by Midhun HP News | Dec 19, 2025 | Latest News, ജില്ലാ വാർത്ത
മലപ്പുറം: സിനിമാ ചിത്രീകരണത്തിന് ഉപയോഗിക്കുന്ന ഡ്യൂപ്ലിക്കേറ്റ് നോട്ട് കടയില് ചെലവഴിക്കാൻ ശ്രമിച്ച ആര്ട്ട് അസിസ്റ്റന്റ് പിടിയില്. ആലപ്പുഴ പൂച്ചാക്കല് സ്വദേശി വളവില്ചിറ ഷല്ജി(50)യാണ് കുറ്റിപ്പുറം പൊലീസിന്റെ പിടിയിലായത്.
തവനൂര് റോഡിലെ ഒരു കടയില് നിന്ന് ബുധനാഴ്ചയാണ് ഇയാള് 500 രൂപയുടെ ഡ്യൂപ്ലിക്കേറ്റ് നോട്ട് ഉപയോഗിച്ച് സാധനങ്ങള് വാങ്ങിയത്. 70 രൂപയ്ക്ക് പലഹാരം വാങ്ങിയാണ് ഇയാള് ഡ്യൂപ്ലിക്കേറ്റ് നോട്ട് നല്കിയത്. സംശയം തോന്നിയ കടയുടമ ചോദ്യം ചെയ്യാന് തുടങ്ങിയതോടെ ഇയാള് രക്ഷപ്പെടാന് ശ്രമിച്ചു. നാട്ടുകാര് ഇടപെട്ടാണ് ഷല്ജിയെ പിടികൂടി പൊലീസിന് കൈമാറിയത്. തുടര്ന്ന് ഷല്ജിയുടെ താമസസ്ഥലത്തെത്തി പരിശോധന നടത്തിയ പൊലീസ് 500 രൂപയുടെ 391 ഡ്യൂപ്ലിക്കേറ്റ് നോട്ടുകള് പിടികൂടുകയുമായിരുന്നു. കുറ്റിപ്പുറം, എടപ്പാള്, പൊന്നാനി ഭാഗങ്ങളില് നിത്യോപയോഗ സാധനങ്ങള് വാങ്ങാന് ഇയാള് ഇത്തരം ഡ്യൂപ്ലിക്കേറ്റ് നോട്ടുകള് ചെലവഴിച്ചതായി പൊലീസിന് വിവരം ലഭിച്ചിട്ടുണ്ട്. രണ്ടു വര്ഷത്തോളമായി ഇയാള് ഇത്തരത്തില് തട്ടിപ്പ് നടത്തുന്നുണ്ടെന്നും പൊലീസ് വ്യക്തമാക്കി.
by Midhun HP News | Dec 19, 2025 | Latest News, കായികം
അഡ്ലെയ്ഡ്: ആഷസ് പരമ്പരയിലെ മൂന്നാം ടെസ്റ്റില് രണ്ടാം ഇന്നിങ്സിലും ഇംഗ്ലണ്ടിനെതിരെ ബാറ്റിങ് ആധിപത്യവുമായി ഓസ്ട്രേലിയ. മൂന്നാം ദിനം കളി നിര്ത്തുമ്പോള് ഓസ്ട്രേലിയ 4 വിക്കറ്റ് നഷ്ടത്തില് 271 റണ്സെന്ന നിലയിലാണ്. ഒന്നാം ഇന്നിങ്സില് ഓസ്ട്രേലിയ 371 റണ്സെടുത്തപ്പോള് ഇംഗ്ലണ്ടിന്റെ പോരാട്ടം 286 റണ്സില് അവസാനിപ്പിച്ച് 85 റണ്സ് ലീഡുമായാണ് ഓസീസ് രണ്ടാം ഇന്നിങ്സ് തുടങ്ങിയത്. നിലവില് അവര്ക്ക് 356 റണ്സ് ലീഡ്.
ഓപ്പണര് ട്രാവിസ് ഹെഡിന്റെ സെഞ്ച്വറിയും ആറാമനായി എത്തിയ അലക്സ് കാരിയുടെ അര്ധ സെഞ്ച്വറിയുമാണ് ഓസീസിനു കരുത്തായത്. ഇരുവരും പുറത്താകാതെ ക്രീസില് തുടരുന്നു. ഹെഡ് 13 ഫോറും 2 സിക്സും സഹിതം 142 റണ്സുമായി ക്രീസില്. ഒന്നാം ഇന്നിങ്സിൽ സെഞ്ച്വറി നേടിയ അലക്സ് കാരി 52 റണ്സുമായി ക്രീസില്. ജാക്ക് വെതറാള്ഡ് (1), മര്നസ് ലാബുഷെയ്ന് (13), ഉസ്മാന് ഖവാജ (40), കാമറൂണ് ഗ്രീന് (7) എന്നിവരുടെ വിക്കറ്റുകളാണ് ഓസ്ട്രേലിയയ്ക്ക് നഷ്ടമായത്.
