ആനന്ദകുട്ടൻ നായർ കെ (70) നിര്യാതനായി
തോന്നക്കൽ പാട്ടത്തിൻ കര പള്ളിക്കൽ വീറ്റിൽ ആനന്ദകുട്ടൻ നായർ കെ (70) (Rtd. സീനിയർ സൂപ്രണ്ട് മിലിട്ടറി എഞ്ചിനീയറിംഗ് സർവ്വിസ്) നിര്യാതനായി.
ഭാര്യ: ഗീത കുമാരി എ
മക്കൾ: അരുൺ എ. ജി, വരുൺ എ. ജി
മരുമകൾ: ഗ്രീഷ്മ
കെ.എസ്.ടി.എ ആറ്റിങ്ങൽ സബ്ജില്ല യാത്രയയപ്പ് യോഗം സംഘടിപ്പിച്ചു
കെ.എസ്.ടി.എ ആറ്റിങ്ങൽ സബ്ജില്ല യാത്രയയപ്പ് യോഗം സി.പി.ഐ.എം ആറ്റിങ്ങൽ ഏര്യാ സെക്രട്ടറി എം പ്രദീപ് ആറ്റിങ്ങൽ ടൗൺ യു.പി.എസിൽ ഉദ്ഘാടനം ചെയ്തു. സബ്ജില്ലാ പ്രസിഡന്റ് എം മഹേഷ് അധ്യക്ഷത വഹിച്ചു.
സംസ്ഥാന സെക്രട്ടറി എ.നജീബ്, ആറ്റിങ്ങൽ വെസ്റ്റ് ലോക്കൽ കമ്മിറ്റി സെക്രട്ടറി ഇൻ ചാർജ് എസ് സതീഷ് കുമാർ, ജില്ലാ ജോയിന്റ് സെക്രട്ടറി ജവാദ്, മുൻ ട്രഷറർ ബി.എസ് ഹരിലാൽ, ജില്ലാ എക്സിക്യൂട്ടീവ് കമ്മിറ്റി അംഗങ്ങളായ എം ബാബു, എച്ച് അരുൺ,റ്റി.പി രഞ്ജുഷ, സബ് ജില്ലാ സെക്രട്ടറി എസ് നിഹാസ്,റിട്ടയേർഡ് ഹെഡ്മാസ്റ്റർമാർ, അധ്യാപകർ എന്നിവർ പങ്കെടുത്തു.കെ.എസ്.ടി.എ തണ്ണീർ പന്തലിന്റെ ഉദ്ഘാടനവും ഏര്യാ സെക്രട്ടറി നിർവഹിച്ചു.
വഖഫ് ബിൽ ലോക്സഭ കടന്നു
ഡൽഹി: വഖഫ് നിയമഭേദഗതി ബിൽ ലോക്സഭയിൽ പാസായി. 288 പേർ ബില്ലിനെ അനുകൂലിച്ച് വോട്ട് ചെയ്തപ്പോൾ 232 പേർ എതിർത്ത് വോട്ട് ചെയ്തു. ബിൽ അവതരിപ്പിച്ച് ചർച്ചക്ക് ശേഷമായിരുന്നു വോട്ടെടുപ്പ്. 14 മണിക്കൂറിലേറെ നീണ്ട നടപടികൾക്ക് ശേഷമാണ് ബിൽ ലോക്സഭ കടന്നത്.
പ്രതിപക്ഷ അംഗങ്ങൾ അവതരിപ്പിച്ച ഭേദഗതികൾ വോട്ടിനിട്ട് തള്ളി. കെ.സി. വേണുഗോപാൽ, ഇ.ടി. മുഹമ്മദ് ബഷീർ, കെ. രാധാകൃഷ്ണൻ, എൻ.കെ. പ്രേമചന്ദ്രൻ എന്നിവരുടെ നിർദേശങ്ങളും വോട്ടിനിട്ട് തള്ളി. ഇന്ന് പുലർച്ചെ 2 മണിയോടെയാണ് ബിൽ പാസായത്. വഖഫ് സ്വത്തുക്കളെ നിയന്ത്രിക്കുന്ന 1995 ലെ നിയമം ഭേദഗതി ചെയ്യുന്നതിനാണ് കേന്ദ്ര സർക്കാർ ബിൽ അവതരിപ്പിച്ചത്. ബിൽ ഇന്നുതന്നെ രാജ്യസഭയിലും അവതരിപ്പിക്കും.
