by Midhun HP News | Oct 10, 2026 | Latest News, കേരളം
തിരുവനന്തപുരം: അഞ്ച് വയസ്സിലെയും 15 വയസ്സിലെയും നിര്‍ബന്ധിത ആധാര്‍ ബയോമെട്രിക് പുതുക്കല്‍ അഞ്ചിനും പതിനേഴിനും ഇടയില്‍ പ്രായമുള്ളവര്‍ക്ക് 2027 സെപ്റ്റംബര്‍ വരെ സൗജന്യമായി ചെയ്യാം. ആധാറില്‍ സജീവമായ മൊബൈല്‍ നമ്പര്‍ ചേര്‍ത്തിട്ടുള്ളവര്‍ക്ക് ആധാര്‍ ആപ്പിലൂടെ സ്വയം ഡിസംബര്‍ 31 വരെ സൗജന്യമായി ഇമെയില്‍ ഐഡി ചേര്‍ക്കാനും അപ്‌ഡേറ്റ് ചെയ്യാനും കഴിയും.
ആപ്പിലുടെ പുതിയ മൊബൈല്‍ നമ്പര്‍ അപ്‌ഡേറ്റ് ചെയ്യാനും 75രൂപ നിരക്കില്‍ അനുബന്ധ രേഖകള്‍ സമര്‍പ്പിച്ചു മേല്‍വിലാസം തിരുത്താനും കഴിയും. ആധാര്‍ അനുബന്ധ രേഖകള്‍ 2027 ജൂണ്‍ 14വരെ സൗജന്യമായി യുഐഡിഎഐ പോര്‍ട്ടല്‍ വഴി അപ്‌ഡേറ്റ് ചെയ്യാം. ആധാര്‍ കേന്ദ്രങ്ങളില്‍ പോയി ഡോക്യുമെന്റ് അപ്‌ഡേറ്റ് ചെയ്യാന്‍ 75രൂപ ചാര്‍ജ് നല്‍കണം.
സിറ്റിസണ്‍ കോള്‍ സെന്റര്‍: 1800-4251-1800 (ടോള്‍ ഫ്രീ)/ 0471-2335523 കേരള സ്റ്റേറ്റ് ഐടി മിഷന്‍-0471-2525442
by Midhun HP News | Oct 10, 2026 | Latest News, കേരളം
തിരുവനന്തപുരം: സംസ്ഥാനത്ത് ഇന്നും ശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥ വകുപ്പ്. ശക്തമായ മഴ കണക്കിലെടുത്ത് വിവിധ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. ശനിയാഴ്ച നാല് ജില്ലകളിലാണ് യെല്ലോ അലര്‍ട്ട്.
പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലാണ് ശക്തമായ മഴ മുന്നറിയിപ്പ്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്‍ത്ഥമാക്കുന്നത്.
കള്ളക്കടല്‍ ജാഗ്രത നിര്‍ദേശം
കള്ളക്കടല്‍ പ്രതിഭാസത്തിന്റെ ഭാഗമായി തിരുവനന്തപുരം (കാപ്പില്‍ മുതല്‍ പൊഴിയൂര്‍ വരെ) ജില്ലയിലെ തീരങ്ങളില്‍ ഇന്ന് രാത്രി 11.30 വരെ 0.8 മുതല്‍ 1.2 മീറ്റര്‍ വരെ ഉയര്‍ന്ന തിരമാലകള്‍ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം. കള്ളക്കടല്‍ പ്രതിഭാസത്തിന്റെ ഭാഗമായി കന്യാകുമാരി തീരത്ത് ഇന്ന് വൈകുന്നേരം 05.30 വരെ 0.9 മുതല്‍ 1.3 മീറ്റര്‍ വരെ ഉയര്‍ന്ന തിരമാലകള്‍ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം അറിയിച്ചു.
