by Midhun HP News | Dec 6, 2025 | Latest News, കേരളം
പാലക്കാട്: അട്ടപ്പാടി വനമേഖലയില് കാട്ടാന ആക്രമണത്തില് വനം വകുപ്പ് ജീവനക്കാരന് മരിച്ചു. ഫോറസ്റ്റ് ബീറ്റ് അസിറ്റന്റ് കാളിമുത്തുവാണ് മരിച്ചത്. അട്ടപ്പാടി മുള്ളി വന മേഖലയില് ഉച്ചയ്ക്ക് 12.30 ഓടെയാണ് സംഭവം.
കടുവ സെന്സസിന്റെ ഭാഗമായി കാട്ടില് പോയപ്പോഴായിരുന്നു ആക്രമണം ഉണ്ടായത്. കാളിമുത്തു അടങ്ങുന്ന സംഘത്തിന് നേരെ കാട്ടാന ആക്രമണം ഉണ്ടായപ്പോള് ഉദ്യോഗസ്ഥ സംഘം ചിതറിയോടിയിരുന്നു. ഇതിന് പിന്നാലെ കാളിമുത്തുവിനെ കാണാതാവുകയും ചെയ്തു. തുടര്ന്ന് ആര്ആര്ടി സംഘത്തിന്റെ ഉള്പ്പെടെ സഹായത്തോടെ നടത്തിയ തെരച്ചിലാണ് കാളിമുത്തുവിനെ മരിച്ച നിലയില് കണ്ടെത്തിയത്.
കാട്ടാന ആക്രമണത്തിലാണ് മാരിമുത്തു കൊല്ലപ്പെട്ടത് എന്നാണ് പ്രാഥമിക നിഗമനം. കാട്ടാന ആക്രമണത്തില് മറ്റൊരു ഉദ്യോഗസ്ഥനും പരിക്കേറ്റിട്ടുണ്ട്. എന്നാല് ഇയാളുടെ ആരോഗ്യ നിലയ്ക്ക് പ്രശ്നമില്ലെന്നാണ് റിപ്പോര്ട്ട്. പുതൂര് ഫോറസ്റ്റ് ഓഫീസിലെ ഉദ്യോഗസ്ഥരാണ് കടുവ സെന്സെസിന് വേണ്ടി മുള്ളി വന മേഖലയില് എത്തിയത്. മൂന്നുപേരടങ്ങുന്ന സംഘമാണ് സെന്സസിനായി പോയിരുന്നത്. അച്യുതന്, കണ്ണന് എന്നിവരാണ് കൂടെയുണ്ടായിരുന്നത്.
കാളിമുത്തുവിന്റെ മൃതശരീരം വനത്തിന് പുറത്തേക്ക് എത്തിച്ചു. അഗളി ആശുപത്രിയില് സൂക്ഷിച്ച ശേഷം പോസ്റ്റ്മോര്ട്ടത്തിനായി കൊണ്ടുപോയി. കഴിഞ്ഞയാഴ്ച അട്ടപ്പാടിയിൽ കടുവ സെൻസസിന് പോയ വനപാലക സംഘം കാട്ടിൽ കുടുങ്ങിയിരുന്നു. പുതൂർ മൂലക്കൊമ്പ് മേഖലയിലാണ് കടുവ സെൻസസിന് പോയ അഞ്ചംഗ വനപാലക സംഘം കുടുങ്ങിയത്. ഇവരിൽ രണ്ടുപേർ വനിതകളായിരുന്നു. ഒരു രാത്രിക്ക് ശേഷമാണ് ഇവരെ കണ്ടെത്തിയത്.
