പെരുങ്ങുഴി, മാതശ്ശേരിക്കോണം ഗവ യു പി എസിൽ 2024-25 അധ്യയന വർഷത്തിൽ
എൽ പി എസ് എ യുടെ ഒരു താൽക്കാലിക ഒഴിവുണ്ട്. താൽപര്യമുള്ളവർ യോഗ്യത തെളിയിക്കുന്ന അസൽ സർട്ടിഫിക്കറ്റുമായി 21/06/2024 വെള്ളിയാഴ്ച രാവിലെ 10.30 ന് സ്കൂൾ ഓഫീസിൽ എത്തിച്ചേരേണ്ടതാണ്.
കോളനി എന്ന പേര് എടുത്തുകളയണമെന്ന് മന്ത്രി കെ രാധാകൃഷ്ണൻ. കോളനി എന്ന പദം അടിമത്തത്തിന്റേതാണ് ,അത് മേലാളാൻമാർ ഉണ്ടാക്കിയതാണെന്നും മന്ത്രി പറഞ്ഞു. പേര് തന്നെ കേൾക്കുമ്പോൾ അപകർഷതബോധം തോന്നുന്നു ,ആ പേര് ഇല്ലാതാക്കുകയാണ് .ഉത്തരവ് ഉടനെ ഇറങ്ങും.പകരം പേര് ആ പ്രദേശത്തുള്ളവർക്ക് പറയാം, നിലവിൽ വ്യക്തികളുടെ പേരിലുള്ള പ്രദേശം അങ്ങനെ തുടരും എന്നും മന്ത്രി പറഞ്ഞു.വ്യക്തികളുടെ പേര് ഇടുന്നതിനു പകരം മറ്റ് പേരുകൾ ഇടണം,പ്രദേശത്തെ ആളുകളുടെ നിർദേശം അടിസ്ഥാനത്തിൽ ആകണം പേര്
ഉന്നതി എംപവർമെന്റ് സൊസൈറ്റി ഓഫീസ് നവീകരണ പ്രവർത്തനങ്ങളുടെ ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.മന്ത്രി എന്ന നിലയിൽ അവസാനത്തെ ദിവസമാണിത് എന്നും മന്ത്രി, എം എൽ എ സ്ഥാനം രാജി വെക്കും മുന്നേ ഉന്നതി പ്രവർത്തനം മെച്ചപ്പെടുത്തണം എന്ന് തീരുമാനിച്ചിരുന്നു.പരമാവധി കാര്യങ്ങൾ ചെയ്തിട്ടുണ്ട്.ഒരുവിധം എല്ലാം ചെയ്യാൻ കഴിഞ്ഞിട്ടുണ്ട് എന്ന് കരുതുന്നുവെന്നും അദ്ദേഹം പറഞ്ഞു..
ചിറയിൻകീഴ്: ശാർക്കര ഹൈസ്കൂളിലെ 1985 ൽ പഠിച്ചിറങ്ങിയ വിദ്യാത്ഥി കൂട്ടായ്മ ചിത്തിരത്തോണി 85 സംഘത്തിന്റെ നേതൃത്വത്തിൽ മെരിറ്റ് ഈവെനിംഗും പുതിയ ആസ്ഥാന ഓഫീസും ലൈബ്രറിയും വായനശാലയും മുൻ ഡെപ്പൂട്ടി സ്പീക്കർ വി.ശശി എം എൽ എ ഉദ്ഘാടനം ചെയ്തു. എസ്സ്.എസ്സ്.എൽ.സി, പ്ലസ്ടു, ഡിഗ്രി തലങ്ങളിൽ ഉന്നത വിജയം കരസ്ഥമാക്കിയ അംഗങ്ങളുടെ മക്കളെ ചിറയിൻകീഴ് ഗ്രാമ പഞ്ചായത്ത് പ്രസിഡന്റ് അബ്ദുൾ വാഹിദ് ആദരിച്ചു.
ചിത്തിരത്തോണി സംഘം രക്ഷാധികാരിയും ഗ്രന്ഥശാല പ്രസിഡന്റുമായ മനോജ് ബി ഇടമന അദ്ധ്യക്ഷനായിരുന്നു. പൂർവ്വകാലവിദ്യാത്ഥിസംഘടനകളുടെ നേതൃത്വത്തിൽ പുതിയതലമുറയ്ക്ക് വേണ്ടി വായനശീലം ഉയർത്തുന്നതിന് ഒരു ഗ്രന്ഥശാലയ്ക്ക് രൂപം നൽകിയ ചിത്തിരത്തോണി മറ്റുള്ളവർക്ക് ഒരു മാത്യക പ്രസ്ഥാനമാണെന്ന് വി.ശശി എം എൽ എ ഉദ്ഘാടന പ്രസംഗത്തിൽ പറഞ്ഞു. ചടങ്ങിൽ പുതിയ ഓഫീസും ലൈബ്രറിയും വായനശാലയും നാട മുറിച്ചും നിലവിളക്ക് കൊളുത്തിയും അദ്ദേഹം നിർവ്വഹിച്ചു.
