ടി20 ലോകകപ്പ്: അഫ്ഗാനിസ്ഥാൻ സെമിയിൽ
ടി 20 ലോകകപ്പിൽ അഫ്ഗാനിസ്ഥാൻ സെമിയിൽ. സൂപ്പർ 8 അവസാന മത്സരത്തിൽ ബംഗ്ലാദേശിനെ 8 റൺസിന് പരാജയപ്പെടുത്തുകയാണ് അഫ്ഗാനിസ്ഥാൻ സെമിയിൽ കടന്നത്. ഇതോടെ ഓസ്ട്രേലിയയും ബംഗ്ലാദേശും ടൂർണമെന്റിൽ നിന്നും പുറത്തായി.
ഓസ്ട്രേലിയയേയും തകർത്ത് നീലപ്പട: ഇന്ത്യ ടി20 ലോകകപ്പിന്റെ സെമിഫൈനലിൽ
സെന്റ് ലൂസിയ: ടി20 ലോകകപ്പില് സെമി ഫൈനല് ഉറപ്പിച്ച് ഇന്ത്യ. സൂപ്പര് എട്ടില് നിര്ണായക മത്സരത്തില് ഓസ്ട്രേലിയയെ 24 റണ്സിന് തോല്പ്പിച്ചാണ് ഇന്ത്യ സെമിയിലെത്തുന്നത്. സെന്റ് ലൂസിയയില് ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ നിശ്ചിത ഓവറില് അഞ്ച് വിക്കറ്റ് നഷ്ടത്തില് 205 റണ്സാണ് നേടിയത്. രോഹിത് ശര്മയുടെ (41 പന്തില് 92) ഇന്നിംഗ്സാണ് മികച്ച സ്കോറിലേക്ക് നയിച്ചത്. മറുപടി ബാറ്റിംഗില് ഓസീസിന് ഏഴ് വിക്കറ്റ് നഷ്ടത്തില് 181 റണ്സെടുക്കാനാണ് സാധിച്ചത്. 43 പന്തില് 76 റണ്സ് നേടിയ ട്രാവിസ് ഹെഡാണ് ഓസീസിന്റെ ടോപ് സ്കോറര്. അര്ഷ്ദീപ് സിംഗ് മൂന്ന് വിക്കറ്റ് നേടി. തോല്വിയോടെ ഓസീസിന്റെ സെമി പ്രവേശനം തുലാസിലായി. മൂന്ന് മത്സരങ്ങളില് നാല് പോയിന്റാണ് അവര്ക്ക്. നാളെ ബംഗ്ലാദേശിനെ തോല്പ്പിച്ചാല് അഫ്ഗാനിസ്ഥാന് സെമിയില് കടക്കും. ബംഗ്ലാദേശ് കൂറ്റന് മാര്ജിനില് ജയിച്ചാല് മാത്രമെ സെമിയില് കടക്കൂ. ഓസീസ് സെമിയിലെത്തണമെങ്കില് ബംഗ്ലാദേശുമായി അഫ്ഗാന് തോല്ക്കണം. എന്നാല് ബംഗ്ലാദേശ്, ഓസീസിന്റെ നേറ്റ് റണ്റേറ്റ് മറിടകടക്കന്ന് ജയിക്കാനും പാടില്ല.ട്രാവിസ് ഹെഡ് ഒഴികെ മിച്ചല് മാര്ഷ് (28 പന്തില് 37) മാത്രമാണ് ഓസീസ് നിരയില് അല്പമെങ്കിലും പിടിച്ചുനിന്നത്. ഇരുവരും ക്രീസില് നിന്നപ്പോള് അവര്ക്ക് വിജയസാധ്യതയും ഉണ്ടായിരുന്നു. എന്നാല് കുല്ദീപ് യാദവ്, മാര്ഷിനെ പുറത്താക്കിയതോടെ കാര്യങ്ങള് ഇന്ത്യയുടെ വരുതിയിലായി. ഡേവിഡ് വാര്ണര് (6), ഗ്ലെന് മാക്സ്വെല് (20), മാര്കസ് സ്റ്റോയിനിസ് (2), ടിം ഡേവിഡ് (15), മാത്യു വെയ്ഡ് (1) എന്നിവര്ക്കാര്ക്കും തിളങ്ങാനായില്ല. പാറ്റ് കമ്മിന്സ് (11), മിച്ചല് സ്റ്റാര്ക്ക് (4) പുറത്താവാതെ നിന്നു.