കെ എസ് കെ ടി യു ജില്ലാ സമ്മേളനത്തിൻ്റെ സംഘാടക സമിതി യോഗം നടന്നു

by Midhun HP News | Oct 8, 2026 | Latest News, കേരളം

ആറ്റിങ്ങൽ: 2026 നവംബർ 13, 14, 15 തീയതികളിൽ ആറ്റിങ്ങലിൽ നടക്കുന്ന കെ എസ് കെ ടി യു ജില്ലാ സമ്മേളനത്തിൻ്റെ സംഘാടക സമിതി യോഗം സംസ്ഥാന പ്രസിഡന്റ് ആനാവൂർ നാഗപ്പൻ ഉദ്ഘാടനം ചെയ്തു‌. മാമം സൺ ആഡിറ്റോറിയത്തിൽ നടന്ന യോഗത്തിൽ ജില്ലാ പ്രസിഡൻ്റ് എസ് ഷാജഹാൻ അധ്യക്ഷനായി. കെ എസ് കെ ടി യു നേതാക്കളായ ഒ എസ് അംബിക എം എൽ എ, എൻ രതീന്ദ്രൻ, ബി പി മുരളി, സി ഐ ടി യു ജില്ലാ സെക്രട്ടറി ആർ രാമു, സിപിഐ എം ഏരിയ സെക്രട്ടറി ആർ സുഭാഷ്, അഡ്വ ഷൈലജ ബീഗം, വി എ വിനീഷ്, എം പ്രദീപ്, ഡി കെ ശശി, കെ അംബിക, ആർ രാജു, എസ് ലെനിൻ എന്നിവർ സംസാരിച്ചു. ജില്ലാ സെക്രട്ടറി എസ് ശശാങ്കൻ സ്വാഗതവും ഏരിയ പ്രസിഡൻ്റ് സി എസ് അജയകുമാർ നന്ദിയും പറഞ്ഞു.

ഭാരവാഹികൾ: ഒ എസ് അംബിക എം എൽ എ (ചെയർപേഴ്‌സൺ), ആർ രാജു (കൺവീനർ)

നവരാത്രിക്ക് ഒരുങ്ങി മൂകാംബിക; തിരക്ക് മുന്നില്‍ കണ്ട് കൂടുതല്‍ സൗകര്യങ്ങള്‍

by Midhun HP News | Oct 8, 2026 | Latest News, കേരളം

മംഗളൂര്‍: കൊല്ലൂര്‍ മൂകാംബിക ക്ഷേത്രത്തിലെ നവരാത്രി മഹോത്സവത്തിന് ഞായറാഴ്ച്ച തുടക്കമാകും. രണ്ടു ദിവസം അഷ്ടമി വരുന്നതിനാല്‍ ഇക്കുറി മഹോത്സവം 10 ദിവസം ഉണ്ട്. ഒക്ടോബര്‍ 20നാണ് പ്രധാന ചടങ്ങായ പുഷ്പരഥോത്സവം. അന്ന് രാവിലെ 8.45ന് പുഷ്പങ്ങളാല്‍ അലങ്കരിച്ച രഥത്തില്‍ ദേവി എഴുന്നള്ളും. ദേവീവിഗ്രഹത്തെ രഥത്തിലേറ്റി ശ്രീകോവിലിന് ചുറ്റും മൂന്ന് തവണ രഥം വലിക്കും.

പുഷ്പരഥോത്സവത്തിന് മുന്നോടിയായി ചണ്ഡികായാഗവും നടക്കും. 21ന് വിജയദശമി നാളില്‍ പുലര്‍ച്ചെ 3 മണിക്ക് നട തുറക്കുന്നതോടെ വിദ്യാരംഭ ചടങ്ങുകള്‍ക്ക് തുടക്കമാകും. അന്ന് വൈകിട്ട് നടക്കുന്ന വിജയരഥോത്സവത്തോടെ ഈ വര്‍ഷത്തെ നവരാത്രി ആഘോഷങ്ങള്‍ക്ക് സമാപനമാകും.

ഒക്ടോബര്‍ 11ന് നവരാത്രി ആഘോഷങ്ങള്‍ ആരംഭിക്കുന്നത് മുതല്‍ നിത്യേന വിവിധ പൂജകള്‍ ഉണ്ടാകും. ശതരുദ്രാഭിഷേകം, മഹാനൈവേദ്യം, മംഗളാരതി, ദീപാരാധന, പ്രദോഷ പൂജ എന്നിവ നടക്കും. മുഖ്യ അര്‍ച്ചകനും തന്ത്രിയുമായ ഡോക്ടര്‍ കെ.രാമചന്ദ്ര അഡിഗ കാര്‍മികത്വം വഹിക്കും. 10 ദിവസങ്ങളിലും വിവിധ കലാപരിപാടികള്‍ ഉണ്ടാകും.

