ആറ്റിങ്ങൽ: നാമനിർദ്ദേശ പത്രിക പിൻവലിക്കേണ്ട സമയം അവസാനിച്ചപ്പോൾ ആറ്റിങ്ങലിൽ ഇടത് മുന്നണി സ്ഥാനാർത്ഥി ഒ. എസ്. അംബിക, യു. ഡി . എഫ് സ്ഥാനാർത്ഥി സന്തോഷ് ഭദ്രൻ, എൻ.ഡി.എ സ്ഥാനാർത്ഥി അഡ്വ: പി സുധീർ, ഡി.എച്ച്.ആർ.എം സ്ഥാനാർത്ഥി സുനിത, ബി.എസ്. പി സ്ഥാനാർത്ഥി ചിത്ര, എസ്.ഡി.പി.ഐ സ്ഥാനാർത്ഥി ജയരാജൻ എന്നിവരാണ് മത്സര രംഗത്ത്.
തിരുവനന്തപുരം: 890 സ്ഥാനാര്ഥികളാണ് മത്സരരംഗത്തുള്ളത്. 95 സ്ഥാനാര്ഥികള് പത്രിക പിന്വലിച്ചു.കൂടുതല് സ്ഥാനാര്ഥികള് മത്സരിക്കുന്നത് കൊടുവള്ളിയിലാണ്. 13 പേരാണ് മത്സരരംഗത്തുള്ളത്. പേരാവൂര്, മഞ്ചേശ്വരം, തിരുവനന്തപുരം എന്നിവിടങ്ങളില് 11 വീതം സ്ഥാനാര്ഥികളുമാണ് മത്സരരംഗത്തുണള്ളത്.
നേമം, ചങ്ങനാശേരി, കളമശേരി, മണലൂര്, പേരാമ്പ്ര എന്നിവിടങ്ങളില് പത്ത് വീതം പേരുമാണ് സ്ഥാനാര്ഥികള്.കഴിഞ്ഞ തവണ 957 സ്ഥാനാര്ഥികള് മത്സരരംഗത്തുണ്ടായത്. സ്ഥാനാര്ഥി പട്ടിക പിന്വലിക്കാനുള്ള അവസാന തീയതി ഇന്നായിരുന്നു
യുഡിഎഫ് സ്ഥാനാർഥി രമേഷ് പിഷാരടിയെ താൻ ഒന്നും പറഞ്ഞിട്ടില്ലെന്ന് തൃക്കാക്കരയിലെ എൻഡിഎ സ്ഥാനാർഥി അഖിൽ മാരാർ. വർഷങ്ങൾക്ക് മുൻപ് അബുദാബിയിൽ നടന്ന ഒരു സ്റ്റേജ് ഷോയുമായി ബന്ധപ്പെട്ട സംഭവങ്ങളാണ് തങ്ങൾക്കിടയിലെ തർക്കങ്ങൾക്ക് കാരണമായതെന്ന് അഖിൽ മാരാർ വെളിപ്പെടുത്തി.
അബുദാബിയിൽ നടന്ന ഒരു പരിപാടിക്കിടെ നടൻ ജോജു ജോർജിന് നേരിടേണ്ടി വന്ന ദുരനുഭവമാണ് പിഷാരടിയോടുള്ള ദേഷ്യത്തിന് പിന്നിലെന്ന് അഖിൽ മാരാർ മനോരമ ന്യൂസിനോട് പറഞ്ഞു. “പിഷാരടി എന്ന വ്യക്തിയെ ഞാൻ ഒന്നും പറഞ്ഞിട്ടില്ല. ട്വന്റി 20 രാഷ്ട്രീയ പാർട്ടിയിൽ വന്നത് ചിലർ പരിഹസിക്കുന്നത് കണ്ടപ്പോൾ ഞാൻ ഒരു പൊതു ചോദ്യം ചോദിച്ചതാണ്.
