by Midhun HP News | Mar 28, 2026 | Latest News, ദേശീയ വാർത്ത
തെഹ്റാന്: ഇറാന്റെ ആണവ കേന്ദ്രങ്ങള് ലക്ഷ്യമിട്ട് ഇസ്രയേലിന്റെ വന് മിസൈല് ആക്രമണം. ഇറാന്റെ ആണവായുധ നിര്മാണ പദ്ധതികളില് നിര്ണായക പങ്കുവഹിക്കുന്ന അറാക് ഷാഹിദ് ഖൊണ്ടാബ് ഹെവി വാട്ടര് കോംപ്ലക്സിന് നേരെ വ്യോമാക്രമണം നടത്തിയതായി ഇസ്രയേല് അറിയിച്ചു. ആണവായുധങ്ങള്ക്ക് ആവശ്യമായ പ്ലൂട്ടോണിയം ഉല്പ്പാദിപ്പിക്കുന്ന പ്രധാന കേന്ദ്രമാണ് അറാകിലെ പ്ലാന്റ് എന്നും ലോകത്തിന് ഭീഷണിയായ ഇറാന്റെ ആണവ പദ്ധതിയെ തടയുന്നതിന്റെ ഭാഗമായാണ് ഈ നടപടിയെന്നും ഇസ്രയേല് പ്രതിരോധ സേന അറിയിച്ചു.
അതേസമയം ആക്രമണത്തില് ആണവ കേന്ദ്രത്തില് നിലവില് ആണവ വികിരണ ഭീഷണിയോ ആളപായമോ ഇല്ലെന്നാണ് ഇറാനിയന് ആറ്റോമിക് എനര്ജി ഓര്ഗനൈസേഷന്റെ പ്രാഥമിക നിഗമനം. സംഘര്ഷം ലഘൂകരിക്കുന്നതിനുള്ള ചര്ച്ചകള് പുരോഗമിക്കുകയാണെന്ന് യുഎസ് പ്രസിഡന്റ് ഡോണള്ഡ് ട്രംപ് പ്രസ്താവിച്ചതിന് പിന്നാലെയാണ് ഇസ്രയേലിന്റെ ആക്രമണം. ഊര്ജ കേന്ദ്രങ്ങളെ ആക്രമിക്കില്ലെന്ന ട്രംപിന്റെ ഉറപ്പ് ലംഘിച്ചാണ് ഇസ്രയേല് നീക്കം.
ഊര്ജ കേന്ദ്രങ്ങള് ആക്രമിക്കില്ലെന്ന ട്രംപിന്റെ പ്രഖ്യാപനം വെറും വാക്കെന്ന് തെളിഞ്ഞതായി ഇറാന് വിദേശകാര്യ മന്ത്രി അബ്ബാസ് അറാഗ്ചി പറഞ്ഞു. രണ്ട് വന്കിട ഉരുക്ക് ശാലകള്, ഒരു പവര് സ്റ്റേഷന്, സിവിലിയന് ആണവ കേന്ദ്രം, മറ്റ് അടിസ്ഥാന സൗകര്യങ്ങള് എന്നിവക്ക് നേരെയാണ് ഇസ്രായേല് ആക്രമണം നടത്തിയത്. ഇസ്രയേലിന്റെ ഈ നടപടിക്ക് ശക്തമായ തിരിച്ചടി നല്കുമെന്ന് ഇറാന് പ്രഖ്യാപിച്ചു. ഇസ്രായേല് തീ കൊണ്ട് കളിച്ചെന്ന് ഐആര്ജിസി എയറോസ്പേസ് കമാന്ഡര് സെയ്ദ് മാജിദ് മൂസവി പറഞ്ഞു.’ഞങ്ങളുടെ അടിസ്ഥാന സൗകര്യ കേന്ദ്രങ്ങള് ആക്രമിക്കുന്നു. മുമ്പ് ഇത് നിങ്ങള് പരീക്ഷിച്ചതാണ്, ഇനി വിട്ടുവീഴ്ചയില്ല. കണ്ണിന് കണ്ണ് എന്ന തത്വം ഞങ്ങള് പാലിക്കില്ല’ കാത്തിരുന്നു കാണുക എന്നും മുന്നറിയിപ്പ്.
