by Midhun HP News | Sep 22, 2026 | Latest News, കേരളം
കൊച്ചി: അനധികൃതമായി വ്യാജമദ്യമടക്കം വീട്ടിൽ സൂക്ഷിച്ച കേസിൽ ജയിലിൽ കഴിയുന്ന ആന്‍റോ അഗസ്റ്റിന് ഹൈക്കോടതി ജാമ്യം അനുവദിച്ചു. ജസ്റ്റിസ് കൗസർ എടപ്പഗത്തിന്റെ ബെഞ്ചാണ് ഹർജി അനുവദിച്ചത്. മാനന്തവാടി ജയിലിൽ ജുഡീഷ്യൽ കസ്റ്റഡിയിൽ കഴിയുന്ന ആൻ്റോ അഗസ്റ്റിന് കോടതി ഉത്തരവ് ലഭ്യമാകുന്ന മുറയ്ക്ക് ജയിലിൽ നിന്ന് നടപടികൾ പൂർത്തിയാക്കി പുറത്തിറങ്ങാനാവും. ഇന്ന് തന്നെ ഇദ്ദേഹം ജയിൽ മോചിതനാകുമെന്നാണ് കരുതുന്നത്.
അതേസമയം മുട്ടിൽ മരം മുറിയിലെ വഞ്ചന കേസിൽ അഗസ്റ്റിൻ സഹോദരങ്ങൾ നൽകിയ ഹർജി ഇന്ന് സുപ്രീംകോടതി പരിഗണിക്കും. ജസ്റ്റിസ് ജെ ബി പർദ്ദിവാല അധ്യക്ഷനായ ബെഞ്ച് ആണ് ഹർജി പരിഗണിക്കുന്നത്.ചോറ്റാനിക്കര കോടതിയിലെ വിചാരണ തടയണമെന്ന് ആവശ്യപ്പെട്ടാണ് കേസിലെ ഒന്നാം പ്രതിയായ റോജി അഗസ്റ്റിൻ സുപ്രീംകോടതിയിൽ ഹർജി സമർപ്പിച്ചത്. നേരത്തെ ഹൈക്കോടതി ഈ ആവശ്യം തള്ളിയിരുന്നു. ഹൈക്കോടതി ഉത്തരവ് ഉടനടി സ്റ്റേ ചെയ്യണമെന്നായിരുന്നു ആവശ്യം. വിചാരണ ആറുമാസത്തിൽ പൂർത്തിയാക്കാൻ ചോറ്റാനിക്കര കോടതിക്ക് ഹൈക്കോടതി നിർദേശം നല്‍കിയിരുന്നു.
ജസ്റ്റിസ് ജെ ബി പർദ്ദിവാല അധ്യക്ഷനായ ബെഞ്ച് ആണ് ഹർജി പരിഗണിക്കുന്നത്.ചോറ്റാനിക്കര കോടതിയിലെ വിചാരണ തടയണമെന്ന് ആവശ്യപ്പെട്ടാണ് കേസിലെ ഒന്നാം പ്രതിയായ റോജി അഗസ്റ്റിൻ സുപ്രീംകോടതിയിൽ ഹർജി സമർപ്പിച്ചത്. നേരത്തെ ഹൈക്കോടതി ഈ ആവശ്യം തള്ളിയിരുന്നു. ഹൈക്കോടതി ഉത്തരവ് ഉടനടി സ്റ്റേ ചെയ്യണമെന്നായിരുന്നു ആവശ്യം. വിചാരണ ആറുമാസത്തിൽ പൂർത്തിയാക്കാൻ ചോറ്റാനിക്കര കോടതിക്ക് ഹൈക്കോടതി നിർദേശം നല്‍കിയിരുന്നു.