ആരാണ് യോഗ്യനും അയോഗ്യനും എന്ന് ജനം തീരുമാനിക്കാകട്ടെ എന്ന്. പാലക്കാട് ചെന്ന് തോൽക്കാൻ പോകുന്ന അയാളെ ഞാൻ എന്തിനാണ് പരിഹസിക്കുന്നത്. പിഷാരടിയോട് വ്യക്തിപരമായി ദേഷ്യം തോന്നാൻ ഇടയായ ഒരു സംഭവമുണ്ട്. അത് നാളിതുവരെ പറയണ്ട എന്ന് ഞാൻ വിചാരിച്ചിരുന്ന കാര്യമാണ്.
അബുദാബിയില് മമ്മൂക്കയും മോഹൻലാലും മുഖ്യമന്ത്രിയും ഉൾപ്പടെയുള്ള ഒരു പരിപാടി നടക്കുമ്പോള് വേദിയില് നിന്നും ജോജു ജോര്ജ് ഇറങ്ങി പോയത് എന്തിനാണെന്ന് ചോദിക്കണം. ജോജു ജോർജ് എന്താണ് ആ വേദിയിൽ കയറാതിരുന്നതെന്ന് നിങ്ങൾ ചോദിക്കണം. അതിന് എത്ര വൃത്തികെട്ട മനസോടെയാണ് ഈ രമേഷ് പിഷാരടി അവിടെ കളിച്ചത് എന്ന് ചോദിക്കണം.
എനിക്ക് ആ ഒരു ദേഷ്യമുണ്ട് മനസിൽ. ജോജുവിന് വേദിയില് കയറാന് പറ്റിയില്ല. മുഖ്യമന്ത്രിയും മമ്മൂട്ടിയും വിളിച്ചിട്ടാണ് അന്ന് ജോജു ആ പരിപാടിയിൽ പങ്കെടുത്തത്. പക്ഷേ ജോജുവിനെ ആ പരിപാടിയിൽ കയറ്റാതിരിക്കാനായി ചില കളികൾ കളിച്ചതിൽ പ്രധാനി ഈ പിഷാരടി ആയിരുന്നു.” അഖിൽ മാരാർ പറഞ്ഞു. പിഷാരടിക്ക് എന്ത് കണ്ടിട്ടാണ് ആളുകൾ വോട്ട് ചെയ്യേണ്ടത് എന്ന് അഖിൽ മാരാർ മുൻപ് പറഞ്ഞിരുന്നു. എന്നാല് അഖില് മാരാര് പറയുന്നത് താന് ശ്രദ്ധിക്കാറില്ലെന്ന് പിഷാരടി പറഞ്ഞിരുന്നു. ഒരാഴ്ച കഴിഞ്ഞാല് താന് മഹാന് ആണെന്ന് അഖില് തിരുത്തി പറയുമെന്നും രമേഷ് പിഷാരടി മാധ്യമങ്ങളോട് പറഞ്ഞു.
തിരുവനന്തപുരം: വെസ്റ്റ് ഇന്ഡിസിന്റെ ഇന്ത്യന് പര്യടനത്തിന് സെപ്റ്റംബറില് തുടക്കം. പര്യടനത്തില് മൂന്ന് ഏകദിനങ്ങളും അഞ്ച് ടി20 മത്സരങ്ങളുമാണ് ഉള്ളത്. ഏകദിന പരമ്പരയിലെ ആദ്യമത്സരം കാര്യവട്ടം ഗ്രീന്ഫീല്ഡ് സ്റ്റേഡിയത്തിലാണ് നടക്കുന്നത്. സെപ്റ്റംബര് 27നാണ് മത്സരം.
രണ്ടാം ഏകദിന മത്സരം സെപ്റ്റംബര് 30ന് ഗുവാഹത്തിയിലും അവസാന ഏകദിന മത്സരം ഒക്ടോബര് മൂന്നിന് ചണ്ഡിഗഡിലും നടക്കും.അഞ്ച് ടി20 മത്സരങ്ങളാണ് പരമ്പരയിലുള്ളത്. ഒക്ടോബര് ആറിനാണ് ആദ്യ മത്സരം. അവസാന മത്സരം ഒക്ടോബര് പതിനേഴിനാണ്. ലഖ്നൗ, റാഞ്ചി, ഇന്ഡോര്, ഹൈദരബാദ്, ബംഗളൂരു എന്നിവിടങ്ങളിലാണ് ടി20 മത്സരങ്ങള്.