നേരത്തെ, മോശമായിരുന്നു ഇന്ത്യയുടെ തുടക്കം. സ്കോര് ബോര്ഡില് ആറ് റണ്സുള്ളപ്പോള് കോലി മടങ്ങി. അഞ്ച് പന്തുകള് നേരിട്ട കോലിക്ക് റണ്സൊന്നും നേടാന് സാധിച്ചില്ല. ഹേസല്വുഡിനായിരുന്നു വിക്കറ്റ്. പിന്നീട് രോഹിത് – റിഷഭ് പന്ത് (14 പന്ത് 15) സഖ്യം 87 റണ്സ് കൂട്ടിചേര്ത്തു. എട്ടാം ഓവറിന്റെ അവസാന പന്തില് ഇന്ത്യന് വിക്കറ്റ് കീപ്പറെ സ്റ്റോയിനിസ് മടങ്ങി. പിന്നീട് സൂര്യകുമാര് യാദവിനൊപ്പം (16 പന്തില് 31) 34 റണ്സ് ചേര്ത്താണ് രോഹിത് മടങ്ങിയത്. എട്ട് സിക്സും ഏഴ് ഫോറും ഉള്പ്പെടുന്നതായിരുന്നു രോഹിത്തിന്റെ ഇന്നിംഗ്്സ്.
മിച്ചല് സ്റ്റാര്ക്കിന്റെ ഓരോവറില് നാല് സിക്സുകളാണ് രോഹിത് പറത്തിയത്. സൂര്യക്ക് പിന്നാലെ ശിവം ദുബെയും (22 പന്തില് 28) പിന്നീട് പുറത്തായി. ഹാര്ദിക് പാണ്ഡ്യ (17 പന്തില് 27), രവീന്ദ്ര ജഡേജ (5 പന്തില് 9) പുറത്താവാതെ നിന്നു. അഞ്ച് വിക്കറ്റുകള് ഇന്ത്യക്ക് നഷ്ടമായി. ഓസീസിന് വേണ്ടി മിച്ചല് സ്റ്റാര്ക്ക്, മാര്കസ് സ്റ്റോയിനിസ് എന്നിവര് രണ്ട് വിക്കറ്റ് വീതം വീഴ്ത്തി. ഒരു വിക്കറ്റെടുത്ത ജോഷ് ഹേസല്വുഡ് നാല് ഓവറില് 14 റണ്സ് മാത്രമാണ് വിട്ടുകൊടുത്തത്.
ഡേവിഡ് വാര്ണറെ മറികടന്നു; റണ്വേട്ടക്കാരില് നാലാമനായി ജോഷ് ബ്ടലര്
ബാര്ബഡോസ്: ടി20 ലോകകപ്പില് ഏറ്റവും അധികം റണ്സ് നേടുന്ന നാലാമനെന്ന നേട്ടം സ്വന്തമാക്കി ഇംഗ്ലണ്ട് താരം ജോഷ് ബട്ലര്. ഓസിസ് താരം ഡേവിഡ് വാര്ണറെയാണ് ബട്ലര് മറികടന്നത്. അമേരിക്കയ്ക്ക് എതിരായ മത്സരത്തിലായിരുന്നു ബട്ലറുടെ നേട്ടം.
38 പന്തില് നിന്ന് ആറ് ബൗണ്ടറികളും എഴ് കൂറ്റന് സിക്സറും ഉള്പ്പടെ ബട്ലര് പുറത്താകാതെ 83 റണ്സ് നേടി. ഈ ടി20 ലോകകപ്പില് റണ്വേട്ടക്കാരില് ആറാം സ്ഥാനത്താണ് ബട്ലര്. ഒരു അര്ധ സെഞ്ച്വറി ഉള്പ്പടെ ഇതിനകം ബട്ലര് 191 റണ്സ് നേടിയിട്ടുണ്ട്.