by Midhun HP News | Sep 22, 2026 | Latest News, ദേശീയ വാർത്ത
ഡല്‍ഹി: റോഡിലെ കുഴികളും വിള്ളലുകളും കണ്ടെത്താന്‍ എഐ അടിസ്ഥാനമാക്കിയുള്ള സംവിധാനം പരീക്ഷിക്കാന്‍ കേന്ദ്രം. സ്മാര്‍ട്ട്‌ഫോണ്‍ വിഡിയോകള്‍ ഉപയോഗിച്ച് റോഡുകളിലെ കുഴികളും വിള്ളലുകളും ഉള്‍പ്പെടെ തിരിച്ചറിയുകയാണ് ലക്ഷ്യം. ഗ്രാമീണ റോഡുകളുടെ നിലവാരം വിലയിരുത്തുന്നതിനായി രാജ്യവ്യാപകമായി ഈ സംവിധാനം പരീക്ഷണാടിസ്ഥാനത്തില്‍ നടപ്പാക്കാന്‍ നടപടികള്‍ ആരംഭിച്ചിട്ടുണ്ട്.
പ്രധാനമന്ത്രി ഗ്രാമ സഡക് യോജനയ്ക്ക് (PMGSY) കീഴിലുള്ള റോഡുകളില്‍ എഐ സംവിധാനം പരീക്ഷിക്കുന്നതിന് ഗ്രാമവികസന മന്ത്രാലയം തത്ത്വത്തില്‍ അംഗീകാരം നല്‍കിയിട്ടുണ്ട്. സെന്റര്‍ ഫോര്‍ ഡെവലപ്മെന്റ് ഓഫ് അഡ്വാന്‍സ്ഡ് കമ്പ്യൂട്ടിങും (ഇഉഅഇ) നാഷണല്‍ റൂറല്‍ ഇന്‍ഫ്രാസ്ട്രക്ചര്‍ ഡെവലപ്മെന്റ് ഏജന്‍സിയും (NRIDA) ചേര്‍ന്നാണ് പുതിയ സാങ്കേതികവിദ്യ വികസിപ്പിച്ചിരിക്കുന്നത്.
സെപ്റ്റംബര്‍ ഒന്ന് മുതല്‍ വിവിധ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും ഫീല്‍ഡ് പരിശോധനകള്‍ ആരംഭിച്ചിട്ടുണ്ട്. വാഹനങ്ങളില്‍ ഘടിപ്പിച്ചിട്ടുള്ള മൊബൈല്‍ ഫോണുകളിലെ ആപ്പ് വഴി റോഡിന്റെ വിഡിയോകള്‍ പകര്‍ത്തിയാണ് ഇത് വിലയിരുത്തുന്നത്. നിലവില്‍ കുഴികള്‍, നീളത്തിലുള്ള വിടവുകള്‍, കുറുകെയുള്ള വിടവുകള്‍, വശങ്ങളിലെ കേടുപാടുകള്‍, പാച്ചുകള്‍, കാടുപിടിച്ചതുകൊണ്ടുള്ള തടസങ്ങള്‍ തുടങ്ങി ഏഴ് തരം കേടുപാടുകള്‍ തിരിച്ചറിയാന്‍ ഈ സംവിധാനത്തിന് കഴിയും.
എഞ്ചിനീയര്‍മാര്‍ റോഡിലെ കുഴികള്‍ പരിശോധിച്ച് എഐ സംവിധാനങ്ങളുടെ കണ്ടെത്തലുമായി ഒത്തുനോക്കും. റോഡ് അറ്റകുറ്റപ്പണികള്‍ നടത്തുന്നതില്‍ തീരുമാനം എടുക്കുന്നതിനുള്ള ഉപകരണമായി മാത്രമാണ് ഈ സാങ്കേതികവിദ്യ പരീക്ഷിക്കുന്നത്. പൂനെ, ലഖ്നൗ, അസമിലെ കാംരൂപ്, മേഘാലയയിലെ റി-ഭോയ് എന്നീ പ്രദേശങ്ങളിലാണ് ഇതിന്റെ ആദ്യഘട്ട ട്രയലുകള്‍ നടന്നത്. നിലവില്‍, eMARG മൊബൈല്‍ ആപ്ലിക്കേഷനില്‍ ഫീല്‍ഡ് ഉദ്യോഗസ്ഥര്‍ റെക്കോര്‍ഡുചെയ്ത പരിശോധനകളിലൂടെയും ജിയോ-ടാഗ് ചെയ്ത ചിത്രങ്ങളിലൂടെയുമാണ് റോഡ് അറ്റകുറ്റപ്പണികള്‍ നിരീക്ഷിക്കുന്നത്.
