ആറ്റിങ്ങൽ: ജില്ലാ ഒളിമ്പിക്സ് അസോസിയേഷൻ സംഘടിപ്പിച്ച ട്രിവാൻഡ്രം ഓപ്പൺ കരാട്ടെ ചാമ്പ്യൻഷിപ്പിൽ ഗോൾഡ് മെഡൽ നേടി അഫ്താബ് റിഹാൻ സിയാദ്. തോന്നയ്ക്കൽ
മഞ്ഞമല തൊടിയിൽ വീട്ടിൽ സിയാദിന്റെയും ജസീനയുടെയും മകനാണ്. കാരമൂട് ബിഷപ്പ് പെരേര മെമ്മോറിയൽ സ്കൂളിലെ മൂന്നാം ക്ലാസ് വിദ്യാർഥിയാണ് സിയാദ്.
ഐ.എൻ. റ്റി. യു. സി സംസ്ഥാന കമ്മിറ്റി അംഗം ബി. ശശാങ്കൻ(65) അന്തരിച്ചു. കിഴുവിലം കാട്ടുംപുറം വീട്ടിൽ ഭാസ്കരന്റെയും ഗൗരിയുടെയും പുത്രനാണ്. ശാന്തകുമാരി (ഭാര്യ), സുധി(46), ഷൈനി(42) എന്നിവർ മക്കളാണ്.
ആറ്റിങ്ങലിൽ വച്ച് നടക്കുന്ന എസ്എഫ്ഐ ഏരിയ സമ്മേളനം വിജയിപ്പിക്കുന്നതിന് വേണ്ടി സംഘാടകസമിതി രൂപീകരിച്ചു. ജൂൺ 23 മുതൽ 28 വരെയാണ് എസ്എഫ്ഐ ഏരിയ സമ്മേളനം ആറ്റിങ്ങലിൽ നടക്കുന്നത്.
എസ്. ഡി. ബാലൻ സ്മാരക ഹാളിൽ ചേർന്ന സംഘാടക സമിതി രൂപീകരണ യോഗം സിപിഐ എം ആറ്റിങ്ങൽ ഏരിയ കമ്മിറ്റി സെക്രട്ടറി അഡ്വ. എസ്. ലെനിൻ ഉദ്ഘാടനം ചെയ്തു. എസ്എഫ്ഐ ജില്ലാ സെക്രട്ടറിയേറ്റ് അംഗം ഭാഗ്യാമുരളി അധ്യക്ഷത വഹിച്ചു.
എം പ്രദീപ്, എം. മുരളി, അഡ്വ.മോഹനൻ നായർ, ചന്ദ്ര ബോസ് എന്നിവർ പങ്കെടുത്തു.
എസ്എഫ്ഐ ഏരിയ സെക്രട്ടറി വിജയ് വിമൽ സ്വാഗതവും ബേഷ്മ ജെയിൻ ചടങ്ങിന് നന്ദിയും രേഖപ്പെടുത്തി. അഡ്വ. എസ്. ലെനിൻ( ചെയർമാൻ), വിജയ് വിമൽ (ജനറൽ കൺവീനർ) എന്നിവരെ സംഘാടകസമിതിയുടെ ഭാരവാഹികളായി തിരഞ്ഞെടുത്തു.
കൗമാര പ്രായക്കാരായ പെൺകുട്ടികളുടെയും സ്ത്രീകളുടെയും വസ്ത്രങ്ങൾ മോഷ്ടിക്കുന്ന
അജ്ഞാതനെ വെഞ്ഞാറമൂട് പോലീസ് പിടികൂടി. കൗമാര പ്രായക്കാരായ പെൺകുട്ടികളും സ്ത്രീകളും താമസിക്കുന്ന വീടുകളിൽ നിന്നുമാണ് അയയിൽ വിരിച്ചിട്ടിരിക്കുന്ന വസ്ത്രങ്ങൾ മോഷണം പോകുന്നത്.
മാണിക്കൽ പഞ്ചായത്തിലെ വേളാവൂരിന് സമീപമുള്ള കുന്നിട മേഖലയിലെ ആളുകൾക്കാണ് ഇങ്ങനെയൊരു അനുഭവം ഉണ്ടായത്. സാമൂഹിക വിരുദ്ധർ ആണ് ഇതിന്റെ പിന്നിൽ എന്നാണ് നാട്ടുകാർ പറയുന്നത്. ടുവീലറിൽ കറങ്ങി നടന്നാണ് വസ്ത്രങ്ങൾ എടുക്കുന്നത്.
നാട്ടുകാരുടെ സഹായത്തോടെ പിടിച്ച അജ്ഞാതനെ പോലീസ് ചോദ്യം ചെയ്തപ്പോൾ മാനസികാസ്വാസ്ഥതയുള്ള ആളാണെന്ന് തിരിച്ചറിഞ്ഞു. തുടർന്ന് ചികിത്സക്കായി മാനസികാരോഗ്യ കേന്ദ്രത്തിലേക്ക് അയച്ചുവെന്നാണ് എന്നാണ് പോലീസിന്റെ വിശദീകരണം. ടുവീലർ പോലീസ് കസ്റ്റഡിയിൽ ഉണ്ട്. ഇത്തരംസംഭവങ്ങൾ ഇനി ആവർത്തിക്കല്ലെന്നും ജനങ്ങൾ ഭീതിയിലാകേണ്ട കാര്യമില്ല എന്നും വെഞ്ഞാറമൂട് പോലീസ് അറിയിച്ചിട്ടുണ്ട്.
ആറ്റിങ്ങൽ കരുണാലയം വൃദ്ധസദനം സ്ഥിതിചെയ്യുന്ന കെട്ടിടത്തിന്റെ ടെറസിൽ യുവാവിനെ തൂങ്ങി മരിച്ച നിലയിൽ കണ്ടെത്തി. ആറ്റിങ്ങൽ കൊടുമൺ സ്വദേശി ജിഷ്ണു (27) മരണപ്പെട്ടത്.
ഈ സ്ഥാപനത്തിൽ ജോലിചെയ്യുന്ന ജീവനക്കാരിയുടെ മകനാണ് ജിഷ്ണു. വൈകുന്നേരം ആറരയോടെയാണ് മൃതദേഹം കണ്ടെത്തിയത്. മറ്റു വിവരങ്ങൾ ലഭ്യമായിട്ടില്ല
Recent Comments