by Midhun HP News | Dec 1, 2024 | Latest News, കേരളം
കൊച്ചി: സൗത്ത് റെയില്വേ മേല്പ്പാലത്തിനു സമീപം ആക്രി ഗോഡൗണില് വന് തീപിടിത്തം. സമീപത്തെ വീടും കടകളും പാര്ക്കിങ് ഏരിയയിലെ വാഹനങ്ങളം കത്തിനശിച്ചു. ഗോഡൗണിലുണ്ടായിരുന്ന ഒന്പതുപേരെ അഗ്നിശമന രക്ഷപ്പെടുത്തി. വീടുകളില് നിന്ന് ആളുകളെ ഒഴിപ്പിച്ചു. പുലര്ച്ചെ ഒരുമണിയോടെയാണ് തീപിടുത്തമുണ്ടായത്. ഫയര്ഫോഴ്സും പൊലീസും ചേര്ന്ന് മുന്നരമണിക്കൂറിലേറെ സമയമെടുത്താണ് തീയണച്ചത്.
സൗത്ത് റെയില്വേ പാലത്തിന് സമീപമായതിനാല് ട്രെയിന് ഗതാഗതവും തടസപ്പെട്ടു. രണ്ടുമണിക്കൂര് കഴിഞ്ഞാണ് ട്രെയിന് ഗതാഗതം പുനഃസ്ഥാപിച്ചത്. തീ നിയന്ത്രണവിധേയമെന്ന് അഗ്നിശമന സേന അറിയിച്ചു.
by Midhun HP News | Dec 1, 2024 | Latest News, കേരളം
തിരുവനന്തപുരം: ഫിൻജാൽ ചുഴലിയുടെ പ്രഭാവത്തില് കേരളത്തില് മഴ കനക്കുമെന്ന് കേന്ദ്ര കാലാവസ്ഥ വകുപ്പ്. ഫിൻജാൽ കരകയറിയ ശേഷമാകും സംസ്ഥാനത്ത് ശക്തമായ പ്രഭാവമുണ്ടാകുകയെന്നാണ് വിലയിരുത്തല്. അടുത്ത അഞ്ച് ദിവസം ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ശക്തമായ മഴ കണക്കിലെടുത്ത് വിവിധ ജില്ലകളില് കേന്ദ്ര കാലാവസ്ഥാ വകുപ്പ് ഓറഞ്ച്, മഞ്ഞ അലര്ട്ടുകള് പ്രഖ്യാപിച്ചു.
ഞായറാഴ്ച ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളില് യെല്ലോ അര്ട്ട് പ്രഖ്യാപിച്ചു. തിങ്കളാഴ്ച ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകലില് ഓറഞ്ച് അലര്ട്ടും മറ്റ് ജില്ലകളില് യെല്ലോ അലര്ട്ടുമാണ്.
ചൊവ്വാഴ്ച മലപ്പുറം കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടും പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട് ജില്ലകളില് യെല്ലോ അലര്ട്ടും പ്രഖ്യാപിച്ചു. ബുധനാഴ്ച തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് ശക്തമായ മഴയ്ക്ക് സാധ്യത കണക്കിലെടുത്ത് യെല്ലോ അലര്ട്ട് പ്രഖ്യാപിച്ചു.
by Midhun HP News | Dec 1, 2024 | Latest News, ജില്ലാ വാർത്ത
തിരുവനന്തപുരം: പാചകവാതക സിലിണ്ടര് വില വര്ധിപ്പിച്ചു. വാണിജ്യ സിലിണ്ടര് വില 16രൂപ 50 പൈസ വര്ധിപ്പിച്ചു. പുതിയ വില ഇന്നുമുതല് പ്രാബല്യത്തിലായി. അതേസമയം ഗാര്ഹിക പാചക വാതക വിലയില് മാറ്റമില്ല.
