ആറ്റിങ്ങൽ വീരകേരളപുരം ശ്രീകൃഷ്ണ സ്വാമി ക്ഷേത്രത്തിലെ അഷ്ടമി രോഹിണി മഹോത്സവം ഓഗസ്റ്റ് 26ന്. അന്നേ ദിവസം രാവിലെ 8 മണിയ്ക്ക് ലക്ഷാർച്ചന, 10.30 നു കഞ്ഞി സദ്യ, വൈകുന്നേരം 3 ന് ഉറി ഊരു ചുറ്റൽ, 4 മണിയ്ക്ക് കുട്ടികളുടെ ഉറിയടി, 6.15 നു ശോഭായാത്രാ സംഗമം, 7 നു നൃത്തനൃത്ത്യങ്ങൾ, 8.30 നു ലഘു ഭക്ഷണം, രാത്രി 12.30ന് തിരുഃജനനം തുടർന്ന് മാടൻ നടയിൽ ചിറപ്പും വിളക്കോടെ ആഘോഷ പരിപാടി സമാപിയ്ക്കും
ആറ്റിങ്ങൽ വെസ്റ്റ് ലോക്കൽ കമ്മിറ്റി ബാലസംഘം മേലാറ്റിങ്ങൽ യൂണിറ്റ് സമ്മേളനം കവിയും സാഹിത്യകാരനുമായ ശശി മാവിൻമൂട് ഉദ്ഘാടനം ചെയ്തു. യൂണിറ്റ് പ്രസിഡന്റ് എ.എം അമൽ അധ്യക്ഷത വഹിച്ചു. ഘോഷ് മേലാറ്റിങ്ങൽ, ശങ്കർ ഗോപിനാഥ്, പ്രഭാകരൻ എന്നിവർ സംസാരിച്ചു.
യൂണിറ്റ് സെക്രട്ടറി വി വസുദേവ് സ്വാഗതവും ബി സാരംഗ് നന്ദിയും പറഞ്ഞു. യൂണിറ്റ് പ്രസിഡന്റായി ജി ഗൗരിയേയും സെക്രട്ടറിയായി ബി സാരംഗിനേയും തെരഞ്ഞെടുത്തു. പങ്കെടുത്ത എല്ലാ കുട്ടികൾക്കും പുസ്തകങ്ങൾ വിതരണം ചെയ്തു. യൂണിറ്റ് അംഗങ്ങളുടെ കുടുംബങ്ങൾ ക്യൂ.ആർ കോഡിലൂടെ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകാനും സമ്മേളനം തീരുമാനിച്ചു.
ആറ്റിങ്ങലിൽ വ്യാപക സാമ്പത്തിക തട്ടിപ്പ് കാരൻ പോലീസ് പിടിയിൽ. എ ബി ഫിനാൻസ് എന്ന പേരിൽ കേരളത്തിൽ വിവിധ സ്ഥലങ്ങളിൽ നടത്തിവന്ന ഓഫീസിൻറെ മറവിൽ വൻ സാമ്പത്തിക തട്ടിപ്പ് നടത്തിയ തിരുവനന്തപുരം കാട്ടാക്കട കുറിയക്കോട് പെരുങ്കുളം സ്നേഹാലയത്തിൽ 48 വയസ്സുള്ള അലക്സാണ്ടർ ബാലസ് ആണ് അറസ്റ്റിലായത്. ലോൺ തരപ്പെടുത്തി കൊടുക്കൽ, ജോലി വാഗ്ദാനം ചെയ്യൽ എന്നി വാഗ്ദാനങ്ങൾ നൽകി 100 – കണക്കിന് വ്യക്തികളിൽ നിന്നും വൻ തുകകൾ കൈക്കലാക്കി മുങ്ങുകയാണ് പതിവ്. കൂടാതെ നിരവധി വിവാഹങ്ങൾ നടത്തി വിവാഹതട്ടിപ്പ് നടത്തിയതായും പരാതി ഉയരുന്നു.
ഇത്തരത്തിൽ ഇക്കഴിഞ്ഞ ദിവസം ആറ്റിങ്ങൽ മുദായ്ക്കൽ, പൂവണത്തും മൂട് ജംഗ്ഷനിലെ സ്ഥാപനത്തിൽ നടത്തിവന്ന തട്ടിപ്പ് വിവരം ജനപ്രതിനിധികളായ പൂവണത്തും മൂട്ബിജു, പൂവണത്തുമൂട് മണികണ്ഠൻ എന്നിവർ ആറ്റിങ്ങൽ പോലീസിൽ വിവരം അറിയിക്കുകയും, എസ് എച്ച് ഒ യുടെ നേതൃത്വത്തിലുള്ള പോലീസ് സംഘം സ്ഥാപന ഉടമ അലക്സാണ്ടർ ബാലസിനെ അറസ്റ്റ് ചെയ്ത് കോടതിയിൽ ഹാജരാക്കി.