വിവിധ സംസ്ഥാനങ്ങളില്‍ നിന്ന് കൊല്ലൂരിലെത്തുന്ന ഭക്തര്‍ക്ക് കൂടുതല്‍ സൗകര്യങ്ങള്‍ മൂകാംബിക ക്ഷേത്രം ട്രസ്റ്റ് ഒരുക്കിയിട്ടുണ്ട്. ഡോക്ടര്‍മാര്‍ അടങ്ങുന്ന മെഡിക്കല്‍ സംഘം കൊല്ലൂരില്‍ ക്യാംപ് ചെയ്യും. തിരക്ക് നിയന്ത്രിക്കാനും നിര്‍ദേശങ്ങള്‍ നല്‍കാനും കൂടുതല്‍ പോലീസിനെയും സന്നദ്ധ പ്രവര്‍ത്തകരെയും വിന്യസിച്ചിട്ടുണ്ട്. ബൈന്ദൂര്‍, ഉഡുപ്പി ഭാഗങ്ങളില്‍ പ്രത്യേകം ബസ് സര്‍വീസുകള്‍ തുടങ്ങി. ഹോട്ടലുകളും വ്യാപാര സ്ഥാപനങ്ങളും നവരാത്രി സീസണു വേണ്ടി തയ്യാറെടുപ്പുകള്‍ നടത്തിയിട്ടുണ്ട്.

വിഖ്യാത നടന്‍ നാനാ പടേക്കര്‍ അന്തരിച്ചു

by Midhun HP News | Oct 8, 2026 | Latest News, കേരളം

പനാജി : നടനും നിര്‍മാതാവുമായ നാനാ പടേക്കര്‍ അന്തരിച്ചു. ഗോവയിലെ വസതിയിൽ വച്ച് ഹൃദയാഘാതത്തെ തുടർന്നായിരുന്നു അന്ത്യം. 75 വയസ്സായിരുന്നു. ഇന്നു പുലർച്ചെ വീട്ടിനുള്ളിൽ അബോധാവസ്ഥയിൽ കണ്ടെത്തിയ അദ്ദേഹത്തെ ഉടനടി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പുലർച്ചെ 5.20 ഓടെയാണ് അന്ത്യം സംഭവിച്ചതെന്ന് ഡോക്ടർമാർ സ്ഥിരീകരിച്ചു

വീട്ടില്‍ ബോധരഹിതനായി കണ്ടെത്തിയതിനെ തുടര്‍ന്ന് അടുത്തുള്ള ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഇന്ത്യന്‍ സിനിമയിലെ വിഖ്യാത നടന്മാരില്‍ ഒരാളായ പടേക്കര്‍, പതിറ്റാണ്ടുകള്‍ നീണ്ട തന്റെ കരിയറില്‍ ഹിന്ദി, മറാത്തി സിനിമകളില്‍ ശ്രദ്ധേയമായ കഥാപാത്രങ്ങളെ അവതരിപ്പിച്ചു. ‘പരിന്ദ’, ‘ക്രാന്തിവീര്‍’, ‘അബ് തക് ഛപ്പന്‍’, ‘വെല്‍ക്കം’ എന്നീ ചിത്രങ്ങളിലൂടെയാണ് അദ്ദേഹം വ്യാപകമായി ശ്രദ്ധിക്കപ്പെട്ടത്.

ദങ്കാര്‍ പടേക്കറുടെയും സംഗണ പടേക്കറുടെയും മകനായി മഹാരാഷ്ട്രയിലെ മുരുദ് ജഞ്ജിറയില്‍ ജനിച്ചു. പഠനകാലത്തു തന്നെ കോളജിലെ നാടകവേദികളില്‍ സജീവ പ്രവര്‍ത്തകനായിരുന്നു. ബിരുദ പഠനത്തിനു ശേഷമാണ് പടേക്കര്‍ ഹിന്ദി ചലചിത്രങ്ങളില്‍ സജീവമാകുന്നത്. മൂന്ന് ദേശീയ ചലച്ചിത്ര അവാർഡുകൾ നേടിയ അദ്ദേഹത്തെ 2013-ൽ രാജ്യം പത്മശ്രീ നൽകി ആദരിച്ചു.