തുടര്ച്ചായ അഞ്ചാം മാസമാണ് വില വര്ധിപ്പിക്കുന്നത്. അഞ്ച് മാസത്തിനിടെ കൂട്ടിയത് 173. 5 രൂപയാണ്. കഴിഞ്ഞ നവംബറില് എണ്ണക്കമ്പനികള് വാണിജ്യ സിലിണ്ടറിന് 62 രൂപ വര്ധിപ്പിച്ചിരുന്നു. വില കൂട്ടിയതോടെ, 19 കിലോഗ്രാം വാണിജ്യ സിലിണ്ടറിന്റെ വില സംസ്ഥാനത്ത് 1827 രൂപയായി വര്ധിച്ചു. ഡല്ഹിയില് ഗ്യാസ് സിലിണ്ടറിന്റെ വില 1818 രൂപയാണ്. കൊല്ക്കത്തയില് 1927 രൂപയും മുംബൈയില് 1771 രൂപയും ചെന്നൈയില് 1980.50 രൂപയുമാണ് വില.
by Midhun HP News | Dec 1, 2024 | Latest News, കേരളം
കോഴിക്കോട്: ഇന്സ്റ്റഗ്രാം വഴി പരിചയപ്പെട്ട സ്ത്രീകളെ കബളിപ്പിച്ച് 20 പവന് സ്വര്ണാഭരണം തട്ടിയ കേസില് അറസ്റ്റ്. വടകര മയ്യന്നൂര് സ്വദേശി പാലോള്ള പറമ്പത്ത് മുഹമ്മദ് നജീറാ(29)ണ് പിടിയിലായത്. ചെക്യാട് താനക്കോട്ടൂര് സ്വദേശിനിയുടെ അഞ്ചുപവന് തട്ടിയെടുത്തെന്ന പരാതിയിലാണ് നടപടി. കുറ്റ്യാടി ചെറിയ കുമ്പളം സ്വദേശിനിയെ കബളിപ്പിച്ച് പ്രതി 15 പവന് തട്ടിയെടുത്തെന്ന പരാതിയില് കുറ്റ്യാടി പൊലീസ് സ്റ്റേഷനിലും പ്രതിക്കെതിരെ കേസുണ്ട്.
പഴയ ആഭരണങ്ങള്ക്ക് പകരം പുതിയത് നല്കാമെന്ന് വിശ്വസിപ്പിച്ചാണ് പ്രതി താനക്കോട്ടൂരിലെ യുവതിയെ കബളിപ്പിച്ചത്. മൂന്നുലക്ഷത്തിലേറെ വില വരുന്ന സ്വര്ണാഭരണവുമായാണ് യുവാവ് മുങ്ങിയത്. ജ്വല്ലറി ഉടമയെന്ന് പരിചയപ്പെടുത്തി വിലകൂടിയതും അപൂര്വവുമായ ആഭരണങ്ങളുടെ ശേഖരം ഉണ്ടെന്നും പഴയ ആഭരണങ്ങള്ക്ക് പകരം ഇവ നല്കാമെന്നുമായിരുന്നു ഇന്സ്റ്റഗ്രാം വഴി യുവതികളെ വിശ്വസിപ്പിച്ചത്.
കഴിഞ്ഞ വെള്ളിയാഴ്ച യുവാവ് പരാതിക്കാരിയുടെ വീടിന് സമീപമെത്തുകയും ആഭരണങ്ങള് യുവതിയില്നിന്ന് വാങ്ങിക്കുകയും പകരം പണമടങ്ങിയ ബാഗെന്നുപറഞ്ഞ് ഗിഫ്റ്റ് നല്കുകയും ചെയ്തു. വീട്ടിലെത്തി ഗിഫ്റ്റ് നല്കിയ ബാഗ് തുറന്നുപരിശോധിച്ചപ്പോള് പണത്തിന് പകരം ഹല്വയും 100 രൂപയുടെ മിഠായിയുമായിരുന്നു ഉണ്ടായിരുന്നത്.
by Midhun HP News | Dec 1, 2024 | Latest News, കേരളം
തിരുവനന്തപുരം: നവംബര് മാസത്തെ റേഷന് വിതരണം മൂന്നുവരെ നീട്ടിയതായി മന്ത്രി ജിആര് അനില് അറിയിച്ചു. നാലിന് മാസാവസാന കണക്കെടുപ്പുമായി ബന്ധപ്പെട്ട് വ്യാപരികള്ക്ക് അവധിയായിരിക്കും. അഞ്ചുമുതല് ഡിസംബര് മാസത്തെ വിതരണം ആരംഭിക്കുമെന്നും മന്ത്രി അറിയിച്ചു.
