by Midhun HP News | Feb 12, 2024 | Latest News, ജില്ലാ വാർത്ത
തിരുവനന്തപുരം: വന് ലാഭം വാഗ്ദാനം ചെയ്ത് നിക്ഷേപകരെ ക്ഷണിക്കുന്ന തട്ടിപ്പുകള്ക്കായി കൂടുതലായി ദുരുപയോഗം ചെയ്യുന്നത് ടെലിഗ്രാമിനെ എന്ന് പൊലീസ്. സാമൂഹിക മാധ്യമങ്ങളിലൂടെ വലയിലാക്കുന്നവരെ ടെലിഗ്രാം ഗ്രൂപ്പില് ചേരാന് പ്രേരിപ്പിച്ചാണ് തട്ടിപ്പിന് തുടക്കമിടുന്നതെന്നും കേരള പൊലീസ് ഫെയ്സ്ബുക്കിലൂടെ മുന്നറിയിപ്പ് നല്കി.
‘തങ്ങള്ക്ക് ലഭിച്ച വന് തുകയുടെയും മറ്റും കണക്കുകള് ആകും ഈ ഗ്രൂപ്പിലെ മറ്റ് അംഗങ്ങള്ക്ക് പറയാനുണ്ടാവുക. അവര്ക്ക് പണം ലഭിച്ചു എന്ന തെളിയിക്കാന് സ്ക്രീന്ഷോട്ടുകളും പങ്കുവെയ്ക്കും. എന്നാല്, ആ ഗ്രൂപ്പില് നിങ്ങള് ഒഴികെ ബാക്കി എല്ലാവരും തട്ടിപ്പുകാരുടെ ആള്ക്കാരാണെന്ന കാര്യം നമ്മള് ഒരിക്കലും അറിയില്ല എന്നതാണ് സത്യം’- കേരള പൊലീസ് പറയുന്നു.
‘തുടര്ന്ന് ഏതെങ്കിലും വ്യാജ വെബ്സൈറ്റ് കാണിച്ച് നിക്ഷേപം നടത്താന് ആവശ്യപ്പെടുന്നു. മിക്ക തട്ടിപ്പുകളും ഏതാണ്ട് സമാനമായ രീതിയിലാണ്. തുടക്കത്തില് ചെറിയ തുക നിക്ഷേപിക്കുന്നവര്ക്കുപോലും തട്ടിപ്പുകാര് അമിത ലാഭം നല്കും. ഇതോടെ തട്ടിപ്പുകാരില് ഇരകള്ക്ക് കൂടുതല് വിശ്വാസമാകും. പിന്നീട് നിക്ഷേപിച്ചതിനേക്കാള് രണ്ടോ മൂന്നോ ഇരട്ടി ലാഭം നേടിയതായി സ്ക്രീന്ഷോട്ട് നല്കും. എന്നാല് ഇത് സ്ക്രീന്ഷോട്ട് മാത്രമാണെന്നും പിന്വലിക്കാന് ആകില്ലെന്നും നിക്ഷേപകര്ക്ക് വൈകിയാണ് മനസിലാകുന്നത് . പണം പിന്വലിക്കാന് ആഗ്രഹിക്കുമ്പോള് ജിഎസ്ടിയുടെയും നികുതിയുടെയും മറവില് തട്ടിപ്പുകാര് കൂടുതല് പണം തട്ടിയെടുക്കുന്നു’- കേരള പൊലീസ് മുന്നറിയിപ്പ് നല്കി.
കുറിപ്പ്:
വന് ലാഭം വാഗ്ദാനം ചെയ്ത് നിക്ഷേപകരെ ക്ഷണിക്കുന്ന തട്ടിപ്പുകളില് കൂടുതലും നടക്കുന്നത് സാമൂഹ്യ മാധ്യമങ്ങളിലൂടെയാണ്. ടെലഗ്രാം ആണ് ഇതിനായി വ്യാപകമായി ഉപയോഗിക്കുന്നത്.
