by liji HP News | Feb 23, 2024 | Latest News, ജില്ലാ വാർത്ത
സമസ്ത കേരള ജംഇയ്യത്തുല് ഉലമാ പണ്ഡിത പ്രതിനിധി സമ്മേളനത്തിന് ഉജ്ജ്വല പരിസമാപ്തി. സമസ്ത പ്രസിഡന്റ് ഇ.സുലൈമാന് മുസ്ലിയാരുടെ അധ്യക്ഷതയില് സമസ്ത ഉപാധ്യക്ഷന് കുമ്പോല് സയ്യിദ് ആറ്റക്കോയതങ്ങള് ഉദ്ഘാടനം ചെയ്തു.
സമസ്ത ജനറല് സെക്രട്ടറി കാന്തപുരം എ.പി അബൂബക്കര് മുസ്ലിയാര് മുഖ്യപ്രഭാഷണം നടത്തി. സമസ്ത ഉപാധ്യക്ഷന് സയ്യിദ് അലി ബാഫഖി തങ്ങള് പ്രാര്ത്ഥന നടത്തി. സംസ്ഥാനത്തെ വിവിധ ജില്ലകളില്നിന്നുള്ള കൂടിയാലോചന സമിതി(മുശാവറ)അംഗങ്ങളും മേഖലാ ഭാരവാഹികളുമായിരുന്നു സമ്മേളന പ്രതിനിധികള്.ഏകദിന പണ്ഡിത സംഗമത്തില് മതം, ദൈവം, യുക്തി, രാഷ്ട്രം, രാഷ്ടീയം, അനുഷ്ഠാനം, ആചാരം തുടങ്ങി വിവിധ സെഷനുകള്ക്ക് സമസ്ത സെക്രട്ടറിമാരായ പൊന്മള അബ്ദുല് ഖാദിര് മുസ്ലിയാര്, സയ്യിദ് ഇബ്റാഹീമുല് ഖലീല് അല് ബുഖാരി, പേരോട് അബ്ദുറഹ്മാന് സഖാഫി, സമസ്ത കേന്ദ്ര മുശാവറ അംഗങ്ങളായ ചെറുശ്ശോല അബ്ദുല് ജലീല് സഖാഫി, കൊളത്തൂര് അലവി സഖാഫി എന്നിവര് നേതൃത്വം നല്കി.
സയ്യിദ് ഫളല് കോയമ്മതങ്ങള് എട്ടിക്കുളം, പി. എ ഐദ്രൂസ് മുസ്ലിയാര് കൊല്ലം, കെ.പി മുഹമ്മദ് മുസ്ലിയാര് കൊമ്പം, കെ.കെ അഹ്മദ് കുട്ടി മുസ്ലിയാര് കട്ടിപ്പാറ, വണ്ടൂര് അബ്ദുറഹ്മാന് ഫൈസി, അബൂഹനീഫല് ഫൈസി തെന്നല, എ.പി അബ്ദുള്ള മുസ്ലിയാര് മാണിക്കോത്ത്, സി. മുഹമ്മദ് ഫൈസി, ഡോ. ഹുസൈന് സഖാഫി ചുള്ളിക്കോട്, ഡോ. എ.പി അബ്ദുല് ഹകീം അസ്ഹരി എന്നിവര് സംബന്ധിച്ചു.
സമസ്ത കേരള ജംഇയ്യത്തുല് ഉലമാ 2024-27 വർഷത്തേക്കുള്ള പുതിയ ഭാരവാഹികളെയും തിരഞ്ഞെടുത്തു. ഇ. സുലൈമാന് മുസ്ലിയാര് പ്രസിഡന്റായും, കാന്തപുരം എ.പി അബൂബക്കര് മുസ്ലിയാര് ജന. സെക്രട്ടറിയായും തുടരും. കോട്ടൂര് കുഞ്ഞമ്മു മുസ്ലിയാരാണ് ട്രഷറര്.
മറ്റു ഭാരവാഹികൾ: സയ്യിദ് അലി ബാഫഖി തങ്ങള്, പി.എ ഐദ്രൂസ് മുസ്ലിയാര് കൊല്ലം, കെ.എസ് ആറ്റക്കോയ തങ്ങള് കുമ്പോല് (വൈ. പ്രസിഡന്റുമാര്). പി. അബ്ദുല് ഖാദിര് മുസ്ലിയാര് പൊന്മള, പേരോട് അബ്ദുറഹ്മാന് സഖാഫി, സയ്യിദ് ഇബ്റാഹീമുല് ഖലീല് അല് ബുഖാരി (സെക്രട്ടറിമാര്).
by liji HP News | Feb 23, 2024 | Latest News, കേരളം
ആറ്റിങ്ങൽ: ആലംകോട് കാവുനടയിൽ താമസിക്കുന്ന ഷറഫുദ്ദീൻ മരണപ്പെട്ടു. കുറച്ചു ദിവസങ്ങൾക്കു മുമ്പ് പൂവൻപാറ വെച്ച് ടിപ്പറും ഓട്ടോയും കൂട്ടിയിടിച്ചുള്ള അപകടത്തിൽ ആട്ടോ ഓടിച്ചിരുന്ന ഷറഫുദ്ദീൻ ഗുരുതരമായി പരിക്കേറ്റിരുന്നു. തുടർന്ന് തിരുവനന്തപുരം മെഡിക്കൽ കോളേജിൽ ചികിത്സയിലായിരുന്ന ഷറഫുദ്ദീൻഇന്ന് രാവിലെ മരണപ്പെട്ടു. ആലംകോട് ഓട്ടോ സ്റ്റാൻഡിലെ ഓട്ടോ തൊഴിലാളിയാണ് ഷറഫുദ്ദീൻ.
