by admin | Oct 23, 2021 | Latest News, ജില്ലാ വാർത്ത
ആറ്റിങ്ങൽ: നഗരത്തിന്റെ വിവിധ ഭാഗങ്ങളിലായി 94 പേരാണ് കൊവിഡ് ബാധിതർ. ഇതിൽ 84 പേർ ഹോം ഐസൊലേഷേനിലും, 7 പേർ ആശുപത്രിയിലും, 3 പേർ സി.എഫ്.എൽ.റ്റി.സിയിലും കഴിയുന്നു. ഇന്നലെ (22.10.2021 വെള്ളി) നഗരത്തിൽ 10 പേർ രോഗമുക്തരായി. കൂടാതെ ഇന്ന് പട്ടണത്തിൽ പുതിയതായി 12 പേർക്ക് രോഗം സ്ഥിരീകരിച്ചു.
നഗരത്തിൽ ഇതുവരെ 67 കൊവിഡ് മരണം റിപ്പോർട്ട് ചെയ്തു. കൂടാതെ വലിയകുന്ന് താലൂക്കാശുപത്രിയിൽ നിന്നും ആകെ 332 പേർ കൊവിഡ് പ്രതിരോധ വാക്സിൻ സ്വീകരിച്ചു. അതിൽ 216 പേർ നഗരസഭാ പരിധിയിൽ നിന്നുള്ളവരും 116 പേർ മറ്റ് പഞ്ചായത്തുകളിൽ നിന്നുള്ളവരാണെന്നും ഹെൽത്ത് സ്റ്റാൻഡിംഗ് കമ്മിറ്റി ചെയർപേഴ്സൺ രമ്യസുധീർ അറിയിച്ചു.
വാർഡിലെ കൊവിഡ് രോഗികളുടെ എണ്ണം
വാർഡ് 1 ൽ 1 ആൾ
വാർഡ് 2 ൽ 0 പേർ
വാർഡ് 3 ൽ 4 പേർ
വാർഡ് 4 ൽ 0 പേർ
വാർഡ് 5 ൽ 7 പേർ
വാർഡ് 6 ൽ 1 ആൾ
വാർഡ് 7 ൽ 1 ആൾ
വാർഡ് 8 ൽ 7 പേർ
വാർഡ് 9 ൽ 0 ആൾ
വാർഡ് 10 ൽ 1 പേർ
വാർഡ് 11 ൽ 7 പേർ
വാർഡ് 12 ൽ 1 ആൾ
വാർഡ് 13 ൽ 4 പേർ
വാർഡ് 14 ൽ 9 പേർ
വാർഡ് 15 ൽ 1 ആൾ
വാർഡ് 16 ൽ 3 പേർ
വാർഡ് 17 ൽ 9 പേർ
വാർഡ് 18 ൽ 2 പേർ
വാർഡ് 19 ൽ 4 പേർ
വാർഡ് 20 ൽ 0 പേർ
വാർഡ് 21 ൽ 3 പേർ
വാർഡ് 22 ൽ 0 പേർ
വാർഡ് 23 ൽ 8 പേർ
വാർഡ് 24 ൽ 3 പേർ
വാർഡ് 25 ൽ 3 പേർ
വാർഡ് 26 ൽ 4 പേർ
വാർഡ് 27 ൽ 0 പേർ
വാർഡ് 28 ൽ 1 ആൾ
വാർഡ് 29 ൽ 1 ആൾ
വാർഡ് 30 ൽ 4 പേർ
വാർഡ് 31 ൽ 5 പേർ
by admin | Oct 23, 2021 | Latest News, ജില്ലാ വാർത്ത
തിരുവനന്തപുരം: അനധികൃതമായി വാഹനങ്ങള് രൂപമാറ്റം വരുത്തി ആംബുലന്സായി സര്വീസ് നടത്തുന്നതിനെതിരെ കര്ശന നടപടി സ്വീകരിക്കാന് ഗതാഗത മന്ത്രി ആന്റണി രാജുവിന്റെ അദ്ധ്യക്ഷതയില് ചേര്ന്ന ഉന്നതതല യോഗം തീരുമാനിച്ചു. അംഗീകൃത ആംബുലന്സുകള്ക്ക് കൃത്യമായ ഘടനയും രൂപവും പ്രത്യേക സൗകര്യങ്ങളും വേണമെന്നാണ് നിയമം.
