ശ്രീകണ്ഠൻ നായർ (72) അന്തരിച്ചു
ചിറയിൻകീഴ്: ചിറയിൻകീഴ് തോട്ടവാരം എസ് എസ് നായർ നിവാസിൽ ശ്രീകണ്ഠൻ നായർ
(72) അന്തരിച്ചു.
ഭാര്യ: ശകുന്തള
മകൾ: ശ്യാമ
ചെറുമകൻ: റിദ്വിക്
മരണാനന്തര ചടങ്ങുകൾ ഞായറാഴ്ച (27/10/2024) നടക്കും
എഡിഎം നവീന്‍ ബാബു ജീവനൊടുക്കിയ സംഭവത്തില്‍ കണ്ണൂരില്‍ വ്യാപക പ്രതിഷേധം
കണ്ണൂര്‍: എഡിഎം നവീന്‍ ബാബു ജീവനൊടുക്കിയ സംഭവത്തില്‍ കണ്ണൂരില്‍ വ്യാപക പ്രതിഷേധം. ആത്മഹത്യാ ചെയ്യാന്‍ ഉത്തരവാദിയായ ജില്ലാ പഞ്ചായത്ത് പ്രസിഡന്റ് പിപി ദിവ്യ രാജിവയ്ക്കണമെന്നാവശ്യപ്പെട്ടായിരുന്നു വിവിധ സംഘടനകളുടെ പ്രതിഷേധം. തുടര്‍ന്ന് പൊലീസും പ്രതിഷേധക്കാരും തമ്മില്‍ സംഘര്‍ഷം ഉണ്ടായി. കോണ്‍ഗ്രസ്, ബിജെപി, മുസ്ലീം ലീഗ്, യൂത്ത് കോണ്‍ഗ്രസ്, യുവമോര്‍ച്ച, യൂത്തല് ലീഗ്, എന്‍ജിഒ അസോസിയേഷന്‍ എന്നീ സംഘടനകളാണ് പ്രതിഷേധം നടത്തിയത്.
ജില്ലാ പഞ്ചായത്ത് കാര്യാലയത്തിന് ഉള്ളിലേക്ക് കയറാന്‍ ശ്രമിച്ച യൂത്ത് കോണ്‍ഗ്രസ് പ്രവര്‍ത്തകരെ പൊലിസ് തടഞ്ഞു. ജില്ലാ പഞ്ചായത്ത് പ്രസിഡന്റിന്റെ കോലം യൂത്ത് കോണ്‍ഗ്രസ് പ്രവര്‍ത്തകര്‍ കെട്ടിത്തൂക്കി. ഓഫിസിനു മുന്നില്‍ പ്രതിഷേധിക്കുന്ന യൂത്ത് കോണ്‍ഗ്രസ് പ്രവര്‍ത്തകരെയും പൊലീസ് ബലം പ്രയോഗിച്ചു നീക്കി. ക്വാര്‍ട്ടേഴ്‌സില്‍നിന്ന് എഡിഎം നവീന്‍ ബാബുവിന്റെ ആത്മഹത്യാക്കുറിപ്പ് ലഭിച്ചിട്ടുണ്ടെന്നും ഇത് പൊലീസ് നശിപ്പിച്ചെന്നും യൂത്ത് കോണ്‍ഗ്രസ് പ്രവര്‍ത്തകര്‍ ആരോപിച്ചു. നവീന്‍ ബാബുവിന്റെ മൃതദേഹം പരിയാരം മെഡിക്കല്‍ കോളജ് ആശുപത്രിയില്‍ പോസ്റ്റ്‌മോര്‍ട്ടം ചെയ്യരുതെന്ന ആവശ്യവും യൂത്ത് കോണ്‍ഗ്രസ് ഉന്നയിച്ചു.
എഡിഎം നവീന്‍ ബാബുവിനെ മരിച്ചനിലയില്‍ കണ്ടെത്തിയ ക്വാര്‍ട്ടേഴ്‌സ് പരിസരത്തേക്ക് കടത്തിവിടാത്തതില്‍ ബിജെപി, കോണ്‍ഗ്രസ് പ്രവര്‍ത്തകരും ജീവനക്കാരും പ്രതിഷേധിച്ചിരുന്നു. തെളിവു നശിപ്പിക്കുന്നതിനായാണ് ആരെയും അകത്തേക്ക് കടത്തിവിടാത്തതെന്നാണ് പ്രതിഷേധക്കാരുടെ ആരോപണം. നവീന്‍ ബാബുവിന്റെ മൃതദേഹം മറ്റാരെയും കാണിച്ചിട്ടുമുണ്ടായിരുന്നില്ല.