by Midhun HP News | Mar 28, 2026 | Latest News, ദേശീയ വാർത്ത
അബുദാബി: അബുദാബിയിലെ പ്രത്യേക സാമ്പത്തിക മേഖലയായ കെസാദില് ഇറാന്റെ ബാലിസ്റ്റിക് മിസൈല് തകര്ക്കുന്നതിനിടെ അവശിഷ്ടങ്ങള് വീണ അഞ്ച് ഇന്ത്യന് പൗരന്മാര്ക്ക് പരിക്കേറ്റതായി അധികൃതര്. രണ്ടിടങ്ങളില് തീപിടത്തമുണ്ടായതായും അധികൃതര് അറിയിച്ചു. ഇന്ന് പുലര്ച്ചെയായിരുന്നു ഇറാന്റെ ബാലിസ്റ്റിക് മിസൈല് ആക്രമണം. മിസൈലുകള് ആകാശത്തുവച്ചുതന്നെ പ്രതിരോധ സേന തകര്ത്തു. പരിക്കേറ്റവരില് ചിലരുടെ നില ഗുരുതരമാണെന്നാണ് റിപ്പോര്ട്ടുകള്.
അബുദാബിയിലെ ഏറ്റവും വലിയ സാമ്പത്തിക മേഖലയാണ് കെസാദ്. ഇതാദ്യമായാണ് ഇവിടേയ്ക്ക് ഇറാന് ആക്രമണം വ്യാപിപ്പിക്കുന്നത്. ടെഹ്റാനെതിരായ ആക്രമണം വ്യാപിപ്പിക്കുമെന്ന് പ്രഖ്യാപിച്ചതിന് പിന്നാലെ ഇസ്രയേല് ഇറാന്റെ ആണവ നിലയങ്ങളില് ആക്രമണം നടത്തി. ഇതിന് തിരിച്ചടി എന്ന നിലയിലാണ് ഇറാന്റെ ആക്രമണം. സൗദി അറേബ്യയിലെ സൈനിക താവളത്തിന് നേരെയും ഇറാന് ആക്രമണം നടത്തി. ഇതില് അമേരിക്കന് സൈനികര്ക്ക് പരിക്കേല്ക്കുകയും വിമാനങ്ങള്ക്ക് കേടുപാടുകള് സംഭവിക്കുകയും ചെയ്തതായാണ് വിവരം.
ഇറാന്റെ ആണവ കേന്ദ്രങ്ങള് ലക്ഷ്യമിട്ട് ഇസ്രയേല് വന് മിസൈല് ആക്രമണമാണ് നടത്തിയത്. ഇറാന്റെ ആണവായുധ നിര്മാണ പദ്ധതികളില് നിര്ണായക പങ്കുവഹിക്കുന്ന അറാക് ഷാഹിദ് ഖൊണ്ടാബ് ഹെവി വാട്ടര് കോംപ്ലക്സിന് നേരെ വ്യോമാക്രമണം നടത്തിയതായി ഇസ്രയേല് അറിയിച്ചു. ആണവായുധങ്ങള്ക്ക് ആവശ്യമായ പ്ലൂട്ടോണിയം ഉല്പ്പാദിപ്പിക്കുന്ന പ്രധാന കേന്ദ്രമാണ് അറാകിലെ പ്ലാന്റ് എന്നും ലോകത്തിന് ഭീഷണിയായ ഇറാന്റെ ആണവ പദ്ധതിയെ തടയുന്നതിന്റെ ഭാഗമായാണ് ഈ നടപടിയെന്നും ഇസ്രയേല് പ്രതിരോധ സേന അറിയിച്ചു.
