by Midhun HP News | Apr 30, 2026 | Latest News, കേരളം
കൊച്ചി: കഴിഞ്ഞ വർഷം ഇന്ത്യൻ തീരങ്ങളിൽ നിന്ന് പിടിച്ചത് 35.7 ലക്ഷം ടൺ സമുദ്ര മത്സ്യമെന്ന് സിഎംഎഫ്ആർഐ റിപ്പോർട്ട്. മുൻ വർഷത്തേക്കാൾ ഇന്ത്യയിലാകെ മൂന്ന് ശതമാനത്തിൻ്റെ വർധനവുണ്ടായതായി കേന്ദ്ര സമുദ്ര മത്സ്യ ഗവേഷണ കേന്ദ്രത്തിന്റെ റിപ്പോർട്ടിൽ പറയുന്നു. രാജ്യത്ത് ഏറ്റവുമധികം മത്സ്യം പിടിച്ചത് തമിഴ്നാട്ടിലാണ്. 6.85 ലക്ഷം ടൺ. പ്രതികൂല കാലാവസ്ഥയും മത്സ്യബന്ധന നിരോധന കാലയളവ് നീട്ടിയതിനാലും ഗുജറാത്ത് രണ്ടാം സ്ഥാനത്തേക്ക് പിന്തള്ളപ്പെട്ടു. രണ്ട് ശതമാനം വർധനവോടെ കേരളം മൂന്നാം സ്ഥാനം നിലനിർത്തി.
കേരളത്തിൽ മത്തിയുടെ ലഭ്യത 13 ശതമാനം കൂടി കഴിഞ്ഞ പതിറ്റാണ്ടിനിടയിലെ ഉയർന്ന ലഭ്യതയിലെത്തി 1.68 ലക്ഷം ടൺ ആയി. സംസ്ഥാനത്ത് ഏറ്റവുമധികം പിടിച്ച മത്സ്യവും മത്തിയാണ്. 2013ന് ശേഷമുള്ള ഏറ്റവും വലിയ ലഭ്യതയാണിത്. കഴിഞ്ഞ വർഷം 1.49 ലക്ഷം ടണ്ണായിരുന്നു. കേരളത്തിലെ ആകെ സമുദ്രമത്സ്യ ലഭ്യത 6.24 ലക്ഷം ടണ്ണാണ്. മത്തിക്ക് പുറമെ, കിളിമീൻ, കണവ, കൂന്തൽ, നീരാളി ഇനങ്ങളുടെ ലഭ്യതയിലും വർധനവുണ്ടായി. എന്നാൽ തിരിയാൻ, ചെമ്മീൻ, പാമ്പാട എന്നിവ കുറഞ്ഞു.
മത്തി കഴിഞ്ഞാല്, അയല (62,269 ടണ്), കൊഴുവ (43,917 ടണ്), കിളിമീന് (43,184 ടണ്), ചെമ്മീന് (40,443 ടണ്) എന്നിവയാണ് കേരളത്തില് കഴിഞ്ഞ വര്ഷം ഏറ്റവും കൂടുതല് ലഭിച്ച മത്സ്യയിനങ്ങള്.
ശക്തമായ മഴയും ചരക്കു കപ്പല് അപകടവും കാരണം മെയ്, ജൂണ് മാസങ്ങളില് തെക്കന് ജില്ലകളില് മത്സ്യബന്ധന ദിവസത്തില് കുറവുണ്ടായി. സംസ്ഥാനത്ത് എറണാകുളം ജില്ലയിലാണ് ഏറ്റവും കൂടുതല് മീന് ലഭിച്ചത്. കൊല്ലം, കോഴിക്കോട് ജില്ലകളാണ് യഥാക്രമം രണ്ടും മൂന്നും സ്ഥാനങ്ങളിലുള്ളത്. ഹാര്ബറുകളില് കൊല്ലം ജില്ലയിലെ നീണ്ടകരയാണ് മുന്നില്. എറണാകുളം ജില്ലയിലെ മുനമ്പം രണ്ടാമതാണ്.
രാജ്യത്താകെ അയലയാണ് ഏറ്റവും കൂടുതല് ലഭിച്ച മത്സ്യം (2.70 ലക്ഷം ടണ്). സമുദ്ര മത്സ്യോല്പാദനത്തില് കര്ണാടകയില് 44 ശതമാനവും മഹാരാഷ്ട്രയില് 18 ശതമാനവും വര്ധനവ് രേഖപ്പെടുത്തി. അനുകൂലമായ പാരിസ്ഥിതിക ഘടകങ്ങളാണ് മത്തി പോലുള്ള ചെറിയ മീനുകള്ക്ക് ഗുണകരമായതെന്ന് സിഎംഎഫ്ആര്ഐ ഡയറക്ടര് ഡോ ഗ്രിന്സണ് ജോര്ജ് പറഞ്ഞു. നിയന്ത്രിത രീതിയിലുള്ള മത്സ്യബന്ധനവും സഹായകരമായെന്നും അദ്ദേഹം പറഞ്ഞു.
