by Midhun HP News | Nov 1, 2026 | Latest News, കേരളം
കണ്ണൂര്‍: മുന്‍മന്ത്രി വീണാ ജോര്‍ജിനെ ആക്രമിച്ചെന്ന കേസില്‍ റിപ്പോര്‍ട്ട് സമര്‍പ്പിച്ച് പ്രത്യേക അന്വേഷണ സംഘം. മന്ത്രിയെ കെഎസ്യു പ്രവര്‍ത്തകര്‍ ആക്രമിച്ചിട്ടില്ലെന്നാണ് ഡിജിപിക്ക് സമര്‍പ്പിച്ച അന്വേഷണ റിപ്പോര്‍ട്ടില്‍ പറയുന്നത്.കെഎസ്യു പ്രവര്‍ത്തകര്‍ക്ക് വീണ ജോര്‍ജിന്റെ അടുത്ത് എത്താന്‍ കഴിഞ്ഞിരുന്നില്ലെന്നും പ്രതിഷേധത്തെ പെരുപ്പിച്ചു കാട്ടിയെന്നും റിപ്പോര്‍ട്ടില്‍ പറയുന്നു.
സംഭവത്തില്‍ ഗണ്‍മാനെതിരായ നടപടി ഡിജിപിയുടെ വിവേചനാധികാരം ഉപയോഗിച്ച് എടുക്കാവുന്നതാണെന്ന് റിപ്പോര്‍ട്ടിലുണ്ട്. സംഭവത്തില്‍ അഞ്ച് കെ എസ് യു പ്രവര്‍ത്തകര്‍ക്കെതിരെ വധശ്രമം ഉള്‍പ്പെടെയുള്ള ഗുരുതര വകുപ്പുകള്‍ ചേര്‍ത്തായിരുന്നു കേസെടുത്തിരുന്നത്. മന്ത്രിയെ ആക്രമിക്കുന്നത് കണ്ടു എന്നായിരുന്നു ഗണ്‍മാന്‍ ആദ്യം നല്‍കിയ മൊഴി. എന്നാല്‍ എസ്ഐടിയോട് പറഞ്ഞത് താന്‍ അങ്ങനെ പറഞ്ഞിട്ടില്ലെന്നും മന്ത്രിയുടെ നിര്‍ദേശപ്രകാരമാണ് മൊഴി നല്‍കിയതെന്നുമായിരുന്നു.
കണ്ണൂര്‍ റെയില്‍വേ സ്റ്റേഷനില്‍ വെച്ച് വീണാ ജോര്‍ജിനെതിരെയുണ്ടായ പ്രതിഷേധത്തില്‍ ഗണ്‍മാന്‍ അഭിലാഷ് നല്‍കിയ മൊഴിയുടെ അടിസ്ഥാനത്തിലായിരുന്നു അഞ്ച് കെ എസ് യു പ്രവര്‍ത്തകര്‍ക്കെതിരെ പൊലീസ് വധശ്രമമുള്‍പ്പെടെയുള്ള വകുപ്പുകള്‍ ചുമത്തി കേസെടുത്തത്. ആയുധമുപയോഗിച്ച് പ്രതിഷേധക്കാര്‍ മന്ത്രിയെ ആക്രമിക്കാന്‍ ശ്രമിച്ചെന്ന മൊഴി അഭിലാഷ് പ്രത്യേക അന്വേഷണ സംഘത്തിന് മുന്നില്‍ തിരുത്തി. വീണയെ ആക്രമിക്കാന്‍ ശ്രമിക്കുന്നത് കണ്ടില്ലെന്നായിരുന്നു എസ് ഐ ടിക്ക് നല്‍കിയ മൊഴി.കണ്ണൂര്‍ ജില്ലാ ആശുപത്രിയില്‍ പ്രാഥമിക പരിശോധന നടത്തിയ ശേഷമാണ് രാത്രി പരിയാരത്തേക്ക് മാറ്റിയത്. പരിയാരം മെഡിക്കല്‍ കോളജിലെ ഡോക്ടര്‍മാരുടെ മൊഴിയും എസ്ഐടി രേഖപ്പെടുത്തിയിരുന്നു. വീണ ജോര്‍ജിന് പുറത്ത് കാണത്തക്ക പരുക്ക് ഉണ്ടായിരുന്നില്ലെന്ന് ഡോക്ടര്‍മാര്‍ മൊഴി നല്‍കിയതായാണ് വിവരം.