2012ലാണ് ബട്ലര് ആദ്യമായി ടി20 ലോകകപ്പ് കളിക്കുന്നത്. 34 മത്സരങ്ങളില് നിന്നായി 990 റണ്സാണ് ജോഷ് അടിച്ചൂകൂട്ടിയത്. ഇതില് ഒരു സെഞ്ച്വറിയും ഉള്പ്പെടുന്നു. 101 റണ്സാണ് താരത്തിന്റെ ഉയര്ന്ന സ്കോര്. വാര്ണറാകട്ടെ 40 മത്സരങ്ങളില് നിന്നായി 978 റണ്സാണ് നേടിയത്. കുട്ടിക്രിക്കറ്റിലെ റണ്വേട്ടക്കാരില് ഒന്നാമത് വിരാട് കോഹ് ലിയാണ്. 32 മത്സരങ്ങളില് നിന്നായി 1207 റണ്സാണ് താരത്തിന്റെ സമ്പാദ്യം. രണ്ടാം സ്ഥാനത്ത് ഇന്ത്യന് ക്യാപ്റ്റന് രോഹിത് ശര്മയാണ്. 44 മത്സരങ്ങളില് നിന്നായി 1062 റണ്സാണ് രോഹിത് നേടിയത്. മൂന്നാമത് ശ്രീലങ്കന് താരം ജയവര്ധനയാണ്.
ടി20 ഹീറോ ! കോഹ്ലിയുടെ നേട്ടം സുര്യകുമാര് സ്വന്തമാക്കിയത് പകുതി ഇന്നിങ്സില്
ടി20 ലോകകപ്പില് സൂപ്പര് 8 പോരാട്ടത്തില് അഫ്ഗാനിസ്ഥാനെതിരെ ഇന്ത്യയുടെ ജയത്തില് സൂര്യകുമാര് യാദവിന്റെ പ്രകടനം നിര്ണായകമായിരുന്നു. 26 പന്തില് അര്ധസെഞ്ചുറിയിലെത്തിയ സൂര്യകുമാര് 28 പന്തില് 53 റണ്സെടുത്താണ് പുറത്തായത്.
മൂന്നാം ഓവറില് രോഹിത്തും പവര്പ്ലേക്ക് തൊട്ടുപിന്നാലെ ഏഴാം ഓവറില് പന്തും മടങ്ങിയതിന് പിന്നാലെയാണ് സൂര്യകുമാര് ക്രീസിലെത്തിയത്. കോഹ്ലി കൂടി പുറത്തായതോടെ ഓമ്പതാം ഓവറില് 63-3 എന്ന നിലയില് ഇന്ത്യ പതറി.
വന് തകര്ച്ചയില് നിന്ന് ഇന്ത്യയെ കരകയറ്റിയത് സൂര്യകുമാറിന്റെ ഇന്നിങ്സായിരുന്നു. ശിവം ദുബെ പുറത്തായതിന് ശേഷം ഹര്ദിക്കുമായി ചേര്ന്ന് ഇന്ത്യയെ സുരക്ഷിത സ്കോറിലേക്ക് നയിച്ചു. കളിയിലെ താരമായി തെരഞ്ഞെടുക്കപ്പെട്ടതും സൂര്യകുമാറായിരുന്നു.