by Midhun HP News | Sep 22, 2026 | Latest News, ജില്ലാ വാർത്ത
തിരുവനന്തപുരം: കൃഷി ചെയ്യുന്ന വിദ്യാര്‍ഥികള്‍ക്ക് ഗ്രേസ് മാര്‍ക്ക് നല്‍കുമെന്ന് കൃഷി വകുപ്പ് മന്ത്രി ടി സിദ്ദിഖ്. ഇത്തരമൊരു പദ്ധതി നടപ്പിലാക്കുന്ന ആദ്യ സംസ്ഥാനമായി കേരളം മാറുമെന്നും അദ്ദേഹം വ്യക്തമാക്കി.
ഈ വര്‍ഷം 500 സ്‌കൂളുകളില്‍ കതിര്‍ കാര്‍ഷിക ക്ലബിന്റെ പ്രവര്‍ത്തനം ആരംഭിച്ചു. വരുന്ന അധ്യായന വര്‍ഷത്തില്‍ സംസ്ഥാനത്തെ എല്ലാ സ്‌കൂളുകളിലും കതിര്‍ ക്ലബിന്റെ പ്രവര്‍ത്തനം ആരംഭിക്കും. സ്‌കൂളില്‍ മാത്രമല്ല, വിദ്യാര്‍ഥികളുടെ വീടുകളിലും കൃഷി ആരംഭിക്കുന്നതാണ് പദ്ധതി. ഇതിനായി ഓരോ സ്‌കൂളിനും 10,000 രൂപ വീതം നല്‍കും.
ഇതിന്റെ ഭാഗമായി കതിര്‍ സഞ്ചാരവും കതിര്‍ മാര്‍ക്കറ്റുമുണ്ടാകുമെന്നും ഉച്ച ഭക്ഷണ പദ്ധതിയുമായി ഇതിനെ ബന്ധപ്പെടുത്തുമെന്നും മന്ത്രി പറഞ്ഞു. തിരുവനന്തപുരം കുളത്തൂര്‍ ഗ്രാമപഞ്ചായത്തിലെ നെല്ലിക്കോണം ഏലയിലെ കൊയ്ത്തുത്സവം ഉദ്ഘാടനം ചെയ്യവേയാണ് അദ്ദേഹം പദ്ധതിയെക്കുറിച്ച് പറഞ്ഞത്.
by Midhun HP News | Sep 22, 2026 | Latest News, ജില്ലാ വാർത്ത
തിരുവനന്തപുരം: ശബരിമലയിലെ അടുത്ത മണ്ഡല-മകരവിളക്ക് തീര്‍ത്ഥാടനകാലത്തെ നടത്തിപ്പ് ചുമതല ഒരു ഐഎഎസ് ഉദ്യോഗസ്ഥന്റെ നേതൃത്വത്തിലുള്ള സമിതിക്ക് കൈമാറുന്ന കാര്യം സംസ്ഥാന സര്‍ക്കാര്‍ പരിഗണിക്കുന്നു. യുഡിഎഫ് സര്‍ക്കാരും മുന്‍ ഇടതു സര്‍ക്കാര്‍ രൂപീകരിച്ച തിരുവിതാംകൂര്‍ ദേവസ്വം ബോര്‍ഡും തമ്മില്‍ അഭിപ്രായ ഭിന്നത രൂക്ഷമായ സാഹചര്യത്തിലാണ് ഇത്തരമൊരു ആലോചനയിലേക്ക് സര്‍ക്കാര്‍ നീങ്ങുന്നത്.