സാമൂഹിക മാധ്യമങ്ങളിലൂടെ വലയിലാക്കുന്നവരെ ടെലിഗ്രാം ഗ്രൂപ്പില് ചേരാന് തട്ടിപ്പുകാര് പ്രേരിപ്പിക്കുന്നു. തങ്ങള്ക്ക് ലഭിച്ച വന് തുകയുടെയും മറ്റും കണക്കുകള് ആകും ഈ ഗ്രൂപ്പിലെ മറ്റ് അംഗങ്ങള്ക്ക് പറയാനുണ്ടാവുക. അവര്ക്ക് പണം ലഭിച്ചു എന്ന തെളിയിക്കാന് സ്ക്രീന്ഷോട്ടുകളും പങ്കുവെയ്ക്കും. എന്നാല്, ആ ഗ്രൂപ്പില് നിങ്ങള് ഒഴികെ ബാക്കി എല്ലാവരും തട്ടിപ്പുകാരുടെ ആള്ക്കാരാണെന്ന കാര്യം നമ്മള് ഒരിക്കലും അറിയില്ല എന്നതാണ് സത്യം.
തുടര്ന്ന് ഏതെങ്കിലും വ്യാജ വെബ്സൈറ്റ് കാണിച്ച് നിക്ഷേപം നടത്താന് ആവശ്യപ്പെടുന്നു. മിക്ക തട്ടിപ്പുകളും ഏതാണ്ട് സമാനമായ രീതിയിലാണ്. തുടക്കത്തില് ചെറിയ തുക നിക്ഷേപിക്കുന്നവര്ക്കുപോലും തട്ടിപ്പുകാര് അമിത ലാഭം നല്കും. ഇതോടെ തട്ടിപ്പുകാരില് ഇരകള്ക്ക് കൂടുതല് വിശ്വാസമാകും. പിന്നീട് നിക്ഷേപിച്ചതിനേക്കാള് രണ്ടോ മൂന്നോ ഇരട്ടി ലാഭം നേടിയതായി സ്ക്രീന്ഷോട്ട് നല്കും. എന്നാല് ഇത് സ്ക്രീന്ഷോട്ട് മാത്രമാണെന്നും പിന്വലിക്കാന് ആകില്ലെന്നും നിക്ഷേപകര്ക്ക് വൈകിയാണ് മനസിലാകുന്നത് . പണം പിന്വലിക്കാന് ആഗ്രഹിക്കുമ്പോള് ജിഎസ്ടിയുടെയും നികുതിയുടെയും മറവില് തട്ടിപ്പുകാര് കൂടുതല് പണം തട്ടിയെടുക്കുന്നു.
തട്ടിപ്പിന് ഇരയാകുന്നതിലും നല്ലത് തട്ടിപ്പിന് ഇരയാകാതെ വിവേകത്തോടെ പെരുമാറുന്നതാണ്.
ഓണ്ലൈന് സാമ്പത്തികത്തട്ടിപ്പിനിരയായാല് ഒരുമണിക്കൂറിനകം [ GOLDEN HOUR ] തന്നെ വിവരം 1930 ല് അറിയിക്കുക. എത്രയും നേരത്തെ റിപ്പോര്ട്ട് ചെയ്താല് തട്ടിപ്പിന് ഇരയായ വ്യക്തിക്ക് നഷ്ടപ്പെട്ട തുക തിരിച്ചു ലഭിക്കാനുള്ള സാധ്യത കൂടുതലാണ്.
www cybercrime gov in എന്ന വെബ്സൈറ്റിലും പരാതി രജിസ്റ്റര് ചെയ്യാവുന്നതാണ്.
by Midhun HP News | Feb 12, 2024 | Latest News, ജില്ലാ വാർത്ത
തിരുവനന്തപുരം: തിരുവനന്തപുരത്ത് പോത്തൻകോട് ഇതരസംസ്ഥാന തൊഴിലാളിയെ കിണറിനുള്ളിൽ മരിച്ച നിലയിൽ കണ്ടെത്തി. പശ്ചിമ ബംഗാൾ സ്വദേശി നന്ദു വിശ്വാസ് (59) നെയാണ് മരിച്ചനിലയിൽ കണ്ടെത്തിയത്.