കുസാറ്റിലെ വിദ്യാര്ഥിനി സ്വകാര്യ ഹോസ്റ്റലില് മരിച്ച നിലയില്; റിപ്പോര്ട്ട് തേടി വിസി
സമുദ്രമത്സ്യ മേഖലയില് നിന്നുള്ള വരുമാനത്തിലും വര്ധനയുണ്ടായി. ഇന്ത്യയിലാകെ ലാന്ഡിംഗ് സെന്ററുകളില് 69,254 കോടി രൂപയും (10.45 ശതമാനം വര്ധനവ്) ചില്ലറ വിപണിയില് 97,702 കോടി രൂപയും (8.43 ശതമാനം വര്ധനവ്) വിറ്റുവരവുണ്ടായി. കേരളത്തില് ലാന്ഡിംഗ് സെന്ററുകളിലെ മൂല്യം 12,665 കോടി രൂപയും (17.8% വര്ധനവ്), ചില്ലറ വിപണിയിലേത് 16,681 (11.1% വര്ധനവ്) കോടി രൂപയുമാണ്. വിപണന കാര്യക്ഷമതയില് കേരളം രാജ്യത്ത് ഒന്നാമതാണ് (72.83 ശതമാനം).
by Midhun HP News | Apr 30, 2026 | Latest News, ജില്ലാ വാർത്ത
ആറ്റിങ്ങൽ: നഗരസഭ മുൻ കൗൺസിലർ ആറ്റിങ്ങൽ കുഴിവിള പുത്തൻവീട്ടിൽ കെ.വി ജയപാലൻ (89) നിര്യാതനായി. ദീർഘകാലം കേരള കൗമുദി പ്രതിനിധി ആയിരുന്നു. സജീവ സിപിഎം പ്രവർത്തകനും പത്ര ഏജൻ്റ് ആയും പ്രവർത്തിച്ചു.
ഭാര്യ: ഓമന.
മക്കൾ: മനോജ്, പ്രിയജ, ബിനോജ്.
സംസ്കാരം നാളെ ഉച്ചയ്ക്ക് 12.30 ന് ആറ്റിങ്ങൽ മുനിസിപ്പൽ ശ്മശാനത്തിൽ.
by Midhun HP News | Apr 30, 2026 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ കാരുണ്യ പ്ലസ് ലോട്ടറി ഫലം പ്രഖ്യാപിച്ചു. PD 180857 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ PH 343458 എന്ന നമ്പറിലുള്ള ടിക്കറ്റിനാണ്. PD 847745 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize ₹5,000/-
PA 180857
PB 180857
PC 180857
PE 180857
PF 180857
PG 180857
PH 180857
PJ 180857
PK 180857
PL 180857
PM 180857
4th Prize ₹5,000/-
0450 0463 0896 1354 1689 2824 3803 4673 5115 5607 6435 7060 7423 7617 8261 8510 8825 8991 9666
5th Prize ₹2,000/-
4712 5604 5897 6809 7003 8151
6th Prize ₹1,000/-
0015 0146 0198 0251 0454 0692 0732 1270 1522 3117 3363 3602 4071 4239 5310 5678 5682 5832 7141 8024 8161 9063 9405 9504 9830
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Apr 30, 2026 | Latest News, ദേശീയ വാർത്ത
ഡല്ഹി: പശ്ചിമേഷ്യന് സംഘര്ഷത്തിന്റെ പശ്ചാത്തലത്തില് എണ്ണവില കുത്തനെ ഉയര്ന്നതിനെ തുടര്ന്ന് ഉണ്ടായ വര്ധിച്ച ഊര്ജ്ജ ചെലവ് ഉപഭോക്താക്കള്ക്ക് കൈമാറേണ്ടത് അനിവാര്യമാണെന്ന് കേന്ദ്രസര്ക്കാര്. കേന്ദ്ര ധനകാര്യ മന്ത്രാലയത്തിന്റെ പ്രതിമാസ സാമ്പത്തിക അവലോകന റിപ്പോര്ട്ടിലാണ് ഇന്ധനവില ഉയര്ത്തേണ്ടതിന്റെ ആവശ്യകത ചൂണ്ടിക്കാണിക്കുന്നത്.