അതേസമയം ആക്രമണത്തില് ആണവ കേന്ദ്രത്തില് നിലവില് ആണവ വികിരണ ഭീഷണിയോ ആളപായമോ ഇല്ലെന്നാണ് ഇറാനിയന് ആറ്റോമിക് എനര്ജി ഓര്ഗനൈസേഷന്റെ പ്രാഥമിക നിഗമനം. സംഘര്ഷം ലഘൂകരിക്കുന്നതിനുള്ള ചര്ച്ചകള് പുരോഗമിക്കുകയാണെന്ന് യുഎസ് പ്രസിഡന്റ് ഡോണള്ഡ് ട്രംപ് പ്രസ്താവിച്ചതിന് പിന്നാലെയാണ് ഇസ്രയേലിന്റെ ആക്രമണം. ഊര്ജ കേന്ദ്രങ്ങളെ ആക്രമിക്കില്ലെന്ന ട്രംപിന്റെ ഉറപ്പ് ലംഘിച്ചാണ് ഇസ്രയേല് നീക്കം.
by Midhun HP News | Mar 28, 2026 | Latest News, ജില്ലാ വാർത്ത
കൊച്ചി: സംസ്ഥാനത്ത് സ്വര്ണ വിലയില് വര്ധന. പവന് ഒറ്റയടിക്ക് 1,840 രൂപയാണ് കൂടിയത്. ഒരു പവന് സ്വര്ണത്തിന്റെ ഇന്നത്തെ വില 1,08,600 രൂപയാണ്. ഗ്രാമിന് 230 രൂപ ഉയര്ന്ന് 13,575 ആയി.
ഇന്നലെ രാവിലെ പവന് 120 രൂപയും വൈകിട്ടോടെ 640 രൂപയും കൂടിയിരുന്നു. ഇറാന് -ഇസ്രയേല്, യുഎസ് യുദ്ധത്തെ തുടര്ന്ന് ആഗോള വിപണിയില് ഉണ്ടായ അനിശ്ചിതത്വം സ്വര്ണ വിലയെ കാര്യമായിത്തന്നെ സ്വാധീനിക്കുന്നുണ്ട്. അസംസ്കൃത എണ്ണ വില കുറഞ്ഞത് കഴിഞ്ഞ ദിവസങ്ങളില് സ്വര്ണ വില കുറഞ്ഞിരുന്നു
ഈ മാസത്തിന്റെ തുടക്കത്തില് 1,26,920 രൂപയായിരുന്നു പവന് വില. പിന്നീടുള്ള ദിവസങ്ങളില് വില താഴുകയായിരുന്നു. മൂന്നാഴ്ചയ്ക്കിടെ ഇതുപതിനായിരം രൂപയിലേറെയാണ് ഇടിവു രേഖപ്പെടുത്തിയത്.
by Midhun HP News | Mar 28, 2026 | Latest News, ജില്ലാ വാർത്ത
പാലക്കാട്: വിഷം ഉള്ളില്ച്ചെന്ന യുവാവുമായി ആശുപത്രിയിലേക്ക് പോകുമ്പോള് ആംബുലന്സ് മറിഞ്ഞ് യുവാവിന്റെ അമ്മ മരിച്ചു. നല്ലേപ്പിള്ളി നരിച്ചിറ തെക്കേദേശത്ത് ജോറാമ്മ (53) ആണ് മരിച്ചത്. യുവാവിനെയും മാതാവിനെയും കൂടാതെ ജോറാമ്മയുടെ മകളുടെ ഭര്ത്താവ് റഹീം, സഹോദരന്റെ മരുമകള് റഹ്മത്ത് എന്നിവരും നഴ്സുമാണ് വാഹനത്തിലുണ്ടായിരുന്നു, അപകടത്തില് ഇവര്ക്കും പരിക്കേറ്റു.
നല്ലേപ്പിള്ളി സ്വദേശി മഫ്ലുവിനെയാണ് (25) വിഷം ഉള്ളില്ച്ചെന്നനിലയില് ആംബുലന്സില് കൊണ്ടുവന്നത്. വെള്ളിയാഴ്ച ഉച്ചയ്ക്കുശേഷം ചിറ്റൂര് താലൂക്ക് ആശുപത്രിയില് പ്രവേശിപ്പിച്ച മഫ്ലുവിനെ വിദഗ്ധ ചികിത്സയ്ക്കായി ജില്ലാ ആശുപത്രിയിലേക്ക് ആംബുലന്സില് കൊണ്ടുപോകവെ ആയിരുന്നു അപകടം. വെള്ളിയാഴ്ച വൈകീട്ട് 4.50 ഓടെ ആയിരുന്നു അപകടം. കാടാങ്കോട് ജങ്ഷനടുത്ത വളവില് എതിരെ വരികയായിരുന്ന ബൈക്ക് അതേ ദിശയില്വന്ന ഓട്ടോറിക്ഷയിലിടിച്ച് മറിഞ്ഞു. ബൈക്കില് ഇടിക്കാതിരിക്കാനായി വശത്തേക്ക് വെട്ടിച്ചപ്പോഴാണ് ആംബുലന്സ് മറിഞ്ഞത്. റോഡിനെതിര്വശത്തെ ഇലക്ട്രിക് ഉപകരണങ്ങള് നന്നാക്കുന്ന കടയുടെ ചുമരിലിടിച്ചാണ് ആംബുലന്സ് മറിഞ്ഞത്. ഈസമയം മൂന്നുപേര് കടയില് ജോലി ചെയ്യുന്നുണ്ടായിരുന്നു. ഇവര് അത്ഭുതകരമായി രക്ഷപ്പെട്ടു.