കോവിഡ് മഹാമാരിയുടെ പ്രത്യേക സാഹചര്യത്തില് ആംബുലന്സുകള് എന്ന രീതിയില് രൂപമാറ്റം വരുത്തിയ വാഹനങ്ങള് മോട്ടോര് വാഹന നിയമം ലംഘിച്ച് അപകടകരമാം വിധത്തില് സര്വീസ് നടത്തുന്നതായി പരാതികള് ലഭിച്ച സാഹചര്യത്തിലാണ് തീരുമാനം. ആംബുലന്സുകള്ക്ക് പ്രത്യേക നിറവും സൈറനും നിശ്ചയിക്കുന്നത് പരിഗണിക്കാന് മന്ത്രി നിര്ദ്ദേശിച്ചു.
ആംബുലന്സ് ഡ്രൈവര്മാര്ക്ക് പോലീസ് വെരിഫിക്കേഷന് സര്ട്ടിഫിക്കറ്റ് നിര്ബന്ധമാക്കാനും പ്രത്യേക പരിശീലനം നല്കാനും യോഗത്തില് തീരുമാനമായി. ഗതാഗത വകുപ്പ് സെക്രട്ടറി ബിജു പ്രഭാകര് ട്രാന്സ്പോര്ട്ട് കമ്മീഷണര് എം.ആര്. അജിത്ത് കുമാര്, പോലീസ് ഐ.ജി (ട്രാഫിക്) ജി. ലക്ഷ്മണന്, പോലീസ്, ഗതാഗതം, മോട്ടോര് വാഹന വകുപ്പ്, കേരള റോഡ് സേഫ്റ്റി അതോറിറ്റി എന്നിവയിലെ ഉന്നത ഉദ്യോഗസ്ഥര് പങ്കെടുത്തു.
by admin | Oct 22, 2021 | Latest News, ജില്ലാ വാർത്ത
മംഗലപുരം: കണിയാപുരം റെയിൽവേ സ്റ്റേഷന് സമീപം റെയിൽവേ ട്രാക്കിൽ ട്രയിനിൽ നിന്നും വീണ് മരിച്ച നിലയിൽ അജ്ഞാത യുവാവിന്റെ മൃതശരീരം കണ്ടെത്തി. കഴിഞ്ഞ ദിവസം(21.10.2021) ഉച്ചക്കാണ് ഉദ്ദേശം 30 വയസ്സ് പ്രായവും 171 സെ: മീറ്റർ ഉയരവുമുള്ള യുവാവിനെ മരിച്ച നിലയിൽ കണ്ടെത്തിയത്. നീലനിറത്തിൽ ചെക്ക് ഷർട്ടും കറുത്ത പാൻറ്സും ആണ് ധരിച്ചിരുന്നത്. അന്യ സംസ്ഥാന തൊഴിലാളി ആണോ എന്ന് സംശയിക്കുന്നു. മംഗലപുരം പോലീസ് അസ്വാഭിക മരണത്തിന് കേസ്സെടുത്ത് നടപടി ക്രമങ്ങൾ പൂർത്തിയാക്കി, മൃതശരീരം തിരുവനന്തപുരം മെഡിക്കൽ കോളേജ് മോർച്ചറിയിൽ സൂക്ഷിച്ച് വരുന്നു. ആളെ തിരിച്ചറിയാൻ കഴിയുന്നവർ മംഗലപുരം പോലീസുമായി ബന്ധപ്പെടുക.