പാകിസ്ഥാന് ടി20 ലോകകപ്പില് നിന്നു പുറത്ത്; അമേരിക്ക സൂപ്പര് എട്ടില്
ന്യൂയോര്ക്ക്: ടി20 ലോകകപ്പില് നിന്നു പാകിസ്ഥാന് ആദ്യ റൗണ്ടില് തന്നെ പുറത്ത്. അമേരിക്കയും അയര്ലന്ഡും തമ്മിലുള്ള പോരാട്ടം മഴയെ തുടര്ന്നു ഉപേക്ഷിച്ചതോടെയാണ് പാക് പ്രതീക്ഷകള് അസ്തമിച്ചത്. ഇതോടെ ഗ്രൂപ്പ് എയില് നിന്നു ഇന്ത്യക്ക് പിന്നില് രണ്ടാം സ്ഥാനക്കാരായി ആതിഥേയരായ അമേരിക്ക സൂപ്പര് എട്ടിലേക്ക് മുന്നേറി.
ഗ്രൂപ്പിലെ ആദ്യ പോരാട്ടത്തില് അമേരിക്കയോടു അട്ടിമറി തോല്വി വഴങ്ങിയതാണ് പാകിസ്ഥാന് തിരിച്ചടിയായത്. പിന്നാലെ ഇന്ത്യയോടും തോറ്റതോടെ അവരുടെ പ്രതീക്ഷകള് മറ്റ് മത്സര ഫലങ്ങളെ ആശ്രയിച്ചായി.
അമേരിക്ക അയര്ലന്ഡ് മത്സരം നടക്കുകയും അമേരിക്കയെ അയര്ലന്ഡ് തോല്പ്പിക്കുമെന്നുമായിരുന്നു അവരുടെ പ്രതീക്ഷ. എന്നാല് മത്സരം നടന്നില്ല. ഇതോടെ ഓരോ പോയിന്റ് വീതം ഇരു ടീമുകള്ക്കും ലഭിച്ചു.
നെറ്റ് റണ്റേറ്റില് അമേരിക്കയേക്കാള് സാധ്യത പാകിസ്ഥാനുണ്ടായിരുന്നു. എന്നാല് യുഎസ്എ- അയര്ലന്ഡ് പോരാട്ടം ഉപേക്ഷിച്ചതോടെ ആതിഥേയര്ക്ക് അഞ്ച് പോയിന്റുകളായി.
പാകിസ്ഥാന് നിലവില് രണ്ട് പോയിന്റാണുള്ളത്. കാനഡയെ കീഴടക്കിയാണ് നേട്ടം. അവസാന പോരാട്ടത്തില് പാകിസ്ഥാന് അയര്ലന്ഡുമായി ഏറ്റുമുട്ടും. ഇതില് ജയിച്ചാലും അവര്ക്ക് നാല് പോയിന്റേ കിട്ടു. ഇതോടെ പ്രതീക്ഷകളും തീര്ന്നു.
തുടക്കത്തില് വിറച്ചു, 15 റണ്സിന് രണ്ടുവിക്കറ്റ്; സൂര്യ- ദുബെ കൂട്ടുകെട്ട് രക്ഷയായി, യുഎസിനെ കീഴടക്കി ഇന്ത്യ സൂപ്പര് എട്ടില്
ന്യൂയോര്ക്ക്: ടി20 ലോകകപ്പില് യുഎസ്എയ്ക്കെതിരായ മത്സരത്തില് ബാറ്റിങ്ങിന്റെ തുടക്കത്തില് വിറച്ച ശേഷം ജയം സ്വന്തമാക്കി ഇന്ത്യ. യുഎസ്എ ഉയര്ത്തിയ 111 റണ്സ് വിജയലക്ഷ്യം 10 പന്തുകള് ബാക്കിനില്ക്കേ മൂന്ന് വിക്കറ്റ് നഷ്ടത്തില് ഇന്ത്യ മറികടന്നു. ജയത്തോടെ ഗ്രൂപ്പ് എയില് നിന്ന് ഇന്ത്യ സൂപ്പര് എട്ടിലേക്ക് മുന്നേറി.