കണ്ണൂര്‍ ടൗണ്‍ സ്റ്റേഷനിലെ പ്രിന്‍സിപ്പിള്‍ എസ്ഐ ദീപ്തിയുടെ മൊഴിയും കേസില്‍ നിര്‍ണായകമായി. തന്റെ പേരില്‍ ആദ്യം വ്യാജ മൊഴി നല്‍കിയെന്നാണ് എസ്ഐടിയ്ക്ക് എസ്ഐ ദീപ്തി മൊഴി നല്‍കിയത്. മന്ത്രിയെ ആക്രമിക്കുന്നത് താന്‍ കണ്ടില്ലെന്നും ദീപ്തി മൊഴി നല്‍കിയിട്ടുണ്ട്.
by Midhun HP News | Nov 1, 2026 | Latest News, ദേശീയ വാർത്ത
ഡല്‍ഹി: പൊതുമേഖലാ എണ്ണ വിതരണകമ്പനികള്‍ വാണിജ്യ സിലിണ്ടറിന് വീണ്ടും വില കൂട്ടി. സിലിണ്ടറിന് പന്ത്രണ്ട് രൂപ അന്‍പത് പൈസയാണ് വര്‍ധിപ്പിച്ചത്. കൊച്ചിയില്‍ സിലിണ്ടര്‍ വില 2840 രൂപയാണ്. കോഴിക്കോട് 2870 രൂപയും തിരുവന്തപുരത്ത് 2860 രൂപയുമാണ് വില. കഴിഞ്ഞ മാസവും 65 രൂപ വര്‍ധിപ്പിച്ചിരുന്നു.
രാജ്യാന്തര ക്രൂഡോയില്‍ വില പരിഗണിച്ച് ഓരോ മാസവും ഒന്നാംതീയതിയാണ് എണ്ണക്കമ്പനികള്‍ എല്‍പിജി വില പരിഷ്‌കരിക്കുന്നത്. വാണിജ്യ സിലിണ്ടര്‍ വില വര്‍ധന ഹോട്ടല്‍, റസ്റ്ററന്റ്, തട്ടുകട എന്നിവ നടത്തുന്നവര്‍ക്ക് തിരിച്ചടിയാണ്.അതേസമയം, വീട്ടാവശ്യത്തിനുള്ള സിലിണ്ടറിന്റെ വില മാറ്റിയിട്ടില്ല.
by Midhun HP News | Oct 31, 2026 | Latest News, ദേശീയ വാർത്ത
സംഗീത സംവിധായകൻ അനിരുദ്ധ് രവിചന്ദറിന്റെയും സൺറൈസേഴ്സ് ഹൈദരാബാദ് സഹ ഉടമ കാവ്യ മാരന്റെയും വിവാഹത്തിനായി ആകാംക്ഷയോടെ കാത്തിരിക്കുകയാണ് തെന്നിന്ത്യൻ സിനിമാ ലോകം. നവംബർ 21-ന് ചെന്നൈയിൽ വച്ചാണ് ഇരുവരുടെയും വിവാഹസത്കാരം.
നവംബർ 10, 11 തീയതികളിൽ ഗ്രീസിൽ വെച്ച് അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ സ്വകാര്യമായാണ് വിവാഹച്ചടങ്ങുകൾ നടക്കുക എന്നാണ് വിവരം. അനിരുദ്ധ്- കാവ്യ വിവാഹാഘോഷങ്ങൾ തുടങ്ങിയെന്നാണ് പുറത്തുവരുന്ന റിപ്പോർട്ട്. അനിരുദ്ധിന്റെ ചെന്നൈയിലെ വീട്ടിൽ ആഘോഷങ്ങൾക്ക് തുടക്കമായി.
കുടുംബാംഗങ്ങളും അടുത്ത സുഹൃത്തുക്കളും ആഘോഷങ്ങളിൽ പങ്കുചേരാൻ എത്തിയിട്ടുണ്ട്. ‘ഡോലി’ന് മുകളിൽ ഇരിക്കുന്ന അനിരുദ്ധിന്റെ വിഡിയോയും ചിത്രങ്ങളുമൊക്കെ സോഷ്യൽ മീ‍ഡിയയിൽ വൈറലാവുകയാണ്. അനിരുദ്ധിന്റെ വിവാഹക്ഷണക്കത്തും മുൻപ് വൈറലായി മാറിയിരുന്നു.
