by Midhun HP News | Mar 22, 2023 | Uncategorized
കാസർക്കോട്: മണ്ണെണ്ണ വയറ്റിലെത്തിയതിനെ തുടർന്ന് പത്താം ക്ലാസ് വിദ്യാർത്ഥി മരിച്ചു. കാസർക്കോട് ചെർക്കളയിലാണ് വിദ്യാർത്ഥി ചികിത്സയിലിരിക്കെ മരിച്ചത്.
പാണലം പെരുമ്പള കടവിലെ ഓട്ടോ ഡ്രൈവറായ പാറപ്പുറം മുഹമ്മദ് അഷറഫിന്റെയും കെഎം ഫമീനയുടെയും മകൻ എംഎ ഉമ്മർ അഫ്ത്വാബുദ്ദീൻ (16) ആണ് മരിച്ചത്. നായന്മാർമൂല തൻബീഹുൽ ഇസ്ലാം ഹയർ സെക്കൻഡറി സ്കൂളിലെ വിദ്യാർത്ഥിയാണ്.
വെള്ളിയാഴ്ച ഉച്ചയ്ക്ക് രണ്ടോടെ അസ്വസ്ഥത അനുഭവിച്ച വിദ്യാർത്ഥിയെ ആശുപത്രിയിൽ പ്രവേശിപ്പിക്കുകയായിരുന്നു. വെള്ളിയാഴ്ച രാവിലെ നടന്ന രസതന്ത്രം ഉൾപ്പെടെ നാല് പരീക്ഷ എഴുതിയിരുന്നു. സഹോദരങ്ങൾ: അഫീല, ഫാത്തിമ (ആറാംതരം വിദ്യാർത്ഥിനി, നായന്മാർമൂല ടിഐഎച്ച്എസ് സ്കൂൾ).
by Midhun HP News | Mar 21, 2023 | Latest News, Uncategorized, കേരളം, ജില്ലാ വാർത്ത
ആറ്റിങ്ങൽ: ആറ്റിങ്ങൽ കെ.എസ്.ആർ.ടി.സി ഡിപ്പോയിൽ നിന്നും കുമരകത്തെയ്ക്ക് ഏകദിന ഉല്ലാസ യാത സംഘടിപ്പിക്കുന്നു. ഏപ്രിൽ 2 ന് രാവിലെ പുറപ്പെടുന്ന വിനോദ യാത്രയിൽ ബോട്ട് യാത്രയും, ഉച്ച ഭക്ഷണവും, ബസ് ഫയറും അടക്കം 1300 രൂപയാണ് ചാർജ്. യാത്രക്കാർ ആറ്റിങ്ങൽ ബഡ്ജറ്റ് ടൂറിസം സെല്ലുമായി ബന്ധപ്പെടുക. 9061436618, 9961528981ൽ ബന്ധപ്പെടുക.
by Midhun HP News | Mar 17, 2023 | Uncategorized
കൊച്ചി: ഗവർണർ ആരിഫ് മുഹമ്മദ് ഖാന് ഹൈക്കോടതിയിൽ നിന്ന് തിരിച്ചടി. കേരള സാങ്കേതിക സര്വകലാശാല (കെടിയു) സിൻഡിക്കെറ്റ് തീരുമാനം സസ്പെൻ്റ് ചെയ്ത ഗവർണറുടെ നടപടി ഹൈക്കോടതി റദാക്കി. ജസ്റ്റീസ് സതീഷ് നൈനാൻ്റേതാണ് ഉത്തരവ്.
by Midhun HP News | Mar 13, 2023 | Latest News, Uncategorized, കേരളം, ജില്ലാ വാർത്ത
ആറ്റിങ്ങൽ പൂവൻപാറ പാലത്തിനടിയിൽ അജ്ഞാത മൃതദേഹം കണ്ടെത്തി. 50 വയസുപ്രായം തോന്നിപ്പിക്കുന്ന പുരുഷന്റെ മൃതദേഹമാണ് കണ്ടെത്തിയത്. മൃതദേഹം ചിറയിൻകീഴ് താലൂക്ക് ആശുപത്രി മോർച്ചറിയിലേക്ക് മാറ്റി.
by Midhun HP News | Mar 12, 2023 | Uncategorized
അഹമ്മദാബാദ്: ഓസ്ട്രേലിയക്കെതിരായ നാലാമത്തേയും അവസാനത്തേയും ടെസ്റ്റില് ശതകം പിന്നിട്ട് മുന് ക്യാപ്റ്റനും സ്റ്റാര് ബാറ്ററുമായ വിരാട് കോഹ്ലി. കരിയറിലെ 28ാം ടെസ്റ്റ് സെഞ്ച്വറിയാണ് കോഹ്ലി അഹമ്മദാബാദില് സ്വന്തമാക്കിയത്. 241 പന്തുകള് നേരിട്ട് അഞ്ച് ഫോറുകള് സഹിതമായിരുന്നു താരത്തിന്റെ നിര്ണായക സെഞ്ച്വറി. മൂന്ന് വര്ഷത്തെ ടെസ്റ്റ് സെഞ്ച്വറി വരള്ച്ചയ്ക്കാണ് കോഹ്ലി വിരാമമിട്ടത്.
