by Midhun HP News | Aug 5, 2024 | Latest News, ജില്ലാ വാർത്ത
തിരുവനന്തപുരം: റവന്യു, ദേവസ്വം സെക്രട്ടറി എം ജി രാജമാണിക്യവും ഭാര്യ, ദക്ഷിണമേഖല ഡിഐജി ആര്‍ നിശാന്തിനിയും ഉപരിപഠനത്തിന് അമേരിക്കയിലേക്ക്. 2025 ജൂണ്‍ 20 വരെയാണ് അവധി. ഇരുവരും ഏഴിന് അമേരിക്കയിലേക്ക് തിരിക്കും.
യുഎസിലെ കോര്‍മല്‍ യൂണിവേഴ്‌സിറ്റിയില്‍ എന്‍വയണ്‍മെന്റ് ആന്റ് ക്ലൈമറ്റ് ചെയ്ഞ്ചിലാണ് രാജമാണിക്യത്തിന്റെ ഒരു വര്‍ഷത്തെ പഠനം. യൂണിവേഴ്‌സിറ്റിയുടെ ഫെലോഷിപ്പ് ലഭിച്ചിട്ടുണ്ട്. എന്‍ജിനീയറിങ്ങില്‍ മാസ്റ്റേഴ്‌സ് ബിരുദമുള്ള രാജമാണിക്യം നേരത്തെ ലണ്ടനില്‍ പബ്ലിക് അഡ്മിനിസ്‌ട്രേഷനിലും ഉപരിപഠനം നടത്തിയിട്ടുണ്ട്. ആര്‍ നിശാന്തിനിയുടെ അഡ്മിഷന്‍ സംബന്ധിച്ച് യുഎസില്‍ എത്തിയ ശേഷമേ തീരുമാനമെടുക്കും.
തദ്ദേശ സെക്രട്ടറി ടിവി അനുപമയ്്ക്കാണ് റവന്യു, ദേവസ്വം സെക്രട്ടറിയുടെ ചുമതല. രാജമാണിക്യം വഹിച്ചിരുന്ന അമൃത് മിഷന്‍ ഡയറക്ടര്‍ സ്ഥാനം ലൈഫ് മിഷന്‍ സിഇഒ സൂരജ് ഷാജിക്ക് കൈമാറി.
by Midhun HP News | Aug 5, 2024 | Latest News, ജില്ലാ വാർത്ത
കരവാരം ഗ്രാമ പഞ്ചായത്തിലെ ഉപതെരഞ്ഞെടുപ്പിൽ വിജയിച്ച എൽ.ഡി.എഫിന്റെ ബേബി ഗിരിജ,വിജി വേണു എന്നിവർ പഞ്ചായത്തംഗങ്ങളായി സത്യപ്രതിജ്ഞ ചെയ്തു.
ഭരണം പിടിക്കാൻ എൽ ഡി എഫ് അവിശ്വാസ പ്രമേയം കൊണ്ട് വരും.
by Midhun HP News | Aug 5, 2024 | Latest News, കേരളം
കല്‍പ്പറ്റ: വയനാട്ടില്‍ വനത്തില്‍ അകപ്പെട്ട രക്ഷാപ്രവര്‍ത്തകരെ തിരിച്ചെത്തിച്ച് എന്‍ഡിആര്‍എഫ് സംഘം. ഉരുള്‍പ്പൊട്ടലിനെ തുടര്‍ന്ന് പോത്തുകല്‍ ഇരുട്ടുകുത്തില്‍ നിന്ന് തിരച്ചിലിന് പോയ 18 അംഗം സംഘമാണ് വനത്തില്‍ കുടുങ്ങിയിരുന്നത്.
എമര്‍ജന്‍സി റസ്‌ക്യു ഫോഴ്‌സിന്റെ 14 പ്രവര്‍ത്തകര്‍ ടീം വെല്‍ഫയറിന്റെ രക്ഷപ്രവര്‍ത്തകരായ നാല് പേര്‍ എന്നിവരാണ് ഉള്‍വനത്തില്‍ കുടുങ്ങിയത്. സൂചിപ്പാറയുടെ സമീപത്തെ കാന്തപ്പാറയിലാണ് ഇവര്‍ കുടുങ്ങിയത്. ഇവരെ തിരിച്ചെത്തിക്കുന്നതിനായി ഇന്നലെ മുണ്ടേരിയില്‍ ജില്ലാ പൊലീസ് മേധാവിയും ഫോറസ്റ്റ് ഉദ്യോഗസ്ഥരുമായി ചര്‍ച്ചകള്‍ നടത്തിയിരുന്നു. പിന്നീട് രക്ഷാപ്രവര്‍ത്തകര്‍ സുരക്ഷിതരാണെന്നും വനം വകുപ്പിന്റെ കാന്തന്‍പാറ ഔട്ട് പോസ്റ്റില്‍ എത്തിയതായും വിവരം ലഭിച്ചിരുന്നു. ഇവര്‍ കണ്ടെത്തിയ ഒരു മൃതദേഹം എയര്‍ ലിഫ്റ്റ് ചെയ്തു.
കാട്ടാനശല്യവും രൂക്ഷമായ പ്രദേശത്തായിരുന്നു രക്ഷാപ്രവര്‍ത്തകര്‍ കുടുങ്ങിയത്. സൂചിപ്പാറക്ക് സമീപത്തെ കാന്തന്‍പാറ വെള്ളച്ചാട്ടത്തിന് സമീപമാണ് സംഘം കുടുങ്ങിയിരുന്നത്.
