ഫോൺ കളഞ്ഞുപോയി
ഫോൺ കാണാതായി. ഇന്ന് (20/06/2026)ഉച്ചയ്ക്ക് 3 മണിക്ക് മുടപുരം അപ്പുപ്പൻ നടയുടെ സമീപത്ത് വച്ചാണ് കാണാതായത് . ഫോണിൽ ഒരു ബ്ലാക്ക് കവർ ഇട്ടിട്ടുണ്ട്. കണ്ടു കിട്ടുന്നവർ 9567632002,7510909415 ബന്ധപ്പെടേണ്ടതാണ്
പാർലിമെന്ററി മാതൃക തെരെഞ്ഞെടുപ്പുമായി യൂ പി എസ് അടയമൺ
കിളിമാനൂർ : യൂ പി എസ് അടയമണ്ണിൽ പാർലമെന്ററി മാതൃകയിൽ തിരെഞ്ഞെടുപ്പ് നടത്തി വിദ്യാർത്ഥിപ്രതിനിധികളെ തിരഞ്ഞെടുത്തു.
3 ബൂത്തുകളായി തിരിച്ച്, വോട്ടർ പട്ടിക തയ്യാറാക്കി, പ്രീ സൈഡിങ് ഓഫീസർ, പോളിങ് ഓഫീസർ മാർ എന്നിവരെ വിദ്യാർഥികളെ നിയമിച്ചു.സുരക്ഷക്കായി സ്കൗട്ട് ആൻഡ് ഗൈഡ് എന്നിവരെയും ചുമതലപ്പെടുത്തി.
ഓരോ ബൂത്തിലും തയ്യാറാക്കിയ compartment ൽ ഉള്ളിൽ ആണ് രഹസ്യമായി വിദ്യാർഥികൾ വോട്ട് ചെയ്തത്.
ബാലറ്റ് പേപ്പറിൽ സ്ഥാനാർഥികളുടെ പേര്, ചിത്രം ചിഹ്നം എന്നിവ രേഖപെടുത്തിയിരുന്നു.
വോട്ട് ചെയ്യുന്ന വിദ്യാർത്ഥികളുടെ വിരലിൽ മഷി പുരട്ടുകയും ചെയ്തു.
വോട്ട് ചെയ്ത് പെട്ടിയിൽ നിക്ഷേപിച്ചു.
ശേഷം സീൽ ചെയ്തു ഓഫീസിൽ എത്തിച്ചു.
മത്സരിച്ച സ്ഥാനാർഥികളുടെ മുന്നിൽ വച്ച് വോട്ട് എണ്ണി വിജയികളെ പ്രഖ്യാപിച്ചു.
സ്കൂൾ ലീഡർ അയി ദേവ ദത്തിനെ തിരഞ്ഞെടുത്തു.
വായന മഹിമയോതി പെരുംകുളം എ.എം.എൽ.പി സ്കൂളിൽ വായനദിനാചരണം സംഘടിപ്പിച്ചു
പെരുംകുളം: വായനയുടെ പ്രാധാന്യവും പുസ്തകങ്ങളുടെ ലോകവും വിദ്യാർത്ഥികളിലേക്ക് എത്തിക്കുക എന്ന ലക്ഷ്യത്തോടെ പെരുംകുളം എ.എം.എൽ.പി സ്കൂളിൽ വിപുലമായ രീതിയിൽ വായനദിനാചരണം സംഘടിപ്പിച്ചു.
പ്രശസ്ത സാഹിത്യകാരനും സാംസ്കാരിക പ്രവർത്തകനുമായ വിനോദ് വെള്ളായണി ചടങ്ങ് ഉദ്ഘാടനം ചെയ്തു. വായന മനുഷ്യനെ പൂർണ്ണനാക്കുന്നുവെന്നും ഡിജിറ്റൽ യുഗത്തിലും പുസ്തകങ്ങളെ നെഞ്ചോട് ചേർത്തുപിടിക്കാൻ കുട്ടികൾ തയ്യാറാകണമെന്നും അദ്ദേഹം തന്റെ ഉദ്ഘാടന പ്രസംഗത്തിൽ ഓർമ്മിപ്പിച്ചു.
സ്കൂൾ ഹെഡ്മാസ്റ്റർ പ്രവീൺ ചടങ്ങിൽ അധ്യക്ഷത വഹിച്ചു. സ്കൂൾ മാനേജർ അഡ്വ. ഹമീദ് ചടങ്ങിൽ പങ്കെടുത്തവർക്ക് സ്വാഗതം ആശംസിച്ചു. സ്കൂളിലെ സീനിയർ അസിസ്റ്റന്റ് രജനി ചടങ്ങിന് ആശംസകൾ നേർന്ന് സംസാരിച്ചു. അധ്യാപകരായ റീന, കാവേരി, ഷിജി, സനീറ, കൃഷ്ണാരാജ് എന്നിവർ പരിപാടികൾക്ക് നേതൃത്വം നൽകി.