ഇന്ത്യ അഞ്ച് വിക്കറ്റ് നഷ്ടത്തില് 400 റണ്സെന്ന നിലയില്. ഓസ്ട്രേലിയ ഒന്നാം ഇന്നിങ്സില് മുന്നില് വച്ച 480 റണ്സിലേക്ക് എത്താന് ഇന്ത്യക്ക് ഇനി വേണ്ടത് 80 റണ്സ്. ശേഷിക്കുന്നത് അഞ്ച് വിക്കറ്റുകള്. കോഹ്ലിക്കൊപ്പം 5 റണ്സുമായി അക്ഷര് പട്ടേലാണ് ക്രീസില്.
മൂന്ന് വിക്കറ്റ് നഷ്ടത്തില് 289 റണ്സെന്ന നിലയിലാണ് ഇന്ത്യ നാലാം ദിനം ബാറ്റിങ് തുടങ്ങിയത്. സ്കോര് 300 കടന്നതിന് പിന്നാലെ ഇന്ത്യക്ക് നാലാം വിക്കറ്റ് നഷ്ടമായി. രവീന്ദ്ര ജഡേജയാണ് നാലാം ദിനം ആദ്യം മടങ്ങിയത്. മൂന്നാം ദിനത്തില് കോഹ്ലിക്കൊപ്പം പ്രതിരോധം തീര്ത്ത ജഡേജയെ ടോഡ് മര്ഫി ഖവാജയുടെ കൈകളിലെത്തിച്ചു. താരം 28 റണ്സാണ് എടുത്തത്.
പിന്നാലെ എത്തിയ ശ്രീകര് ഭരതും മികച്ച രീതിയില് ബാറ്റ് വീശി. കാമറൂണ് ഗ്രീനിനെ തുടരെ രണ്ട് സിക്സറുകള് തൂക്കാനും ഭരതിനായി. താരം കന്നി അര്ധ സെഞ്ച്വറി കുറിക്കുമെന്ന് തോന്നിച്ചെങ്കിലും 44 റണ്സില് പുറത്തായി. മൂന്ന് സിക്സും രണ്ട് ഫോറും സഹിതമാണ് ഇത്രയും റണ്സ് താരം ബോര്ഡില് ചേര്ത്തത്. നതാന് ലിയോണിന്റെ പന്തില് ഹാന്ഡ്സ്കോംപിന് പിടികൊടുത്താണ് ഭരത് മടങ്ങിയത്.
ഓസ്ട്രേലിയക്കായി ടോഡ് മര്ഫി, ലിയോണ് എന്നിവര് രണ്ട് വിക്കറ്റുകള് സ്വന്തമാക്കി. മാത്യു കുനെമന് ഒരു വിക്കറ്റെടുത്തു.
നേരത്തെ ശുഭ്മാന് ഗില്ലിന്റെ സെഞ്ച്വറിയായിരുന്നു മൂന്നാം ദിനത്തിലെ സവിശേഷത. കരിയറിലെ രണ്ടാം സെഞ്ച്വറി കുറിച്ച ശുഭ്മാന് ഗില് 128 റണ്സെടുത്ത് മടങ്ങി. 235 പന്തുകള് നേരിട്ട് 12 ഫോറും ഒരു സിക്സും സഹിതമായിരുന്നു താരത്തിന്റെ മികവാര്ന്ന ബാറ്റിങ്. ഗില്ലിന് പുറമെ ചേതേശ്വര് പൂജാര (121 പന്തില് 42), ക്യാപ്റ്റന് രോഹിത് ശര്മ (58 പന്തില് 35) എന്നിവരാണ് മൂന്നാം ദിനത്തില് പുറത്തായ താരങ്ങള്.
ഗില് സെഞ്ച്വറി തികച്ചതിന് പിന്നാലെ പൂജാര പുറത്തായി. 121 പന്തുകള് നേരിട്ട് മൂന്ന് ഫോറുകള് സഹിതം 42 റണ്സെടുത്താണ് പൂജാര മടങ്ങിയത്. രണ്ടാം വിക്കറ്റില് ഗില്- പൂജാര സഖ്യം 113 റണ്സിന്റെ കൂട്ടുകെട്ടുയര്ത്തി പ്രതിരോധം തീര്ത്തു. പൂജാരയെ ടോഡ് മര്ഫി വിക്കറ്റിന് മുന്നില് കുടുക്കി.
