80 ലക്ഷം രൂപയുടെ ഒന്നാം സമ്മാനം ചിറ്റൂരിൽ വിറ്റ ടിക്കറ്റിന്; കാരുണ്യ പ്ലസ് ലോട്ടറി ഫലം പ്രഖ്യാപിച്ചു

by Midhun HP News | Dec 19, 2024 | Latest News, ജില്ലാ വാർത്ത

തിരുവനന്തപുരം : കേരള സംസ്ഥാന ഭാഗ്യക്കുറി വകുപ്പിന്റെ കാരുണ്യ പ്ലസ് ലോട്ടറിയുടെ KN – 552 നറുക്കെടുപ്പ് ഫലം പ്രഖ്യാപിച്ചു. ചിറ്റൂരിൽ വിറ്റ PF 331110 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ 80 ലക്ഷം രൂപ. രണ്ടാം സമ്മാനമായ പത്തുലക്ഷം രൂപ മൂവാറ്റുപുഴയിൽ വിറ്റ PG 873015 എന്ന നമ്പറിലുള്ള ടിക്കറ്റിനാണ്.

ഉച്ച കഴിഞ്ഞ് മൂന്ന് മണിയോടെയാണ് നറുക്കെടുപ്പ് നടന്നത്. ഭാഗ്യക്കുറി വകുപ്പിന്റെ ഔദ്യോഗിക വെബ്‌സൈറ്റായ https://statelottery.kerala.gov.inൽ ഫലം ലഭ്യമാകും. ടിക്കറ്റ് വില 40 രൂപയാണ്.

ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.

ചിറയിൻകീഴിൽ സ്കൂ‌ൾ വിദ്യാർത്ഥിയുടെ കാലിൽ കാർ കയറി കാലിന് പരിക്ക്. അപകടമുണ്ടാക്കിയ കാർ നിർത്താതെ പോയതായി പരാതി

by Midhun HP News | Dec 19, 2024 | Latest News, ജില്ലാ വാർത്ത

ചിറയിൻകീഴ് സ്കൂ‌ൾ വിദ്യാർത്ഥിയുടെ കാലിൽ കാർ കയറി കാലിന് പരിക്ക്. അപകടമുണ്ടാക്കിയ കാർ നിർത്താതെ പോയതായി പരാതി. കൂന്തള്ളൂർ പി എൻ എം ഗവ.എച്ച് എസിലെ ഒൻപതാം ക്ലാസിലെ ഗോവർദ്ധൻ എസ്സിനാണ് പരിക്ക്. സ്‌കൂൾ പരീക്ഷ കഴിഞ്ഞ് ഉച്ചയ്ക്ക് ഒരുമണിയോടെ ഗോവർദ്ധനും സുഹൃത്തും കൂടി ആഹാരം കഴിക്കുന്നതിനായി വീട്ടിലേയ്ക്കു നടന്നു പോകവേയാണ് ഗോവർദ്ധന്റെ കാൽപ്പാദത്തിലൂടെ കാർ കയറിയത്.

ചിറയിൻകീഴ് ഭാഗത്തു നിന്ന് കോരാണിയിലേയ്ക്കു പോയ കാർ അപകടമുണ്ടാക്കിയ ശേഷം നിർത്താതെ പോയതായി കാണിച്ചു ഗോവർദ്ധന്റെ മാതാവ് ചിറയിൻകീഴ് പോലീസിൽ പരാതി നൽകി. നീരും വേദനയും വർദ്ധിച്ചതിനെത്തുടർന്ന് ഗോവർദ്ധനെ ചിറയിൻകീഴ് താലൂക്ക് ആശുപത്രിയിൽ പ്രവേശിപ്പിക്കുകയും കാൽ വിരലിന് പൊട്ടൽ ഉണ്ടായതിനാൽ പ്ലാസ്റ്ററിടുകയുമായിരുന്നു.

കേരള യൂണിവേഴ്സിറ്റി എം എസ് സി മൈക്രോ ബയോളജി പരീക്ഷയിൽ ഒന്നാം റാങ്ക് കരസ്ഥമാക്കി ചിറയിൻകീഴ് സ്വദേശിനി

by Midhun HP News | Dec 19, 2024 | Latest News, ജില്ലാ വാർത്ത

കേരള യൂണിവേഴ്സിറ്റി എം എസ് സി മൈക്രോ ബയോളജി പരീക്ഷയിൽ ഒന്നാം റാങ്ക് കരസ്ഥമാക്കി ധനശ്രീ. വി.എ. തോന്നയ്ക്കൽ എ.ജെ. കോളേജ് ഓഫ് സയൻസ് ആൻഡ് ടെക്നോളജിയിലെ വിദ്യർത്ഥിനിയാണ്. ചിറയിൻകീഴ് കൂന്തള്ളൂർ പഞ്ചവടിയിൽ അനിൽകുമാർ – വിജയ അനിൽകുമാർ (ചിറയിൻകീഴ് സഭവിള ശ്രീനാരായണാശ്രമം വനിതാ ഭക്തജനസമിതി സെക്രട്ടറി) ദമ്പതികളുടെ മകളാണ് ധനശ്രീ.

പൂസായി ആൺ പുലി…..വാറ്റു കേന്ദ്രത്തിൽ കടന്ന് ഒരു ലിറ്ററോളം ചാരായം അകത്താക്കി,വീഡിയോ

by Midhun HP News | Dec 19, 2024 | Latest News, ജില്ലാ വാർത്ത

കർണ്ണാടകയിലെ കുടക് ജില്ലയിൽ വനത്തോട് ചേർന്ന് കടക്കുന അയ്യങ്കേരി എന്ന സ്ഥലത്ത്, നാടൻ ചരായം വാറ്റു കേന്ദ്രത്തിൽ കടന്ന് ആളുകളെ ഭയപ്പെടുത്തി ഓടിച്ച ആൺ പുലി.
അതിന് ശേഷം അവിടെ പരന്ന പാത്രത്തിൽ ചൂടാറാനായി എടുത്തു വച്ചിരുന്ന ഒരു ലിറ്ററോളം ചാരായം ഒട്ടും ബാക്കി വയ്ക്കാതെ കുടിച്ചു തീർത്തു. വിവരമറിഞ്ഞ നാട്ടുകാർ അന്വേഷിച്ചു വന്നപ്പോൾ കണ്ടത് പൂസായി നടക്കാൻ കഴിയാത്ത പുലിയെ. നാട്ടുകാർ അവനെ തട്ടിയും മുട്ടിയും എണീപ്പിച്ച് ഫോറസ്റ്റോഫീസിൽ ഏൽപ്പിക്കാൻ നടത്തിക്കൊണ്ടുപോകുന്ന ഗംഭീര കാഴ്ച്ച.