വിദ്യാർത്ഥികൾക്ക് വേണ്ടി ഇൻഞ്ചിനിയറിംഗ് കോളേജ് അസ്സി: പ്രെഫസർ സജീവ് മോഹൻ മോട്ടിവേഷൻ ക്ലാസ്സെടുത്തു. സംഘം പ്രസിഡന്റ് സജി സതീശൻ സ്വാഗതവും സെക്രട്ടറി എസ്സ്.സുരേഷ് നന്ദിയും പറഞ്ഞു. ട്രഷറർ ആർ.ജയാംബിക കുവൈറ്റ് ദുരന്തത്തിൽ ജീവൻ നഷ്ടപ്പെട്ടവർക്കും മരണപ്പെട്ട സഹപാഠികൾക്കും അനുശോചനം രേഖപ്പെടുത്തി.
കലാലയങ്ങളിൽ കലാ-കായികരംഗത്ത് വ്യക്തി മുദ്രപതിപ്പിച്ച വിദ്യാർത്ഥികളെയും ആദരിച്ചു. സമൂഹത്തിൽ മാതൃകയായി കളഞ്ഞു കിട്ടിയ ആയിരക്കണക്കിന് വരുന്നതുക ആറ്റിങ്ങൽ പോലീസിന്റെ സഹായത്തോടെ നവ മാധ്യമങ്ങളിലൂടെ ഉടമസ്ഥനെ കണ്ടെത്തി പണംകൈമാറി മാതൃകയായ ഷാഫിയെയും ആദരിച്ചു.
ചടങ്ങിന് ചിത്തിരത്തോണി ഗ്രന്ഥശാല സെക്രട്ടറി സുനിതാഭായ്, പാലിയേറ്റ് കൺവീനർ പി.പ്രേംകുമാർ, സംഘം സഹഭാരവാഹികളായ ബി.ഷാജഹാൻ, മനോജ് കുമാർ, ബിന്ദു ബി.എൽ, കെ.ശിവദാസൻ എന്നിവർ സംസാരിച്ചു. യോഗാനന്തരം കലാപരിടികളും നടന്നു.
കഴിഞ്ഞ നാലുവർഷമായി സമൂഹത്തിൽ ഒട്ടേറെ കർമ്മപദ്ധതിയുമായി മുന്നോട്ടു പോകുന്ന പൂർവ്വകാല വിദ്യാത്ഥി സംഘടനയായ ചിത്തിരത്തോണി കോവിഡ് മഹാമാരി കാലത്തെ പ്രവർത്തനങ്ങൾ, താലൂക്ക് ആശുപത്രിയിൽ പാലിയേറ്റ് കെയർ രോഗികൾക്ക് എല്ലാ മാസവും സഹായങ്ങൾ നൽകുന്ന പ്രവർത്തനം, നിർദ്ധനരായവർക്ക് നൽകുന്ന ഭക്ഷ്യ കിറ്റ് വിതരണങ്ങൾ, വിഷരഹിത പച്ചക്കറി കൃഷി വ്യാപനം, സഹപാഠിക്കൊരു കൈത്താങ്ങ്, തൊഴിൽ സംരംഭങ്ങൾക്ക് വായ്പ തുടങ്ങി വിവിധങ്ങളായ പരിപാടികളാണ് നടത്തി കൊണ്ടിരിക്കുന്നത്.
നാവായിക്കുളം സർവീസ് സഹകരണ ബാങ്ക് ശതാബ്ദിയാഘോഷങ്ങളുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് ബേബി രവീന്ദ്രൻ നിർവഹിച്ചു.ഇതിന്റെ ഭാഗമായി ഹെഡ് ഓഫീസ് മന്ദിരത്തിന്റെ നവീകരണ പദ്ധതിയുടെ നിർമ്മാണ ഉദ്ഘാടനം വർക്കല സഹകരണ അസിസ്റ്റന്റ് രജിസ്ട്രാർ എസ്.സുരേഷ് നിർവഹിച്ചു.