മികച്ച രീതിയില് ബാറ്റ് ചെയ്ത് മുന്നോട്ടു പോകവേയാണ് രോഹിത് ശര്മ വീണത്. നായകന് 58 പന്തില് മൂന്ന് ഫോറും ഒരു സിക്സും സഹിതം 35 റണ്സെടുത്ത് മടങ്ങി. രോഹിതിനെ മാത്യു കുനെമാന് ലബുഷെയ്നിന്റെ കൈയിലെത്തിച്ചു.
ഓസ്ട്രേലിയയുടെ ഒന്നാം ഇന്നിങ്സ് 480ല് അവസാനിപ്പിച്ചാണ് ഇന്ത്യ രണ്ടാം ദിനത്തിലെ അവസാന സെഷനില് ബാറ്റിങ് തുടങ്ങിയത്. വിക്കറ്റ് നഷ്ടമില്ലാതെ 36 റണ്സെന്ന നിലയില് രണ്ടാം ദിനം ഇന്ത്യ അവസാനിപ്പിച്ചിരുന്നു.
മൂന്നാം ദിനം ബാറ്റിങ് പുനരാരംഭിച്ച ഇന്ത്യ മികച്ച രീതിയില് മുന്നേറവെയാണ് ഇന്ത്യക്ക് ആദ്യ വിക്കറ്റ് നഷ്ടമായത്. സ്കോര് 74ല് നില്ക്കെയാണ് രോഹിതിന്റെ മടക്കം.
നേരത്തെ ഒന്നാം ഇന്നിങ്സില് ഉസ്മാന് ഖവാജ (180), കാമറൂണ് ഗ്രീന് (114) എന്നിവരുടെ സെഞ്ച്വറിയാണ് ഓസ്ട്രേലിയക്ക് മികച്ച സ്കോര് സമ്മാനിച്ചത്. വാലറ്റത്ത് നതാന് ലിയോണ് (34), ടോഡ് മര്ഫി (41) എന്നിവര് ചേര്ന്ന സഖ്യം സ്കോര് 450 കടത്തി.
ഇന്ത്യക്കായി ആര് അശ്വിന് ആറ് വിക്കറ്റുകള് വീഴ്ത്തി. മുഹമ്മദ് ഷമി രണ്ടും രവീന്ദ്ര ജഡേജ, അക്ഷര് പട്ടേല് എന്നിവര് ഓരോ വിക്കറ്റും വീഴ്ത്തി.
by Midhun HP News | Mar 9, 2023 | Latest News, Uncategorized, കേരളം, ജില്ലാ വാർത്ത
കല്ലമ്പലത്ത് ബസ് കാത്തുനിന്ന വിദ്യാർത്ഥികൾക്കിടയിലേയ്ക്ക് ഇന്നലെ വൈകുന്നേരം കാർ പാഞ്ഞുകയറിയുണ്ടായ അപകടത്തിൽ ഗുരുതര പരിക്കേറ്റ വിദ്യാർത്ഥിനി മരണമടഞ്ഞിരുന്നു. കല്ലമ്പലം വെയിലൂരിൽ ആണ് ബസ് കാത്ത് നിന്ന വിദ്യാർത്ഥികൾക്കിടയിലേയ്ക്ക് കാർ പാഞ്ഞുകയറി. കെടിസിടി ആർട്സ് കോളേജ് എംഎ ഇംഗ്ലീഷ് വിദ്യാർത്ഥിനി ആറ്റിങ്ങൽ സ്വദേശി ശ്രേഷ്ഠ എം വിജയ് ആണ് മരിച്ചത്. മറ്റ് രണ്ട് വിദ്യാർത്ഥികൾ ഗുരുതര പരിക്കുകളോടെ തിരുവനന്തപുരത്തെ സ്വകാര്യ ആശുപത്രിയിൽ തുടരുന്നു. ഏകദേശം 16 ഓളം വിദ്യാർത്ഥികൾക്കാണ് പരിക്കേറ്റത്.
തുടർന്ന് വാഹനം ഓടിച്ചിരുന്ന കൊല്ലം ഈഞ്ചവിള വിജയ വിഹാറിൽ ബിജുവിനെ പോലീസ് കസ്റ്റഡിയിൽ എടുത്തു. അമിത വേഗവും അലക്ഷ്യമായ ഡ്രൈവിംഗ്മാണ് അപകടകാരണമായി പറയുന്നത്. കാറിൽ ഒന്നിൽ കൂടുതൽ പേർ ഉണ്ടായിരുന്നതായും ഇടിച്ച ശേഷം വാഹനം വീണ്ടും പുറകിലോട്ട് എടുത്ത വഴി ആണ് മരണം സംഭവിച്ചതെന്നും നാട്ടുകാർ ആരോപിക്കുന്നു. കൂടുതൽ അന്വേഷണങ്ങൾ നടക്കുന്നു.
Recent Comments