8 വിക്കറ്റ് നഷ്ടത്തില് 213 റണ്സെന്ന നിലയിലാണ് ഇംഗ്ലണ്ട് മൂന്നാം ദിനം ബാറ്റിങ് പുനരാരംഭിച്ചത്. ക്യാപ്റ്റന് ബെന് സ്റ്റോക്സാണ് ഇംഗ്ലണ്ട് നിരയിലെ ടോപ് സ്കോറര്. താരം 83 റണ്സെടുത്തു. ക്യാപ്റ്റനു ഉറച്ച പിന്തുണ നല്കി ജോഫ്ര ആര്ച്ചറും തലേദിവസത്തെ ബാറ്റിങ് മികവ് ആവര്ത്തിച്ചതോടെ അവര് 286ല് എത്തി ഓസീസ് ലീഡ് കുറയ്ക്കുകയായിരുന്നു. ആര്ച്ചര് 51 റണ്സെടുത്തു. ജോഷ് ടോംഗ് 7 റണ്സുമായി പുറത്താകാതെ നിന്നു.
45 റണ്സെടുത്ത ഹാരി ബ്രൂക്ക്, 29 റണ്സെടുത്ത ബെന് ഡക്കറ്റ് എന്നിവരാണ് പിടിച്ചു നിന്ന മറ്റുള്ളവര്. ജാമി സ്മിത്ത് 22 റണ്സും ജോ റൂട്ട് 19 റണ്സുമെടുത്തു. മറ്റാരും രണ്ടക്കം കടന്നില്ല.
ആദ്യ രണ്ട് ടെസ്റ്റുകളിലും കളിക്കാതിരുന്ന ക്യാപ്റ്റന് പാറ്റ് കമ്മിന്സ് ടീമിലേക്കുള്ള മടങ്ങി വരവ് 3 വിക്കറ്റെടുത്ത് ആഘോഷിച്ചു. സ്കോട്ട് ബോളണ്ട്, നതാന് ലിയോണ് എന്നിവര് രണ്ട് വീതം വിക്കറ്റുകള് സ്വന്തമാക്കി. കാമറൂണ് ഗ്രീന് ഒരു വിക്കറ്റ് സ്വന്തമാക്കി.
നേരത്തെ, ടോസ് നേടി ബാറ്റിങ്ങിനിറങ്ങിയ ഓസീസ് ഒരു ഘട്ടത്തില് 94ന് നാല് എന്ന നിലയിലേക്ക് തകര്ന്നിരുന്നു. ട്രാവിസ് ഹെഡ്, ജാക്ക് വെതറാള്ഡ്, മര്നസ് ലാബുഷെയ്ന് എന്നിവരെ തുടക്കത്തില് തന്നെ നഷ്ടമായതോടെ ഓസീസ് തകര്ച്ചയുടെ വക്കിലെത്തിയത്.അലക്സ് കാരിയുടെയും ഉസ്മാന് ഖവാജയുടെയും വാലറ്റത്ത് മിച്ചല് സ്റ്റാര്ക്ക് നടത്തിയ രക്ഷാപ്രവര്ത്തനത്തിന്റേയും കരുത്തിലാണ് ഓസീസ് മികച്ച സ്കോര് നേടിയത്. അലക്സ് കാരി സെഞ്ച്വറിയോടെ 106 റണ്സും ഖവാജ 82 റണ്സും നേടി. സ്റ്റാര്ക്ക് 54 റണ്സും കണ്ടെത്തി.
ഓസീസ് സ്കോര് 185 ല് നില്ക്കെ ഖവാജെ മടങ്ങിയെങ്കിലും അലക്സ് കാരി 321 എന്ന സുരക്ഷിത സ്കോറില് ടീമിനെ എത്തിച്ച ശേഷമാണ് പുറത്തായത്.