ഇയാളെ ഇന്നലെ മുതൽ കാണാനില്ലായിരുന്നു. തുടർന്ന് വൈകീട്ടോടെ പോത്തൻകോട് പൊലീസിൽ പരാതി നൽകി. അന്വേഷണത്തിനിടെയാണ് ഇന്ന് രാവിലെ കൂടെയുള്ളവർ വെള്ളം കോരുന്ന സമയത്ത് കിണറിനുള്ളിൽ മൃതദേഹം കണ്ടത്. അഗ്നിരക്ഷാ സേനയുടെ സഹായത്തോടെ മൃതദേഹം പുറത്തെടുത്തു. മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി.
by Midhun HP News | Feb 12, 2024 | Latest News, ജില്ലാ വാർത്ത
തിരുവനന്തപുരം: കിളിമാനൂരിൽ യുവാവ് മരിച്ചത് സൂര്യാതപമേറ്റെന്ന് പോസ്റ്റ്മോർട്ടം റിപ്പോർട്ട്. തട്ടത്തുമല സ്വദേശി സുരേഷ് (33)ആണ് മരിച്ചത്. പോസ്റ്റുമാർട്ടത്തിന് ശേഷം ലഭിച്ച പ്രാഥമിക റിപ്പോർട്ടിലാണ് സൂര്യാഘാതമാണ് മരണകാരണമെന്ന് സ്ഥിരീകരിച്ചത്. വെള്ളിയാഴ്ച രാവിലെയാണ് കിളിമാനൂർ കാനറയിൽ സുരേഷ് കുഴഞ്ഞു വീണത്. മദ്യപിച്ചു കിടക്കുകയാണെന്ന് കരുതി സമീപവാസികൾ ഗൗനിച്ചില്ലെന്ന് പരാതിയുണ്ട്. വൈകിട്ടും എഴുന്നേൽക്കാതിരുന്നതോടെയാണ് അബോധാവസ്ഥയിലായ യുവാവിനെ ആശുപത്രിയിലെത്തിച്ചത് അപ്പോഴേക്കും അദ്ദേഹം മരിച്ചിരുന്നു . ശരീരത്തിൽ സൂര്യതാപത്താൽ പൊള്ളലേറ്റ പാടുകൾ ഉണ്ടായിരുന്നു. ഇതോടെ മെഡിക്കൽ കോളജ് ആശുപത്രിയിലെത്തിച്ച് പോസ്റ്റ്മോർട്ടം നടത്തുകയായിരുന്നു.
by Midhun HP News | Feb 12, 2024 | Latest News, ജില്ലാ വാർത്ത
തിരുവനന്തപുരം: ലോക്സഭാ തെരഞ്ഞെടുപ്പിന് മുന്പ് സംസ്ഥാനത്ത് രണ്ടുമാസത്തെ ക്ഷേമ പെന്ഷന് കുടിശിക നല്കാന് സിപിഎം സംസ്ഥാന സമിതിയുടെ തീരുമാനം. സെപ്റ്റംബര് മുതല് ഫെബ്രുവരി വരെ ആറുമാസത്തെ സാമൂഹിക ക്ഷേമ പെന്ഷന് ഇപ്പോള് കുടിശികയാണ്. ഇതില് രണ്ടുമാസത്തേത് കൊടുക്കാനാണ് തീരുമാനമായത്. ജനങ്ങളുടെ പ്രതിഷേധം അതോടെ കുറയുമെന്നാണു സംസ്ഥാന സമിതിയുടെ കണക്കുകൂട്ടല്.
അതിനിടെ തെരഞ്ഞെടുപ്പ് പ്രഖ്യാപനം ഏതു നിമിഷവും ഉണ്ടാവുമെന്നിരിക്കെ, സ്ഥാനാര്ഥി നിര്ണയത്തിലേക്ക് സിപിഎം കടന്നതായാണ് സൂചന. അടുത്ത സംസ്ഥാന സെക്രട്ടേറിയറ്റില് സ്ഥാനാര്ഥി ചര്ച്ച നടക്കുമെന്നാണു റിപ്പോര്ട്ട്. ഈ മാസം 16നാണ് സിപിഎം സെക്രട്ടേറിയറ്റ് ചേരുക.
