‘സ്നേഹാദരവ്’ സംഘടിപ്പിക്കുന്നു

by Midhun HP News | Aug 14, 2026 | Latest News, ജില്ലാ വാർത്ത

ഇന്ത്യൻ നാഷണൽ കോൺഗ്രസ്സ് ആലംകോട് രണ്ടാം വാർഡ് കമ്മിറ്റിയുടെ
ആഭിമുഖ്യത്തിൽ 2025-26 അദ്ധ്യയന വർഷം എസ് എസ് എൽ സി, പ്ലസ് ടുവിൽ ഉന്നതവിജയം നേടിയ രണ്ടാം വാർഡിലെ കുട്ടികളേയും, രണ്ടാം വാർഡിലെ തൊഴിലുറപ്പ് അംഗങ്ങളായ അമ്മമാരേയും, ഹരിതകർമ്മസേനയിലെ അംഗങ്ങൾക്കും ആദരവ് നൽകുന്നു.

22-8-2026 ശനിയാഴ്‌ച വൈകുന്നേരം 4.30ന് ആലംകോട് ഹാരിസൺ പ്ലാസ്സയിൽ നടത്തുന്ന യോഗം ടി.ശരത്ചന്ദ്രപ്രസാദ് (മുൻ എം എൽ എ) ഉദ്ഘാടനം ചെയും.

യോഗത്തിൽ പി.ഉണ്ണികൃഷ്‌ണൻ (ഡി സി സി സെക്രട്ടറി), അഡ്വ.വി.ജയകുമാർ (യു.ഡി.എഫ്. കൺവീനർ), നബീൽ കല്ലമ്പലം (ജില്ലാ പഞ്ചായത്തംഗം), എൻ.ബിഷ്‌ണു (ഡി സി സി പ്രസിഡന്റ്, ലാലി (2-ാം വാർഡ് കൗൺസിലർ), റ്റി.പി.അമ്പിരാജ (ഡി സി സി സെക്രട്ടറി) തുടങ്ങി മറ്റ് പ്രമുഖരും പങ്കെടുക്കും.

മുഖ്യമന്ത്രിയുടെ പൊലീസ് മെഡൽ പ്രഖ്യാപനം മുടങ്ങി; ആഭ്യന്തര വകുപ്പിൽ ഗുരുതര വീഴ്ച

by Midhun HP News | Aug 14, 2026 | Latest News, ജില്ലാ വാർത്ത

തിരുവനന്തപുരം: സ്വാതന്ത്ര്യദിനത്തിന്റെ തലേദിവസം പതിവായി പ്രഖ്യാപിക്കാറുള്ള മുഖ്യമന്ത്രിയുടെ പൊലീസ് മെഡലുകൾ ഇത്തവണ പ്രഖ്യാപിച്ചില്ല. മെഡലിന് അർഹരായവരുടെ പട്ടികയിൽ കൃത്യസമയത്ത് പരിശോധന പൂർത്തിയാക്കാത്തതാണ് പ്രഖ്യാപനം മുടങ്ങാൻ കാരണം. സംഭവത്തിൽ ആഭ്യന്തര വകുപ്പിലെ ഉദ്യോഗസ്ഥർക്ക് ഗുരുതര വീഴ്ച സംഭവിച്ചതായാണ് സൂചന.

മാർച്ച് മാസത്തിൽ തന്നെ പൊലീസ് ആസ്ഥാനത്തുനിന്ന് മെഡലുകൾക്ക് അർഹരായ ഉദ്യോഗസ്ഥരുടെ ശുപാർശ പട്ടിക ആഭ്യന്തര വകുപ്പിന് കൈമാറിയിരുന്നു. എന്നാൽ സമയബന്ധിതമായി പട്ടികയിലെ വിവരങ്ങൾ പരിശോധിച്ച് നടപടി പൂർത്തിയാക്കാൻ ഉദ്യോഗസ്ഥർക്ക് സാധിച്ചില്ല. പട്ടികയുമായി ബന്ധപ്പെട്ട് പരാതികൾ ഉയർന്നതിനെ തുടർന്ന് ഇത് തിരിച്ചയച്ചെങ്കിലും പിന്നീട് തുടർനടപടികളൊന്നും സ്വീകരിച്ചില്ലെന്നാണ് പുറത്തുവരുന്ന വിവരങ്ങൾ. പട്ടിക അന്തിമമായി പരിശോധിച്ച് അംഗീകാരം നൽകുന്നതിനായി ആഭ്യന്തര സെക്രട്ടറിയുടെ നേതൃത്വത്തിലുള്ള യോഗം ഓഗസ്റ്റ് 20-നാണ് ചേരുന്നത്. കേരളപ്പിറവി ദിനമായ നവംബർ 1-ന് മെഡലുകൾ വിതരണം ചെയ്യും.

ആറ്റിങ്ങൽ നോൺ റെസിഡന്റ്സ് അസോസിയേഷന്റെ ഓണാഘോഷവും പൊതുയോഗവും നാളെ നടക്കും

by Midhun HP News | Aug 14, 2026 | Latest News, ജില്ലാ വാർത്ത

ആറ്റിങ്ങൽ നോൺ റെസിഡന്റ്സ് അസോസിയേഷന്റെ ഓണാഘോഷവും
പൊതുയോഗവും നാളെ (ഓഗസ്റ്റ് 15) ന് ആറ്റിങ്ങൽ മാമം റോയൽ ക്ലബ്ബിൽ വെച്ചു രാവിലെ 10 മണി മുതൽ നടത്തുന്നു.