Mangalapuram
P S :04712420275
ISHO :9497947114
S I :9497980116
by admin | Oct 22, 2021 | Latest News, ജില്ലാ വാർത്ത
തിരുവനന്തപുരം: കേരളത്തില് ഇന്ന് 9361 പേര്ക്ക് കോവിഡ്-19 സ്ഥിരീകരിച്ചു. എറണാകുളം 1552, തിരുവനന്തപുരം 1214, കൊല്ലം 1013, തൃശൂര് 910, കോട്ടയം 731, കോഴിക്കോട് 712, ഇടുക്കി 537, മലപ്പുറം 517, പത്തനംതിട്ട 500, കണ്ണൂര് 467, ആലപ്പുഴ 390, പാലക്കാട് 337, വയനാട് 310, കാസര്ഗോഡ് 171 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 80,393 സാമ്പിളുകളാണ് പരിശോധിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) പത്തിന് മുകളിലുള്ള 158 തദ്ദേശ സ്വയംഭരണ പ്രദേശങ്ങളിലായി 211 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകും.
സംസ്ഥാനത്തെ വിവിധ ജില്ലകളിലായി 2,81,286 പേരാണ് ഇപ്പോള് നിരീക്ഷണത്തിലുള്ളത്. ഇവരില് 2,72,412 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 8874 പേര് ആശുപത്രികളിലും നിരീക്ഷണത്തിലാണ്. 825 പേരെയാണ് പുതുതായി ആശുപത്രിയില് പ്രവേശിപ്പിച്ചത്.
നിലവില് 80,892 കോവിഡ് കേസുകളില്, 9.8 ശതമാനം വ്യക്തികള് മാത്രമാണ് ആശുപത്രി/ഫീല്ഡ് ആശുപത്രികളില് പ്രവേശിപ്പിക്കപ്പെട്ടിട്ടുള്ളത്.
കഴിഞ്ഞ ദിവസങ്ങളിലുണ്ടായ 99 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതുകൂടാതെ മതിയായ രേഖകളില്ലാത്തത് കാരണം സ്ഥിരീകരിക്കാതിരുന്ന കഴിഞ്ഞ ജൂണ് 14 വരെയുള്ള 292 മരണങ്ങളും, സുപ്രീംകോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 172 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 27,765 ആയി.
ഇന്ന് രോഗം സ്ഥിരീകരിച്ചവരില് 39 പേര് സംസ്ഥാനത്തിന് പുറത്ത് നിന്നും വന്നവരാണ്. 9012 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 254 പേരുടെ സമ്പര്ക്ക ഉറവിടം വ്യക്തമല്ല. 56 ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 9401 പേര് രോഗമുക്തി നേടി. തിരുവനന്തപുരം 1309, കൊല്ലം 532, പത്തനംതിട്ട 183, ആലപ്പുഴ 401, കോട്ടയം 491, ഇടുക്കി 626, എറണാകുളം 1891, തൃശൂര് 1121, പാലക്കാട് 437, മലപ്പുറം 556, കോഴിക്കോട് 1004, വയനാട് 141, കണ്ണൂര് 519, കാസര്ഗോഡ് 190 എന്നിങ്ങനേയാണ് രോഗമുക്തിയായത്. ഇതോടെ പേരാണ് രോഗം സ്ഥിരീകരിച്ച് 80,892 ഇനി ചികിത്സയിലുള്ളത്. 47,88,629 പേര് ഇതുവരെ കോവിഡില് നിന്നും മുക്തി നേടി.
കോവിഡ് 19 വിശകലന റിപ്പോര്ട്ട്
· വാക്സിനേഷന് എടുക്കേണ്ട ജനസംഖ്യയുടെ 94.2 ശതമാനം പേര്ക്ക് ഒരു ഡോസ് വാക്സിനും (2,51,70,193), 47.4 ശതമാനം പേര്ക്ക് രണ്ട് ഡോസ് വാക്സിനും (1,26,74,831) നല്കി.