‘ഐഎഎസ് ഓഫീസര്‍ക്ക് ചുമതല കൈമാറുന്നതു സംബന്ധിച്ച നിര്‍ദ്ദേശത്തില്‍ അഡ്വക്കേറ്റ് ജനറലില്‍ നിന്ന് നിയമോപദേശം തേടിയിട്ടുണ്ട്. അനുകൂലമായ മറുപടി ലഭിച്ചാല്‍ ഹൈക്കോടതിയെ സമീപിക്കും. മുഖ്യമന്ത്രിയുമായുള്ള കൂടിക്കാഴ്ചയ്ക്ക് ശേഷമേ ഇക്കാര്യത്തില്‍ അന്തിമ തീരുമാനമെടുക്കൂ.’ ദേവസ്വം മന്ത്രി കെ മുരളീധരന്‍ ദി ന്യൂ ഇന്ത്യന്‍ എക്‌സ്പ്രസിനോട് പറഞ്ഞു.
‘പത്തനംതിട്ട ജില്ലാ കലക്ടറും ഈ താല്‍ക്കാലിക സംവിധാനത്തിന്റെ ഭാഗമായിരിക്കും. വിശദാംശങ്ങള്‍ ചര്‍ച്ചകള്‍ക്ക് ശേഷം തീരുമാനിക്കും.’ മന്ത്രി മുരളീധരന്‍ വ്യക്തമാക്കി.
ബോര്‍ഡ് കാര്യക്ഷമമല്ലെന്ന് സര്‍ക്കാര്‍ കരുതുന്നുണ്ടോ എന്ന ചോദ്യത്തിന് മന്ത്രിയുടെ മറുപടി ഇപ്രകാരമായിരുന്നു. ‘നെയ്യ് വാങ്ങലിലെ ക്രമക്കേടുകള്‍ മുതല്‍ അരവണയുടെ ക്ഷാമം വരെയുള്ള തുടര്‍ച്ചയായ വീഴ്ചകള്‍ കണക്കിലെടുക്കുമ്പോള്‍ ഇതില്‍ കൂടുതല്‍ എന്താണ് അനുമാനിക്കേണ്ടത്?’.
ശബരിമലയിലെ അരവണ പ്രസാദത്തിന്റെ ക്ഷാമമാണ് ദേവസ്വം ബോര്‍ഡും സര്‍ക്കാരും തമ്മില്‍ പുതിയ തര്‍ക്കത്തിന് കാരണമായത്. നിലവിലെ മാസപൂജയ്ക്കിടെ അരവണ വില്‍പ്പന നിയന്ത്രിക്കാനുള്ള തിരുവിതാംകൂര്‍ ദേവസ്വം ബോര്‍ഡിന്റെ തീരുമാനം തീര്‍ത്ഥാടകര്‍ക്കിടയില്‍ അതൃപ്തിക്കിടയാക്കിയിട്ടുണ്ട്.
നിര്‍മ്മാണ കേന്ദ്രത്തിലെ അറ്റകുറ്റപ്പണികളാണ് അരവണ ക്ഷാമത്തിന് കാരണമെന്നാണ് ദേവസ്വം ബോര്‍ഡ് വിശദീകരിക്കുന്നത്. എന്നാല്‍ ഈ വാദത്തില്‍ മന്ത്രി കെ മുരളീധരന്‍ തൃപ്തനല്ല. അരവണ വിതരണത്തെ ബാധിക്കാത്ത വിധത്തിലാവണമായിരുന്നു ഈ ജോലികള്‍ പൂര്‍ത്തിയാക്കേണ്ടിയിരുന്നതെന്ന് അദ്ദേഹം അഭിപ്രായപ്പെടുന്നു.