വിദ്യാർത്ഥികളുടെ വായനാശീലം വളർത്തുന്നതിനായി നിരവധി വൈവിധ്യമാർന്ന പരിപാടികളാണ് ദിനാചരണത്തിന്റെ ഭാഗമായി സ്കൂളിൽ ഒരുക്കിയിരുന്നത്. ചടങ്ങിൽ പങ്കെടുത്ത മുഴുവൻ പേരും ഒന്നിച്ച് വായനാ പ്രതിജ്ഞ ചൊല്ലിക്കൊണ്ട് വായനയെ ജീവിതത്തിന്റെ ഭാഗമാക്കുമെന്ന് ഉറപ്പുനൽകി.
തുടർന്ന് കുട്ടികളുടെ വായനാ വൈഭവം ഉണർത്തുന്ന പുസ്തകാസ്വാദന കുറിപ്പുകളുടെ അവതരണം, മനോഹരമായ വായനാപ്പാട്ടുകൾ എന്നിവ ചടങ്ങിന് മാറ്റുകൂട്ടി. വിദ്യാർത്ഥികൾ സ്വന്തമായി തയ്യാറാക്കിയ വിജ്ഞാനപ്രദമായ പതിപ്പിന്റെ പ്രകാശനവും, കുട്ടികളുടെ വായനാനുഭവങ്ങൾ ഉൾക്കൊള്ളിച്ചുകൊണ്ടുള്ള വായനക്കുറിപ്പ് പ്രകാശനവും ചടങ്ങിന്റെ പ്രധാന ആകർഷണങ്ങളായിരുന്നു. അധ്യാപകരും രക്ഷിതാക്കളും വിദ്യാർത്ഥികളും ഉൾപ്പെടെ നിരവധി പേർ ചടങ്ങിൽ പങ്കെടുത്തു.
വായനോത്സവവുമായി ഗവ:ഹൈസ്കൂൾ കുടവൂർക്കോണം
ആറ്റിങ്ങൽ: വായന ദിനത്തോടനുബന്ധിച്ച് കുടവൂർക്കോണം ഗവണ്മെന്റ് ഹൈസ്കൂളിൽ പി.എൻ.പണിക്കർ അനുസ്മരണം നടന്നു. അധ്യാപക പരിശീലകനായ മനോജ് കോവിൽവീട് “വായന സർഗ്ഗാത്മകതയുടെ സുഹൃത്ത് ” എന്ന വിഷയത്തിൽ സെമിനാർ അവതരിപ്പിച്ചു.
സ്കൂൾ പ്രഥമാധ്യാപകൻ സജികുമാർ വായനദിന സന്ദേശം നൽകി. പ്രത്യേക അസംബ്ലിയിൽ വച്ച് കുട്ടികൾ വായനദിന പ്രതിജ്ഞയെടുത്തു. കുട്ടികളുടെ പ്രതിനിധി വൈഗ.എം.എസ് പ്രതിജ്ഞ ചൊല്ലിക്കൊടുത്തു.
വൈഗ.എസ്.എച്ച്, പി.എൻ.പണിക്കർ അനുസ്മരണം നടത്തി. വായനാ വാരാചരണത്തോടനുബന്ധിച്ച് ക്വിസ് മത്സരം, പുസ്തക പരിചയം, പുസ്തക ചർച്ച, വായന മത്സരം, ഗ്രന്ഥശാലാ പ്രവർത്തകരെ ആദരിക്കൽ തുടങ്ങി വിവിധങ്ങളായ പ്രവർത്തനങ്ങൾ വിദ്യാലയത്തിൽ നടക്കും. സ്റ്റാഫ് സെകട്ടറി ശ്രീകുമാർ.ജി, സ്കൂൾ ലൈബ്രേറിയൻ സംഗീത, അധ്യാപകർ എന്നിവർ പരിപാടിക്ക് നേതൃത്വം നൽകി.
ടൈറ്റസ് ആറ്റിങ്ങലിന് പുലരി ടി വിയുടെ പുരസ്കാരം
ടൈറ്റസ് ആറ്റിങ്ങലിന് പുലരി ടി വിയുടെ പുരസ്കാരം. ആലപ്പി അഷ്റഫ് സംവിധാനം ചെയ്ത അടിയന്തരാവസ്ഥ കാലത്തെ അനുരാഗം എന്ന ചിത്രത്തിന് കഥ, പാട്ടുകൾ, കോ പ്രൊഡ്യൂസർ എന്നി നിലകളിൽ പ്രവർത്തിച്ചതിനാണ്. പ്രശസ്ത സംവിധായാകൻ ടി എസ് സുരേഷ് ബാബുവാണ് പുരസ്കാരം നൽകിയത്. ഫെഫ്ക സെക്രട്ടറി അജയ് തുണ്ടത്തിൽ പങ്കെടുത്തു.
കൗസല്ല്യ (90) നിര്യാതയായി
ആററിങ്ങൽ പൊയ്കമുക്ക് പാറയടി പുത്തൻ വീട്ടിൽ പരേതനായ വാസുദേവന്റെ ഭാര്യ കൗസല്ല്യ (90) നിര്യാതയായി.
സഞ്ചയനം: 20-6-2026 ശനിയാഴ്ച രാവിലെ 8 മണിക്ക് .-
Recent Comments