സിനിമയ്ക്കു പുറമെ മഹാരാഷ്ട്രയിലെ കര്‍ഷകരുടെ ദുരിതാശ്വാസ പ്രവര്‍ത്തനങ്ങളിലും പങ്കാളിയായിരുന്നു. മഹാരാഷ്ട്രയിലെ കര്‍ഷകരുടെ ആത്മഹത്യയും വന്‍ വരള്‍ച്ചയും കണ്ടാണ് അദ്ദേഹം 2015 ല്‍ നാം ഫൗണ്ടേഷന്‍ സ്ഥാപിക്കുന്നത്. ഇതിലൂടെ ദുരിതബാധിതരായ ആയിരക്കണക്കിനു കര്‍ഷക കുടുംബങ്ങള്‍ക്കു സാമ്പത്തിക സഹായം എത്തിച്ചു. 1999 ല്‍ നടന്ന കാര്‍ഗില്‍ യുദ്ധത്തില്‍ നേരിട്ടു പങ്കെടുക്കുകയും സൈനികര്‍ക്കൊപ്പം അതിര്‍ത്തിയില്‍ സേവനമനുഷ്ഠിക്കുകയും ചെയ്തിട്ടുണ്ട്. ഹോണററി ലഫ്റ്റനന്റ് കേണല്‍ പദവിയും അദ്ദേഹത്തിനുണ്ടായിരുന്നു. വിശ്വനാഥ് പടേക്കര്‍ എന്നാണ് യഥാര്‍ഥ പേര്. നീലകണ്ഠി പടേക്കറാണ് ഭാര്യ, മകന്‍ മല്‍ഹാര്‍ പടേക്കര്‍.

ഒരു കോടിയുടെ ഒന്നാം സമ്മാനം കരുനാഗപ്പള്ളിയില്‍ വിറ്റ ടിക്കറ്റിന്; ധനലക്ഷ്മി ലോട്ടറി ഫലം പ്രഖ്യാപിച്ചു

by Midhun HP News | Oct 7, 2026 | Latest News, കേരളം

തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ ധനലക്ഷ്മി ലോട്ടറി ഫലം പ്രഖ്യാപിച്ചു. കരുനാഗപ്പള്ളിയില്‍ വിറ്റ DR 895405 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ പട്ടാമ്പിയില്‍ വിറ്റ DS 506782 എന്ന നമ്പറിലുള്ള ടിക്കറ്റിനാണ്. പാലക്കാട് വിറ്റ DY 182714 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.

ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല്‍ ഫലം ലഭ്യമാകും.

Consolation Prize Rs.5,000/-

DN 895405

DO 895405

DP 895405

DS 895405

DT 895405

DU 895405

DV 895405

DW 895405

DX 895405

DY 895405

DZ 895405

4th Prize Rs.5,000/-

0279 0708 2795 3355 4224 4964 5629 5876 6164 6517 6571 7045 7251 8278 8569 8702 8944 8981 9344

5th Prize Rs.2,000/-

0102 0515 3300 4409 6339 9264

6th Prize Rs.1,000/-

0460 0750 0753 0876 1372 1450 1545 1885 2594 3057 3381 3512 3734 3950 5021 5160 5755 6491 7075 7368 8206 8524 8595 8986 9625

7th Prize Rs.500/-

4950 3040 6312 5638 5547 3676 6696 7689 8296 4547 9914 3339 5116 9121 9803 3872 8474 5078 8893 8397 7011 3243 2492 9269 1136 3925 1522 0642 5454 8469 1488 2025 3880 2915 4945 2345 3778 9247 9378 9289 4004 1988 5855 4874 3376 2989 2015 6246 5075 1775 0335 2259 5984 3831

ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.

കേരളത്തിന് എയിംസ് പരിഗണനയില്‍ ഇല്ലെന്ന് കേന്ദ്രം; ആരോഗ്യരംഗത്തെ മികവ് അയോഗ്യതയോ എന്ന ഹൈക്കോടതി, വിമര്‍ശനം

by Midhun HP News | Oct 7, 2026 | Latest News, കേരളം

കൊച്ചി: കേരളത്തിന് എയിംസ് അനുവദിക്കുന്നത് മുന്‍ഗണനയില്‍ ഇല്ലെന്ന് കേന്ദ്രസര്‍ക്കാര്‍ ഹൈക്കോടതിയില്‍. ആരോഗ്യരംഗം മോശമായ സംസ്ഥാനങ്ങള്‍ക്കാണ് ആദ്യപരിഗണനെയെന്നും കേരളം ആരോഗ്യരംഗത്ത് മുന്നിലാണെന്നും കേന്ദ്രസര്‍ക്കാര്‍ ഹൈക്കോടതിയെ അറിയിച്ചു. എന്നാല്‍ കേരളം എയിംസ് അര്‍ഹിക്കുന്നുണ്ടെന്നും ആരോഗ്യരംഗത്ത് കേരളം മുന്നില്‍ നില്‍ക്കുന്നത് എയിംസ് ലഭിക്കുന്നതിന് അയോഗ്യതയാണോയെന്നും ഹൈക്കോടതി കേന്ദസര്‍ക്കാരിനോട് ചോദിച്ചു.

