരുടെയും പരിക്ക് ഗുരുതരമല്ല. അപകടത്തിൽപ്പെട്ടവരെ ആറ്റിങ്ങൽ എം എൽ എ ഒ എസ് അംബിക സന്ദർശിച്ചു. ആശുപത്രി അധികൃതരുമായി ചർച്ച നടത്തി ആവശ്യമായ നിർദേശങ്ങൾ നൽകുകയും ചെയ്തു.
കടക്കാവൂർ പെരുംകുളത്ത് കിണറ്റിൽ വീണ ആളിനെ ആറ്റിങ്ങൽ ഫയർ ഫോഴ്സ് രക്ഷപെടുത്തി. കിണറ്റിൽ അകപ്പെട്ട ഭാര്യയെ രക്ഷപെടുത്താൻ ഇറങ്ങിയ ഭർത്താവ് മുരളീധരൻ നായർ (75) കിണറ്റിൽ അകപ്പെടുകയായിരുന്നു. ആറ്റിങ്ങൽ നിലയത്തിലെ
ഫയർ & റെസ്ക്യൂ ഓഫീസർ വിഷ്ണു എം സി നായർ, ഉദ്ദേശം 60 അടിയോളം താഴ്ച്ചയുള്ള കിണറ്റിൽ ഇറങ്ങിയാണ് ഇരുവരെയും രക്ഷപെടുത്തിയത്. സീനിയർ ഫയർ & റെസ്ക്യൂ ഓഫീസർ സജീമിന്റെ നേതൃത്വത്തിലുള്ള സംഘമാണ് രക്ഷപ്രാവർത്തനം നടത്തിയത്.
തസസ തച്ചൂർകുന്ന് സാംസ്കാരിക സമിതിയുടെ ആഭിമുഖ്യത്തിൽ 5മത് അഖിലകേരള വടംവലി മത്സരം സംഘടിപ്പിക്കുന്നു. ഒക്ടോബർ 4നു ആറ്റിങ്ങൽ തച്ചൂർകുന്ന് ജംഗ്ഷനിൽ രാത്രി 8 മണി മുതൽ ആണ് മത്സരം നടക്കുക. ഒന്നാം സമ്മാനം 21,212രൂപയും രണ്ടാം സമ്മാനം 14,141.. മൂന്നാം സമ്മാനം 12,121രൂപയുമാണ്. കൂടുതൽ വിവരങ്ങൾക്ക് താഴെ കാണുന്ന നമ്പറിൽ ബന്ധപ്പെടുക.
മൊബൈൽ നമ്പർ: 9567042530, 8075233534
മുഖ്യമന്ത്രിയുടെ പ്രാദേശിക റോഡ് വികസന പദ്ധതിയിൽ ഉൾപ്പെടുത്തി കോൺക്രീറ്റ് ചെയ്ത എംഎൽഎ പാലം വെള്ളല്ലൂർ ശിവക്ഷേത്രം റോഡിന്റെ ഉദ്ഘാടനം സെപ്റ്റംബർ 22 തിങ്കളാഴ്ച വൈകുന്നേരം 4 മണിക്ക് നടക്കും. എംഎൽഎ പാലത്തിൽ വച്ച് ആറ്റിങ്ങൽ എം എൽ എ
ഒ എസ് അംബിക ഉദ്ഘാടനം നിർവഹിക്കും. നഗരൂർ ഗ്രാമപഞ്ചായത്ത് പ്രസിഡന്റ്
ഡി. സ്മിത അധ്യക്ഷയാകും. നഗരൂർ ഗ്രാമപഞ്ചായത്ത് ക്ഷേമകാര്യ സ്റ്റാന്റിങ് കമ്മിറ്റി ചെയർമാൻ കെ അനിൽ കുമാർ സ്വാഗതം ആശംസിക്കും.
ഡല്ഹി: ആധാര് കാര്ഡ് ഡൗണ്ലോഡ് ചെയ്യാനായി ഇനിമുതല് UIDAI പോര്ട്ടലില് ലോഗിന് ചെയ്യേണ്ടതില്ല. സര്ക്കാര് നിയന്ത്രണത്തിലുള്ള ചാറ്റ്ബോട്ട് ഉപയോഗിച്ച് വളരെ എളുപ്പത്തില് ആധാര് കാര്ഡ് ഡൗണ്ലോഡ് ചെയ്യാം കഴിയും. ഇതിനായി വാട്സ്ആപ്പിലെ MyGov Helpdesk എന്ന് ചാറ്റ്ബോട്ട് ഉപയോഗിക്കാം.