നവംബര്‍ മധ്യത്തോടെ ആരംഭിക്കുന്ന മണ്ഡല മകരവിളക്ക് തീര്‍ത്ഥാടന കാലത്തെക്കുറിച്ച് സര്‍ക്കാരിന് ആശങ്കയുണ്ട്. സാധനങ്ങള്‍ വാങ്ങുന്നതിനുള്ള ടെന്‍ഡര്‍ നടപടികളും മറ്റ് പല ക്രമീകരണങ്ങളും ബോര്‍ഡ് കൃത്യസമയത്തോ കാര്യക്ഷമമായോ അല്ല കൈകാര്യം ചെയ്യുന്നതെന്നും മന്ത്രി മുരളീധരന്‍ കുറ്റപ്പെടുത്തി.
ബോര്‍ഡിലെ അംഗങ്ങളെ മുന്‍ എല്‍ഡിഎഫ് സര്‍ക്കാരാണ് നിയമിച്ചത് എന്നതുകൊണ്ടാണ് അവര്‍ക്കെതിരെ സര്‍ക്കാര്‍ ഇത്തരമൊരു നിലപാട് സ്വീകരിക്കുന്നതെന്ന ആരോപണം മന്ത്രി നിഷേധിച്ചു. ‘അത്തരമൊരു ആരോപണം ശരിയല്ല. ഇതില്‍ രാഷ്ട്രീയത്തിന് പ്രസക്തിയില്ല. മറ്റ് ദേവസ്വം ബോര്‍ഡുകളുമായി ഞങ്ങള്‍ക്ക് യാതൊരു പ്രശ്‌നവുമില്ല. തിരുവിതാംകൂര്‍ ദേവസ്വം ബോര്‍ഡിന്റെ പ്രവര്‍ത്തനവും, പ്രതീക്ഷിച്ച നിലവാരത്തിലേക്ക് ഉയരാന്‍ അവര്‍ക്ക് കഴിയാത്തതുമാണ് ഈ നിലപാടിന് കാരണം.’ മന്ത്രി കെ മുരളീധരന്‍ പറഞ്ഞു.
by Midhun HP News | Sep 22, 2026 | Latest News, ദേശീയ വാർത്ത
ഇസ്ലാമബാദ്: പാകിസ്ഥാൻ ക്രിക്കറ്റിൽ മാസങ്ങളായി അരങ്ങേറുന്ന നാടകീയ സംഭവങ്ങളിലേക്ക് മറ്റൊന്നുകൂടി. ഓൺലൈൻ ചൂതാട്ടവും അഴിമതി ആരോപണങ്ങളുമായി ബന്ധപ്പെട്ട് പാക് താരങ്ങളായ മുഹമ്മദ് റിസ്‍‍വാനേയും ഇമാം ഉൾ ഹഖിനേയും പാകിസ്ഥാൻ സൈബർ ക്രൈം ഇൻവസ്റ്റിഗേഷൻ ഏജൻസി ഏതാണ്ട് രണ്ട് മണിക്കൂറോളം ചോദ്യം ചെയ്തിരുന്നു. ആരോപണങ്ങളുമായി ബന്ധപ്പെട്ട് തന്റെ ഭാഗം പരസ്യമായി വിശദീകരിക്കാനുള്ള റിസ്‍‍വാന്റെ നീക്കം തടഞ്ഞിരിക്കുകയാണ് ഇപ്പോൾ മൊഹ്സിൻ നഖ്‍വി തലവനായ പാകിസ്ഥാൻ ക്രിക്കറ്റ് ബോർഡ്.