തുടക്കത്തില് തന്നെ ഇന്ത്യയ്ക്ക് ക്യാപ്റ്റന് രോഹിത് ശര്മയെയും കോഹ് ലിയെയും നഷ്ടമായി. 15 റണ്സിനിടെ രണ്ടു വിക്കറ്റുകള് വീഴ്ത്തി യുഎസ്ഇ ഇന്ത്യയെ ഞെട്ടിച്ചു. കഴിഞ്ഞ രണ്ടു മത്സരങ്ങളില് മികച്ച പ്രകടനം പുറത്തുവിട്ട ഋഷഭ് പന്ത് കഴിഞ്ഞ കളികളിലെ ഫോം തുടരുമെന്ന് തോന്നിപ്പിച്ചുവെങ്കിലും 18 റണ്സിന് ഔട്ടായി. മൂന്ന് വിക്കറ്റിന് 44 റണ്സ് എന്ന നിലയില് നാലാം വിക്കറ്റില് ഒന്നിച്ച സൂര്യകുമാര് യാദവ്- ശിവം ദുബെ സഖ്യമാണ് ഇന്ത്യയെ വിജയത്തിലെത്തിച്ചത്. അര്ധ സെഞ്ച്വറി നേടിയ സൂര്യ 49 പന്തില് നിന്നാണ് 50 റണ്സോടെ പുറത്താകാതെ നിന്നു. രണ്ടുവീതം സിക്സും ഫോറും അടങ്ങുന്നതായിരുന്നു താരത്തിന്റെ ഇന്നിംഗ്സ്. സൂര്യയ്ക്ക് ഉറച്ച പിന്തുണ നല്കിയ ദുബെ 35 പന്തില് നിന്ന് 31 റണ്സെടുത്ത് പുറത്താകാതെ നിന്നു.
നേരത്തെ നിശ്ചിത ഓവറില് 8 വിക്കറ്റ് നഷ്ടത്തിലാണ് യുഎസ്എ 110 റണ്സ് സ്കോര് ചെയ്തത്. 23 പന്തില് നിന്ന് 27 റണ്സെടുത്ത നിതീഷ് കുമാറാണ് യുഎസ്എയുടെ ടോപ് സ്കോറര്. 30 പന്തില് നിന്ന് 24 റണ്സെടുത്ത സ്റ്റീവന് ടെയലറും മികച്ച ബാറ്റിങ് കാഴ്ചവെച്ചു.
ടോസ് നഷ്ടപ്പെട്ട ബാറ്റിങ്ങിനിറങ്ങിയ യുഎസ്എയുടെ തുടക്കം തകര്ച്ചയോടെയായിരുന്നു. ഇന്നിങ്സ് തുറക്കും മുമ്പ് തന്നെ ആദ്യ വിക്കറ്റ് നഷ്ടമായി. ഷയാന് ജഹാംഗിറിനെ പുറത്താക്കി അര്ഷ്ദീപ് സിങ്ങിനായിരുന്നു വിക്കറ്റ്. പിന്നീട് 3ന് വരണ്ട്, 25 ന് മൂന്ന്, 56 ന് നാല് എന്നിങ്ങനെ യുഎസിന്റെ വിക്കറ്റുകള് വീണു.
അഞ്ചാം വിക്കറ്റില് നിതീഷ് കുമാര്(24), കൊറി ആന്ഡേഴ്സന്(14) എന്നിവരുടെ ഇന്നിങ്സുകള് ടീമിനെ 14.4 ഓവറില് 81 ല് എത്തിച്ചു. എന്നാല് നീതീഷ് കുമാര് പുറത്താതിന് പിന്നാലെ യുഎസ്എയുടെ വിക്കറ്റുകള് വീണ്ടും തുടര്ച്ചയായി വീണു. നിശ്ചിത ഓവറില് എട്ട് വിക്കറ്റ് നഷ്ടത്തില് 110 റണ്സ് എടുക്കാനെ ടീമിന് കഴിഞ്ഞുള്ളു.
ഇന്ത്യക്കായി നാല് വിക്കറ്റ് പ്രകടനത്തോടെ അര്ഷ്ദീപ് സിങ് മികച്ച പ്രകടനം കാഴ്ചവെച്ചു. ഹര്ദിക് പാണ്ഡ്യ രണ്ടും അക്ഷര് പട്ടേല് ഒരു വിക്കറ്റും വീഴത്തി.
Recent Comments