കേരളത്തിന് എയിംസ് പരിഗണിക്കാത്ത കേന്ദ്ര സര്‍ക്കാരിന്റെ നടപടിയെ ചോദ്യം ചെയ്ത് കാസര്‍കോട്ട ഒരു കൂട്ടായ്മ നല്‍കിയ ഹര്‍ജി പരിഗണിക്കുന്നതിനിടെയാണ് കോടതിയുടെ വിമര്‍ശനം. ഹൈക്കോടതിയില്‍ നല്‍കിയ സത്യവാങ്മൂലത്തിലാണ് കേരളം എയിംസിന്റെ മുന്‍ഗണനാ പട്ടികയില്‍ ഇല്ലെന്ന് കേന്ദ്രം അറിയിച്ചത്. ആരോഗ്യരംഗത്ത് മോശം സാഹചര്യമുള്ള സംസ്ഥാനങ്ങള്‍ക്കാണ് എയിംസ് അനുവദിക്കുന്നതിന് മുന്‍ഗണനാ പട്ടികയില്‍ ഉള്ളതെന്നും അത്തരം സംസ്ഥാനങ്ങളാണ് പ്രഥമപരിഗണനയെന്നും കേന്ദ്രസര്‍ക്കാര്‍ പറയുന്നു. കേരളം ആരോഗ്യരംഗത്ത് മികച്ചതാണ്. 2030-31ലെ പദ്ധതിക്ക് അംഗീകാരം കിട്ടിയാല്‍ മാത്രമേ ഇക്കാര്യത്തില്‍ എന്തെങ്കിലും ഒരു ആലോചന നടത്താന്‍ കഴിയുകയുള്ളുവെന്ന് കേന്ദ്രസര്‍ക്കാര്‍ സത്യവാങ്മൂലത്തില്‍ പറയുന്നു.

കേരളം ആരോഗ്യരംഗത്ത് മികച്ചുനില്‍ക്കുന്നത് എയിംസ് നല്‍കുന്നതിനുള്ള അയോഗ്യതയാണോയെന്ന് ചീഫ് ജസ്റ്റിസ് അധ്യക്ഷനായ ബെഞ്ച് ചോദിച്ചു. ജനസാന്ദ്രത കൂടിയ സംസ്ഥാനം എന്ന നിലയില്‍ കേരളത്തിന് ഒരു എയിംസ് ആവശ്യമാണ്. കേരളത്തിന് അതിന് അര്‍ഹതയുണ്ട്.

കിനാലൂരില്‍ എയിംസിന് സ്ഥലം കണ്ടെത്തി അതിനുള്ള അപേക്ഷ ആരോഗ്യമന്ത്രാലയത്തിന് സമര്‍പ്പിച്ചിട്ട് വര്‍ഷങ്ങളായെന്നും കോടതി ചൂണ്ടിക്കാട്ടി. ഡല്‍ഹിയില്‍ ഏത് അര്‍ഥത്തിലാണ് എയിംസ് അനുവദിച്ചതെന്നും കോടതി ചോദിച്ചു. കേന്ദ്രസര്‍ക്കാര്‍ ഇക്കാര്യത്തില്‍ ഉചിതമായ നടപടികള്‍ സ്വീകരിക്കണമെന്ന് അറിയിച്ച ഹൈക്കോടതി ആറാഴ്ച കഴിഞ്ഞ വീണ്ടും ഹര്‍ജി പരിഗണിക്കും.

ഇക്കാര്യത്തില്‍ കേന്ദ്രമന്ത്രി സുരേഷ് ഗോപി പറയുന്നതിന് വിപരീതമായാണ് കേന്ദ്രസര്‍ക്കാര്‍ സുപ്രീം കോടതിയില്‍ സമര്‍പ്പിച്ച സത്യവാങ്മൂലം. ബിജെപി എംപി ആയതിനാല്‍ എയിംസ് തൃശൂരില്‍ വരേണ്ടെന്ന് സംസ്ഥാനം തീരുമാനിച്ചാല്‍ അവിടെ തന്നെ കൊണ്ടുവരുമെന്ന് സുരേഷ് ഗോപി ഇന്നലെ പറഞ്ഞിരുന്നു. എയിംസ് കേരളത്തില്‍ വരണമെന്നാണ് തന്റെ ആഗ്രഹമെന്നും അതിനു യോജ്യമായ സ്ഥലം തൃശൂരാണെന്നും സുരേഷ് ഗോപി പറഞ്ഞു.