ഇംഗ്ലണ്ടിന് വേണ്ടി ജോഫ്ര ആര്ച്ചര് 5 വിക്കറ്റുകള് വീഴ്ത്തി തിളങ്ങി. ബ്രയ്ഡന് കര്സ്, വില് ജാക്ക്സ് എന്നിവര് രണ്ട് വീതം വിക്കറ്റുകള് വീഴ്ത്തി. ജോഷ് ടോംഗ് ഒരു വിക്കറ്റും വീഴ്ത്തി.
by Midhun HP News | Dec 19, 2025 | Latest News, ദേശീയ വാർത്ത
ഡല്ഹി: മഹാത്മാ ഗാന്ധി തൊഴിലുറപ്പ് പദ്ധതിക്ക് പകരമായ വിബി-ജി റാം ജി ബില്, 2025 നടപടിക്രമങ്ങള്ക്കിടെ പാര്ലമെന്റില് ഉണ്ടായ പ്രതിഷേധത്തില് പ്രതിപക്ഷ എംപിമാര്ക്ക് എതിരെ അവകാശ ലംഘന നോട്ടീസ്. സഞ്ജയ് ജയ്സ്വാള് എംപിയാണ് പ്രതിപക്ഷ അംഗങ്ങള്ക്ക് എതിരെ നോട്ടീസ് നല്കിയത്. കേരളത്തില് നിന്നുള്ള ഹൈബി ഈഡന്, ഡീന് കുര്യാക്കോസ്, ഷാഫി പറമ്പില് എന്നിവരുള്പ്പെടെയുള്ള അംഗങ്ങള്ക്ക് എതിരെയാണ് നോട്ടീസ്. എസ്. മുരസൊളി, കെ. ഗോപിനാഥ്, ശശികാന്ത് സെന്തില്, എസ്. വെങ്കിടേശന്, ജോതിമണി തുടങ്ങിയവരെ കുറിച്ചും നോട്ടീസില് പരാമര്ശമുണ്ട്.
സഭാ നടപടികള്ക്കിടെ അംഗങ്ങള് മോശം പദങ്ങള് ഉപയോഗിച്ചു. നടുത്തളത്തില് ഇറങ്ങി പ്രതിഷേധിച്ചു, ലോക്സഭ സെക്രട്ടറി ജനറല് ഉള്പ്പെടെയുള്ള ഉദ്യോഗസ്ഥരുടെ മേശയ്ക്ക് അരികിലെത്തി പ്രതിഷേധിച്ചു. ബില്ലിന്മേലുള്ള ചര്ച്ചയ്ക്ക് മറുപടി പറഞ്ഞ കൃഷി, ഗ്രാമവികസന മന്ത്രിയെയും അദ്ദേഹത്തെ സഹായിക്കുന്ന ഉദ്യോഗസ്ഥരെയും തടസ്സപ്പെടുത്തി അവര് സഭയുടെ സുഗമമായ പ്രവര്ത്തനത്തിന് തടസം സൃഷ്ടിക്കുന്ന വിധത്തില് പ്രവര്ത്തിച്ചെന്നാണ് നോട്ടീസ് ആരോപിക്കുന്നത്. സഭയെ അവഹേളിക്കുന്ന വിധത്തില് പ്രവര്ത്തിച്ച അംഗങ്ങള്ക്കെതിരെ കര്ശന നടപടി സ്വീകരിക്കണമെന്നും ഭരണ പക്ഷ എംപി സ്പീക്കറോട് അഭ്യര്ത്ഥിച്ചു.
അതേസമയം, വികസിത് ഭാരത് റോസ്ഗാര് ആന്ഡ് അജീവിക മിഷന് (ഗ്രാമീണ്) വിബി ജി റാം ജി പദ്ധതി, ആണവോര്ജ്ജത്തിന്റെ സുസ്ഥിര ഉപയോഗവും വികസനവും സംബന്ധിച്ച ബില് തുടങ്ങിയ സുപ്രധാന നിയമ നിര്മാണങ്ങള് പാസാക്കിയ പാര്ലമെന്റിന്റെ ശീതകാല സമ്മേളനവും ഇന്ന് അവസാനിച്ചു. കഴിഞ്ഞ 1-ാം തീയതി ആണ് പാര്ലമെന്റിന്റെ ശീതകാല സമ്മേളനം ആരംഭിച്ചത്. വന്ദേമാതരം, വോട്ടര് പട്ടികയുടെ പ്രത്യേക പരിഷ്കരണം, ഡല്ഹി വായു മലിനീകരണം, തിരുപ്പറന്കുണ്ഡ്രം വിഷയം എന്നിവയിലും ഇത്തവണത്തെ സമ്മേളനത്തില് ചര്ച്ചകള് നടന്നു.
by Midhun HP News | Dec 19, 2025 | Latest News
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ സുവര്ണ കേരളം SK-32 ലോട്ടറി ഫലം പ്രഖ്യാപിച്ചു. RS 589486
എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ RV 824216 എന്ന നമ്പറിലുള്ള ടിക്കറ്റിനാണ്. RV 566899 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
ഇന്ന് ഉച്ചകഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.in ല് ഫലം ലഭ്യമാകും.