by Midhun HP News | Dec 6, 2025 | Latest News, ദേശീയ വാർത്ത
ഫെർട്ടിലൈസേഴ്സ് ആൻഡ് കെമിക്കൽസ് ട്രാവൻകൂർ ലിമിറ്റഡിൽ (FACT) ഡ്രാഫ്റ്റ്സ്മാൻ തസ്തികയിൽ നിയമനം നടത്തുന്നു. മെക്കാനിക്കൽ, ഇലക്ട്രിക്കൽ, ഇൻസ്ട്രുമെന്റേഷൻ,സിവിൽ, കെമിക്കൽ വിഭാഗങ്ങളിൽ ആണ് ഒഴിവുകൾ ഉള്ളത്. താത്കാലിക നിയമനം ആണ് നടത്തുന്നത്. അപേക്ഷകൾ സമർപ്പിക്കേണ്ട അവസാന തീയതി 16-12-2025.
വിദ്യാഭ്യാസ യോഗ്യത
ബന്ധപ്പെട്ട എഞ്ചിനീയറിങ് വിഭാഗത്തിൽ ഡിപ്ലോമയും ഓട്ടോകാഡ്/സിഎഡി സോഫ്റ്റ്വെയർ ഉപയോഗിച്ച് ഡ്രാഫ്റ്റിംഗ് ജോലികൾ ചെയ്യാനും അറിഞ്ഞിക്കണം.
കുറഞ്ഞത് 2 വർഷത്തെ പ്രവൃത്തി പരിചയം ആവശ്യമാണ്.
മതിയായ പരിചയസമ്പന്നരായ ഉദ്യോഗാർത്ഥികൾ ഇല്ലെങ്കിൽ ഒരു വർഷത്തെ പരിചയമോ,മുൻ പരിചയം ഇല്ലാത്തവരെയും പരിഗണിക്കും.
പ്രായപരിധി
പരമാവധി പ്രായം: 01.12.2025 ന് 35 വയസ്സ്.
സർക്കാർ മാനദണ്ഡങ്ങൾ അനുസരിച്ച് സംവരണ വിഭാഗത്തിൽ ഉൾപ്പെട്ടവർക്ക് ഇളവുകൾ ലഭിക്കും.
എത്ര ഒഴിവുകൾ ഉണ്ടെന്ന് വ്യക്തമാക്കിയിട്ടില്ല. എഞ്ചിനീയറിങ് ഡ്രാഫ്റ്റിംഗ് സോഫ്റ്റ്വെയറിലെ പ്രായോഗിക നൈപുണ്യ പരീക്ഷ വിജയിക്കുന്ന ഉദ്യോഗാർത്ഥികളെ ആയിരിക്കും അന്തിമ ലിസ്റ്റിൽ ഉൾപ്പെടുത്തുക. നിയമനം ലഭിക്കുന്നവർക്ക് 25,000 – 26,530 രൂപ വരെ ശമ്പളം ലഭിക്കും. കൂടുതൽ വിവരങ്ങൾക്ക് https://www.fact.co.in/ സന്ദർശിക്കുക.
by Midhun HP News | Dec 6, 2025 | Latest News, ദേശീയ വാർത്ത
ഡല്ഹി: വിമാന സര്വീസുകള് അവതാളത്തിലായതിനെ തുടര്ന്ന് ആയിരക്കണക്കിന് യാത്രക്കാരെ ബാധിച്ച സാഹചര്യത്തില് റദ്ദാക്കിയ വിമാനങ്ങളുടെ ടിക്കറ്റ് നിരക്ക് റീഫണ്ട് ചെയ്യുന്ന പ്രക്രിയ ഞായറാഴ്ച വൈകുന്നേരത്തോടെ പൂര്ത്തിയാക്കാന് പ്രമുഖ വിമാന കമ്പനിയായ ഇന്ഡിഗോയോട് ആവശ്യപ്പെട്ട് കേന്ദ്രസര്ക്കാര്. യാത്രക്കാരുടെ ബാഗേജുകള് രണ്ടു ദിവസത്തിനകം മടക്കിനല്കിയെന്ന് ഉറപ്പാക്കാനും കേന്ദ്ര വ്യോമയാന മന്ത്രാലയം നിര്ദേശിച്ചു.