ഇതിനിടെ ഇന്ന് രാവിലെ പതിനൊന്നരയ്ക്ക് പള്ളിക്കുന്നിലെ വാടകവീട്ടില്‍ നിന്നും നവീന്‍ ബാബുവിന്റെ ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം ആംബുലന്‍സില്‍ കയറ്റിയപ്പോള്‍ യുഡിഎഫ്, ബിജെപി, സര്‍വ്വീസ് സംഘടനാ പ്രവര്‍ത്തകര്‍ വാഹനം തടഞ്ഞത് സംഘര്‍ഷത്തിനിടയാക്കി. ആംബുലന്‍സ് തടഞ്ഞ പ്രവര്‍ത്തകരെ നേതാക്കള്‍ ഇടപെട്ടാണ് പിന്തിരിപ്പിച്ചത്. തുടര്‍ന്ന് പള്ളിക്കുന്ന ഹയര്‍ സെക്കന്ററി സ്‌കൂളിന് സമീപം യുഡിഎഫ്, ബിജെപി പ്രവര്‍ത്തകര്‍ ഇരു ഭാഗങ്ങളിലായി റോഡ് ഉപരോധിച്ചു. റോഡ് ഉപരോധിച്ച പ്രവര്‍ത്തകരെ പൊലീസ് മാറ്റുകയായിരുന്നു. പതിനൊന്നു മണിയോടെ ജില്ലാ പഞ്ചായത്തിലേക്ക് കരിങ്കൊടിയുമായി എത്തിയ യുവമോര്‍ച്ചാ പ്രവര്‍ത്തകരെ പൊലീസ് അറസ്റ്റ് ചെയ്തു.
എന്‍ജിഒ അസോസിയേഷന്റെ നേതൃത്വത്തില്‍ കലക്ടറേറ്റ് ജീവനക്കാര്‍ ജില്ലാ കലക്ടര്‍ അരുണ്‍ കെ വിജയനെ തടഞ്ഞുവച്ചു. പൊലീസെത്തിയാണ് കലക്ടറെ മോചിപ്പിച്ചത്. നവീന്‍ ബാബുവിനെ ആത്മഹത്യയിലേക്ക് തള്ളിവിട്ട ജില്ലാ പഞ്ചായത്ത് പ്രസിഡന്റ് പിപിദിവ്യ രാജിവയ്ക്കണം, ആത്മഹത്യാപ്രേരണയ്ക്ക് കേസെടുക്കണം, ഇവര്‍ക്കെതിരെ നടപടി വേണം തുടങ്ങിയ ആവശ്യങ്ങള്‍ ഉന്നയിച്ചായിരുന്നു പ്രതിഷേധം.
ഇന്നു രാവിലെയാണ് നവീന്‍ ബാബുവിനെ ക്വാര്‍ട്ടേഴ്‌സില്‍ മരിച്ച നിലയില്‍ കണ്ടെത്തിയത്. നവീനെതിരെ ജില്ലാ പഞ്ചായത്ത് പ്രസിഡന്റ് അഴിമതി ആരോപണം ഉന്നയിച്ചതിനു പിന്നാലെയാണ് സംഭവം. കണ്ണൂരില്‍നിന്നു സ്ഥലംമാറ്റം ലഭിച്ച് സ്വദേശമായ പത്തനംതിട്ടയില്‍ അടുത്ത ദിവസം ജോലിയില്‍ പ്രവേശിക്കേണ്ടതായിരുന്നു. ഇന്നലെ വൈകിട്ട് കണ്ണൂര്‍ കലക്ടറേറ്റില്‍ നടന്ന യാത്രയയപ്പ് ചടങ്ങില്‍ ജില്ലാ പഞ്ചായത്ത് പ്രസിഡന്റ് പിപി ദിവ്യ എഡിഎമ്മിനെ രൂക്ഷമായി വിമര്‍ശിച്ചതാണു ജീവനൊടുക്കാന്‍ കാരണമെന്നാണു വിമര്‍ശനം.
രേഖ (39) നിര്യാതയായി
ആറ്റിങ്ങൽ: വേങ്ങോട് സൊസൈറ്റി ജംഗ്ഷൻ കാവേരിയിൽ ജ്യോതികുമാറിന്റെ ഭാര്യ രേഖ (39) നിര്യാതയായി.
മക്കൾ:അഭയ്, ആദ്യ.
മരണാനന്തര ചടങ്ങുകൾ ഞായർ (20.10) രാവിലെ 8.30 ന്
സെഞ്ച്വറി തിളക്കവുമായി സഞ്ജു ഇനി രഞ്ജി ട്രോഫിയിൽ
ബംഗ്ലാദേശിനെതിരായ മിന്നും പ്രകടനത്തിനു ശേഷം സഞ്ജു സാംസൺ ഇനി രഞ്ജി ട്രോഫിയിൽ കളിക്കും. രഞ്ജി ട്രോഫിക്കുള്ള കേരള ടീം ക്യാംപിനൊപ്പം സഞ്ജു കഴിഞ്ഞ ദിവസം ചേർന്നു. 18 മുതൽ ബെംഗളൂരുവിൽ നടക്കുന്ന കേരളത്തിന്റെ രണ്ടാം മത്സരത്തിൽ സഞ്ജു കേരളത്തിന്റെ വജ്രായുധമാകും. സഞ്ജുവിനെ കൂടാതെ ഫാസ്റ്റ്ബോളർ എൻ.പി. ബേസിലും ടീമിൽ എത്തിയിട്ടുള്ളതും കേരളത്തിന് കൂടുതൽ കരുത്തേകും.