പാലക്കാട് ടൗണ് സൗത്ത് പൊലീസും നാട്ടുകാരും സ്ഥലത്തെത്തി, ആംബുലന്സില്നിന്ന് ആളുകളെ പുറത്തെടുക്കുമ്പോള് ഇതേദിശയില് മറ്റൊരു ആംബുലന്സെത്തി. ഇതിലാണ് ഇവരെ ജില്ലാ ആശുപത്രിയിലേക്ക് കൊണ്ടുപോയത്. ആശുപത്രിയിലെത്തിച്ചെങ്കിലും ജോറാമ്മയെ രക്ഷിക്കാനായില്ല. ബൈക്കില്വന്ന രണ്ടുപേര്ക്ക് നിസ്സാര പരിക്കേറ്റു. പള്ളിയില്നിന്ന് പ്രാര്ഥനയ്ക്കുശേഷം വീട്ടിലേക്കുള്ള യാത്രയിലാണ് മകന് വിഷം കഴിച്ച വിവരം പിതാവ് മുഹമ്മദ്ഹനീഫ അറിഞ്ഞത്. ഉടനെ ചിറ്റൂര് താലൂക്കാശുപത്രിയിലേക്ക് തിരിച്ചെങ്കിലും ഇവരെ പാലക്കാട്ടേക്ക് കൊണ്ടുപോവുകയായിരുന്നു. തുടര്ന്നാണ് അപകടവിവരം അറിഞ്ഞത്. മകള്: ഹസീന. പിതാവ്: പരേതനായ മുത്തുറാവുത്തര്. മാതാവ്: പരേതയായ ആയിഷാമ്മ. സഹോദരങ്ങള്: ഉസനാര്, സൈനബ, സൗറ, പെട്ട, മെഹബൂബ്, പരേതരായ മണി റാവുത്തര്, യൂസഫ് റാവുത്തര്
by Midhun HP News | Mar 28, 2026 | Latest News, ജില്ലാ വാർത്ത
തിരുവനന്തപുരം: വരും മണിക്കൂറുകളിൽ കേരളത്തിൽ ഒറ്റപ്പെട്ട മഴയ്ക്ക് സാധ്യത. കൊല്ലം, തൃശൂർ, മലപ്പുറം, കണ്ണൂർ, കാസർക്കോട്, കോഴിക്കോട് ജില്ലകളിലാണ് മുന്നറിയിപ്പ്. കോഴിക്കോട് 40 കിലോമീറ്റർ വരെ വേഗതയിൽ കാറ്റിനും സാധ്യത.
ഇടിമിന്നൽ ജാഗ്രതാ നിർദേശം
കേരളത്തിൽ ഒറ്റപ്പെട്ടയിടങ്ങളിൽ ഇന്നും നാളെയും ഇടിമിന്നലോടു കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യത.
പാലക്കാട് റെക്കോർഡ് താപനില
സംസ്ഥാനത്ത് കനത്ത ചൂട് തുടരുന്നു. ഇന്നലെ പാലക്കാട് ജില്ലയിൽ റെക്കോര്ഡ് താപനില. ഈവര്ഷത്തെ ഏറ്റവും ഉയര്ന്ന ചൂടാണ് ഇന്നലെ പാലക്കാട് രേഖപ്പെടുത്തിയത്. 38.9 ഡിഗ്രി സെല്ഷ്യസ് ആണ് അനുഭവപ്പെട്ട താപനില.