രാജ്യത്തെ ഏറ്റവും വലിയ വിമാനക്കമ്പനിയായ ഇന്ഡിഗോയുടെ 1,000ലധികം വിമാന സര്വീസുകളാണ് ഇതിനോടകം റദ്ദാക്കപ്പെട്ടത്. ജീവനക്കാരുടെ ക്ഷാമം മൂലം സര്വീസുകള് മുടങ്ങുന്നത് ശനിയാഴ്ച അഞ്ചാം ദിവസത്തിലേക്ക് കടന്നിരിക്കുകയാണ്. ഒരു ദിവസം കഴിഞ്ഞ് ഞായറാഴ്ച റീഫണ്ട് പ്രക്രിയയില് എന്തെങ്കിലും കാലതാമസം ഉണ്ടാവുകയോ നിര്ദേശം പാലിക്കാതെ വരികയോ ചെയ്താല് നടപടി സ്വീകരിക്കുമെന്നും മന്ത്രാലയം മുന്നറിയിപ്പ് നല്കി. റദ്ദാക്കിയതോ തടസ്സപ്പെട്ടതോ ആയ എല്ലാ വിമാന സര്വീസുകളുടെയും റീഫണ്ട് പ്രക്രിയ ഞായറാഴ്ച രാത്രി 8 മണിയോടെ പൂര്ത്തിയാക്കണമെന്നാണ് മന്ത്രാലയത്തിന്റെ പ്രസ്താവനയില് പറയുന്നത്.
റദ്ദാക്കല് മൂലം യാത്രയെ ബാധിച്ച യാത്രക്കാരില് നിന്ന് റീഷെഡ്യൂളിങ് ചാര്ജുകള് ഈടാക്കരുതെന്നും വിമാനക്കമ്പനികള്ക്ക് നിര്ദ്ദേശം നല്കിയിട്ടുണ്ട്. ശനിയാഴ്ച മാത്രം വിവിധ വിമാനത്താവളങ്ങളില് 400ലധികം വിമാന സര്വീസുകളാണ് റദ്ദാക്കിയത്. പ്രത്യേക പാസഞ്ചര് സപ്പോര്ട്ടും റീഫണ്ട് ഫെസിലിറ്റേഷന് സെല്ലുകളും രൂപീകരിക്കാനും ഇന്ഡിഗോയ്ക്ക് നിര്ദ്ദേശം നല്കിയിട്ടുണ്ട്. കൃത്യസമയത്ത് യാത്ര ചെയ്യാന് കഴിയാതെ ബുദ്ധിമുട്ടിലായ യാത്രക്കാരെ മുന്കൂട്ടി ബന്ധപ്പെടുന്നുണ്ടെന്നും റീഫണ്ടുകളും ബദല് യാത്രാ ക്രമീകരണങ്ങളും ഒരുക്കിയിട്ടുണ്ടെന്നും സെല്ലുകള് ഉറപ്പാക്കണമെന്നും കേന്ദ്രസര്ക്കാര് വ്യക്തമാക്കി.
സര്വീസുകള് സാധാരണ പോലെയാകുന്നത് വരെ ഓട്ടോമാറ്റിക് റീഫണ്ട് സംവിധാനം സജീവമായി തുടരും. യാത്രക്കാരില് നിന്ന് സ്വീകരിച്ച ബാഗേജ് കണ്ടെത്തി അടുത്ത 48 മണിക്കൂറിനുള്ളില് അവര്ക്ക് തിരികെ നല്കുന്നുണ്ടന്ന് വിമാന കമ്പനി ഉറപ്പാക്കണമെന്നും മന്ത്രാലയം ആവശ്യപ്പെട്ടു.