തെരഞ്ഞെടുപ്പില് മികച്ച സാധ്യതയെന്നാണ് സംസ്ഥാന സമിതി വിലയിരുത്തുന്നത്. ഡല്ഹി സമരവും നവകേരള സദസ്സും എല്ഡിഎഫിന് മേല്ക്കൈ നല്കിയെന്നാണു നേതൃത്വത്തിന്റെ നിഗമനം. സിപിഎം15, സിപിഐ4, കേരള കോണ്ഗ്രസ് (എം)1 എന്നിങ്ങനെയാണ് എല്ഡിഎഫില് മത്സരിക്കുന്ന കക്ഷികളും സീറ്റിന്റെ എണ്ണവും. യുഡിഎഫ് വിട്ട് എല്ഡിഎഫിലേക്ക് വന്ന കേരള കോണ്ഗ്രസിന് കഴിഞ്ഞ തവണ അവര് യുഡിഎഫ് ടിക്കറ്റില് ജയിച്ച കോട്ടയം ലഭിക്കും. സിപിഎമ്മും സിപിഐയും കഴിഞ്ഞ തവണ മത്സരിച്ച സീറ്റുകളില്തന്നെ മത്സരിക്കും
by Midhun HP News | Feb 12, 2024 | Latest News, ജില്ലാ വാർത്ത
ആറ്റിങ്ങല്: കേന്ദ്ര നൈപുണ്യവികസനം, യുവജനകാര്യ മന്ത്രാലയങ്ങളും നെഹ്റു യുവ കേന്ദ്രയും സംയുക്തമായി സംഘടിപ്പിച്ച തൊഴില് മേള ആറ്റിങ്ങല് സി.എസ്.ഐ സ്കൂളില് കേന്ദ്ര സഹമന്ത്രി വി. മുരളീധരന് ഉദ്ഘാടനം ചെയ്തു. സ്വകാര്യ സ്ഥാപനങ്ങളിലെ തൊഴിലവസരങ്ങള് യുവജനങ്ങള്ക്ക് ലഭ്യമാക്കാന് ലക്ഷ്യമിട്ടാണ് കേന്ദ്രഗവണ്മെന്റിന്റെ നേതൃത്വത്തില് തൊഴില് മേള സംഘടിപ്പിച്ചത്.
രാജ്യത്തെ യുവജനങ്ങളുടെ കഴിവുകള് നാടിനും സ്വന്തം കുടുംബത്തിനും പ്രയോജനപ്പെടാന് ഉതകുംവിധം അവസരങ്ങള് സൃഷ്ടിയ്ക്കുക എന്നതാണ് കേന്ദ്ര സര്ക്കാരിന്റെ ലക്ഷ്യമെന്ന് വി. മുരശീധരന് പറഞ്ഞു. രാജ്യം പൂരോഗതിയിലേയ്ക്ക് ചലിയ്ക്കണമെങ്കില് രാജ്യത്തെ യുവതിയുവാക്കള്ക്ക് അവസരങ്ങള് ലഭ്യമാക്കണം. തൊഴില്പരമായ ഇത്തരം അവസരങ്ങള് പ്രയോജപ്പെടുത്താനുള്ള ഒരു കേന്ദ്രം എന്ന നിലയിലാണ് തൊഴില് മേളകള് സംഘടിപ്പിക്കുന്നതെന്നും കേന്ദ്രമന്ത്രി പറഞ്ഞു.