‘പിങ്ക് വിസിൽ മാൻ’ എന്ന സ്ഥാപനത്തിലെ പ്രമുഖ ഡിസൈനർ രഞ്ജനി അയ്യങ്കാറാണ് ഈ രാജകീയ ക്ഷണക്കത്ത് രൂപകൽപ്പന ചെയ്തിരിക്കുന്നത്. ഐവറി-പൗഡർ ബ്ലൂ നിറത്തിലുള്ള പ്രത്യേക ബോക്സിൽ, എംബോസ് ചെയ്ത പേപ്പറുകളും ബറോക്ക് ശൈലിയിലുള്ള മുദ്രയോടും കൂടിയാണ് ഇത് നിർമ്മിച്ചിട്ടുള്ളത്. അതേസമയം, പ്രമുഖ വ്യക്തികളെയെല്ലാം അനിരുദ്ധും കുടുംബവും നേരിട്ട് വിവാഹസത്കാരത്തിന് ക്ഷണിച്ചിരുന്നു.പ്രധാനമന്ത്രി നരേന്ദ്ര മോദി, തമിഴ്നാട് മുഖ്യമന്ത്രി ജോസഫ് വിജയ്, മുൻ മുഖ്യമന്ത്രി എം കെ സ്റ്റാലിൻ, തെലങ്കാന മുഖ്യമന്ത്രി രേവന്ത് റെഡ്ഡി, കർണാടക ഉപ മുഖ്യമന്ത്രി ഡി കെ ശിവകുമാർ, ആന്ധ്ര പ്രദേശ് മുഖ്യമന്ത്രി എൻ ചന്ദ്രബാബു നായിഡു, കോൺഗ്രസ് നേതാക്കളായ സോണിയ ഗാന്ധി, രാഹുൽ ഗാന്ധി തുടങ്ങിയവരെയെല്ലാം വിവാഹസത്കാരത്തിന് ക്ഷണിച്ചിട്ടുണ്ട്.
by Midhun HP News | Oct 31, 2026 | Latest News, കേരളം
കൊച്ചി: ചേരാനെല്ലൂരില്‍ കാര്‍ ഇടിച്ച് സ്‌കൂട്ടര്‍ യാത്രക്കാരനായ ജയബാലകൃഷ്ണന്‍ മരിച്ച കേസില്‍ കോടതിയില്‍ ശക്തമായ വാദപ്രതിവാദങ്ങള്‍. ജുവനൈല്‍ ജസ്റ്റിസ് ബോര്‍ഡിന് പ്രതിയായ 17കാരന് ജാമ്യം അനുവദിക്കാനാവില്ലെന്നും അധികാരപരിധി മറികടന്നും സാഹചര്യങ്ങള്‍ പരിശോധിക്കാതെയുമാണ് ജാമ്യം അനുവദിച്ചതെന്നും പ്രോസിക്യൂഷന്‍ വാദിച്ചു. കേസ് ഡയറി ഹാജരാക്കാന്‍ അന്വേഷണ ഉദ്യോഗസ്ഥനോട് നിര്‍ദേശിച്ച അഡീ. സെഷന്‍സ് കോടതി കൂടുതല്‍ വാദത്തിനായി കേസ് തിങ്കളാഴ്ചത്തേയ്ക്ക് മാറ്റി.
17കാരന്റെ ജാമ്യം റദ്ദാക്കണമെന്ന ഹര്‍ജിയാണ് അഡീ. സെഷന്‍സ് കോടതി പരിഗണിച്ചത്. വാദത്തിനിടെ ജുവനൈല്‍ ജസ്റ്റിസ് ബോര്‍ഡിന്റെ നടപടികളെ പ്രോസിക്യൂഷന്‍ ചോദ്യം ചെയ്തു. ബോര്‍ഡിന് 17കാരന് ജാമ്യം അനുവദിക്കാനാവില്ല. അധികാരപരിധി മറികടന്നും സാഹചര്യങ്ങള്‍ പരിശോധിക്കാതെയുമാണ് ബോര്‍ഡ് ജാമ്യം അനുവദിച്ചത്. അതുകൊണ്ട് അത് റദ്ദാക്കി 17കാരനെ ഒബ്‌സര്‍വേഷന്‍ ഹോമിലേക്ക് മാറ്റണമെന്നതായിരുന്നു പ്രോസിക്യൂഷന്റെ ആവശ്യം.