അതേസമയം വയനാട്ടില്‍ ഉരുള്‍പൊട്ടലില്‍ കാണാതായവര്‍ക്കായുള്ള തിരച്ചില്‍ ഏഴാം ദിവസത്തിലേക്ക് കടന്നു. ഐബോഡ് പരിശോധനയില്‍ ബെയ്‌ലി പാലത്തിന് സമീപം ലഭിച്ച രണ്ട് സിഗ്‌നലുകള്‍ കേന്ദ്രീകരിച്ച് ഇന്ന് പരിശോധന നടത്തും. കൂടാതെ ചാലിയാറിലും ദൗത്യം സംഘം വ്യാപക തിരച്ചില്‍ നടത്തും.
by Midhun HP News | Aug 5, 2024 | Latest News, കേരളം
കൊച്ചി: സംസ്ഥാനത്ത് സ്വര്‍ണവിലയില്‍ മാറ്റമില്ല. ഇന്ന് 51,760 രൂപയാണ് ഒരു പവന്‍ സ്വര്‍ണത്തിന്റെ വില. ഗ്രാമിന് 6470 രൂപ നല്‍കണം.
കഴിഞ്ഞ മാസം 17ന് സ്വര്‍ണവില 55,000 രൂപയായി ഉയര്‍ന്ന് ആ മാസത്തെ ഏറ്റവും ഉയര്‍ന്ന നിലവാരത്തില്‍ എത്തിയിരുന്നു. എന്നാല്‍ കേന്ദ്ര ബജറ്റില്‍ കസ്റ്റംസ് തീരുവ കുറച്ചതോടെ സ്വര്‍ണവിലയില്‍ വലിയ ഇടിവ് നേരിടുന്നതാണ് പിന്നീട് കണ്ടത്.കഴിഞ്ഞ മാസം 26ന് 50,400 രൂപയായി താഴ്ന്ന് ആ മാസത്തെ ഏറ്റവും താഴ്ന്ന നിലവാരത്തിലേക്കും സ്വര്‍ണവില എത്തി. ദിവസങ്ങള്‍ക്കകം ഏകദേശം 4500 രൂപയാണ് ഇടിഞ്ഞത്. പിന്നീട് വില തിരിച്ചുകയറുന്നതാണ് ദൃശ്യമായത്. ഒന്‍പത് ദിവസത്തിനിടെ 1440 രൂപ വര്‍ധിച്ച ശേഷമാണ് കഴിഞ്ഞ ദിവസം നേരിയ തോതില്‍ വില കുറഞ്ഞത്.
by Midhun HP News | Aug 5, 2024 | Latest News, ജില്ലാ വാർത്ത
എംപ്ലോയീസ് കൾച്ചറൽ ഓർഗനൈസേഷൻ – എക്കോയുടെ ആഭിമുഖ്യത്തിൽ സാഹിത്യ സമ്മേളനവും പുസ്തകപ്രകാശനവും സംഘടിപ്പിച്ചു. എക്കോ പ്രസിഡന്റ് കെ. അജന്തൻ നായർ അധ്യക്ഷത വഹിച്ച യോഗത്തിൽ പി. അനിൽകുമാർ എഴുതിയ പുസ്തകങ്ങളെ അവലോകനം ചെയ്തു കൊണ്ട് ആറ്റിങ്ങൽ സന്തോഷ്‌ സംസാരിച്ചു. യോഗത്തിൽ പി.അനിൽകുമാർ എഴുതിയ തലൈകുത്ത്, മരുഭൂമിയിലെ കപ്പൽ എന്നീ പുസ്തകങ്ങൾ എക്കോ പ്രസിഡന്റ് കെ. അജന്തൻ നായർ പ്രകാശനം ചെയ്തു. എക്കോ ജനറൽ സെക്രട്ടറി അഡ്വ. കെ. ജയപാൽ, വി. കൃഷ്ണൻകുട്ടി നായർ, പി. ജയചന്ദ്രൻ നായർ, എൻ. സാബു, കെ. വേണു എന്നിവർ സംസാരിച്ചു.
by Midhun HP News | Aug 5, 2024 | Latest News, ജില്ലാ വാർത്ത
ആറ്റിങ്ങൽ: നഗരസഭ അമ്പലമുക്ക് വാർഡിൽ 2023-24 വർഷത്തിൽ എസ്എസ്എൽസി, പ്ലസ് ടു പരീക്ഷയിൽ വിജയിച്ച മുഴുവൻ വിദ്യാർത്ഥികളെയും ആദരിച്ചു. വാർഡ് കൗൺസിലർ കെ. ജെ രവികുമാറിന്റെ അധ്യക്ഷതയിൽ നടന്ന ‘ആദരവ് 2024’ എന്ന ചടങ്ങ് ആറ്റിങ്ങൽ ബ്ലോക്ക് കോൺഗ്രസ്‌ വൈസ് പ്രസിഡന്റ് പി. ജയചന്ദ്രൻനായർ ഉദ്ഘാടനം ചെയ്തു. മുൻ കൗൺസിലർ കെ. കൃഷ്ണമൂർത്തി, ബ്ലോക്ക് കോൺഗ്രസ്‌ ഭാരവാഹികളായ എസ്. ശ്രീരംഗൻ, എസ്.ഷാജി കോൺഗ്രസ്‌ അമ്പലമുക്ക് ബൂത്ത്‌ പ്രസിഡന്റ് പ്രസന്നകുമാർ, ആശവർക്കർ ഷൈലദാസ്, അഡ്വ.ശ്രീരാഗ് ജയചന്ദ്രൻ, ആർ. എം. മുഹമ്മദ്‌ ജാസ്സിം, റിജു തുടങ്ങിയവർ പങ്കെടുത്തു.
Recent Comments