by Midhun HP News | Oct 9, 2026 | Latest News
ആറ്റിങ്ങൽ: നഗരത്തിൽ ശക്തമായ ഇടിമിന്നലിൽ വ്യാപകമായ നാശനഷ്ടം. ഇന്ന് വൈകുന്നേരം മഴയ്ക്കും കാറ്റിനു ഒപ്പം ഉണ്ടായ ശക്തമായ ഇടിമിന്നലാണ് നാശനഷ്ടം സൃഷ്ടിച്ചത്. നഗരത്തിലെ വിവിധ വ്യാപാര സ്ഥാപനങ്ങളിലെയും വീടുകളിലെയും വൈദ്യുതോപകരണങ്ങൾ കത്തി നശിച്ചു. വീടുകളിലെയും സ്ഥാപനങ്ങളിലെയും സോളാർ പാനലുകൾ പ്രവർത്തനരഹിതമായി. ഓഫീസുകളിലെയും വ്യാപാരസ്ഥാപനങ്ങളിലെയും വൈദ്യുതി ഉപകരണങ്ങൾ നശിച്ചു. പല വീടുകളിലെയും വയറിങ്ങും നശിച്ചിട്ടുണ്ട്. നഗര മധ്യത്തിലാണ് നാശനഷ്ടം കൂടുതൽ റിപ്പോർട്ട് ചെയ്യപ്പെട്ടിരിക്കുന്നത്.
by Midhun HP News | Oct 9, 2026 | Latest News, ദേശീയ വാർത്ത
റിയാദ്: സൗദി അറേബ്യയിലെ റിയാദ് കിങ് ഖാലിദ് അന്താരാഷ്ട്ര വിമാനത്താവളത്തില്‍ ഹൂതികളുടെ ആക്രമണത്തില്‍ പൈലറ്റ് ഉള്‍പ്പെടെ മൂന്ന് സൗദി പൗരന്മാര്‍ കൊല്ലപ്പെട്ടു. വിമാനത്താവളത്തിന് നേരെ വ്യാഴാഴ്ചയുണ്ടായ രണ്ട് ആക്രമണങ്ങളില്‍ ഒരു സൗദി പൈലറ്റ് ഉള്‍പ്പെടെ മൂന്ന് സൗദി പൗരന്മാര്‍ കൊല്ലപ്പെട്ടതായി അതോറിറ്റി ഓഫ് സിവില്‍ ഏവിയേഷന്‍ പ്രസ്താവനയില്‍ സ്ഥിരീകരിച്ചു.
ആദ്യ ആക്രമണം വിമാനത്താവളത്തിലെ സൗകര്യങ്ങളെ ലക്ഷ്യമിട്ടായിരുന്നെങ്കില്‍, രണ്ടാമത്തേത് സൗദിയ എയര്‍ലൈന്‍സിന്റെ വിമാനത്തിന് നേരെയായിരുന്നുവെന്ന് അധികൃതര്‍ അറിയിച്ചു. വിമാനത്താവളത്തില്‍ നിര്‍ത്തിയിട്ടിരുന്ന വിമാനങ്ങളിലൊന്നിന് കേടുപാടുകള്‍ സംഭവിച്ചതായും എയര്‍ലൈന്‍ സ്ഥിരീകരിച്ചു. സംഭവസമയത്ത് വിമാനത്തില്‍ യാത്രക്കാര്‍ ആരും ഉണ്ടായിരുന്നില്ല.
ആക്രമണത്തില്‍ വിവിധ രാജ്യങ്ങളില്‍ നിന്നുള്ള നിരവധി പേര്‍ക്ക് പരിക്കേറ്റു.വ്യാഴാഴ്ചയാണ് യെമനിലെ ഹൂതി വിമതര്‍ റിയാദിലെ കിങ് ഖാലിദ് അന്താരാഷ്ട്ര വിമാനത്താവളത്തിനുനേരെ ആക്രമണം നടത്തിയത്. ബാലിസ്റ്റിക് മിസൈല്‍ ഉപയോഗിച്ചായിരുന്നു ആക്രമണം. വിമാനത്താവളത്തിലുണ്ടായിരുന്ന വിമാനത്തില്‍ നിന്ന് ആക്രമണത്തെ തുടര്‍ന്ന് പുക ഉയരുന്നതായി അന്താരാഷ്ട്ര വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തിരുന്നു.
