by Midhun HP News | Aug 15, 2026 | Latest News, ജില്ലാ വാർത്ത
തിരുവനന്തപുരം: ബംഗളൂരു – എറണാകുളം പതിനാറ് കോച്ചുകളുള്ള വന്ദേഭാരത് സര്വീസ് മറ്റന്നാള് മുതല് സര്വീസ് നടത്തും. കേന്ദ്രമന്ത്രി സുരേഷ് ഗോപിയുടെ ഇടപെടലിനെ തുടര്ന്നാണ് തീരുമാനം. ഇതോടെ ഓണക്കാലത്ത് മലയാളികള്ക്ക് നാട്ടിലെത്താന് സഹായകരമാകും. നിലവില് വെറും 8 കോച്ചുകളുമായി സര്വീസ് നടത്തുന്ന ട്രെയിന് പിന്വലിച്ചാണ് റെയില്വേ യാത്രക്കാര്ക്കായി പുതിയ വലിയ ട്രെയിന് അനുവദിച്ചിരിക്കുന്നത്.
രാവിലെ 5.50ന് ബംഗളൂരുവില് നിന്ന് യാത്ര തുടങ്ങുന്ന വന്ദേഭാരത് 1.50ന് എറണാകുളം സൗത്തില് എത്തും. എറണാകുളത്ത് നിന്ന് ഉച്ചക്ക് 2.20ന് എടുക്കുന്ന ട്രെയിന് രാത്രി 11ന് ബംഗളൂരിലെത്തും.
by Midhun HP News | Aug 15, 2026 | Latest News, ജില്ലാ വാർത്ത
മൈ പോലീസ് സ്റ്റേഷൻ പദ്ധതി നടപ്പിലാക്കി കടയ്ക്കാവൂർ പോലീസ് സ്റ്റേഷൻ. പോലീസ് സെക്ഷനുകൾ ജനസൗഹൃദമാക്കുക എന്ന ലക്ഷ്യത്തോടുകൂടി കേരള പോലീസ് നടപ്പിലാക്കുന്ന ഏറ്റവും നൂതനമായ പദ്ധതിയാണ് മൈ പോലീസ് സ്റ്റേഷൻ.
പേരൂർക്കട പോലീസ് സ്റ്റേഷനിൽ വച്ച് നടന്ന സംസ്ഥാനതല ഉദ്ഘാടനം കേരള മുഖ്യമന്ത്രി നിർവഹിച്ചു. ഈ ഉദ്ഘാടന പരിപാടിയുടെ ലൈവ് പ്രോഗ്രാം കടയ്ക്കാവൂർ പോലീസ് സ്റ്റേഷനിൽ പോലീസ് ഉദ്യോഗസ്ഥരോടൊപ്പം വ്യാപാരി വ്യവസായി ഏകോപന സമിതി അംഗങ്ങൾ, വിദ്യാർത്ഥികൾ, റസിഡൻസ് അസോസിയേഷൻ അംഗങ്ങൾ, അധ്യാപകർ, ഓട്ടോറിക്ഷ ഡ്രൈവർമാർ, വാർഡ് മെമ്പർമാർ, വിവിധ രാഷ്ട്രീയ സാമൂഹിക സന്നദ്ധ പ്രവർത്തകർ തുടങ്ങിയ നൂറുകണക്കിന് ആളുകൾ സ്റ്റേഷനിൽ ഈ പരിപാടിയിൽ പങ്കെടുത്തു.
മൈ പോലീസ് സ്റ്റേഷൻ പദ്ധതിയുടെ ലോഗോ പ്രകാശനം എസ് എച്ച് ഒ സൈജു നിർവഹിച്ചു. ജനങ്ങൾക്ക് ഉപകാരപ്രദമായ എല്ലാ ഹെൽപ്പ് ഡസ്ക്കുകളുടെ പ്രവർത്തനവും ആരംഭിച്ചു.
by Midhun HP News | Aug 15, 2026 | Latest News, ജില്ലാ വാർത്ത
ആറ്റിങ്ങൽ: പാർവ്വതീപുരം റെസിഡൻസ് അസോസിയേഷൻ ദേശീയപതാക ഉയർത്തിയും സന്ദേശങ്ങൾ കൈമാറിയും, ദേശഭക്തിഗാനം ആലപിച്ചും, മധുരം നൽകിയും സ്വാതന്ത്ര്യദിനം ആഘോഷിച്ചു. അസോസിയേഷൻ പ്രസിഡന്റ് അഡ്വ. എൻ. മോഹനൻ നായർ, സെക്രട്ടറി പി. എസ്. രാജൻ, സ്ഥാപക പ്രസിഡന്റ് അഡ്വ. എം. പി. ജയചന്ദ്രൻ നായർ, ആർ. മുരളീധരൻ, എൻ. കൃഷ്ണമൂർത്തി എന്നിവർ ആശംസകൾ അർപ്പിച്ചു സംസാരിച്ചു.