· ഇന്ത്യയില് ഏറ്റവും കൂടുതല് വാക്സിനേഷന്/ ദശലക്ഷം ഉള്ള സംസ്ഥാനം കേരളമാണ് (10,60,101)
· ഇന്നത്തെ റിപ്പോര്ട്ട് പ്രകാരം, 9361 പുതിയ രോഗികളില് 7769 പേര് വാക്സിനേഷന് അര്ഹരായിരുന്നു. ഇവരില് 2199 പേര് ഒരു ഡോസ് വാക്സിനും 3019 പേര് രണ്ടു ഡോസ് വാക്സിനും എടുത്തിരുന്നു. എന്നാല് 2551 പേര്ക്ക് വാക്സിന് ലഭിച്ചതായി റിപ്പോര്ട്ട് ചെയ്യപ്പെട്ടിട്ടില്ല. കോവിഡ് വാക്സിനുകള് ആളുകളെ അണുബാധയില് നിന്നും ഗുരുതരമായ അസുഖത്തില് നിന്നും സംരക്ഷിക്കുകയും ആശുപത്രിവാസത്തിന്റെയും മരണത്തിന്റെയും സാധ്യത ഗണ്യമായി കുറയ്ക്കുകയും ചെയ്യുന്നു.
· ഒക്ടോബര് 15 മുതല് 21 വരെയുള്ള കാലയളവില്, ശരാശരി 85,845 കേസുകള് ചികിത്സയിലുണ്ടായിരുന്നതില് 2 ശതമാനം പേര്ക്ക് മാത്രമാണ് ഓക്സിജന് കിടക്കകളും 1.5 ശതമാനം പേര്ക്ക് മാത്രമാണ് ഐസിയുവും ആവശ്യമായി വന്നത്. ഈ കാലയളവില്, കഴിഞ്ഞ ആഴ്ചയുമായി താരതമ്യം ചെയ്യുമ്പോള് റിപ്പോര്ട്ട് ചെയ്യപ്പെടുന്ന പുതിയ കേസുകളില് ഏകദേശം 7670 കുറവ് ഉണ്ടായി. പുതിയ കേസുകളുടെ വളര്ച്ചാ നിരക്കില് മുന് ആഴ്ചയുമായി താരതമ്യപ്പെടുത്തുമ്പോള് 12 ശതമാനവും കുറവ് ഉണ്ടായിട്ടുണ്ട്. നിലവില് രോഗം സ്ഥിരീകരിച്ച് ചികിത്സയിലുള്ള രോഗികള്, ആശുപത്രികള്, ഫീല്ഡ് ആശുപത്രികള്, ഐസിയു, വെന്റിലേറ്റര്, ഓക്സിജന് കിടക്കകള് എന്നിവിടങ്ങളിലെ രോഗികളുടെ എണ്ണം എന്നിവ മുന് ആഴ്ചയുമായി താരതമ്യപ്പെടുത്തുമ്പോള് ഈ ആഴ്ചയില് യഥാക്രമം 18%, 15%, 34%, 13%, 12%, 19% കുറഞ്ഞു. ആശുപത്രിവാസത്തിന്റെ നിരക്കും ഗുരുതരമായ കേസുകളും കുറയുന്ന പ്രവണതയാണ് കാണിക്കുന്നത്.
by admin | Oct 22, 2021 | Latest News, ജില്ലാ വാർത്ത
രക്ഷാപ്രവർത്തനത്തിനിടയിൽ പമ്പയാറ്റിൽ മുങ്ങി മരിച്ച ആർ ആർ ശരത്തിന്റെ ഒന്നാം രക്തസാക്ഷിത്വ ദിനം കേരള ഫയർ സർവ്വീസ് അസോസിയേഷൻ ആറ്റിങ്ങൽ യൂണിറ്റ് കമ്മറ്റിയുടെ ആഭിമുഖ്യത്തിൽ ആചരിച്ചു. രക്തസാക്ഷി അനുസ്മരണം തിരുവനന്തപുരം മേഖല സെക്രട്ടറി ബൈജു.പി ഉദ്ഘാടനം ചെയ്തു സംസാരിച്ചു. സംസ്ഥാന മേഖല നേതാക്കളായ സജിത് ലാൽ, രാജേന്ദ്രൻ നായർ, സതീശൻ, മുൻ മേഖല സെക്രട്ടറി ആർ എസ് ബിനു തുടങ്ങിയവർ സംസാരിച്ചു.
Recent Comments