കരാട്ടെ ചാമ്പ്യൻഷിപ്പിൽ സുവർണ്ണ നേട്ടം

by Midhun HP News | Aug 31, 2022 | Latest News, ജില്ലാ വാർത്ത

2022 ഓഗസ്റ്റ് 28 ന് തിരുവനന്തപുരം ജിമ്മി ജോർജ്ജ് ഇൻഡോർ സ്റ്റേഡിയത്തിൽ നടന്ന സൊക്കെ ഔറ നാഷണൽ ഓപ്പൺ കരാട്ടെ ചാമ്പ്യൻഷിപ്പ് ഗതാഗത വകുപ്പ് മന്ത്രി ആന്റണി രാജു ഉദ്ഘാടനം ചെയ്തു. വിവിധ സംസ്ഥാനങ്ങളിൽ നിന്നായി നൂറ് കണക്കിന് കരാട്ടെ താരങ്ങൾ മാറ്റുരച്ചു.
ഷിറ്റോ- റിയൂ സ്പോർട്സ് കരാട്ടെ സ്കൂൾ ഇന്ത്യ പ്രൊഫിഷ്യന്റ് അക്കാഡമിയിൽ നിന്നും 4 പേർ പങ്കെടുത്തു.

1. ആർദ്ര എസ് മാധവ് (2 Gold🥇🥇)
രണ്ട് ഇവന്റിൽ പങ്കെടുത്തു. രണ്ടിനത്തിലും സ്വർണ്ണ മെഡൽ

2. സരിയ അബ്‌ദുൾ ലത്തീഫ് (2 Gold🥇🥇)
രണ്ട് ഇവന്റിൽ പങ്കെടുത്തു. രണ്ടിനത്തിലും സ്വർണ്ണ മെഡൽ

3. മുഹമ്മദ് റൂജ്ഹാൻ (1 Gold🥇)
ഒരു ഇവന്റിൽ പങ്കെടുത്തു. സ്വർണ്ണ മെഡൽ നേടി.

4.ശ്രീജിത്ത് എച്ച് (1 Gold🥇)
ഒരു ഇവന്റിൽ പങ്കെടുത്തു. സ്വർണ്ണ മെഡൽ നേടി.

പങ്കെടുത്ത എല്ലാപേരും മുഴുവൻ ഇവന്റുകളിലും സ്വർണ്ണ മെഡൽ നേട്ടം കൈവരിച്ചുകൊണ്ട് അക്കാദമി ചരിത്രനേട്ടം കൈവരിച്ചു.

അക്കാദമിയിൽ നിന്നും ഷിഹാൻ വൈശാഖ് ആർ എസ്, ശ്രീജിത്ത്. എച്ച് എന്നിവർ റഫറിമാരായും, നിതീഷ്കുമാർ ജഡ്ജായും, ഗൗതം, ജിതിൻ എന്നിവർ ഒഫിഷ്യൽസായും, വിശാഖ് ജി. മോഹൻ ടീം കോർഡിനേറ്ററായും സേവനമനുഷ്ഠിച്ചു.

പള്ളിപ്പുറത്ത് വാഹനാപകടം; യുവാവ് അത്ഭുതകരമായി രക്ഷപ്പെട്ടു

by Midhun HP News | Aug 31, 2022 | Latest News, ജില്ലാ വാർത്ത

തിരുവനന്തപുരം: ദേശീയപാതയില്‍ കെഎസ്ആര്‍ടിസി ബസുമായി കൂട്ടിയിടിച്ച് അപകടമുണ്ടായി. ബസിനടയില്‍പ്പെട്ട യുവാവ് അത്ഭുതകരമായി രക്ഷപ്പെട്ടു.
രാവിലെ ഒൻപതേകാലോടെ ദേശീയ പാതയിൽ പള്ളിപ്പുറത്താണ് സൂപ്പർ ഫാസ്റ്റ് ബസ് ഇടിച്ച ബൈക്ക് യാത്രക്കാരൻ അത്ഭുതകരമായി രക്ഷപ്പെട്ടത്. ബസ് തട്ടി ബസ്സിനടിയിലേക്ക് വീണ യുവാവ് തലനാരിഴക്ക് രക്ഷപ്പെടുകയായിരുന്നു. ബസിനടിയിൽ മധ്യഭാഗത്തായതിനാൽ നിസ്സാര പരിക്കുകളോടെ രക്ഷപ്പെടുകയായിരുന്നു.