കൊച്ചി: കോണ്ഗ്രസ് നേതാവ് രാഹുല്ഗാന്ധിക്കെതിരെ രൂക്ഷ വിമര്ശനവുമായി മുഖ്യമന്ത്രി പിണറായി വിജയന്. പ്രാദേശിക പ്രവര്ത്തകന്റെ കാര്യവിവരം പോലും രാഹുല് ഗാന്ധിക്ക് ഇല്ല. കണ്ടാലും കൊണ്ടാലും പഠിക്കാത്തയാളാണ് രാഹുല് ഗാന്ധിയെന്നും പിണറായി വിജയന് വാര്ത്താ സമ്മേളനത്തില് പറഞ്ഞു. സിപിഎം-ബിജെപി ഡീല് ആരോപണങ്ങള്ക്ക് കൊച്ചിയില് മറുപടി പറയുകയായിരുന്നു അദ്ദേഹം.
ഒരു കാര്യവും നേരെചൊവ്വേ രാഹുല്ഗാന്ധി മനസ്സിലാക്കില്ല. കണ്ടാലും കൊണ്ടാലും രാഹുല് ഗാന്ധി പഠിക്കില്ല. ഇതൊന്നും രാഷ്ട്രീയ നേതാവിന് ചേര്ന്ന ഗുണമല്ല. അഖിലേന്ത്യാ നേതാവായ രാഹുല് ഗാന്ധിക്ക് പ്രാദേശിക പ്രവര്ത്തകന്റെ കാര്യവിവരം പോലും ഇല്ല എന്നതാണ് വസ്തുത. കോണ്ഗ്രസുകാര് സര്വാദരണീയനായി കാണുന്ന നേതാവിന് ഇത്രമാത്രം അധഃപതനം എങ്ങനെയാണ് ഉണ്ടായതെന്ന് മനസ്സിലാകുന്നില്ലെന്ന് പിണറായി വിജയന് പറഞ്ഞു.
രാഹുല് ഗാന്ധിയും കോണ്ഗ്രസും ബിജെപിയുടെ ബി ടീം ആയിട്ടാണ് പ്രവര്ത്തിക്കുന്നത്. എല്ലായിടങ്ങളിലും ബിജെപിയെ സഹായിക്കുന്ന സമീപനമാണ് രാഹുല് ഗാന്ധി സ്വീകരിക്കുന്നത്. പ്രതിപക്ഷ രാഷ്ട്രീയകക്ഷി നേതാക്കള്ക്കെതിരെ കേസെടുകളെടുത്ത് ബിജെപി വേട്ടയാടുകയാണ്. ഡല്ഹിയില് അരവിന്ദ് കെജരിവാളിന്റെ മന്ത്രിസഭയിലെ ഒരംഗത്തെ അറസ്റ്റ് ചെയ്തപ്പോള് എന്തുകൊണ്ട് കെജരിവാളിനെ അറസ്റ്റ് ചെയ്യുന്നില്ല എന്നാണ് രാഹുല് ചോദിച്ചത്. പിന്നീട് കോടതി കെജരിവാളിനെ കുറ്റവിമുക്തനാക്കിയപ്പോള് ബിജെപിക്ക് മാത്രമല്ല, രാഹുല് ഗാന്ധിയുടെ മുഖത്തുമാണ് അടിയേറ്റതെന്നും പിണറായി പറഞ്ഞു.
ഡല്ഹി നിയമസഭ തെരഞ്ഞെടുപ്പില് ബിജെപി അധികാരത്തില് വരാതിരിക്കാനുള്ള നിലപാടല്ല കോണ്ഗ്രസ് സ്വീകരിച്ചത്. ജയസാധ്യത ഉണ്ടായിരുന്ന എഎപിക്കെതിരെയാണ് കോണ്ഗ്രസ് മത്സരിച്ചത്. ബിജെപിയെ അധികാരത്തിലെത്തിക്കാന് സഹായിച്ചത് കോണ്ഗ്രസിന്റെ ഈ സമീപനമാണ്. ഹരിയാന നിയമസഭ തെരഞ്ഞെടുപ്പില് ബിജെപി ജയിക്കുമെന്ന് ആരും കരുതിയില്ല. ബിജെപിയെ നേരിടാന് ഇതര രാഷ്ട്രീയകക്ഷികള് കൂട്ടായ്മ രൂപീകരിക്കാന് തീരുമാനിച്ചപ്പോള് അതിനെ രാഹുല്ഗാന്ധിയും കോണ്ഗ്രസും എതിര്ത്തു. അതിന്റെ ഫലമായി ബിജെപി ഇതര വോട്ടുകള് ശിഥിലീകരിക്കുകയും ബിജെപി അധികാരത്തിലെത്തുകയും ചെയ്തു.