by Midhun HP News | Aug 15, 2026 | Latest News, ജില്ലാ വാർത്ത
പ്രവാസി കോൺഗ്രസ്സ് ആറ്റിങ്ങൽ ബ്ലോക്ക് കമ്മിറ്റിയുടെ നേതൃത്വത്തിൽ അവനവഞ്ചേരി ഇംഗ്ഷനിൽ സംഘടിപ്പിച്ച സ്വാതന്ത്യദിന ആഘോഷ പരിപാടി ആറ്റിങ്ങൽ സുരേഷ്
ഉദ്ഘാടനം ചെയ്തുതു. ബ്ലോക്ക് പ്രസിഡന്റെ എച്ച് ബഷീർ പതാക ഉയർത്തി. ബ്ലോക്ക് വൈസ് പ്രസിഡന്റ് ഷൈജു ചന്ദ്രൻ, തുളസിധരൻ നായർ, വലിയകുന്ന് സുര, രവീന്ദ്രൻ, സലിം, ഭാസി, ആതിര, തനൂജ തുടങ്ങിയവർ പങ്കെടുത്തു. മുൻ കൗൺസിലർ എം.ഇ.എ. സത്താർ സ്വാഗതവും, മോഹനൻ നായർ നന്ദിയും പ്രകാശിപ്പിച്ചു.
by Midhun HP News | Aug 15, 2026 | Latest News, ജില്ലാ വാർത്ത
കിളിമാനൂർ: കിളിമാനൂർ ഗവ. എൽപിഎസിന് ഓണസമ്മാനമായി ഡിജിറ്റൽ ലേണിങ് സെന്ററും നവീകരിച്ച ഡൈനിങ് ഹാളും എസ്.ബി.ഐ സമർപ്പിച്ചു. എസ്.ബി.ഐയുടെ കോർപ്പറേറ്റ് സോഷ്യൽ റെസ്പോൺസിബിലിറ്റി (CSR) ഫണ്ട് ഉപയോഗിച്ചാണ് വിദ്യാലയത്തിൽ ഈ സൗകര്യങ്ങൾ ഒരുക്കിയത്.
വിദ്യാഭ്യാസ മേഖലയിലെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനും വിദ്യാർത്ഥികൾക്ക് കൂടുതൽ മികച്ച പഠനാന്തരീക്ഷം ഒരുക്കുന്നതിനുമുള്ള എസ്.ബി.ഐയുടെ സാമൂഹിക പ്രതിബദ്ധതയുടെ ഭാഗമായാണ് പദ്ധതി നടപ്പാക്കിയത്. ബാങ്കിന്റെ വിവിധ സി.എസ്.ആർ പദ്ധതികളിലൂടെ വിദ്യാഭ്യാസം, ഗ്രാമീണ വികസനം തുടങ്ങിയ മേഖലകളിൽ നിരവധി പ്രവർത്തനങ്ങൾ നടപ്പാക്കി വരുന്നു.
പദ്ധതിയുടെ ഭാഗമായി വിദ്യാലയത്തിൽ 10 ഡെസ്ക്ടോപ്പ് കമ്പ്യൂട്ടറുകൾ, അവയ്ക്കാവശ്യമായ കമ്പ്യൂട്ടർ ടേബിളുകളും കസേരകളും ഉൾപ്പെടെ പൂർണ സജ്ജീകരണങ്ങളോടുകൂടിയ ഡിജിറ്റൽ ലേണിങ് സെന്റർ ഒരുക്കി നൽകി. ഇതിനായി അനുവദിച്ച മുറി നവീകരിച്ച് ആവശ്യമായ ഇലക്ട്രിക്കൽ വയറിങ്, ഡാറ്റ കേബിളിങ് തുടങ്ങിയ സൗകര്യങ്ങളും ഒരുക്കി. കൂടാതെ ഡൈനിങ് ഹാൾ നവീകരിക്കുകയും കുട്ടികൾക്ക് ഇരുന്ന് ഭക്ഷണം കഴിക്കുന്നതിനാവശ്യമായ മേശകളും കസേരകളും ഒരുക്കുകയും കിച്ചണിലേക്ക് ഫ്രിഡ്ജ് നൽകുകയും ചെയ്തു.