40 ശതമാനം വരെ വിലക്കുറവ്; കണ്സ്യൂമര് ഫെഡിന്റെ വിഷു-ഈസ്റ്റര് ചന്ത ഈ മാസം 12 മുതല്
തിരുവനന്തപുരം: സംസ്ഥാന സഹകരണ വകുപ്പിന്റെ നേതൃത്വത്തില് കണ്സ്യൂമര്ഫെഡ് മുഖേന ആരംഭിക്കുന്ന സഹകരണ വിഷു-ഈസ്റ്റര് സബ്സിഡി ചന്ത അടുത്തയാഴ്ച മുതല്. ഏപ്രില് 12 ശനിയാഴ്ച മുതല് 21 വരെ തുടര്ച്ചയായി 10 ദിവസം വിഷു-ഈസ്റ്റര് സബ്സിഡി ചന്തകള് നടത്താനാണ് തീരുമാനം.
വിഷു-ഈസ്റ്റര് ചന്തയുടെ സംസ്ഥാന തല ഉദ്ഘാടനം 11-ാം തീയതി രാവിലെ 9 മണിക്ക് മന്ത്രി വി എന് വാസവന് തിരുവനന്തപുരത്ത് നിര്വ്വഹിക്കും. കണ്സ്യൂമര്ഫെഡിന്റെ നിയന്ത്രണത്തില് പ്രവര്ത്തിക്കുന്ന ത്രിവേണി സൂപ്പര്മാര്ക്കറ്റുകളും, 14 ജില്ലാ കേന്ദ്രങ്ങളിലെ വില്പ്പന ശാലകളും ഉള്പ്പെടുത്തി 170 വിപണന കേന്ദ്രങ്ങള് ആണ് സജ്ജമാകുന്നത്.
പൊതു മാര്ക്കറ്റിനേക്കാള് 40% വരെ വിലക്കുറവില് നിത്യോപയോഗ സാധനങ്ങള് ലഭ്യമാകും. ഇതിനുപുറമെ ആന്ധ്രാ ജയ അരി, കുറുവ അരി, മട്ട അരി, പച്ചരി, പഞ്ചസാര, ഉഴുന്ന്, ചെറുപയര്, കടല, തുവരപ്പരിപ്പ്, വന്പയര്, മുളക്, മല്ലി, വെളിച്ചെണ്ണ, എന്നീ 13 ഇനങ്ങള് സര്ക്കാര് സബ്സിഡിയോട് കൂടി ലഭിക്കും. ഓരോ കേന്ദ്രത്തിലും പ്രതിദിനം 75 ഉപഭോക്താക്കള്ക്കാണ് സബ്സിഡി സാധനങ്ങള് വിതരണം ചെയ്യുക. ഇതോടൊപ്പം തന്നെ നോണ് സബ്സിഡി വിഭാഗത്തില് അവശ്യ നിത്യോപയോഗ സാധനങ്ങള്, സ്കൂള് സ്റ്റേഷനറികള്, നോട്ട് ബുക്കുകള് എന്നിവ 10% മുതല് 35% വിലക്കുറവില് ലഭ്യമാകും.
സ്വര്ണവില; 70,000 തൊടുമോ?
കൊച്ചി: സംസ്ഥാനത്ത് സ്വര്ണവില റെക്കോര്ഡുകള് ഭേദിച്ച് മുന്നേറുന്നത് തുടരുന്നു. കഴിഞ്ഞ ദിവസം ആദ്യമായി 68000 കടന്ന സ്വര്ണവില ഇന്ന് വീണ്ടും മുന്നേറി. 400 രൂപയാണ് വര്ധിച്ചത്. ഇതോടെ ഒരു പവന് സ്വര്ണത്തിന്റെ വില 68,480 രൂപയായി. ഗ്രാമിന് ആനുപാതികമായി 50 രൂപയാണ് വര്ധിച്ചത്. 8560 രൂപയായാണ് ഒരു ഗ്രാം സ്വര്ണത്തിന്റെ വില ഉയര്ന്നത്.
കഴിഞ്ഞ മാസം 20ന് 66,480 രൂപയായി ഉയര്ന്ന് സര്വകാല റെക്കോര്ഡ് ഇട്ടതിന് പിന്നാലെ അടുത്ത ദിവസങ്ങളില് സ്വര്ണവില കുറയുന്നതാണ് കണ്ടത്. പവന് ആയിരം കുറഞ്ഞ ശേഷം കഴിഞ്ഞ ആഴ്ച മുതലാണ് സ്വര്ണവില തിരിച്ചുകയറാന് തുടങ്ങിയത്. ഓരോ ദിവസം കഴിയുന്തോറും റെക്കോര്ഡുകള് ഭേദിച്ച് സ്വര്ണവില മുന്നേറുന്ന കാഴ്ചയാണ് ദൃശ്യമാകുന്നത്.
ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില് പ്രതിഫലിക്കുന്നത്. 18നാണ് സ്വര്ണവില ആദ്യമായി 66,000 തൊട്ടത്. ജനുവരി 22നാണ് പവന് വില ചരിത്രത്തില് ആദ്യമായി അറുപതിനായിരം കടന്നത്.
Recent Comments