തിരുവനന്തപുരം: ഫീസ് റീഫണ്ട് കേസില് തിരുവനന്തപുരം സ്വദേശിക്ക് നഷ്ടപരിഹാരം ഉള്പ്പെടെ 9.55 ലക്ഷം രൂപ നല്കാന് പ്രമുഖ എഡ്യുക്കേഷണല് ടെക് സ്ഥാപനമായ ബൈജൂസിനോട് ഉത്തരവിട്ട് ജില്ലാ ഉപഭോക്തൃ തര്ക്ക പരിഹാര കമ്മീഷന്. റീഫണ്ട് ആയി 8,52,000 രൂപയും നഷ്ടപരിഹാരമായി 1,00,000 രൂപയും ചെലവിനത്തില് 3000 രൂപയും തിരുവനന്തപുരം സ്വദേശിയായ ശശികാന്ത് സൈനിക്ക് നല്കാനാണ് കമ്മീഷന് ഉത്തരവിട്ടത്.
ശശികാന്ത് സൈനി സമര്പ്പിച്ച പരാതിയിലാണ് നടപടി. ശശികാന്ത് സൈനിയുടെ ഒന്പതാം ക്ലാസ് വിദ്യാര്ഥിയായ മകന് ബൈജൂസിന്റെ ഓണ്ലൈന് കോഴ്സില് ചേര്ന്നിരുന്നു. കമ്പനിയുടെ പ്രതിനിധിയുമായുള്ള കൂടിക്കാഴ്ചയ്ക്ക് ശേഷം, സ്പോട്ട് രജിസ്ട്രേഷന് ഫീസായി സൈനി 20,000 രൂപ നല്കി. എന്നാല് ഓഫ്ലൈന് ക്ലാസിലേക്ക് മാറാന് മകന് തീരുമാനിച്ചതിനാല്, അടുത്ത ദിവസം തന്നെ സൈനി ഓണ്ലൈന് ക്ലാസ് റദ്ദാക്കാനും റീഫണ്ടിനും അഭ്യര്ത്ഥിച്ചു. എന്നാല് തന്റെ നിരവധി ഇ-മെയിലുകള്ക്കും ഫോണ് കോളുകള്ക്കും കമ്പനി മറുപടി നല്കിയില്ലെന്നും പരാതിയില് പറയുന്നു.
രണ്ട് മാസത്തിന് ശേഷം, ബൈജൂസിന്റെ ബാംഗ്ലൂര് ഓഫീസില് നിന്ന് സൈനിക്ക് ഒരു കോള് വന്നു. പ്ലേ സ്റ്റോറില് നിന്ന് ‘റസ്റ്റ് ഡെസ്ക്’ എന്ന ആപ്ലിക്കേഷന് ഡൗണ്ലോഡ് ചെയ്ത് റീഫണ്ട് പ്രോസസ്സ് ചെയ്യുന്നതിനായി ബാങ്ക് വിവരങ്ങള് പങ്കുവെയ്ക്കാന് നിര്ദ്ദേശിച്ചു. ഇതനുസരിച്ച് കാര്യങ്ങള് ചെയ്തതോടെ, താന് സൈബര് തട്ടിപ്പിന് ഇരയായതായും പരാതിയില് പറയുന്നു.