ആക്രമണത്തെ തുടര്‍ന്ന് റിയാദ് വിമാനത്താവളത്തിന്റെ പ്രവര്‍ത്തനം താല്‍ക്കാലികമായി നിര്‍ത്തിവെക്കുകയും വ്യോമഗതാഗതം മണിക്കൂറുകളോളം തടസ്സപ്പെടുകയും ചെയ്തു. ഇന്‍ഡിഗോ, എയര്‍ ഇന്ത്യ, എയര്‍ ഇന്ത്യ എക്‌സ്പ്രസ് എന്നീ വിമാന കമ്പനികള്‍ ഇന്ത്യയില്‍ നിന്ന് സൗദി അറേബ്യയിലേക്കുള്ള വിമാനസര്‍വീസുകള്‍ റദ്ദാക്കുകയും ചെയ്തിരുന്നു. ഒക്ടോബര് 10 വരെയും തിരികെയുമുള്ള എല്ലാ സര്‍വീസുകളും റദ്ദാക്കിയിട്ടുണ്ട്.
by Midhun HP News | Oct 9, 2026 | Latest News, ദേശീയ വാർത്ത
സ്റ്റോക്‌ഹോം : 2026 ലെ സമാധാനത്തിനുള്ള നൊബേല്‍ സമ്മാനം ഇന്ത്യന്‍ വംശജ നവനീതം നവി പിള്ളയ്ക്ക്. മനുഷ്യാവകാശ പ്രവര്‍ത്തകയും നീതിന്യായ വിദഗ്ധയുമാണ്. ദക്ഷിണാഫ്രിക്കന്‍ പൗരത്വമുള്ള മനുഷ്യാവകാശ പ്രവര്‍ത്തകയാണ്. 2008 മുതല്‍ 2014 വരെ യുഎന്‍ മനുഷ്യാവകാശ സംഘടനയുടെ ഹൈക്കമ്മീഷണറായിരുന്നു.
റുവാണ്ടയ്ക്കായുള്ള അന്താരാഷ്ട്ര ക്രിമിനല്‍ ട്രൈബ്യൂണലിലെ (ICTR) ജഡ്ജിയും പ്രസിഡന്റുമായി സേവനം അനുഷ്ഠിച്ചിട്ടുണ്ട്. ബലാത്സംഗവും വംശഹത്യയുടെ ഭാഗമാണെന്ന സുപ്രധാന വിധി പുറപ്പെടുവിക്കുന്നതില്‍ നവനീതം നവി പിള്ള സുപ്രധാന പങ്കു വഹിച്ചു. അന്താരാഷ്ട്ര ക്രിമിനല്‍ കോടതിയുടെ (ICC) അപ്പീല്‍ ചേംബറില്‍ ജഡ്ജിയായും (2003-2008) സേവനമനുഷ്ഠിച്ചിട്ടുണ്ട്.
പലസ്തീനിലെ യുഎന്‍ സ്വതന്ത്ര കമ്മീഷന്‍ അധ്യക്ഷയായും പ്രവര്‍ത്തിച്ചു. 1941 ല്‍ ദക്ഷിണാഫ്രിക്കയിലെ ഡര്‍ബനിലാണ് നവനീതം നവി പിള്ളയുടെ ജനനം. നവി പിള്ളയുടെ മുത്തശ്ശന്‍ തമിഴ്‌നാട് സ്വദേശിയാണ്. കരാര്‍ തൊഴിലാളിയായാണ് ദക്ഷിണാഫ്രിക്കയിലെത്തുന്നത്. നെറ്റാല്‍ സര്‍വകലാശാലയില്‍ നിന്ന് ബിഎ, എല്‍എല്‍ബി ബിരുദങ്ങള്‍ നേടി. എല്‍എല്‍എം ബിരുദവും നിയമത്തില്‍ ഡോക്ടറേറ്റും നേടിയിട്ടുണ്ട്.
by Midhun HP News | Oct 9, 2026 | Latest News, ജില്ലാ വാർത്ത
ആറ്റിങ്ങല്‍: കാഥികനും നാടക പ്രവര്‍ത്തകനുമായിരുന്ന അയിലം ഉണ്ണികൃഷ്ണന്റെ സ്മരണാര്‍ത്ഥം ‘ടീം അയിലം’ സംഘടിപ്പിക്കുന്ന അയിലം ഉണ്ണികൃഷ്ണന്‍ സ്മാരക നാടകോത്സവത്തിന് ഇന്ന് തിരശ്ശീല ഉയരും. ഒക്ടോബര് 14 വരെ അയിലം ഇണ്ടിളയപ്പന്‍ ശിവക്ഷേത്ര ആഡിറ്റോറിയത്തില്‍ നടക്കുന്ന നാടകോത്സവം ഇന്ന് വൈകിട്ട് ആറിന് ആറ്റിങ്ങല്‍ എംഎല്‍എ ഒ.എസ്. അംബിക ഉദ്ഘാടനം ചെയ്യും. പ്രഥമ അയിലം ഉണ്ണികൃഷ്ണന്‍ പുരസ്‌കാരം നാടക-ചലച്ചിത്ര താരം സേതുലക്ഷ്മിക്ക് സമ്മാനിക്കും. സിനിമാ-ഡോക്യുമെന്ററി സംവിധായകന്‍ വിജുവര്‍മ മുഖ്യപ്രഭാഷണം നടത്തും.