Fourth prize: ₹5,000
0677, 1097, 1148, 2654, 2927, 3665, 4512, 5303, 5319, 5877, 6629, 8230, 8778, 9018, 9302, 9315, 9403, 9549, 9851
Fifth prize: ₹2,000
3100, 3131, 4028, 7759, 8403, 9101
Sixth prize: ₹1,000
0380, 1770, 3152, 3218, 4447, 4568, 5175, 5209, 5254, 5471, 5990, 6044, 6696, 6750, 7754, 7778, 8623, 8758, 9008, 9133, 9436, 9455, 9883, 9910, 9990
Seventh prize: ₹500
0077, 0231, 0560, 0871, 1062, 1284, 1361, 1394, 1600, 1665, 1692, 1839, 2203, 2212, 2418, 2455, 2535, 2720, 2763, 3340, 3388, 3565, 3576, 3600, 3736, 3753, 3797, 3954, 4007, 4024, 4049, 4074, 4192, 4274, 4304, 4348, 4355, 4403, 4431, 4451, 4481, 4579, 4581, 4655, 4693, 4728, 4832, 4889, 4905, 4908, 5050, 5122, 5245, 5538, 5681, 5695, 5714, 6019, 6303, 7071, 7139, 7293, 7590, 7993, 8063, 8176, 8183, 8359, 8529, 8664, 8852, 8897, 9019, 9092, 9164, 9726
by Midhun HP News | Dec 19, 2025 | Latest News, കേരളം
തൊടുപുഴ: ഇടുക്കിയില് 72 വയസുകാരിയെ ചുട്ടു കൊന്ന കേസില് സഹോദരീപുത്രന് ജീവപര്യന്തം ശിക്ഷ. വെള്ളത്തൂവല് സ്വദേശി സുനില് കുമാറിനെയാണ് കോടതി ശിക്ഷിച്ചത്. പ്രതി കുറ്റക്കാരനാണെന്ന് കഴിഞ്ഞ ദിവസം കണ്ടെത്തിയിരുന്നു. 2021 ലാണ് സ്വത്ത് തര്ക്കത്തിന്റെ പേരില് കൊലപാതകം നടന്നത്.
ക്രൂര കൊലപാതകത്തിന് പരമാവധി ശിക്ഷ വേണമെന്നായിരുന്നു പ്രോസിക്യൂഷന്റെ ആവശ്യം. മുട്ടം സ്വദേശി സരോജിനിയെ 2021 മാര്ച്ച് 31 ന് പുലര്ച്ചെയാണ് സഹോദരി പുത്രന് സുനില്കുമാര് മണ്ണെണ്ണ ഒഴിച്ച് തീ കൊളുത്തി കൊലപ്പെടുത്തിയത്. സരോജിനിക്കൊപ്പം മുട്ടത്തെ വീട്ടിലായിരുന്നു സുനില്കുമാര് താമസിച്ചിരുന്നത്. തന്റെ പേരിലുള്ള മുഴുവന് സ്വത്തും സുനില്കുമാറിന് നല്കാമെന്ന് സരോജിനി ഉറപ്പു നല്കിയിരുന്നു. പിന്നീട് സ്വത്ത് ഭാഗം വെച്ചപ്പോള് മറ്റ് സഹോദരിമാരുടെ മക്കള്ക്ക് കൂടി നല്കിയതാണ് പ്രകോപനത്തിന് കാരണം.
ഉറങ്ങിക്കിടക്കുകയായിരുന്ന സരോജിനിയുടെ ദേഹത്ത് മണ്ണെണ്ണയൊഴിച്ച് തീ കൊളുത്തി. മരണം കൊലപാതകമല്ലെന്ന് വരുത്താന് വീട്ടിലെ പാചകവാതക സിലിണ്ടര് തുറന്നുവിട്ടു. അടുപ്പില്നിന്ന് തീയാളി റബര് ഷീറ്റ് കത്തിയാണ് അപകടമുണ്ടായതെന്നാണ് സുനില് കുമാര് ആദ്യം പൊലീസിന് മൊഴി നല്കിയത്. പിന്നീട് നടത്തിയ ശാസ്ത്രീയ പരിശോധനയെ തുടര്ന്നാണ് ഇയാളെ അറസ്റ്റ് ചെയ്തത്.