ബാങ്കിങ്, സര്ക്കാര് സേവനങ്ങള്, ഫോണ് കണക്ഷനുകള് തുടങ്ങി എല്ലാ ആശ്യങ്ങള്ക്കും ആധാര് കാര്ഡ് നിര്ബന്ധമാണ്. പലപ്പോഴും, പെട്ടെന്ന് ആധാര് ആവശ്യമായി വരുമ്പോള് പ്രിന്റൗട്ടോ ഡിജിറ്റല് പകര്പ്പോ കൈവശം ഉണ്ടാകാറില്ല. ഈ പ്രശ്നം പരിഹരിക്കുന്നതിനാണ് വാട്സ്ആപ്പ് വഴി നേരിട്ട് ആധാര് കാര്ഡ് ഡൗണ്ലോഡ് ചെയ്യാന് സര്ക്കാര് സൗകര്യം ഒരുക്കിയിരിക്കുന്നത്.
DigiLocker-മായി ബന്ധിപ്പിച്ചിരിക്കുന്ന MyGov Helpdesk ചാറ്റ്ബോട്ട് ഉപയോഗിച്ച്, ആര്ക്കും ആധാര് കാര്ഡിന്റെ PDF പതിപ്പ് മിനിറ്റുകള്ക്കുള്ളില് ഡൗണ്ലോഡ് ചെയ്തെടുക്കാം. പുതിയ സംവിധാനം സുരക്ഷിതവും ലളിതവുമാണ്. നിങ്ങളുടെ രജിസ്റ്റര് ചെയ്ത മൊബൈല് നമ്പറിലേക്ക് ലഭിക്കുന്ന OTP വഴിയാണ് സേവനം ലഭിക്കുക.
വാട്സ്ആപ്പ് വഴി ആധാര് കാര്ഡ് എങ്ങനെ ഡൗണ്ലോഡ് ചെയ്യാം
നിങ്ങളുടെ ഫോണില് MyGov Helpdesk WhatsApp നമ്പര് +91-9013151515 സേവ് ചെയ്യുക.
വാട്സ്ആപ്പ് തുറന്ന് ഈ നമ്പറിലേക്ക് ‘Hi’ അല്ലെങ്കില് ‘Namaste’ എന്ന് അയക്കുക.
ചാറ്റ്ബോട്ട് ഓപ്ഷനുകള് നല്കുമ്പോള് ‘DigiLocker Services’ തെരഞ്ഞെടുക്കുക.
നിങ്ങള്ക്ക് DigiLocker അക്കൗണ്ട് ഇല്ലെങ്കില്, DigiLocker വെബ്സൈറ്റോ ആപ്പോ ഉപയോഗിച്ച് അക്കൗണ്ട് എടുക്കുക, ഈ അക്കൗണ്ട് നിങ്ങളുടെ ആധാറുമായി ലിങ്ക് ചെയ്തിരിക്കണം
ചാറ്റ്ബോട്ട് ആവശ്യപ്പെടുന്ന 12 അക്ക ആധാര് നമ്പര് നല്കുക നിങ്ങളുടെ ആധാറില് രജിസ്റ്റര് ചെയ്തിട്ടുള്ള മൊബൈല് നമ്പറില് ഒരു OTP ലഭിക്കും.
സ്ഥിരീകരണത്തിനായി WhatsApp ചാറ്റില് ഈ OTP നല്കുക. തുടര്ന്ന് ഡിജിലോക്കറില് സ്റ്റോര് ചെയ്തിരിക്കുന്ന രേഖകളുടെ ലിസ്റ്റ് നിങ്ങള് കാണാം.
ലിസ്റ്റില് നിന്ന് ‘ആധാര് കാര്ഡ്’ തെരഞ്ഞെടുക്കുക, തുടര്ന്ന് ആധാര് കാര്ഡ് ചാറ്റില് പിഡിഎഫ് ഫയലായി കാണാം.
Recent Comments