അലൂർ ക്രിക്കറ്റ് സ്റ്റേഡിയത്തിൽ നടക്കുന്ന മത്സരത്തിൽ കർണാടകയാണ് കേരളത്തിന്റെ എതിരാളികൾ. രണ്ടാം മത്സരത്തിനുള്ള കേരള ടീമിനെ ഇന്ന് പ്രഖ്യാപിക്കും. ടൂർണമെന്റിലെ ആദ്യ മത്സരത്തിൽ സച്ചിൻ ബേബി നയിക്കുന്ന കേരള ടീം നേരത്തെ പഞ്ചാബിനെതിരെ എട്ടു വിക്കറ്റ് വിജയം നേടിയിരുന്നു. പുതിയ സാഹചര്യത്തിൽ സഞ്ജു ടീമിൽ തിരിച്ചെത്തിയതോടെ വിക്കറ്റ് കീപ്പർ മുഹമ്മദ് അസ്ഹറുദ്ദീൻ പുറത്തിരിക്കേണ്ടിവരും.
മയങ്ക് അഗർവാൾ നയിക്കുന്ന കർണാടക ടീമിൽ, ദേവ്ദത്ത് പടിക്കൽ, മനീഷ് പാണ്ഡെ, ശ്രേയസ് ഗോപാൽ എന്നിവരാണ് പ്രധാന താരങ്ങൾ.
നഗരൂരില്‍ കാല്‍നടയാത്രികയായ യുവതിക്ക് നേരെ ലൈംഗീക അതിക്രമം
കിളിമാനൂർ: നഗരൂരിൽ കാൽനടയാത്രികയായ യുവതിക്ക് നേരെ രാത്രിയിൽ ലൈംഗിക അതിക്രമം. നഗരൂർ പഞ്ചായത്തിലെ കോട്ടയ്ക്കൽ ഗേറ്റുമുക്ക് ജംഗ്ഷന് സമീപം ഞായറാഴ്ച രാത്രി 9.40നായിരുന്നു സംഭവം. ആറ്റിങ്ങലിലെ സ്വകാര്യ സ്ഥാപനത്തിൽ ജോലികഴിഞ്ഞ് ഗേറ്റ് മുക്ക് സ്വദേശിനിയായ നാൽപതുകാരി വെള്ളംകൊള്ളി ജംഗ്ഷനിൽ ബസിറങ്ങി കാൽനടയായി ഗേറ്റുമുക്കിന് സമീപമുള്ള വീട്ടിലേക്ക് എത്തുന്നതിന് അമ്പത് മീറ്റർ അകലെവെച്ചാണ് ലൈംഗിക ഉദ്ദേശത്തോടെ പിന്നാലെ എത്തിയ യുവാവ് യുവതിയെ കയറിപിടിച്ചത്.
18വയസ് പ്രായം തോന്നിക്കുന്ന യുവാവ് യുവതിയുടെ നിലവിളികേട്ട് ഓടി രക്ഷപ്പെടുകയായിരുന്നു. സമീപത്തൊന്നും ഈ സമയം ആരും ഉണ്ടായിരുന്നില്ല. തുടർന്ന് സിസിടിവി ദൃശ്യങ്ങളിൽ യുവാവ് നടുന്നുവരുന്നതും ഓടിപോകുന്നതും നഗരൂർ പൊലീസ് ശേഖരിച്ചിട്ടുണ്ട്. യുവതിയുടെ മൊഴിഎടുത്ത് നഗരൂർ പൊലീസ് കേസ് എടുത്തിട്ടുണ്ട്.
ജി സത്യൻ അന്തരിച്ചു
ആറ്റിങ്ങൽ: കിഴക്കുപുറം അക്കരവിള വീട്ടിൽ ജി സത്യൻ (ഹെഡ് ലോഡ് യൂണിയൻ സി.ഐ.റ്റി.യു,വെയർ ഹൗസ്, ആറ്റിങ്ങൽ)(58) അന്തരിച്ചു.
ഭാര്യ: എൽ ചന്ദ്രിക.
മക്കൾ: എസ് സതീഷ്, എസ് സന്ധ്യ.
മരുമക്കൾ: അഖില എ.എസ്, ബിജു ജി.
Recent Comments