കേന്ദ്ര നൈപുണ്യവികാസം മന്ത്രാലയം മേഖലാ ഡയറക്ടര് എസ്.സി ഗോയല്, നെഹ്റു യുവ കേന്ദ്ര സ്റ്റേറ്റ് ഡയറക്ടര് എം. അനില്കുമാര്, സ്റ്റേറ്റ് ബാങ്ക് ഓഫ് ഇന്ഡ്യ റീജ്യണല് മാനേജര് സ്മിത. എസ്. നായര്, ആറ്റിങ്ങല് നഗരസഭ കൗണ്സിലര്മാരായ സന്തോഷ്, ശാന്തകുമാരി, സി.എസ്.ഐ ഇംഗ്ളീഷ് മീഡിയം സ്കൂള് പ്രിന്സിപ്പാള് സിനി തോമസ്, നെഹ്റു യുവ
കേന്ദ്ര ജില്ല യൂത്ത് ഓഫീസര് സന്ദീപ് കൃഷ്ണന് എന്നിവര് സംസാരിച്ചു. തൊണ്ണൂറോളം സവകാര്യ സ്ഥാപനങ്ങള് തൊഴില് മേളയില് രജിസ്റ്റര് ചെയ്തിരുന്നു. ഈ സ്ഥാപനങ്ങളില് നിന്നായി 5214 ഒഴിവുകളായിരുന്നു തൊഴില് മേളയില് ലഭ്യമായത്. തൊഴിലന്വേഷകര്ക്കായി സെമിനാറുകളും സംഘടിപ്പിച്ചു.
by Midhun HP News | Feb 12, 2024 | Latest News, ജില്ലാ വാർത്ത
മാസപ്പടി വിവാദത്തിൽ മുഖ്യമന്ത്രിയുടെ കൈകൾ ശുദ്ധമാണെങ്കിൽ കോടതിയിൽ പോകുന്നതിന് പകരം അന്വേഷണ ഏജൻസിക്ക് മറുപടി നൽകുകയാണ് വേണ്ടതെന്ന് കേന്ദ്രമന്ത്രി വി.മുരളീധരൻ. കമ്പനികൾ തമ്മിലുള്ള കരാറെങ്കിൽ വാങ്ങിയവർക്കും കൊടുത്തവർക്കും മറുപടി വേണം. അത് ഉണ്ടാകാത്തതിലാണ് എസ്എഫ്ഐഒ നോട്ടിസ് കൊടുത്തതെന്നും കേന്ദ്രമന്ത്രി പറഞ്ഞു.
പാര്ട്ടി ന്യായീകരിക്കാന് മുഖ്യമന്ത്രിയുടെ മകൾ ഏത് പാർട്ടി ഘടകത്തിലാണ് പ്രവർത്തിക്കുന്നതെന്നും മുരളീധരന് ചോദിച്ചു. കോടിയേരി ബാലകൃഷ്ണന്റെ മകനെതിരായി ആരോപണം വന്നപ്പോൾ സ്വീകരിച്ച സമീപനമല്ല സിപിഎമ്മിന് വീണ വിജയന്റെ കാര്യത്തില്. അന്ന് നിയമം നിയമത്തിന്റെ വഴിക്ക് പോകട്ടെ എന്ന് പറഞ്ഞ നേതാക്കൾ ഇന്ന് മുഖ്യമന്ത്രിയുടെ മകളെ ന്യായികരിക്കാൻ നടക്കുകയാണ്.
വി.ഡി.സതീശന്റെ തേഞ്ഞ ആരോപണത്തിന് മറുപടിയില്ലെന്ന് മുരളീധരന്. ബിജെപിക്ക് ആരുമായും ഒത്തുതീർപ്പ് ഇല്ലാത്തത് കൊണ്ടാണ് വീണാ വിജയന് നോട്ടിസ് ലഭിക്കുന്നതും ശിവശങ്കരൻ ജയിലിൽ കിടക്കുന്നതെന്നും അദ്ദേഹം ചൂണ്ടിക്കാട്ടി.
കർണാടക സർക്കാർ എന്തുകൊണ്ട് എക്സാലോജിക്കിനെതിരെ സിബിഐ അന്വേഷണം പ്രഖ്യാപിച്ചില്ല. വി.ഡി സതീശൻ കേന്ദ്ര നേതൃത്വത്തോട് അത് ആവശ്യപ്പെട്ടില്ലെന്നും വി.മുരളീധരൻ ചൂണ്ടിക്കാട്ടി. രാഹുൽ ഗാന്ധിയും സീതാറാം യച്ചൂരിയും തമ്മിൽ ധാരണയുള്ളത് കൊണ്ട് വി.ഡി.സതീശൻ എത്ര വെള്ളംകോരിയാലും ഒന്നും നടക്കാൻ പോകുന്നില്ലെന്നും കേന്ദ്രമന്ത്രി പ്രതികരിച്ചു.
Recent Comments