നിലവിലുള്ള നാല് നിലകളുള്ള ഹെഡ് ഓഫീസ് കെട്ടിടം നാഷണൽ ഹൈവേ വികസനത്തിൻ ഭാഗമായി പൊളിച്ചു മാറുകയുണ്ടായി. ഇത് പുനർ നിർമ്മിച്ച് ലിഫ്റ്റ് ഉൾപ്പെടെ ആധുനിക സൗകര്യങ്ങളോടെ നവീകരിച്ച കൗണ്ടറും മറ്റും സജ്ജമാക്കും ബാങ്കിന്റെ സേവനം പഞ്ചായത്തിലെ എല്ലാ കുടുംബങ്ങളിലും എത്തിക്കുന്നതിനുള്ള പദ്ധതികൾ ആസൂത്രണം ചെയ്തിട്ടുണ്ട്. വായ്പ വിതരണം ത്വരിത പ്പെടുത്തുന്നതിനും കാർഷിക മേഖലയിൽ കർഷകർക്ക് കൈത്താങ്ങായി ഉൽപ്പന്നങ്ങളുടെ സംഭ രണവും വിതരണവും ബാങ്കിന്റെ അഗ്രോ ഡിവിഷൻ ഏറ്റെടുത്തു നടപ്പാക്കും.
യോഗത്തിന് ബാങ്ക് പ്രസിഡന്റ് അഡ്വ. എം. എം താഹ അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം എ. ജെ ജിഹാദ്, സിപിഎം നേതാവ് അഡ്വ. ജി.രാജു, പഞ്ചായത്തംഗം അശോകൻ, സഹകരണ അസിസ്റ്റന്റ് രജിസ്ട്രാർ എസ്. സുരേഷ്, യൂണിറ്റ് ഇൻസ്പെക്ടർ ജി. അനിൽകുമാർ, ബാങ്ക് സെക്രട്ടറി എസ്. ബിന്ദു, താജുദ്ദീൻ ഡീസന്റ്മുക്ക്, അസി. സെക്രട്ടറി പൃഥ്വിരാജ്, എസ് ആർ. ഹാരിസ്, എൻ കെ പി സുഗതൻ തുടങ്ങിയവർ സംസാരിച്ചു.
ഉന്നത വിജയം കരസ്ഥമാക്കിയ വിദ്യാർത്ഥികൾക്കുള്ള എൻ രാമചന്ദ്രൻ പിള്ള വിദ്യാഭ്യാസ അവാർഡുകളുടെ വിതരണവും, ശതാബ്ദി ലോഗോ പ്രകാശനവും തദവസരത്തിൽ നടന്നു.
ഗോത്രവർഗ്ഗ കുടുംബ കേന്ദ്രങ്ങളെ കോളനികൾ എന്ന് വിശേഷിപ്പിക്കുന്നത് ഒഴിവാക്കുമെന്ന് പട്ടികജാതി പട്ടികവർഗ്ഗ വികസന വകുപ്പ് മന്ത്രി കെ. രാധാകൃഷ്ണൻ. പട്ടികവർഗ്ഗ കുടുംബങ്ങൾ താമസിക്കുന്ന പ്രദേശങ്ങൾക്ക് കോളനി എന്ന പേര് നൽകുന്നതിന് പകരം എന്തു പേര് വേണമെന്ന് ആ പ്രദേശത്തുള്ളവർക്ക് തീരുമാനിക്കാമെന്നും മന്ത്രി പറഞ്ഞു. ഉന്നതി എംപവർമെന്റ് സൊസൈറ്റി ഓഫീസ് നവീകരണ പ്രവർത്തനങ്ങളുടെ ഉദ്ഘാടനവും നോളജ് സിറ്റി പ്രഖ്യാപനവും നിർവഹിച്ച് സംസാരിക്കുകയായിരുന്നു മന്ത്രി. മന്ത്രി എന്ന നിലയിലെ അവസാന പരിപാടിയാണെന്നും കൂട്ടിച്ചേർത്തു.