കിളിമാനൂർ ബി.ആർ.സി ഹാളിൽ നടന്ന ഉദ്ഘാടന ചടങ്ങ് എസ്.ബി.ഐ റീജണൽ മാനേജർ സാം കെ സാമുവൽ ഉദ്ഘാടനം ചെയ്തു. സ്കൂൾ എസ്.എം.സി ചെയർമാൻ വൈശാഖ് കെ.എസ് അധ്യക്ഷത വഹിച്ചു. കിളിമാനൂർ ഗ്രാമപഞ്ചായത്ത് പ്രസിഡന്റ് ഷാജുമോൾ എസ്., വിദ്യാഭ്യാസ സ്ഥിരം സമിതി അധ്യക്ഷ ബിന്ദു എ., വികസനകാര്യ സ്ഥിരം സമിതി അധ്യക്ഷൻ ബി.എസ്. റെജി, വാർഡ് മെമ്പർ കുമാരി കെ. ഗിരിജ, മുൻ പ്രഥമാധ്യാപിക ലതാകുമാരി പി., ബി.പി.സി നവാസ് കെ. എന്നിവർ സംസാരിച്ചു.
പ്രഥമാധ്യാപിക ജോയ്സൺ എബ്രഹാം സ്വാഗതവും പി.ടി.എ വൈസ് പ്രസിഡന്റ് ഡോ. ശ്രീലക്ഷ്മി വി.ആർ നന്ദിയും പറഞ്ഞു. എസ്.ബി.ഐ ആർ.ബി.ഒ പ്രതിനിധികൾ, രക്ഷകർത്താക്കൾ ഉൾപ്പെടെ നൂറിലധികം പേർ ഉദ്ഘാടന പരിപാടിയിൽ പങ്കെടുത്തു.
by Midhun HP News | Aug 15, 2026 | Latest News, ജില്ലാ വാർത്ത
ആറ്റിങ്ങൽ മോഡൽ ബോയ്സ് ഹയർ സെക്കന്ററി സ്കൂളിലെ എൻ എസ് എസ് യൂണിറ്റിന്റെ ഈ അധ്യയന വർഷത്തെ പ്രവർത്തനോദ്ഘാടനം ഹയർ സെക്കന്ററി എൻ എസ് എസ് സ്റ്റേറ്റ് കോർഡിനേറ്റർ ഡോ. എസ്. സന്തോഷ്കുമാർ നിർവഹിച്ചു.
ഇതിനോടാനുബന്ധിച്ചു ഈ സ്കൂളിൽ പത്താം ക്ലാസ്സിൽ പഠിക്കുന്ന ശിഖ എന്ന വിദ്യാർത്ഥിനിയുടെ ചികിത്സക്കായി ഭക്ഷ്യമേള വഴി സമാഹരിച്ച 60000 രൂപ വിതരണം ചെയ്തു. കൂടാതെ സെറിബ്രൽ പാൾസി ബാധിച്ചു കിടപ്പിലായ ഒരു വിദ്യാർത്ഥിക്ക് വീൽചെയറും നൽകി.
സാമ്പത്തികമായി പിന്നാക്കം നിൽക്കുന്ന ഒരു വിദ്യാർത്ഥിയുടെ രക്ഷാകർത്താവിനു ഉപജീവനമാർഗ്ഗമായി ഒരു തയ്യൽ മെഷീൻ വാങ്ങി നൽകി. സ്കൂളിലെ ഭിന്നശേഷി വിദ്യാർത്ഥികൾക്കായി പഠനോപകരണങ്ങൾ വിതരണം ചെയ്തു. കൂടാതെ സ്കൂൾ അങ്കണത്തിൽ ഒരു പൂന്തോട്ടം നിർമ്മിച്ചു നൽകി.പി ടി എ പ്രസിഡന്റ് അധ്യക്ഷനായ ചടങ്ങിൽ എൻ എസ് എസ്പ്രോഗ്രാം ഓഫിസർ കാവ്യ കെ എ പ്രവർത്തന റിപ്പോർട്ട് അവതരിപ്പിച്ചു.
എൻ എസ് എസ് ജില്ലാ കൺവീനർ ശ്രീജ പി, മുൻ പ്രിൻസിപ്പൽ ജവാദ് എസ്, വർക്കല ക്ലസ്റ്റർ കൺവീനർ ഉണ്ണികൃഷ്ണൻ എസ്, പ്രിൻസിപ്പൽ അജിത മോഹൻ, വൈസ് പ്രിൻസിപ്പൽ അനിൽകുമാർ, വി എച്ച് എസ് ഇ പ്രിൻസിപ്പൽ ഹസീന, മുൻ പ്രോഗ്രാം ഓഫീസർമാരായ ഡോ ബിനു എസ്, സജിത വി, കോമൺ സ്റ്റാഫ് സെക്രട്ടറി കിരൺ എന്നിവർ ആശംസകൾ അറിയിക്കുകയും ഹയർ സെക്കന്ററി സ്റ്റാഫ് സെക്രട്ടറി സബിത നന്ദി രേഖപ്പെടുത്തുകയും ചെയ്തു.
Recent Comments