പ്രവാസികളും അവരുടെ കുടുംബാംഗങ്ങളും അവതരിപ്പിക്കുന്ന വിവിധ കായിക കലാപരിപാടികൾക്കൊപ്പം അത്തപ്പൂക്കളം, കരോക്കെ ഗാനമേള, നൃത്ത നൃത്യങ്ങൾ, വടംവലി മത്സരം, ഓണസദ്യ തുടങ്ങിയവയും ഉണ്ടായിരിക്കുന്നതാണ്.

നവീന്‍ ബാബുവിന്റെ മകള്‍ക്ക് സര്‍ക്കാര്‍ ജോലി; നിയമന ഉത്തരവ് കൈമാറി മുഖ്യമന്ത്രി വിഡി സതീശന്‍

by Midhun HP News | Aug 14, 2026 | Latest News, ജില്ലാ വാർത്ത

തിരുവനന്തപുരം: അന്തരിച്ച കണ്ണൂര്‍ മുന്‍ എഡിഎം കെ നവീന്‍ ബാബുവിന്റെ മകള്‍ നിരഞ്ജനയ്ക്ക് സര്‍ക്കാര്‍ ജോലി നല്‍കി. സമാശ്വാസ തൊഴില്‍ദാന പദ്ധതി പ്രകാരം ഭക്ഷ്യസുരക്ഷാ വകുപ്പില്‍ ഭക്ഷ്യ സുക്ഷ ഓഫീസറായാണ് നിയമനം. നിയമന ഉത്തരവ് മുഖ്യമന്ത്രി വിഡി സതീശന്‍ കൈമാറി. നവീന്‍ ബാബുവിന്റെ കുടുംബത്തിന്റെ ആവശ്യം പരിഗണിച്ചാണ് മകള്‍ നിരഞ്ജനയ്ക്ക് ആശ്രിത നിയമനം നല്‍കിയത്. നവീന്‍ ബാബുവിന്റെ കുടുംബത്തിന് ജോലി നല്‍കുമെന്ന് നേരത്തെ മുഖ്യമന്ത്രി ഉറപ്പ് നല്‍കിയിരുന്നു.

നവീന്‍ ബാബുവിന്റെ യാത്രയയപ്പ് യോഗത്തില്‍ ജില്ലാ പഞ്ചായത്ത് പ്രസിഡന്റായിരുന്ന പിപി ദിവ്യ, പരസ്യമായി അധിക്ഷേപിച്ചതിന് പിന്നാലെയായിരുന്നു അദ്ദേഹത്തിന്റെ ആത്മഹത്യ. ക്ഷണിക്കാതെയായിരുന്നു ചടങ്ങിലേക്ക് ദിവ്യ എത്തിയത്. ചടങ്ങിനുശേഷം കിട്ടിയ ഉപഹാരങ്ങള്‍ പോലും എടുക്കാതെയാണ് നവീന്‍ ബാബു കലക്ട്രേറ്റ് വിട്ടിറങ്ങിയത്.

രാത്രി 8.55നുള്ള മലബാര്‍ എക്‌സ്പ്രസിനായിരുന്നു നവീന്‍ ബാബു നാട്ടിലേക്ക് പോകാന്‍ ടിക്കറ്റ് എടുത്തിരുന്നത്. പുലര്‍ച്ചെ ചെങ്ങന്നൂരിലെത്തിയ ബന്ധുക്കളാണ് നവീന്‍ ട്രെയിനിലില്ലെന്ന വിവരം അറിയിക്കുന്നത്. എഡിഎമ്മിന്റെ ഡ്രൈവര്‍ പള്ളിക്കുന്നിലെ താമസ സ്ഥലത്ത് അന്വേഷിച്ചെത്തിയപ്പോഴാണ് നവീന്‍ ബാബുവിനെ മരിച്ച നിലയില്‍ കണ്ടെത്തിയത്.

കേരള കൗമുദി ലേഖകൻ സജിതൻ മുടപുരത്തിനു ആദരവ്

by Midhun HP News | Aug 14, 2026 | Latest News, ജില്ലാ വാർത്ത

ആറ്റിങ്ങൽ കോരാണി പ്രതീക്ഷ ഫൗണ്ടേഷൻ സംഘടിപ്പിച്ച പ്രതിഭകളെ ആദരിക്കൽ ചടങ്ങിൽ കേരള കൗമുദി ലേഖകൻ സജിതൻ മുടപുരത്തെ ഒ.എസ്.അംബിക എം.എൽ.എ മൊമെന്റോ നൽകി ആദരിച്ചു.പ്രതീക്ഷ ഫൗണ്ടേഷൻ ചെയർമാൻ കോരാണി വിജു, ഡോ.സജിത് ശശി, ജി.ബിനു, അൽബയാൻ, അനിൽകുമാർ, ഡോ.ദിവ്യ സജിത്ത്, അഡ്വ.അജീഷ് കോരാണി, റഹിം നൂർ മുഹമ്മദ്, സബീർ കോരാണി, കബീർ തടത്തിൽ, അശോക ദാസ് എന്നിവർ പങ്കെടുത്തു.