by liji HP News | Feb 23, 2024 | Latest News, കേരളം, ജില്ലാ വാർത്ത, ദേശീയ വാർത്ത
വാഷിങ്ടണ്: ചന്ദ്രോപരിതലത്തില് പുതിയ ചരിത്രം രചിച്ച് ആദ്യ സ്വകാര്യ വിക്ഷേപണ വാഹനത്തിന്റെ ലാന്ഡിങ്. യുഎസ് കമ്പനിയായ ഇന്ടുറ്റിവ് മഷീന്സ് നിര്മിച്ച ഒഡീസിയസ് ഇന്നു രാവിലെ 6.23ന് ചന്ദ്രനില് ഇറങ്ങി.
യുഎസ്, റഷ്യ, ചൈന, ഇന്ത്യ എന്നീ രാജ്യങ്ങളുടെ പര്യവേക്ഷണ പേടകങ്ങള്ക്കു ശേഷം ചന്ദ്രനില് വിജയകരമായി ലാന്ഡ് ചെയ്യുന്ന പേടകമാണ് ഒഡീസിയസ്. 1972ല് അപ്പോളോ 17 ദൗത്യത്തിനു ശേഷം ചന്ദ്രനില് ഇറങ്ങുന്ന ആദ്യ യുഎസ് പേടകവും ഒഡീസിയസാണ്.
by liji HP News | Feb 23, 2024 | Latest News, ജില്ലാ വാർത്ത
നവകേരളം കർമ്മ പദ്ധതിയുടെ ഭാഗമായി, ഹരിതകേരള മിഷന്റെയും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുമായി ചേർന്ന് നടപ്പിലാക്കുന്ന ഉറവതേടി ഡിജിറ്റൽ മാപ്പിങ് പരിപാടിക്ക് തുടക്കമായി. നഗരൂർ രാജധാനി എൻ എസ് എസ് വോളിന്റയർമാരുടെ നേതൃത്വത്തിൽ ജിസ് സാങ്കേതിക വിദ്യ ഉപയോഗിച്ച് ഉറവകളും നീർച്ചാലുകളും അടയാളപ്പെടുത്തുന്ന പരിപാടിയുടെ ഉത്ഘാടനം തൊഴിലുറപ്പ് പദ്ധതി ജോയിന്റ് പ്രോഗ്രാം കോ ഓർഡിനേറ്റർ സൈമ എസ് നിർവ്വഹിച്ചു.
നഗരൂർ ഗ്രാമ പഞ്ചായത്ത് വികസന സ്റ്റാൻഡിങ് കമ്മിറ്റി ചെയ്യർപേഴ്സൺ വിജയലക്ഷ്മി എ എസ് സ്വാഗതം ആശംസിച്ചു. നവകേരള കർമ്മ പദ്ധതി ജില്ലാ കോഡിനേറ്റർ അശോക് സി അദ്ധ്യക്ഷനായിരുന്നു. സെക്രെട്ടറി ഷീജ ആർ എസ്, തൊഴിലുറപ്പ് ജില്ലാ എഞ്ചിനീയർ ദിനേശ് പപ്പൻ, നവകേരളം റിസോഴ്സ് പേഴ്സൺ പ്രവീൺ പി, എൻ എസ് എസ് ചുമതലയുള്ള അധ്യാപകൻ ശ്രീമഹേഷ് എം പി എന്നിവർ സംസാരിച്ചു. ആദ്യഘട്ടത്തിൽ ജിസ് സർവ്വേ വഴി നീർച്ചാലുകളെ മാപ്പ് ചെയ്യത് തൊഴിലുറപ്പ് പദ്ധതിയുടെ അഗ്രിക്കൾച്ചർ എഞ്ചിനീയർമാർ വിദ്യാർത്ഥികൾക്ക് പരിശീലനം നൽകുകയും, സർവ്വേയ്ക്ക് നേതൃത്വം നൽകുകയും ചെയ്തു.
by liji HP News | Feb 23, 2024 | Latest News, ജില്ലാ വാർത്ത
ആറ്റിങ്ങൽ: അടയമൺ വാർഡ് ഉപതെരത്തെടുപ്പിൽ 6 വോട്ടിനു എൽ ഡി എഫ് സ്ഥാനാർത്ഥി ആർച്ച വിജയിച്ചു. തൊട്ടടുത്ത എതിർ സ്ഥാനാർഥി കോൺഗ്രസിലെ ദീപക്കിനെ പരാജയപ്പെടുത്തിയാണ് ആർച്ച വിജയിച്ചത്. കോൺഗ്രസിൽ ദീപക്, സ്വതന്ത്രനായി സാജു, ബിജെപിയിൽ സിന്ധു എന്നിവരാണ് മത്സരിച്ചത് .
Recent Comments