‘ചില രാജ്യങ്ങള് ഇതിനോടകം തന്നെ വില വര്ധനയുടെ ഭാരം ഉപഭോക്താക്കളിലേക്ക് കൈമാറാന് തുടങ്ങിയിട്ടുണ്ട്. മറ്റു ചിലര് ഇതുവരെ അത് ചെയ്തിട്ടില്ല. എന്നാല് ഇത് അനിവാര്യമാണ്,’- മന്ത്രാലയം പറഞ്ഞു. വിതരണ തടസ്സങ്ങള് നേരിടുന്ന സമയത്ത് ഉപഭോഗം കുറയ്ക്കേണ്ടതുണ്ടെന്നും അല്ലാത്തപക്ഷം രാജ്യങ്ങള് ഊര്ജ്ജ വിതരണത്തിന് വലിയ വില നല്കേണ്ടി വരുമെന്നും റിപ്പോര്ട്ട് കൂട്ടിച്ചേര്ത്തു.
മാക്രോ ഇക്കണോമിക് സ്ഥിരതയ്ക്കായി ആഹ്വാനം ചെയ്ത റിപ്പോര്ട്ട്, ഹ്രസ്വകാല വളര്ച്ച വീണ്ടെടുക്കാനുള്ള ഏതൊരു ശ്രമവും ദീര്ഘകാല വളര്ച്ചാ സാധ്യതകള്ക്ക് വലിയ ദോഷം ചെയ്തേക്കാമെന്നും മുന്നറിയിപ്പ് നല്കുന്നു. ഊര്ജ്ജ വിതരണം സാധാരണ നിലയിലാകാന് സമയമെടുക്കുമെന്നതിനാല്, പ്രതിസന്ധി ഇനിയും നീണ്ടുനിന്നേക്കാമെന്നും മന്ത്രാലയം സൂചിപ്പിച്ചു.
‘ഊര്ജ്ജ വിതരണത്തില് പെട്ടെന്ന് തന്നെ സാധാരണ നില കൈവരിക്കാനാകുമെന്ന് പല അന്താരാഷ്ട്ര ഏജന്സികളും തെറ്റായി കരുതുന്നു. ഉല്പ്പാദനം പുനഃസ്ഥാപിക്കുന്നതിനും ഷിപ്പിംഗ് പുനരാരംഭിക്കുന്നതിനും ആവശ്യമായ സമയം ഈ പ്രവചനങ്ങള് കണക്കിലെടുക്കുന്നില്ല,’- മന്ത്രാലയം പറഞ്ഞു. അതിനാല് ഊര്ജ്ജ വില ഉയര്ന്ന നിലയില് തന്നെ തുടരാന് സാധ്യതയുണ്ട്.
മാര്ച്ച് മാസത്തില് ബാരലിന് ശരാശരി 113 ഡോളറായിരുന്നു എണ്ണവില. ഏപ്രിലില് ഇത് 115 ഡോളറിന് തൊട്ടുതാഴെയാണ്. വില്പ്പനയില് പെട്രോളിനും ഡീസലിനും യഥാക്രമം ലിറ്ററിന് 14 രൂപയും 18 രൂപയും എന്ന നിലയില് വിതരണ കമ്പനികള് നഷ്ടം നേരിടുന്നതായും റിപ്പോര്ട്ടുകള് ചൂണ്ടിക്കാണിക്കുന്നു. കൂടാതെ നടപ്പു നികുതി വര്ഷത്തില് ആഭ്യന്തര എല്പിജി സബ്സിഡി നഷ്ടം80,000 കോടി രൂപയായിരിക്കുമെന്നും കണക്കാക്കപ്പെടുന്നു. തന്ത്രപ്രധാനമായ കരുതല് ശേഖരം വര്ദ്ധിപ്പിക്കുന്നത് ഉള്പ്പെടെയുള്ള കൂടുതല് പരിഷ്കാരങ്ങള് നടപ്പിലാക്കാനുള്ള അവസരമായി ഈ പ്രതിസന്ധിയെ കാണണമെന്നും മന്ത്രാലയം പറഞ്ഞു.
by Midhun HP News | Apr 30, 2026 | Latest News, കേരളം
തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. ഇന്ന് 7 ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് മുന്നറിയിപ്പുള്ളത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. ഈ ജില്ലകളില് 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുമെന്നാണ് മുന്നറിയിപ്പ്.
അടുത്ത 3 മണിക്കൂറില് കേരളത്തിലെ മലപ്പുറം ജില്ലയില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
വിവിധ ജില്ലകളില് കേന്ദ്ര കാലാവസ്ഥാ വകുപ്പ് പുറപ്പെടുവിച്ച യെല്ലോ അലര്ട്ട്
30/04/2026 : തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം
01/05/2026 : കോട്ടയം, ഇടുക്കി, മലപ്പുറം, വയനാട്
02/05/2026 : ആലപ്പുഴ, കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂര്
എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്.
Recent Comments