by Midhun HP News | Dec 6, 2025 | Latest News, ജില്ലാ വാർത്ത
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ കാരുണ്യ ലോട്ടറി ഫലം പ്രഖ്യാപിച്ചു. KZ 289669 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 25 ലക്ഷം രൂപ KY 231568 എന്ന നമ്പറിലുള്ള ടിക്കറ്റിനാണ്. KX 942697 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ 10 ലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില.ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize ₹5,000/-
KN 289669
KO 289669
KP 289669
KR 289669
KS 289669
KT 289669
KU 289669
KV 289669
KW 289669
KX 289669
KY 289669
4th Prize: ₹5,000/-
0012 0998 1404 1700 2251 2292 2503 2700 3845 4311 4322 4965 5597 6363 6632 7852 7885 8939 9495
5th Prize: ₹2,000/-
0201 2127 4519 5256 5449 5707
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Dec 6, 2025 | Latest News, ജില്ലാ വാർത്ത
തിരുവനന്തപുരം: 23 കാരിയെ ബലാത്സംഗം ചെയ്തെന്ന കേസില് രാഹുല് മാങ്കൂട്ടത്തിന് തിരിച്ചടി. തിരുവനന്തപുരം ജില്ലാ സെഷന് കോടതിയില് സമര്പ്പിച്ച മുന്കൂർ ജാമ്യ ഹര്ജി വിശദമായ വാദത്തിനായി തിങ്കളാഴ്ചയിലേക്ക് മാറ്റി. കേസില് രാഹുല് മാങ്കൂട്ടത്തിലിന്റെ അറസ്റ്റ് കോടതി തടഞ്ഞില്ല. തിങ്കളാഴ്ചയ്ക്കകം കേസില് വിശദമായ റിപ്പോര്ട്ട് സമര്പ്പിക്കണം എന്നും കോടതി നിര്ദേശിച്ചു.
കെപിസിസി പ്രസിഡന്റിന് 23 കാരി ഇ മെയില് ആയി നല്കിയ പരാതി പിന്നീട് ഡിജിപി കൈമാറിയതോടെയാണ് രാഹുല് മാങ്കൂട്ടത്തിലിനെതിരെ രണ്ടാമത്തെ കേസ് രജിസ്റ്റര് ചെയ്തത്. ആദ്യ കേസില് ഹൈക്കോടതിയില് നിന്ന് അറസ്റ്റ് തടഞ്ഞ ഉത്തരവ് പുറത്ത് വന്നതിന് പിന്നാലെയാണ് രാഹുല് രണ്ടാമത്തെ കേസില് ജാമ്യ ഹര്ജി സമര്പ്പിച്ചത്. ജാമ്യ ഹര്ജി തീര്പ്പാക്കുന്നതുവരെ അറസ്റ്റ് തടയണമെന്ന് കോടതിയില് പെറ്റീഷന് നല്കിയിരിക്കുകയാണ്. ആദ്യ ബലാത്സംഗ കേസില് മാത്രമാണ് ഹൈക്കോടതി അറസ്റ്റ് തടഞ്ഞിരിക്കുന്നത്.
രണ്ടാമത്തെ കേസില് പരാതിക്കാരിയില്ലെന്നും ഇ-മെയില് സന്ദേശത്തിന്റെ അടിസ്ഥാനത്തിലാണ് എഫ്ഐആര് രജിസ്റ്റര് ചെയ്തിരിക്കുന്നത് എന്നാണ് രാഹുലിന്റെ വാദം. പീഡനം നടന്ന സ്ഥലം, സമയം തുടങ്ങിയ അടിസ്ഥാന വിവരങ്ങള് പോലുമില്ല. കേസ് രാഷ്ട്രീയ പ്രേരിതമാണെന്നുമാണ് രാഹുല് ജാമ്യ ഹര്ജിയില് ആരോപിക്കുന്നു. എന്നാല് ലൈംഗിക പരാതിയില് സമയവും കാലവും പ്രസക്തമല്ലെന്ന് ചൂണ്ടിക്കാട്ടിയാണ് കോടതി വിശദമായ റിപ്പോര്ട്ട് സമര്പ്പിക്കാന് പൊലീസിനോട് നിര്ദേശിച്ചത്.