ആദ്യം തന്റെ അക്കൗണ്ടിലേക്ക് എട്ടു ലക്ഷം രൂപ ക്രെഡിറ്റ് ചെയ്തു. തുടര്ന്ന് ഒന്നിലധികം ഇടപാടുകളിലൂടെ ആകെ 8,32,000 രൂപ പിന്വലിച്ചതായും പരാതിയില് പറയുന്നു. തട്ടിപ്പിന് ഇരയായെന്ന് മനസ്സിലായതോടെ, കൂടുതല് നഷ്ടം സംഭവിക്കാതിരിക്കാന് അടുത്ത ഇടപാടുകള് നിര്ത്തിവെയ്ക്കാന് സൈനി ബാങ്കിനോട് ആവശ്യപ്പെട്ടു. കൂടാതെ, പൊലീസ് സൈബര് സെല്ലിലും ആര്ബിഐ ഓംബുഡ്സ്മാനും പരാതി നല്കി. കേസ് ജില്ലാ ഉപഭോക്തൃ തര്ക്ക പരിഹാര കമ്മീഷന് പ്രസിഡന്റ് പി വി ജയരാജന്, അംഗങ്ങളായ പ്രീത ജി നായര്, വിജു വി ആര് എന്നിവരടങ്ങുന്ന ബെഞ്ച് ആണ് പരിഗണിച്ചത്. കമ്മീഷന്റെ നോട്ടീസ് സ്വീകരിച്ചുവെങ്കിലും ബൈജൂസ് പ്രതിനിധി നേരിട്ട് ഹാജരായില്ല.
പേയ്മെന്റ് രസീത്, ഇ-മെയില് ആശയവിനിമയങ്ങള്, ബാങ്ക് അക്കൗണ്ട് സ്റ്റേറ്റ്മെന്റ്, എഫ്ഐആര് എന്നിവയുള്പ്പെടെയുള്ള രേഖകള് കമ്മീഷന് പരിശോധിച്ചു. സേവനത്തിലെ പോരായ്മയും അന്യായമായ വ്യാപാര രീതിയും കാരണം പരാതിക്കാരന് മാനസിക പീഡനവും സാമ്പത്തിക നഷ്ടവും ഉണ്ടായതായി കമ്മീഷന് നിരീക്ഷിച്ചു. നഷ്ടം നികത്താന് ബൈജൂസ് ബാധ്യസ്ഥമാണെന്ന് കണ്ടെത്തിയതിന്റെ അടിസ്ഥാനത്തിലാണ് കമ്മീഷന്റെ ഉത്തരവ്. ഉത്തരവ് ലഭിച്ച് 30 ദിവസത്തിനുള്ളില് പണം കൈമാറണമെന്ന് കമ്പനിയോട് നിര്ദ്ദേശിച്ചിട്ടുണ്ട്. അല്ലാത്തപക്ഷം ചെലവ് ഒഴികെയുള്ള തുകയുടെ തിരിച്ചടവ് വരെ പ്രതിവര്ഷം 9 ശതമാനം പലിശ ഈടാക്കുമെന്നും കമ്മീഷന് മുന്നറിയിപ്പ് നല്കി.
‘ബൈജൂസിന്റെ പ്രതിനിധിക്ക് പരാതിക്കാരന് ഒപ്പുവെച്ച ചില രേഖകള് ലഭിച്ചിരുന്നു. പരാതിക്കാരന്റെ അറിവില്ലാതെ, കമ്പനി സൈനിയുടെ ബാങ്കില് നിന്ന് അദ്ദേഹത്തിന്റെ പേരില് ഒരു വായ്പ തരപ്പെടുത്തിയതായി കണ്ടെത്തി. തുക ആദ്യം അദ്ദേഹത്തിന്റെ അക്കൗണ്ടിലേക്ക് ക്രെഡിറ്റ് ചെയ്തു. തുടര്ന്ന് കമ്പനി അത് ഒന്നിലധികം ഇടപാടുകളിലായി പിന്വലിച്ചു. കേസില് ഗുരുതരമായ സൈബര് തട്ടിപ്പ് ഉള്പ്പെടുന്നു,’- പരാതിക്കാരന് വേണ്ടി ഹാജരായ അഭിഭാഷകന് മഹേഷ് മാധ്യമങ്ങളോട് പറഞ്ഞു.
Recent Comments