പട്ടികജാതി പട്ടികവർഗ്ഗ വിഭാഗങ്ങൾക്കായി ക്ഷേമ പ്രവർത്തനങ്ങൾ മാത്രം നടത്താതെ അവരെ സംരംഭകരാക്കി വളർത്തുക കൂടിയാണ് ഉന്നതി പദ്ധതിയുടെ ലക്ഷ്യം. മികച്ച പഠനം നേടിയവർക്ക് സ്വന്തം കാലിൽ നിൽക്കാനുള്ള ശേഷി ഉണ്ടാക്കുകയാണ് ഉന്നതി പദ്ധതിയിലൂടെ ചെയ്യുന്നത്. 691 പട്ടികജാതി, പട്ടികവർഗ്ഗ വിദ്യാർത്ഥികളെ വിദേശ സർവകലാശാലകളിൽ അയച്ച് പഠിപ്പിക്കാൻ സാധിച്ചു. 255 കുട്ടികൾ ഈ സെപ്റ്റംബറിൽ വിദേശത്തേക്ക് പോകുന്നുണ്ട്. 150 ഗോത്രവർഗ്ഗ കുട്ടികൾ എയർഹോസ്റ്റസുമാരായി ജോലി ചെയ്യുന്നു. ഗോത്രവർഗ്ഗ യുവാക്കളെ പൈലറ്റുമാരാക്കുന്നതിനുള്ള വിംഗ്സ് പദ്ധതിയിലൂടെ കൂടുതൽ പൈലറ്റുമാരെ ഇനിയും സൃഷ്ടിക്കും.
അന്താരാഷ്ട്ര വിമാനം പറത്തുന്നതിനുള്ള പരിശീലനം നേടുന്നതിന് അഞ്ച് കുട്ടികൾക്ക് പ്രത്യേക സാമ്പത്തിക സഹായവും നൽകി. 1285 കേന്ദ്രങ്ങളിൽ ഇൻറർനെറ്റ് കണക്ഷൻ എത്തിച്ചു. 17 കേന്ദ്രങ്ങളിൽ കൂടി വൈദ്യുതി എത്തിയാൽ 100% വൈദ്യുതീകരിക്കപ്പെട്ട ആദ്യ സംസ്ഥാനമായി കേരളം മാറും. അർഹതപ്പെട്ട ആനുകൂല്യങ്ങൾ എല്ലാവർക്കും ലഭിക്കണമെന്ന് തന്നെയാണ് ആഗ്രഹം. എന്നാൽ സാമ്പത്തിക പ്രതിസന്ധി കുറച്ച് പ്രയാസം ഉണ്ടാക്കുന്നുണ്ടെന്നും മന്ത്രി പറഞ്ഞു.
മണ്ണന്തല അംബേദ്കർ ഭവനിൽ നടന്ന ചടങ്ങിൽ വി.കെ പ്രശാന്ത് എം എൽ എ അധ്യക്ഷത വഹിച്ചു. വാർഡ് കൗൺസിലർ വനജ രാജേന്ദ്രബാബു, പട്ടികജാതി വികസന വകുപ്പ് ഡയറക്ടർ കെ. ഗോപാലകൃഷ്ണൻ, പട്ടികവർഗ്ഗ വികസന വകുപ്പ് ഡയറക്ടർ മേഘശ്രീ ഡി. ആർ, പട്ടികജാതി വികസന വകുപ്പ് അഡീഷണൽ ഡയറക്ടർ സജീവ് തുടങ്ങിയവരും പങ്കെടുത്തു.
എസ്.എസ്.എല്‍.സി, പ്ലസ്ടു പഠനം പാതിവഴിയില്‍ മുടങ്ങിയവര്‍ക്കും ഇക്കഴിഞ്ഞ പൊതു പരീക്ഷയില്‍ പരാജയപ്പെട്ടവര്‍ക്കും സൗജന്യമായി തുടര്‍ പഠനം സാധ്യമാക്കുന്ന കേരള പോലീസിന്റെ “ഹോപ്പ്” പദ്ധതിയില്‍ ഇപ്പോള്‍ രജിസ്റ്റര്‍ ചെയ്യാം.
പഠനം പൂര്‍ത്തിയാക്കാന്‍ കഴിയാത്ത 18 വയസ്സില്‍ താഴെയുള്ളവര്‍ക്ക് അതതു ജില്ലയിലെ കേന്ദ്രങ്ങളില്‍ സൗജന്യ പരിശീലനം നല്‍കും. രജിസ്റ്റര്‍ ചെയ്യേണ്ട അവസാന തീയതി ജൂലൈ 15. രജിസ്ട്രേഷനും കൂടുതല്‍ വിവരങ്ങള്‍ക്കുമായി 9497900200 എന്ന നമ്പരില്‍ ബന്ധപ്പെടാം. കഴിഞ്ഞ നിരവധി വര്‍ഷങ്ങളായി വിദഗ്ദ്ധരായ അധ്യാപകരുടെ ക്ലാസുകളിലൂടെയും മെന്‍ററിങ്, മോട്ടിവേഷന്‍ പരിശീലനങ്ങളിലൂടെയും കുട്ടികളെ വിജയത്തിലേയ്ക്ക് നയിച്ച കേരള പോലീസിന്റെ ജനപ്രിയ പദ്ധതിയാണ് ഹോപ്പ്.
Recent Comments