ഇംഗ്ലണ്ട് പര്യടനത്തിനിടെ അച്ചടക്ക നടപടിയുടെ ഭാഗമായി പിസിബി നാട്ടിലേക്ക് അയച്ച ഏഴ് താരങ്ങളിൽ റിസ്‍വാനും ഇമാമും ഉൾപ്പെട്ടിരുന്നു. പിന്നാലെയാണ് ഓൺലൈൻ ചൂതാട്ടവുമായി ബന്ധപ്പെട്ട് സൈബർ ക്രൈം ഇൻവസ്റ്റിഗേഷൻ ഏജൻസി ഇരു താരങ്ങളേയും ചോദ്യം ചെയ്തത്.
പിസിബിയുടെ സെക്യൂരിറ്റി ടീം ഇരുവരുടേയും മൊബൈൽ ഫോണുകൾ പിടിച്ചെടുക്കുകയും ചെയ്തിരുന്നു. നിലവിൽ റിസ്‍വാന്റേയും ഇമാമിന്റേയും ഫോണുകൾ പിസിബി സെക്യൂരിറ്റി ടീമിന്റെ കസ്റ്റഡിയിൽ തന്നെയാണ്. സാമ്പത്തിക ഇടപാടുകളുമായി ബന്ധപ്പെട്ട വിവരങ്ങൾ വിശദമായി പരിശോധിക്കുകയാണ്.
വിഷയത്തിൽ മാധ്യമങ്ങളെ കാണാനും പൊതുജനങ്ങളോട് കാര്യങ്ങൾ വിശദീകരിക്കാനും റിസ്‍വാൻ രണ്ട് തവണ പിസിബിയോട് അനുമതി തേടിയെങ്കിലും ബോർഡ് രണ്ട് തവണയും താരത്തിന്റെ അഭ്യർഥന നിരസിച്ചു. തനിക്കെതിരെ ഉയർന്ന ആരോപണങ്ങളെക്കുറിച്ച് സ്വന്തം ഭാഗം വിശദീകരിക്കാൻ താരം ആഗ്രഹിച്ചിരുന്നു. നേരത്തെ വിഷയത്തിൽ താരം ഐസിസിക്ക് കത്തയച്ചിരുന്നു. അന്വേഷണ രീതികളിൽ വ്യക്തത തേടിയാണ് താരം ഐസിസിയുടെ ആന്റി കറപ്ഷൻ യൂണിറ്റിന് കത്തയച്ചത്. ഈ കത്ത് അയച്ചതിന്റെ കാരണം എന്താണെന്നും പരസ്യമായി വിശദീകരിക്കാൻ താരം ലക്ഷ്യമിട്ടിരുന്നു.
നിലവിൽ പാക് ക്രിക്കറ്റിലെ സെൻട്രൽ കോൺട്രാക്ട് ഉള്ള താരമാണ് റിസ്‍വാൻ. അതിനാൽ കരാറിന്റെ പരിധിയിൽ വരുന്ന വിഷയങ്ങളിൽ പരസ്യമായി പ്രതികരിക്കണമെങ്കിൽ താരങ്ങൾ ബോർഡിന്റെ മുൻകൂർ അനുമതി വാങ്ങണമെന്നാണ് പാക് ക്രിക്കറ്റ് നിയമം. ഇതനുസരിച്ചാണ് റിസ്‍വാൻ രണ്ട് തവണ പിസിബിയെ സമീപിച്ചത്. എന്നാൽ രണ്ട് അഭ്യർഥനകളും ബോർഡ് തള്ളി.
ബോർഡിനെതിരെ താരം തിരിയുമോ എന്ന ആശങ്കയാണ് അഭ്യർഥന നിരസിക്കാൻ കാരണമായി പണ്ഡിതർ വ്യാഖ്യാനിക്കുന്നത്. എന്നാൽ റിസ്‍വാൻ അത്തരമൊരു കാര്യത്തിലേക്ക് കടക്കില്ലെന്നും തന്റെ നിരപരാധിത്വം തെളിയിക്കുക മാത്രമാണ് ലക്ഷ്യമെന്നും താരത്തോടടുത്തവർ പറയുന്നു.
Recent Comments