ആറ്റിങ്ങൽ: മേലാറ്റിങ്ങൽ ശ്രീനിലയത്തിൽ (വടക്കതിൽ) ശാന്തമ്മ അന്തരിച്ചു. 72 വയസ്സായിരുന്നു. പരേതനായ തങ്കപ്പക്കുറുപ്പിന്റെ ഭാര്യയാണ്. ശാരീരിക സംബന്ധമായ അസുഖങ്ങളാൽ ചികിത്സയിൽ ഇരിക്കെ ഇന്ന് രാവിലെ 10 മണിയോടെ വീട്ടിൽ വച്ചായിരുന്നു അന്ത്യം സംഭവിച്ചത്. സംസ്കാരം വിദേശത്തുള്ള മകൻ വന്നതിനുശേഷം നാളെ രാവിലെ 9 മണിക്ക് ശേഷം വീട്ടുവളപ്പിൽ നടക്കും.
മക്കൾ: സുനിൽകുമാർ (ഗൾഫ്), സുനിത.
മരുമക്കൾ: ദീപാസുനിൽ, പരേതനായ വേണുഗോപാലൻ നായർ.
കൊല്ലം: നഗരസഭ മുൻ കൗൺസിലർ കല്ലടയാറ്റിൽ ചാടി ആത്മഹത്യ ചെയ്തു. പുനലൂർ മുൻ നഗരസഭ കൗൺസിലർ സിന്ധു ഉദയകുമാർ ആണ് പുഴയിൽ ചാടി ജീവനൊടുക്കിയത്. സിന്ധുവിന്റെ മൃതദേഹം കല്ലടയാറ്റിൽ മൂക്കടവ് ഭാഗത്തു നിന്നും കണ്ടെത്തി. സിന്ധുവും സുഹൃത്തുകളും തമ്മിൽ സാമ്പത്തിക ഇടപാട് ഉണ്ടായിരുന്നുവെന്ന് പൊലീസ് പറയുന്നു. ഈ ഇടപാടുമായി ബന്ധപ്പെട്ടു നഗരസഭയിലെ ജീവനക്കാരിയുമായി കഴിഞ്ഞ ദിവസം തർക്കവും വാക്കേറ്റവും ഉണ്ടായിരുന്നു. ഇതിനു ശേഷമാണു കല്ലടയറ്റിലേക്കു സിന്ധു ചാടിയതെന്ന് ഭർത്താവ് ഉദയകുമാർ പറഞ്ഞു. സ്വർണാഭരണങ്ങളും പണവും എടിഎം കാർഡും വീട്ടുകാരെ ഏൽപ്പിച്ച ശേഷമായിരുന്നു ആത്മഹത്യ. വിവരമറിഞ്ഞെത്തിയ ഫയർഫോഴ്സ് സംഘമാണ് പുഴയിൽ നിന്നും മൃതേഹം കണ്ടെത്തിയത്. പോസ്റ്റുമോർട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുകൊടുത്തു.
ആലപ്പുഴ: ആലപ്പുഴയിൽ യുവാവിന്റെ മൃതദേഹം കാറിൽ കത്തിക്കരിഞ്ഞ നിലയിൽ കണ്ടെത്തി. എടത്വ പൊലീസ് അന്വേഷണം ആരംഭിച്ചു. എടത്വ തായങ്കരി ബോട്ട് ജെട്ടിയ്ക്ക് സമീപമാണ് മൃതദേഹം കണ്ടെത്തിയത്. ഇന്ന് പുലർച്ചെ നാലരയോടെയാണ് കാർ കത്തുന്നത് നാട്ടുകാരുടെ ശ്രദ്ധയിൽപെട്ടത്. ഫയർ ഫോഴ്സെത്തി തീയണച്ചു. എടത്വ സ്വദേശി ജയിംസ്കുട്ടിയുടേതാണ് കാറെന്ന് കണ്ടെത്തി. മൃതദേഹം കത്തിക്കരിഞ്ഞ നിലയിലായതിനാൽ ആരുടേതാണെന്ന് വ്യക്തമായിട്ടില്ല. കാർ കത്താനിടയായ കാരണത്തെ കുറിച്ചും വ്യക്തതയില്ല. സംഭവത്തിൽ വിശദമായ അന്വേഷണം നടത്തുമെന്ന് പൊലീസ് അറിയിച്ചു.
ആറ്റിങ്ങൽ: അവനവഞ്ചേരി കൈപ്പറ്റിമുക്ക് കല്ലുവിള വീട്ടിൽ രാജേന്ദ്രൻ നായർ(72) അന്തരിച്ചു.
ഭാര്യ: രമ.
മക്കൾ: ജീവൻരാജ്, ജിജോരാജ്.
മരുമക്കൾ:പ്രിയ,ചിഞ്ചു.
കിളിമാനൂർ: നാടൻപാട്ട് കലാകാരനും കലാഭവൻമണി പുരസ്കാര ജേതാവും സിപിഐ എം കടുവയിൽ ബ്രാഞ്ചംഗവുമായ അജിത് തോട്ടയ്ക്കാടിന്റെ മാതാവ് പറകുന്ന് ശിവപുരം കെ ആർ ഭവനിൽ രേണുക (62) അന്തരിച്ചു.
ഭർത്താവ്: കരുണാകരകുറുപ്പ് (റിട്ട എൽഐസി,തോറ്റംപാട്ട് കലാകാരൻ)
ഇളയമകൻ അജിൻ.
മരുമക്കൾ ഷീബ, ജിരിഷ്മ.
സഞ്ചയനം: ഞായറാഴ്ച രാവിലെ 8.30ന്
ആനന്ദ് മോട്ടോഴ്സ് ഉടമ വിവേക് (ജോയ്) അന്തരിച്ചു.
Recent Comments