by Midhun HP News | Dec 6, 2025 | Latest News, ദേശീയ വാർത്ത
ഡല്ഹി: ഓഫീസ് സമയത്തിനപ്പുറം ഏതെങ്കിലും ജോലി സംബന്ധമായ കോളുകള് എടുക്കുന്നതില് നിന്നും ഇ-മെയിലുകള്ക്ക് മറുപടി നല്കുന്നതില് നിന്നും ജീവനക്കാരെ ഒഴിവാക്കാന് അനുവദിക്കുന്ന സ്വകാര്യ ബില് വെള്ളിയാഴ്ച ലോക്സഭയില് അവതരിപ്പിച്ചു. ജീവനക്കാരുടെ ക്ഷേമത്തിനായി വെല്ഫെയര് അതോറിറ്റി രൂപീകരിക്കണമെന്ന് ആവശ്യപ്പെട്ട് ‘റൈറ്റ് ടു ഡിസ്കണക്റ്റ് ബില്, 2025’ എന്സിപി എംപി സുപ്രിയ സുലെയാണ് അവതരിപ്പിച്ചത്. ലോക്സഭയിലെയും രാജ്യസഭയിലെയും അംഗങ്ങള്ക്ക് സര്ക്കാര് നിയമനിര്മ്മാണം ആവശ്യമാണെന്ന് തോന്നുന്ന വിഷയങ്ങളില് സ്വകാര്യ ബില്ലുകള് അവതരിപ്പിക്കാന് കഴിയും. മിക്ക കേസുകളിലും, നിര്ദ്ദിഷ്ട നിയമത്തിന് സര്ക്കാര് മറുപടി നല്കിയതിന് ശേഷം അംഗം സ്വകാര്യ ബില് പിന്വലിക്കുന്നതാണ് പതിവ്.
ജോലി സമയത്തിന് ശേഷവും അവധി ദിവസങ്ങളിലും ജോലി സംബന്ധമായ കോളുകളില് നിന്നും ഇ-മെയിലുകളില് നിന്നും വിട്ടുനില്ക്കാന് ഓരോ ജീവനക്കാരനും അവകാശം നല്കുന്നതാണ് ബില്. അത്തരം ആശയവിനിമയങ്ങള്ക്ക് മറുപടി നല്കുന്നതില് നിന്ന് വിട്ടുനില്ക്കാന് ജീവനക്കാരെ അനുവദിക്കുന്നതാണ് ബില്ലിലെ വ്യവസ്ഥ. സമാനമായ ബില് കേരള നിയമസഭയില് അവതരിപ്പിക്കുന്നതിന് എന് ജയരാജ് എംഎല്എ നോട്ടീസ് നല്കിയിട്ടുണ്ട്.
കോണ്ഗ്രസ് എംപി കഡിയം കാവ്യ മറ്റൊരു സ്വകാര്യ ബില്ലും അവതരിപ്പിച്ചു. ആര്ത്തവ സമയത്ത് സ്ത്രീകള്ക്ക് ജോലിസ്ഥലത്തെ സൗകര്യങ്ങള് പ്രയോജനപ്പെടുത്താനും പിന്തുണ നല്കാനും ലക്ഷ്യമിടുന്ന ആര്ത്തവ ആനുകൂല്യ ബില്, 2024 ആണ് രണ്ടാമത്തെ സ്വകാര്യ ബില്. ആര്ത്തവ സമയത്ത് സ്ത്രീ ജീവനക്കാര്ക്ക് പ്രത്യേക ആനുകൂല്യങ്ങള് ഉറപ്പാക്കുന്ന ഒരു നിയമ ചട്ടക്കൂടിന് രൂപം നല്കാന് ലക്ഷ്യമിട്ടാണ് ബില്.
Recent Comments