അതേസമയം, കനത്ത ചൂട് തുടരുന്ന സാഹചര്യത്തില് കൊല്ലം, കോട്ടയം, പാലക്കാട് ഉള്പ്പെടെ 12 ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചിട്ടുണ്ട്. സാധാരണ ലഭിക്കേണ്ടതിനേക്കാള് മൂന്ന് ഡിഗ്രി സെല്ഷ്യസ് വരെ ചൂട് കൂടാന് സാധ്യതയുള്ളതിനാല് പൊതുജനങ്ങള് അതീവ ജാഗ്രത പാലിക്കണമെന്ന് ദുരന്തനിവാരണ അതോറിറ്റി മുന്നറിയിപ്പ് നല്കി.
സൂര്യാഘാതം, നിര്ജലീകരണം തുടങ്ങിയ ആരോഗ്യപ്രശ്നങ്ങള് ഒഴിവാക്കാന് പകല് 11 മണി മുതല് 3 മണി വരെ നേരിട്ട് വെയില് ഏല്ക്കുന്നത് ഒഴിവാക്കണമെന്ന് അധികൃതര് നിര്ദ്ദേശിച്ചു. ദാഹം തോന്നിയില്ലെങ്കിലും ധാരാളം ശുദ്ധജലം കുടിക്കണം. മദ്യം, കാപ്പി, ചായ തുടങ്ങിയ പാനീയങ്ങള് പകല്സമയത്ത് ഒഴിവാക്കി ഇളം നിറത്തിലുള്ള കോട്ടണ് വസ്ത്രങ്ങള് ധരിക്കാന് ശ്രദ്ധിക്കണം. കുട്ടികള്, ഗര്ഭിണികള്, മുതിര്ന്ന പൗരന്മാര് എന്നിവര്ക്ക് പ്രത്യേക സംരക്ഷണം ഉറപ്പാക്കണമെന്നും ഓണ്ലൈന് ഭക്ഷണ വിതരണക്കാര്ക്കും പുറംജോലികളില് ഏര്പ്പെടുന്നവര്ക്കും ആവശ്യമായ വിശ്രമം നല്കണമെന്നും നിര്ദ്ദേശമുണ്ട്.
by Midhun HP News | Mar 27, 2026 | Latest News, ജില്ലാ വാർത്ത, മരണം
ആറ്റിങ്ങൽ: മേലേവിളാകത്ത് ശ്രീശൈലത്തിൽ (എം.ആർ.എ:80) പരേതനായ എക്സ് സർവീസ് എസ് വേലായുധൻ പിള്ളയുടെ സഹധർമ്മിണി സി തങ്കമ്മ (96) അന്തരിച്ചു.
മക്കൾ: വി വിക്രമൻ നായർ (റിട്ടയേർഡ് കെ.എസ്.ആർ.ടി.സി, കിളിമാനൂർ),
വി വാമദേവൻ നായർ, വി ശോഭന കുമാരി, വി ഉണ്ണികൃഷ്ണൻ, റ്റി രാധാഭായി (റിട്ടയേർഡ് ഇറിഗേഷൻ വകുപ്പ്, വികാസ്ഭവൻ, തിരുവനന്തപുരം), റ്റി രമാമണി, പരേതരായ വി ശശിധരൻ നായർ, റ്റി വിജയമ്മ.
മരുമക്കൾ: വി കൃഷ്ണകുമാരി, കെ ഗിരിജാ കുമാരി, വി ശ്രീലത എം മോഹനൻ നായർ, ആർ ജയകുമാർ(എക്സ് സർവീസ്), എസ് ശീകൂമാർ (എൽ.ഐ.സി, ചാത്തന്നൂർ), പരേതരായ എസ് ഗിരിജാ കുമാരി, വി ശ്രീകണ്ഠൻ നായർ.
സംസ്കാരം നാളെ രാവിലെ 11 മണിക്ക് പൂതക്കുളം ഉത്രം വീട്ടിൽ.
സഞ്ചയനം വെള്ളിയാഴ്ച രാവിലെ 8 മണിക്ക്
Recent Comments