by Midhun HP News | Dec 19, 2025 | Latest News, കേരളം
തൃശൂർ: വെെകാരികമായ കുറിപ്പുമായി ആക്രമണത്തിന് ഇരയായ നടി. തനിക്കെതിരെ അക്രമം ഉണ്ടായപ്പോള് പരാതിപ്പെട്ട്, നിയമനടപടി വേണമെന്ന് ആവശ്യപ്പെട്ട് മുന്നോട്ട് പോയതാണ് താന് ചെയ്ത തെറ്റെന്ന് അതിജീവിത. കേസിലെ രണ്ടാം പ്രതിയെടുത്ത വിഡിയോ കണ്ടു. അതില് താന് ആണ് നിങ്ങളുടെ നഗ്ന വിഡിയോ എടുത്തത് എന്നു കൂടെ പറയാമായിരുന്നുവെന്നും നടി കുറിപ്പിൽ പറയുന്നു.
ഇത്തരം വൈകൃതങ്ങള് പറയുന്നവരോടും പ്രചരിപ്പിക്കുന്നവരോടും നിങ്ങള്ക്കോ നിങ്ങളുടെ വീട്ടിലുള്ളവര്ക്കോ ഈ അവസ്ഥ വരാതിരിക്കട്ടെ എന്നാണ് തനിക്ക് പറയാനുള്ളതെന്നും അതിജീവിത പറയുന്നു.
അതിജീവിത പങ്കുവച്ച കുറിപ്പ്;
ഞാന് ചെയ്ത തെറ്റ്. എനിക്കെതിരെ ഒരു അക്രമം നടന്നപ്പോള് അതപ്പോള് തന്നെ പൊലീസില് പരാതിപ്പെട്ടത്, നിയമനടപടി വേണമെന്ന് ആവശ്യപ്പെട്ട് മുന്നോട്ട് പോയത്. അന്നേ സംഭവിച്ചതെല്ലാം വിധിയാണെന്ന് സമാധാനിച്ച് ആരോടും ഒന്നും പറയാതെ മിണ്ടാതെ ഇരിക്കണമായിരുന്നു. പിന്നീട് എപ്പോഴെങ്കിലും ആ വിഡിയോ പുറത്ത് വരുമ്പോള് ഇത് എന്തുകൊണ്ട് അന്നേ പൊലീസില് പരാതിപ്പെട്ടില്ല എന്ന് കുറ്റപ്പെടുത്തുന്നവരോട് എന്ത് പറയണം എന്നറിയാതെ ആത്മഹത്യ ചെയ്യണമായിരുന്നു.
20 വര്ഷം ശിക്ഷയ്ക്ക് വിധിച്ച് ജയിലില് പോയ രണ്ടാം പ്രതി പോകുന്നതിന് മുമ്പേ ഒരു വിഡിയോ എടുത്തത് കണ്ടു. അതില് ഞാന് ആണ് നിങ്ങളുടെ നഗ്ന വിഡിയോ എടുത്തത് എന്നു കൂടെ പറയാമായിരുന്നു. ഇത്തരം വൈകൃതങ്ങള് പറയുന്നവരോടും പ്രചരിപ്പിക്കുന്നവരോടും നിങ്ങള്ക്കോ നിങ്ങളുടെ വീട്ടിലുള്ളവര്ക്കോ ഈ അവസ്ഥ വരാതിരിക്കട്ടെ.
ഞാന് ഇരയല്ല, അതിജീവിതയല്ല, ഒരു സാധാരണ മനുഷ്യജീവിയാണ്. എന്നെ ജീവിക്കാന് വിടൂ.
നേരത്തെ, നടിയെ ആക്രമിച്ച കേസിലെ അതിജീവിതയുടെ പേര് ഉള്പ്പെടുത്തി വീഡിയോ പുറത്തുവിട്ട സംഭവത്തില് കേസിലെ രണ്ടാം പ്രതി മാര്ട്ടിന് ആന്റണിക്കെതിരെ പൊലീസ് കേസെടുത്തിരുന്നു. തൃശൂര് സിറ്റി പൊലീസാണ് കേസെടുത്തത്. അതിജീവിതയുടെ പേരു വെളിപ്പെടുത്തിയതിനും സമൂഹ മാധ്യമങ്ങളിലൂടെ അപകീര്ത്തിപ്പെടുത്തിയതിനുമാണ് നടപടി.
Recent Comments