കഴക്കൂട്ടത്ത് വാഹനാപകടത്തിൽ പരിക്കേറ്റ യുവാവ് മരിച്ചു

by Midhun HP News | Aug 31, 2022 | Latest News, ജില്ലാ വാർത്ത

തിരുവനന്തപുരം: കഴക്കൂട്ടത്ത് റോഡിലെ കുഴി കാരണമുണ്ടായ വാഹനാപകടത്തിൽ പരിക്കേറ്റ യുവാവ് മരിച്ചു. ആംബുലൻസിടിച്ച് പരിക്കേറ്റ ചന്തവിള സ്വദേശി ധനീഷ് (33) ആണ് സ്വകാര്യ ആശുപത്രിയിൽ ചികിത്സയിലിരിക്കെ മരിച്ചത്. ഇന്നലെ രാത്രി എട്ട് മണിക്ക് ദേശീയപാതയിൽ കഴക്കൂട്ടം ബ്ലോക്ക് ഓഫീസിന് മുന്നിലായിരുന്നു അപകടം.

റോഡിലെ കുഴി കണ്ട് മുന്നിൽ പോയ വാഹനം പെട്ടെന്ന് നിറുത്തിയപ്പോൾ നിയന്ത്രണം തെറ്റിയ ആംബുലൻസ് ഡിവൈഡർ തകർത്ത് എതിർവശത്ത് നിന്ന് വന്ന വാഹനങ്ങളിലിടിക്കുകയായിരുന്നു. രണ്ട് കാറുകളിലും സ്കൂട്ടറിലുമാണ് ആംബുലന്‍സ് ഇടിച്ചത്. സ്കൂട്ടറിൽ കഴക്കൂട്ടത്തേക്ക് പോവുകയായിരുന്ന ധനീഷ് ആംബുലൻസിനടിയിൽപ്പെടുകയായിരുന്നു. പൊലീസും നാട്ടുകാരും ചേർന്നാണ് ധനീഷിനെ പുറത്തെടുത്തത്. അപകടത്തില്‍ ഗുരുതരമായി പരിക്കേറ്റ ധനീഷിനെ ആദ്യം മെഡിക്കൽ കോളേജിലും തുടർന്ന് സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. അപകടത്തിൽ ആംബുലൻസിൽ ഉണ്ടായിരുന്ന മൂന്ന് സ്ത്രീകൾക്കും പരിക്കേറ്റിരുന്നു.

മര്യനാട് കടപ്പുറത്ത് ഡോൾഫിൻ ജഡം കരയ്‌ക്കടിഞ്ഞു; പോസ്റ്റ്‌മോർട്ടം നടപടികൾക്കൊരുങ്ങി അധികൃതർ

by Midhun HP News | Aug 30, 2022 | Latest News, ജില്ലാ വാർത്ത

കഠിനംകുളം: മര്യനാട് കടപ്പുറത്ത് ഡോൾഫിൻ ജഡം കരയ്‌ക്കടിഞ്ഞു. ഇന്ന് രാവിലെ എട്ട് മണിയോടെയാണ് ഡോൾഫിന്റെ ജഡം കരയ്ക്കടിഞ്ഞത്. ആറരയടിയോളം നീളമുള്ള ഡോൾഫിൻ ജഡം കൽക്കരയോട് ചേർന്ന് കാണപ്പെടുകയായിരുന്നു. തുടർന്ന് നാട്ടുകൾ അഞ്ചുതെങ്ങ് കോസ്റ്റൽ പോലീസിനെ വിവരം അറിയിക്കുകയായിരുന്നു.

സ്ഥലത്തെത്തിയ അഞ്ചുതെങ്ങ് കോസ്റ്റൽ പോലീസ് സംഘം പാലോട് റേഞ്ച് ഫോറസ്റ്റ് ഉദ്യോഗസ്ഥരെ വിവരം അറിയിക്കുകയും സ്ഥലത്ത് എത്തി പോസ്റ്റ് മാർട്ടം നടപടികൾ നടത്തുവാനുള്ള തീരുമാനം കൈക്കൊള്ളുകയായിരുന്നു. നടപടി ക്രമങ്ങൾക്ക് ശേഷം ഡോൾഫിൻ ജഡം അവിടെ തന്നെ സംസ്കരിക്കും.