by Midhun HP News | Nov 30, 2024 | Latest News, ജില്ലാ വാർത്ത
വർക്കല: വർക്കലയിൽ വീട്ടമ്മയെ കെട്ടിയിട്ട ശേഷം പണവും സ്വർണവും കവർന്നെന്ന പരാതി വ്യാജമെന്ന് പോലീസ് കണ്ടെത്തി. വർക്കലയിൽ വാടകയ്ക്ക് താമസിക്കുന്ന തമിഴ്നാട് ഈറോഡ് സ്വദേശിയായ ശ്രീനിവാസൻ മാതാവ് സുമതി എന്നിവർ ചേർന്നാണ് പോലീസിനെ കബളിപ്പിക്കാൻ ശ്രമിച്ചത്. വർക്കല എസ് എച്ച് ഒ പ്രവീൺന്റെ കൃത്യമായ രീതിയിലുള്ള അന്വേഷണത്തിന്റെ ഫലമായാണ് കുടുംബത്തിലുള്ളവർ തന്നെ നടത്തിയ മോഷണ നാടകം പൊളിഞ്ഞത്.
കഴിഞ്ഞദിവസമാണ് ശ്രീനിവാസൻ തന്റെ വീട്ടിൽ നിന്നും 5 പവൻ സ്വർണവും ഒരു ലക്ഷം രൂപയും മോഷണം പോയതായി പോലീസിനെ അറിയിച്ചത്. അമ്മ സുമതിയെ കെട്ടിയിട്ട ശേഷം മുഖംമൂടി സംഘം പണം കവർന്നു എന്നാണ് ശ്രീനിവാസൻ പോലീസിന് മൊഴി നൽകിയത്. സ്ഥലത്ത് എത്തിയ പോലീസ്, ഡോഗ് സ്കോഡ് ഉൾപ്പെടെ എത്തിച്ച് തെളിവെടുപ്പുകൾ നടത്തി. എന്നാൽ ഒന്നും കണ്ടെത്താനായില്ല. തുടർന്നാണ് പോലീസ് ശ്രീനിവാസൻ, മാതാവ് സുമതി എന്നിവരെ ചോദ്യം ചെയ്യാനാരംഭിച്ചത്.
ശ്രീനിവാസന്റെ ഭാര്യ ഗായത്രിയുടെ സ്വർണമാണ് കാണാതായത്. ഗായത്രിയുടെ ബന്ധുവിന്റെ വിവാഹത്തിന് നൽകാനായി സൂക്ഷിച്ചിരുന്ന സ്വർണവും പണവുമാണ് കാണാതായത്. വിവാഹത്തിന് സ്വർണവും പണവും നൽകുന്നത് ശ്രീനിവാസനും മാതാവ് സുമതിക്കും ഇഷ്ടമില്ലായിരുന്നു. ഇതാണ് മോഷണ നാടകം ആസൂത്രണം ചെയ്യാൻ ഇടയാക്കിയത്. ശ്രീനിവാസൻ തന്നെയാണ് സ്വർണവും പണവും അലമാരയിൽ നിന്നും മാറ്റിയത്. അതിനുശേഷം സുമതിയെ കെട്ടിയിടുകയും പോലീസിനെ വിവരം അറിയിക്കുകയും ആയിരുന്നു.
പോലീസിനെ തെറ്റിദ്ധരിപ്പിച്ചതിനും വ്യാജ മൊഴി നൽകിയതിനും പോലീസ് കേസെടുത്തു. കഴിഞ്ഞദിവസം തന്നെ മോഷണം സംബന്ധിച്ച വാർത്തകൾ പുറത്തുവന്നിരുന്നു. വർക്കലയിൽ കുറുവാസംഘം ഇറങ്ങി എന്ന രീതിയിലുള്ള പ്രചരണം പോലും ഉണ്ടായി. ഇതെല്ലാം ആണ് ഇപ്പോൾ പോലീസ് പൊളിച്ചടുക്കിയിരിക്കുന്നത്.
Recent Comments