കൊച്ചിയിൽ മാവോയിസ്റ്റ് നേതാവിന്റെ വീട്ടിൽ എൻ ഐ എ റെയ്ഡ്. മുരളി കണ്ണമ്പിള്ളിയുടെ തേവയ്ക്കലിലെ വീട്ടിലാണ് എൻ ഐ എ സംഘം റെയ്ഡ് നടത്തുന്നത്. ഇവർ പരിശോധന നടത്തിക്കൊണ്ടിരിക്കുകയാണ്.
എട്ട് പേരടങ്ങുന്ന എൻ ഐ എ സംഘമാണ് മുരളി കണ്ണമ്പിളളിയുടെ മകന്റെ വീട്ടിൽ റെയ്ഡിനെത്തിയത്. വീടിന്റെ കതക് പൊളിച്ചാണ് എൻ ഐ എ സംഘം മുരളി കണ്ണമ്പിള്ളിയുടെ വീടിനുള്ളിൽ കടന്നത്. ഹൃദ്രോഗിയായ മുരളി ഈ വീട്ടിൽ ഒറ്റക്കാണ് താമസം. ഹൈദരാബാദിലെ കേസുമായി ബന്ധപ്പെട്ടാണ് എൻ ഐbഎ ഉദ്യോഗസ്ഥ സംഘം എത്തിയിരിക്കുന്നതാണ് വിവരം.
വയനാട് ദുരിതബാധിതർക്ക് ഡി വൈ എഫ് ഐ നിർമ്മിച്ചു നൽകുന്ന വീടുകളുടെ ധനസമാഹരണത്തിന്റെ ഭാഗമായി ഡി വൈ എഫ് ഐ ആറ്റിങ്ങൽ വെസ്റ്റ് മേഖല കമ്മിറ്റിയിലെ അട്ടക്കുളം യൂണിറ്റ് പ്രസിഡന്റ് ബാലുവിന്റെ അമ്മയും, നിയമ സഭ സെക്രട്ടറിയേറ്റ് സൂപ്രണ്ടുമായ തങ്കച്ചി.എസ്, തന്റെ ഒരു ജോഡി സ്വർണ്ണ കമ്മൽ ഡി വൈ എഫ് ഐ ജില്ലാ പ്രസിഡന്റ് വി. അനൂപിന് കൈമാറി.
പൈങ്കിളിദാസ് മെമ്മോറിയൽ ലൈബ്രേറിയൻ പുരസ്‌കാരം രാജേന്ദ്രൻ നായർക്ക് ലഭിച്ചു.
മൂതല ഗ്രാമോദ്ധാരണ വായനശാലയുടെ ആഭിമുഖ്യത്തിൽ ലൈബ്രേറിയൻ ദിനമായ കഴിഞ്ഞ ദിവസം (ഓഗസ്റ്റ് 12) അദ്ദേഹത്തിന്റെ വീട്ടിലെത്തി ആദരിച്ചു. കെ.എസ്.എൽ.യു.സംസ്ഥാന കമ്മിറ്റി അംഗവും പള്ളിക്കൽ ഗ്രാമപഞ്ചായത്ത് വൈസ് പ്രസിഡന്റുമായ എം മാധവൻകുട്ടി, കെ.എസ്.എൽ.യു തിരുവനന്തപുരം ജില്ലാ കമ്മിറ്റി അംഗം ജമീമ ഷാജഹാൻ, കെ എസ് എൽ യു വർക്കല താലൂക്ക് കമ്മിറ്റി പ്രസിഡന്റ് ലതിക, കെ എസ് എൽ യു വർക്കല താലൂക്ക് കമ്മിറ്റി അംഗം ബി ദേവരാജൻ, എൻ രാജീവ്, വാർഡ് മെമ്പർ എസ് ഷീബ, വർക്കല താലൂക്ക് ലൈബ്രറി കൗൺസിൽ എക്സിക്യൂട്ടീവ് അംഗം ബാബു ജി, ലൈബ്രറി ഭാരവാഹികളായ എസ് എസ് ബിജു, പച്ചയിൽ സുരേഷ്, ദീപു മോഹൻ തുടങ്ങിയവർ പങ്കെടുത്തു.
Recent Comments