17കാരന് അപകടത്തെ കുറിച്ച് നല്ല ബോധ്യമുണ്ട്. മഴ സമയത്ത് സ്റ്റിയറിങ്ങില്‍ നിന്ന് കൈവിട്ട് വാഹനം ഓടിച്ച് റീല്‍ ചിത്രീകരിച്ചാല്‍ അപകടം ഉണ്ടാവുമെന്ന കൃത്യമായ ബോധ്യം ഉണ്ട്. കേസില്‍ ജാമ്യം ലഭിച്ചതിന് പിന്നാലെ ഇന്‍സ്റ്റഗ്രാം ഐഡിയും അതിലെ വിവരങ്ങളും നീക്കം ചെയ്തതായും പ്രോസിക്യൂഷന്‍ വാദിച്ചു. വാദത്തിനിടെ ഇങ്ങനെ നീക്കം ചെയ്താല്‍ അത് തെളിവ് നശിപ്പിക്കല്‍ അല്ലേ എന്ന് കോടതി ചോദിച്ചു. തെളിവ് നശിപ്പിക്കാന്‍ അല്ലെന്നും കുട്ടിയുടെ സ്വകാര്യത പലരും സോഷ്യല്‍മീഡിയയില്‍ പങ്കുവെച്ചത് കൊണ്ടാണ് നീക്കം ചെയ്തതെന്നുമാണ് പ്രതിഭാഗം വാദിച്ചത്.
അങ്ങനെയെങ്കില്‍ എന്തുകൊണ്ട് സ്വകാര്യതയുമായി ബന്ധപ്പെട്ട വിഷയത്തില്‍ നടപടി എടുത്തില്ല എന്ന് കോടതി ചോദിച്ചു. ഇക്കാര്യം അന്വേഷണ ഉദ്യോഗസ്ഥന്‍ സൈബര്‍ പൊലീസില്‍ റിപ്പോര്‍ട്ട് ചെയ്ത് നടപടി എടുപ്പിക്കണമെന്നും കോടതി പറഞ്ഞു.
by Midhun HP News | Oct 31, 2026 | Latest News, കേരളം
കൊച്ചി: മയക്കുമരുന്ന് കേസിലെ പ്രധാന പ്രതി രണ്ട് വര്‍ഷത്തിന് ശേഷം ഹിമാചല്‍ പ്രദേശിലെ കുളുവില്‍ നിന്ന് പൊലീസ് പിടിയില്‍. തൃശൂര്‍ തലപ്പിള്ളി പൈങ്കുളം മങ്ങാട്ടു തൊടി വീട്ടില്‍ രാഗേഷ് (ജുമാഞ്ചി 32)നെയാണ് നെടുമ്പാശേരി പൊലീസ് പിടികൂടിയത്.
2024 ജൂണ്‍ 27 ന് ബംഗലൂരുവില്‍ നിന്ന് കാറില്‍ കടത്തുകയായിരുന്ന 316 ഗ്രാം എംഡിഎംഎ, 2 എല്‍എസ്ടിഡി സ്റ്റാംപ്, 420 ഗ്രാം കഞ്ചാവ് എന്നിവ അത്താണിയില്‍ വച്ച് പിടികൂടുകയായിരുന്നു. ഇതുമായി ബന്ധപ്പെട്ട് ആലുവ ചാലയക്കല്‍ തോട്ടു മുഖം കുമ്പശേരി വീട്ടില്‍ ആസാദ് (38), മലപ്പുറം തിരൂരങ്ങാടി കീഴ്മുറി കൂവുള്ളി വീട്ടില്‍ ഹരികൃഷ്ണന്‍ (28) എന്നിവരെ നേരത്തെ അറസ്റ്റ് ചെയ്തിരുന്നു. വാഹനവും കസ്റ്റഡിയിലെടുത്തു. മയക്കുമരുന്ന് വാങ്ങുന്നതിന് സാമ്പത്തിക സഹായം നല്‍കിയ രാഗേഷ് ഇവര്‍ പിടിയിലായതറിഞ്ഞ് കുളുവിലേക്ക് ഒളിവില്‍പ്പോകുകയായിരുന്നു.
കുളുവില്‍ ബേസ് ക്യാംപില്‍ നിന്ന് ഇരുപതു കിലോമീറ്റര്‍ മുകളില്‍ ഒരു റിസോര്‍ട്ടിലാണ് ഇയാള്‍ ടൂറിസ്റ്റ് ഗൈഡായി ഒളിവില്‍ കഴിഞ്ഞത്. അന്വേഷണ സംഘം വിനോദ സഞ്ചാരികളായി വേഷം മാറി ദിവസങ്ങളോളം ‘താമസിച്ചാണ് രാഗേഷിനെ കസ്റ്റഡിയിലെടുത്തത്.
Recent Comments