നാടകോത്സവം ജനറല്‍കണ്‍വീനര്‍ റോയി അയിലം അധ്യക്ഷനാകും. മുദാക്കല്‍ ഗ്രാമപഞ്ചായത്ത് പ്രസിഡന്റ് ഷൈനി.വി, ജില്ലാ പഞ്ചായത്ത് അംഗം കാര്‍ത്തിക, മുദാക്കല്‍ ഗ്രാമപഞ്ചായത്ത് വൈസ് പ്രസിഡന്റ പൂവണ്ണത്തുംമൂട് ബിജു, പുളിമാത്ത് ഗ്രാമപഞ്ചായത്ത് വൈസ് പ്രസിഡന്റ് അഡ്വ. ശ്രീജാ ഉണ്ണികൃഷ്ണന്‍, ചിറയിന്‍കീഴ് ബ്ലോക്ക് പഞ്ചായത്ത് അംഗം ബിന്ദു, മുദാക്കല്‍ ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ രേഖ അജികുമാര്‍, മുദാക്കല്‍ ഗ്രാമപഞ്ചായത്ത് അംഗങ്ങളായ എന്‍. മുരളി, ദീപ, സുഭാഷ്, പുളിമാത്ത് ഗ്രാമപഞ്ചായത്ത് അംഗം മനോജ്. എം.സി, ബി.ജെ.പി മുദാക്കല്‍ ഏരിയ പ്രസിഡന്റ് ബാബുരാജന്‍, സിപിഎം മുദാക്കല്‍ ലോക്കല്‍ കമ്മിറ്റി സെക്രട്ടറി ദിനേഷ്, കോണ്‍ഗ്രസ് മുദാക്കല്‍ മണ്ഡലം പ്രസിഡന്റ് ബാദുഷ, അയിലം ശിവക്ഷേത്ര ട്രസ്റ്റ് പ്രസിഡന്റ് വി. ഹരികുമാര്‍, ടീം അയിലം സെക്രട്ടറി മനീഷ് അയിലം, ജനറല്‍ കണ്‍വീനര്‍ സാജു അയിലം തുടങ്ങിയവര്‍ സംസാരിക്കും.
ചടങ്ങില്‍ വിവിധ മേഖലകളില്‍ മികവുതെളിയിച്ചവരെ ആദരിക്കും.
ഇന്ന് രാത്രി 7.30-ന് തിരുവനന്തപുരം ശ്രീ നന്ദനയുടെ ‘ഇരുവര്‍’ എന്ന നാടകം അവതരിപ്പിക്കും. നാളെ വൈകുന്നേരം 6ന് വസന്തകുമാര്‍ സാംബശിവന്‍ അവതരിപ്പിക്കുന്ന കഥാപ്രസംഗം ‘അനീസ്യ’. രാത്രി 8.00-ന് വടകര കാഴ്ചയുടെ നാടകം ‘ആഹ്ലാദം’, ഒക്ടോബര് 12ന് രാത്രി 7.30-ന് കടയ്ക്കാവൂര്‍ എസ്എസ് നടനസഭയുടെ ‘ഈശ്വരന്റെ തിരക്കഥ’. ഒക്ടോബര് 13ന് രാത്രി 7.30-ന് ആറ്റിങ്ങല്‍ ശ്രീധന്യ യുടെ ‘ഇല’, ഒക്ടോബര് 14ന് രാത്രി 7.30-ന് കോഴിക്കോട് സംഗീര്‍ത്തനയുടെ ‘ശ്വാസം’ എന്നിവയാണ് അരങ്ങിലെത്തുന്ന നാടകങ്ങള്‍.
Recent Comments